🌸🍃Xayrli tong!
Assalomu alaykum!
Aziz qadri baland qadrdonlari
miz!
Barchangizga chorshanba tonggi muborak boʻlsin!

🌸🍃Neki ,orzu -unidlaringiz boʻlsa amalga oshsin!

🌸🍃Omonat dunyoda omon boʻling ,qadrdonlar!


🌸🍃✍Robiya Chaman

DUNYODA HAR NARSA BOʻLARKAN

Gohi gul ochilmay soʻlarkan,
Sinovlardan sabring toʻlarkan.
Tugamaydi sir sinoati,
Dunyoda har narsa boʻlarkan.

Kutganing kutganda yoʻqlamas,
Doʻst otar, dushman yoy oʻqlamas.
Koʻnglingdagi koʻngling toʻqlamas,
Dunyoda har narsa boʻlarkan.

Tirnoqqa zor azoblar totgan,
Kimdir esa bolasin sotgan.
Oqillari gunohga botgan,
Dunyoda har narsa boʻlarkan.

Zoʻrini zorlanib kutdi yer,
Oʻzini hokisor tutdi yer.
Navbati kelganda yutdi yer,
Dunyoda har narsa boʻlarkan.

Tiriksan mish mishga tayyor tur,
Yoz tugamay qishga tayyor tur.
Doʻstim har bir ishga tayyor tur,
Dunyoda har narsa boʻlarkan.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

BAXTING BERSIN XUDO

Bodommiding erta gulin toʻkib ketgan,
Yuragimning choklarini soʻkib ketgan.
Oshigʻingman koʻz yoshiga choʻkib ketgan,
Baxting bersin Xudo endi alvido yor.

Dunyoda yoʻq senday qalam qoshli jonim,
Armon boʻlding ammo bagʻritoshli jonim.
Kelinchaksan ex oʻn yetti yoshli jonim,
Baxting bersin Xudo endi alvido yor.

Musofirda edim bugun toʻying boʻldi,
Bu bechora yuragimga qiyin boʻldi.
Oʻyin boʻldi bizni sevgi oʻyin boʻldi,
Baxting bersin Xudo endi alvido yor.

Andijonda tinglang yor yor jarangini,
Qarang oppoq libosdagi zar rangini.
Sevibmanda ex ustasi farangini,
Baxting bersin Xudo endi alvido yor.

Oshiq edim sochingdagi boʻyingaman,
Shirin ovoz shirin orzu oʻyinga man.
Borolmayman kechir ammo toʻyinga man,
Baxting bersin Xudo endi alvido yor.


Baxting bersin Xudo endi alvido yor.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Yoʻqman har tashvishu, ishlaringda ham,
Kelmay bahor, yoz, kuz, qishlaringda ham.
Yoʻqlamay qoʻyaman tushlaringda ham.
Garov oʻynaymizmi sogʻintirishdan?

Sen deya ursa ham yuragim necha,
Boʻlsa ham devona sevgi oʻzgacha.
Sogʻinmayman debsan, mayli bir kecha,
Garov oʻynaymizmi sogʻintirishdan?

Mendan oldin boʻlar holing parishon,
Avvalroq boʻlasan pushmonga nishon.
Chidab berolmaysan, soʻzimga ishon.
Garov oʻynaymizmi sogʻintirishdan?

Qalbinga hasratning tigʻi botguncha,
Hijron isyon qilib, toshlar otguncha.
Kipriging kaftida ashking qotguncha,
Garov oʻynaymizmi sogʻintirishdan?

Tonasan barini taqdirga yoʻyib,
Yuzing kulgan bilan qalbingni oʻyib.
Kim koʻproq sevishin oʻrtaga qoʻyib,
Garov oʻynaymizmi sogʻintirishdan?

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

U KELIN BOʻLGAN KUNDA

Jabri botdi jongacha,
Dilga dard toʻlgan kunda.
Tamom boʻldim tongacha,
U kelin boʻlgan kunda.

Sevgi sotib, dil sotib,
Ketdi oydayin botib.
Turibman azob totib,
U kelin boʻlgan kunda.

Mish mish qilgan el boʻldi,
Hushim uchma kel boʻldi.
Yomgʻir yogʻdi sel boʻldi,
U kelin boʻlgan kunda.

Jayronginam ovlandi,
Ishongan togʻ yovlandi.
Oq libosda tovlandi,
U kelin boʻlgan kunda.

Alam alam alamey,
Ketdi qoshi qalamey.
Armon endi sanamey,
U kelin boʻlgan kunda.

Boʻlmadi yor oʻzimga,
Koʻnmay bir bor soʻzimga.
Andijon tor koʻzimga,
U kelin boʻlgan kunda.

Yurak ezgan nay edi,
Yurak sezganday edi.
Bahor edi may edi,
U kelin boʻlgan kunda.

Koʻngil qoldi naydanam,
Bahordanam, maydanam.
Sevdim dedim qaydanam,
U kelin boʻlgan kunda.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

#premyera #mp3

🔊 Dilraboxonim G'ofurbekova - Kelib tursam maylimi Ota (audio 2025)

Koʻpchilik muhlislarimiz sheʼrlaringizbu nega faqat erkak xonandalar aytadi ayol xonandalarga ham sheʼr yozing deydi. Kimnidir dardini his qilib yozish ijod tabiy chiqishi albatta mushkul mashaqqat... Lekin ayol xonandalar bilan ham albatta hamkorlik qilamiz. Dilraboxonim Gʻofurbekova va turmush oʻrtogʻi Sardorbek Gʻofurbekov bilan birgalikda tayyorlagan yana bir ijod mahsulimiz siz azizlar uchun.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

OQIBAT YOʻQOLDI PULNI USTIDA

Olov yonarmidi kulni ustida,
Ari ham shirali gulni ustida.
Zamonni holini koʻrib qoʻy doʻstim,
Oqibat yoʻqoldi pulni ustida.

Ishi tushsa yaqin oshna edilar,
Ishim tushsa ishim koʻpdur dedilar.
Ular yuragimni kesib yedilar,
Oqibat yoʻqoldi pulni ustida.

Qarindosh yuz burdi pulim yoʻgʻida,
Doʻst chekkaga surdi pulim yoʻgʻida.
Teskari aylanib dunyo oʻqida,
Oqibat yoʻqoldi pulni ustida.

Masofalar yaqin, diydor boʻldi oz,
Ishlar goh yurishmas va gohida soz.
Hammani oʻynatdi kaftdayin qogʻoz,
Oqibat yoʻqoldi pulni ustida.

Umr oʻtdi tinmay ishladi odam,
Pul uchun odamni tishladi odam.
Yuzkoʻrmas boʻldilar eng soʻngi qadam,
Oqibat yoʻqoldi pulni ustida.

Pullar qoʻlni kiri deysanu joʻra,
Puldor aziz boʻldi gʻaribdan koʻra.
Ishonmasang borib boylardan soʻra,
Oqibat yoʻqoldi pulni ustida.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

YOMON

Koʻrgan meni sogʻ odam demas,
Sening hajring qoʻymaydi omon.
Koʻngil berib yonimda emas,
Yuragimda qolganing yomon.

Ketding jonim begona tomon,
Qora koʻzim qoshlari kamon.
Koʻngil berib yonimda emas,
Yuragimda qolganing yomon.

Yangalar joʻr boʻlib oʻlanga,
Xonadoning toʻlib oʻlanga.
Hijron bilan yoqib alanga,
Yuragimda qolganing yomon.

Endi bizni qiynaydi firoq,
Sen mendan men sendan yiroq.
Hayotimda yoʻqsanu biroq,
Yuragimda qolganing yomon.

Ishq hanjar na qalqon bor na qin,
Zarbasidan koʻzimda chaqin.
Menga juda yaqinsan, yaqin,
Yuragimda qolganing yomon.

Yozlarimni qorisan meni,
Qalbimning ozorisan meni.
Oʻzgasini yorisan meni,
Yuragimda qolganing yomon.

Yetmas boʻlib butun umrga,
Tark etmas boʻlib butun umrga.
Ketmas boʻlib butun umrga,
Yuragimda qolganing yomon.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

УСТОЗИМ ЎЗИНГИЗ.
Манзура опага.

Қўлга қалам тутқазган,
Меҳрибоним устозим.
Партага ҳам ўтқазган,
Жонажоним устозим.

Кўнгли тоза оппоқдир,
Софдиллигим Устозим.
Меҳри дарё қайноқдир,
Ўзингдирсиз Устозим.

Онамдайин меҳрибон,
Бўлган доим устозим.
Сўзларида сеҳри бор,
Кулган доим устозим.

Ҳар қачондан бизлардан,
Кўнгли тўлган устозим.
Ҳамма ўғил қизларни,
Болам деган устозим.

Устозим ўзингдирсиз,
Бу дунёда ягона.
Шоир қилган ўзингдирсиз,
Ёлғизгина ягона.

Барно Ҳаётбахш
30 09 2025 15:22

Устозлар байрами билан барча устозларимни табриклаб қоламан.

ГРУЗ 200... Бу машинани йўлларда кўрган инсон борки юраги бир ларзага келмасдан қўймайди... Аллоҳ барча мусофирларимизни асрасин. Барчаси оиласи бағрига соғ омон ҳурсандчиликда қайтсин. Ушбу шеър бир онаизор номидан...


МУСОФИРДА ЖОН БEРГАН БОЛАМ

Юрагимни куйдирар нолам,
Кўзларимга тор келиб олам..
Тушларимга кирмай қўйдингку,
Мусофирда жон берган болам...

Давоси йўқ дардларим даста,
Соғинчлардан хастаман хаста.
Не ҳоҳладинг сўнги нафасда,
Мусофирда жон берган болам...

Баҳорлари кетмай сўлганим,
Худо билар дардга тўлганим.
Дийдорлари армон бўлганим,
Мусофирда жон берган болам...

Пинхон барча дардим о ютай,
Юрагимни қандоқ совутай.
Болангни нима деб овутай,
Мусофирда жон берган болам...

Ғамсиз ўтсин онингиз дея,
Пулга тўлсин ёнингиз дея.
Қийналмасин жонингиз дея,
Мусофирда жон берган болам...

Жоним туйиб жабринг қучаман,
Сезиб сезиб сабринг қучаман.
Муздеккина қабринг қучаман,
Мусофирда жон берган болам...

Фарзанд доғи қўймас омонда,
Ҳар нафаснинг ҳажри ёмонда.
Икки кўзинг ватан томонда,
Мусофирда жон берган болам...

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Hurmatli ijodim muhlislari. Men yangi soxada ham ish boshlaganman. Mahalla yettiligi tizimida yoshlar yetakchisi boʻlib Mustahkam mahallasida faoliyat boshladim. Ushbu ish jarayonim uchun alohida kanal ochganman. Ushbu kanalga ulanib meni qoʻllab quvvatlab tursangiz mamnun boʻlaman!.

https://t.me/mustahkam_yoshlar
https://t.me/mustahkam_yoshlar
https://t.me/mustahkam_yoshlar

(Ҳазил шеър)


Эрта тонгдан то шомгача,
Ҳар куни ўзи ҳолимгача,
Чопиб -чопиб ишлар қилдим,
Рўзғор ишин соғинибманда!

Нафақага чиқиб ОЛДИМ,
Уй бекаси бўлиб қолдим,!

Маза эди-я мактаб бориш,
Тоза кийим бошда юриша!
Белдан тушмас энди фартук,
Эсга келмас, ,,пудраʼ: суртиш!

Нафақага чиқиб ОЛДИМ,
Уй бекаси бўлиб қолдим!

Ишларига ёрдам бериб,
Жонларига аро кириб!
Келинларим жуда хурсанд ,
Ўзларига хўп аро бериб!

Нафақага чиқиб ОЛДИМ,
Уй бекаси бўлиб қолдим!

Неваралар йиғлар кунда,
Ухлашади ,фақат тунда!
Рўзғорда иш кўпмиди-я,
Келинлар-чи,тинмас .сира!

Нафақага чиқиб ОЛДИМ,
Уй бекаси бўлиб қолдим!



✍🌸🍃Робия Чаман

YURAGIMNI TOʻLDIRGAN ONAM

Men deb bedor uyqusi qochib,
Yoʻlim kutib oʻtirgan donam.
Kelsam shoshib darvoza ochib,
Yuragimni toʻldirgan onam.

Qalbi oppoq qorligi bilan,
Doim minnatdorligi bilan.
Bu dunyoda borligi bilan,
Yuragimni toʻldirgan onam.

Boqsam doyim qoʻli duoda,
Ado boʻlmas mehri ziyoda.
Koʻnglim yarim qilgan dunyoda,
Yuragimni toʻldirgan onam.

Pinxon koʻz yosh toʻkkan onimda,
Oʻz oʻzimni soʻkkan onimda.
Gʻamlarimga choʻkkan onimda,
Yuragimni toʻldirgan onam.

Tashlarim soʻldirgan onam,
Boʻlmas ishni boʻldirgan onam.
Omon boʻling baxtim doim,
Yuragimni toʻldirgan onam.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Seni izlayotib jonim uzildi...

Koʻnglim azob totib, umrim tuzildi.
Borliqqa ishq botib, hilol suzildi.
Senga nima boʻldi xabarim yoʻgʻu,
Seni izlayotib jonim uzildi.

Yerdan topolmadim, oydamisan yor,
Men yetib borolmas joydamisan yor.
Oʻlimim naqt qilgan qoydamisan yor,
Seni izlayotib jonim uzildi.

Yurak yigʻlar, toʻlmas koʻz namga lekin,
Kulaman oʻxshaydi baxt kamga lekin.
Singib ketgandeksan tanamga lekin,
Seni izlayotib jonim uzildi.

Kitobi yopilmas muhabbatimsan,
Chinordek chopilmas muhabbatimsan.
Sen meni topilmas muhabbatimsan,
Seni izlayotib jonim uzildi.

Seni sogʻinchingdan xastaman xasta,
Oromim kishanda, baxtim qafasda.
Ismingni pichirlab soʻngi nafasda,
Seni izlayotib jonim uzildi.

Jasadim koʻzdagi yoshing oʻchirsin,
Topsalar yoninga qabrim koʻchirsin.
Gunoxkorman meni Xudo kechirsin,
Seni izlayotib jonim uzildi.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

БОШИНИ ЭГМАЙДИ ЭРКАКНИ ШEРИ

Дунёни талашма Худони ери,
Устуни йўқ пайдо бўлгандан бери.
Бошингни баланд тут эгилма сира,
Бошини эгмайди эркакни шери.

Кимдир дунёни тарк этди букилиб,
Маддоҳликда ўзиб кетди букилиб.
Худодан бошқага етти букилиб,
Бошини эгмайди эркакни шери.

Шерга қарши чиққан шақол адашар,
Номардни ит, мардни арслон аташар.
Отаси арслонлар шер бўлиб яшар,
Бошини эгмайди эркакни шери.

Чанқоқдан ўлгудек бўлса ҳам агар,
Ит ичган сувдан шер қилади ҳазар.
Бировни ҳаққига ташламас назар,
Бошини эгмайди эркакни шери.

Нафсин босар тутмай дунё тотига,
Камтар минар Худо берган отига.
Дунёда эркагу аёл зотига,
Бошини эгмайди эркакни шери.

Йўқчиликда тишин босиб тишига,
Барака сўрайди қилар ишига.
Бош эгиш ярашмас эркак кишига,
Бошини эгмайди эркакни шери.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

UNING TOʻY KECHASIDA

Mingta oʻy kechasida,
Koʻnglim qoʻy kechasida.
Doʻst boʻldim boʻsh xonaga,
Uning toʻy kechasida.

Bevafoni suydimay,
Kuydirdiyey kuydimay.
Qancha azob tuydimay,
Uning toʻy kechasida.

Yopinib oq matoni,
Qildi oʻsha xatoni.
Koʻp esladim Xudoni,
Uning toʻy kechasida.

Qoʻlin osib boʻyniga,
Kirdi oʻzga qoʻyniga.
Yutqazdim ishq oʻyniga,
Uning toʻy kechasida.

Azob totib astaman,
Oʻldim har nafasdaman.
U baxtli man xastaman,
Uning toʻy kechasida.

Baxt tilab soʻzim dedim,
Baxti yoʻq oʻzim edim.
Oʻzim oʻzimni yedim,
Uning toʻy kechasida.

Toshmadigu toʻldik biz,
Jon chiqmayin oʻldik biz.
Begonalar boʻldik biz,
Uning toʻy kechasida.
Nima boʻlsak boʻldik biz.

Turibman koʻchasida,
Qoldim dard nechasida.
Oshno boʻldim alamga,
Uning toʻy kechasida.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

ЯХШИСИЗ ОНАМ

Ҳаётимни нақшисиз онам,
Умри менга бахшисиз онам.
Дунёда йўқ сиз каби одам,
Сиз ҳаммадан яхшисиз онам.

Баҳоримсиз дунёда борим,
Дуолари мени мадорим.
Меҳри ҳамма дардимга дорим,
Сиз ҳаммадан яхшисиз онам.

Болам дер йил тўртта фаслида,
Юраксиз йўқ Ҳаво наслида.
Ҳамма она яхши аслида,
Ҳаммасидан яхшисиз онам.

Уйим файзи, нури кўзимни,
Эгаси илк айтган сўзимни.
Чиройлигим онам ўзимни,
Сиз ҳаммадан яхшисиз онам.

Сизга ўғил бўлганим фаҳир,
Бўлмасангиз ҳаётим таҳир.
Фариштадан аълосиз аҳир,
Сиз ҳаммадан яхшисиз онам.

Сўзлашлари қантдайин онам,
Сиз деб жондан қайтайин онам.
Қайта қайта айтайин онам,
Сиз ҳаммадан яхшисиз онам.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟