2 subscribers
151 photos
62 videos
2 files
16 links
_islomiy suratlar
_islomiy savol javoblar
_islomiy ma'lumotlar
Download Telegram
БОЛА ТУҒИЛГАНДА ҚИЛИНАДИГАН АМАЛЛАР ВА ЎҚИЛАДИГАН ДУОЛАР

– Бола туғилганда нима қилинади?
– Ушбу дуо ўқилади:
«Аллоҳумма ажаълҳу каббарон ва инбитҳу фил ислам набатан ҳасанан».
«Ё Рабб, ушбу болани солиҳ қилгин ва ҳам яхши ўсмоқ бирла Ислом динида ўстиргин».
Ундан сўнг боланинг ўнг қулоғига азон, чап қулоғига иқомат айтилади, ундан сўнг хурмо билан ё бирор ширин нарсанинг таъми билан бола озиқлантирилади. Бола туққандан сўнг она ҳаммадан илгари хурмо еса, яхши бўлади. Еттинчи куни болага бирор яхши исм қўйилади. Сочини олиб, сочи вазнича олтин ёки кумуш садақа қилинади ва ушбу кунда ўғил бола бўлса, икки қўй, қиз бола бўлса, бир қўй ақиқа қилинади.

– Болани ким эмизади?
– Албатта онаси эмизади, болага онасининг сути ниҳоятда фойдалидир. Бошқа хотин эмизса ҳам, дуруст бўлади, лекин тани сиҳат, хушхулқли ва хуштабиат хотин бўлиши лозим. Чунки сут берган хотиннинг хулқи ва табиати эмган болага таъсир қилади.

– Бола неча ёшгача эмизилади?
– Икки ёшга тўлгунча эмизилади.

– Қайси вақтда хатна қилинади?
– Етти кундан бошлаб етти ёшгача қайси вақтда хатна қилса бўлаверади. Ундан кейин қилса ҳам бўлади.
"САДАҚА ҚИЛИШНИНГ БИР НЕЧА ТУРЛАРИ"

✔️ Курсилар сотиб олиб масжидларга ҳадя қилинг.
Намозхонлар ўтириб намоз ўқишса сизга ажри боради ин шаа Аллоҳ..

✔️ Хонангиз дарчасига қушлар учун озгина сув ёки ушоқларни сепиб қўйинг. Буни ўзингизга одат қилиб олинг..

✔️ Эскириб қолган кийимларингиз (кўйлак, шим, пайпоқ) бўлса, агар қодир бўлсангиз янгисини сотиб олиб ишчиларга тарқаинг..

✔️ Хонангизга кичкинароқ сандиқча қўйиб қўйинг. Ҳар сафар гуноҳ иш қилганингизда 1000 сўмдан солиб туринг. Бир ойдан сўнг сандиқча ичидаги пулларни олиб садақа қилиб юборинг. Ҳар ойда шундай қилишга одатланинг..

✔️ Уйга кирганда ва уйдан чиққанда ўқиладиган дуоларни ёзиб, иморат эшигига осиб қўйинг. Ҳар ким кирганда ва чиққанда ўқиса ажри сизга ҳам боради..

✔️ Маошингиздан бир қисмини етимларни таъминлаш учун олиб қўйинг..

✔️ Агар уйингизни олдида ишчилар ишлаётган бўлса, уларга муздек сув ва шарбат тақдим этинг. Бу ишингиз сиздан на вақт, на пул ва на меҳнат талаб қилади..

✔️ Бензин олишга кирдингиз. Сизга қайтимини қайтаришаётган маҳал у ишчидан аввал сўранг, агарда мусулмон бўлса, қайтимини унга қолдириб "садақам бўлсин" деб айтинг. Агарда мусулмон бўлмаса, қайтимини унда қолдириб, динингизни унга чиройли тарзда кўрсатинг..

✔️ Масжидлардан бирига мусҳафни олиб бориб қўйинг. Ҳар сафар ўқишганларида сизга ажри бораверади. Қуръондаги ҳар битта харф учун ўнта ҳасанот ёзилади. Энди ундан келаётган ажрларни тасаввур қилаверинг..

✔️ Агарда сув идишингизда озгина бўлса ҳам сув қолган бўлса, олдингиздан чиққан ўсимликни суғориб, вафот этганлар руҳига бағишланг..

✔️ Мусулмоннинг қалбига хурсандчилик бағишланг. Айниқса ғамга ботганларнинг дилини хушнуд этинг..

✔️ Ўтган кетганга табассум қилинг, ўтирганларга салом беринг. Чунки биргина ширин сўзнинг ўзи бир дунё садақадир..

✔️ Бу мақолани бошқалар билан улашинг. Эҳтимол кимдир бундан фойдаланса, сиз ҳам савобга қоласиз.

✔️Субҳаналлоҳ валҳамду лиллаҳ, ва лаа илаҳа иллаллоҳ валлоҳу акбар.. Субҳаналлоҳил азийм..
⭐⭐⭐
🤲Аллоҳим, бу ишим мени хаққимга ва ота онамнинг хаққиларига садақам бўлсин, ҳамда буни бошқалар билан улашганларга ва уларнинг ота оналари хаққиларига ҳам садақалари бўлсин..
НАБАВИЙ ТАБОБАТДАН ТАВСИЯЛАР

(Инсон доим соглом булиши учун куйидагиларни едда тутмоги лозим.)

👉 Поклик имондандир;
👉 Аллоҳ ҳар бир дарднинг давосини яратиб қўйган;
👉 Доим тоза, покиза овқатлар енг;
👉 Ҳаромда шифо йўқ;
👉 Овқатдан олдин, кейин қўлларни ювинг;
👉 Асал еб туринг, чунки у минг дардга даво;
👉 Қон олдириш – шифо;
👉 Қора седана – ўлимдан бошқа ҳар қандай дардга даво;
👉 Беҳи ейиш юрак хасталигини кетказади;
👉 Сигир сути шифо, ёғи даво, гўшти эса касалликдир;
👉 Сигир сутини кўпроқ истеъмол қилинг, чунки у турли доривор гиёҳларни териб ейди;
👉 Кўз тегишига, сеҳрга қарши шаръий дам солинади;
👉 Таомни жуда иссиқ ёки жуда совуқ ҳолда еманг. Унда барака ҳам, шифо ҳам бўлмайди;
👉 Овқатни яхшилаб чайнаб, шошилмасдан енг;
👉 Сувни бирдан симирмасдан, ҳўплаб-ҳўплаб ичинг. Акс ҳолда жигар хасталигини келтириб чиқаради;
👉 Қоринни ҳаддан ташқари тўйғазиб юборманг, кўп еманг;
👉 Овқатланиш пайтида кўп сув ичманг;
👉 Қишда кўпроқ ёғли, кучли таомлар, ёзда эса енгилроқ овқатлар, сабзавот-кўкатлар енг;
👉 Агар сут ичсангиз, сув билан оғзингизни чайинг, чунки сутда ёғ бор;
👉 Таом билан ичимлик ўтириб тановул қилинади;
👉 Чарчаган вақтингизда ширинлик истеъмол қилинг;
👉 Синиқ косада овқат еманг, сув ҳам ичманг;
👉 Сут маҳсулотлари билан балиқ аралаштирилмайди, чунки улар қўшилса, қонни бузиши мумкин;
👉 Дастурхонингиздан хурмо аримасин;
👉 Овқатланаётган пайтда яхши кайфиятда бўлинг;
👉 Ёлғиз овқатланманг;
👉 Овқатдан кейин дуо қилинг, Аллоҳга ҳамду санолар айтинг.
🛌Уйқунинг 12 хил тури бор:

1. Суннат уйқу. Офтоб кўтарилиб то пешин намозигача бўладиган оралиқдаги бу уйқу "қайлула" дейилади. У ақлни кўпайтиради.

2. Бидъат уйқу. Пешин намози вақтидаги уйқу.

3. Телбаликка сабаб бўладиган уйқу. Аср намозидан кейинги уйқу девоналик, паришонхотирлик ва телбаликка сабаб бўлади.

4. Уқубатга сабаб бўладиган уйқу. Киши хуфтон намозини ўқимасдан ухласа, бу дунёда ҳам, охиратда ҳам азоб-уқубатга қолади.

5. Одатий уйқу. Хуфтон намозидан кейинги одатий уйқу.

6. Надоматга сабаб бўладиган уйқу. Тонготар вақтида ухлаш. Шунингдек, илмий мажлис бўлаётган вақтида ухлаш ҳам надоматга сабаб бўлади.

7. Ғафлат уйқу. Тонг отаётганида ухлаб ётиш. Расулуллоҳ (соллаллоҳу алайҳи ва саллам) қизлари Фотимага (розийаллоҳу анҳо): "Тонгда ухлаб ётмагин, чунки бу вақтда уч нарса: яхшилик, одоб ва барака тақсимланади", дедилар. Ким тонг отаётганида ухлаб ётса, шу уч нарсадан қуруқ қолади.

8. Фақирликка сабаб бўладиган уйқу. Бомдоддан кейин кун чиққунча ухлаб ётиш камбағалликка, девоналикка, қарздорликка сабаб бўлади.

9. Ғаромат (зиён) уйқу. Кишининг ибодатдан сўнг дуода, санода, салавотда, қироатда кўзи кетиб қолса, ғаромат уйқу саналади.

10. Роҳат уйқу. Касал ва гўдакларнинг уйқуси. Улар қанча кўп ухласа, фойда ва роҳат олишади.

11. Ибодат уйқу. Олимлар, обидлар ва рўзадорларнинг уйқуси. Киши хуфтон намозидан сўнг таҳоратли ухласа, фаришталар ҳимоясида бўлади.

12. Каромат уйқу. Тунда намоз ўқиб туриб, чарчаб саждада ухлаб қолиш".

Масъуд ибн Маҳмуд ибн Юсуф ас-Самарқандий "Салоти Масъудий"
🍀🍀🍀🏵🏵🏵🍀🍀🍀
🤲 Дуо қилинса ижобати тезроқ бўладиган вақтлар:

1) Азон айтилган вақтда.
2) Қуръон ўқилган вақтда.
3) Каъабани кўрган вақтда.
4) Ёмғир ёғаётганда.
5) Душманга йўлиққанда.
6) Зулм кўрганда.
7) Дуони бардавом ва ихлос ила қилинганда.
8) Фарз намозини тугатганда.
9) Дуо вақтида Аллоҳнинг номларини қўшишликда.
10) Пайшанбадан Жумага ўтар кечаси ва Жума кунида.
11) Ражаб ойининг биринчи кечаси.
12) Шаъбон ойининг 15 - кечаси.
13) Арафа кунида.
14) Рамазоннинг кеча ва кундузида.
15) Ифтор вақтида.
Расулуллоҳ саллаллоҳу алайҳи васаллам: “Мисвок оғизни покловчи ва Роббни рози қилувчидир”, деб айтдилар. Имом Аҳмад ривояти.

Мисвокнинг фойдаларидан:

1. Оғизни хушбўй қилади.
2. Милкни мустаҳкам қилади.
3. Балғамни кесади.
4. Кўзни равшанлаштиради.
5. Тишдаги касалликни кетказади.
6. Ошқозонни соғломлаштиради.
7. Овозни софлайди.
8. Ҳазм жараёнига ёрдам беради.
9. Уйқуни ҳайдайди.
10. Ўқиш учун фаоллаштиради.
11. Намозга фаоллаштиради.
12. Зикрга фаоллаштиради.
13. Роббни рози қилади.
14. Фаришталарни лол қолдиради.
15. Яхшиликларни кўпайтиради.
НАМОЗ ВАҚТЛАРИ

Намозни ўз вақтида ўқиш фарз ва лозимдир. Вақти кирмасдан ўқилган намозлар ҳисобга ўтмайди. Вақтида ўқишга улгурилмаган намозларнинг қазоси ўқилади.

Алий розияллоҳу анҳудан ривоят қилинади:

«Набий соллаллоҳу алайҳи васаллам у кишига: «Эй Алий, уч нарсани ортга сурмагин. Намозни вақти кирганда, жанозани ҳозир бўлганда ва эрсиз аёл тенгини топганда», дедилар»

Имом Термизий ривоят қилган.

Ибн Умар розияллоҳу анҳудан ривоят қилинади:

«Набий соллаллоҳу алайҳи васаллам: «Намознинг аввалги вақти Аллоҳнинг розилигидир. Охирги вақти Аллоҳнинг афвидир», дедилар»

Имом Термизий ривоят қилган.

Аллоҳ таоло фарз қилган намозларнинг ўқиш вақти қуйидаги пайтларда бўлади:

1. Бомдод намозининг вақти – субҳи содиқдан (чин тонг отгандан) кун чиққунчадир.

2. Пешин намозининг вақти – қуёш заволга (оғишга) кетганидан сўнг то нарсаларнинг сояси қуёш тиккага келган пайтдаги соясидан ташқари ўз узунлигига нисбатан икки баравар ортгунига қадар.

3. Аср намозининг вақти – ҳар бир нарсанинг сояси қуёш тиккага келган пайтдаги соясидан ташқари ўзига нисбатан икки баравар ортганидан бошлаб қуёш ботгунчадир.

4. Шом намозининг вақти – кун ботган пайтдан бошлаб кунботар томонда шафақ (қизғиш нурлар) ғойиб бўлгунчадир.

5. Хуфтон намозининг вақти – шафақ батамом йўқолгандан кейин киради.

Витр намози вақти эса хуфтон ўқилгандан кейингина киради. Хуфтон ва витр намозларини субҳи содиққача ўқиса бўлади.

Бомдод намозини тонг ёришганда ўқиш мустаҳаб, аълороқдир. Соат бўйича ҳисобланса, бомдодни кун чиқишидан 40 дақиқача илгари ўқиш мустаҳаб вақтига мувофиқ бўлади.

Пешин намозини ёз фаслида бироз кечиктириб, қиш фаслида эса вақти кириши билан ўқиш мустаҳабдир.

Аср намозини қуёш тиғини ўзгартирмай, нурсиз ҳолатга киришидан олдинроқ ўқиш мустаҳабдир.

Шом намозини доимо қуёш ботиши билан ўқиш мустаҳабдир.

Хуфтон намозини кечанинг учдан бирининг охирида ўқиш афзал ва ниҳоятда аъло бўлади. Витр намозини эса тун охирида уйғонишга қодир бўлган кишилар субҳ олдидан ўқисалар, мустаҳаб амал қилган бўлишади.

Ҳаво булутли кунларда аср ва хуфтон намозларини аввалги вақтларида ўқиш ҳамда бомдод, пешин, шом намозларини эса (вақти киргани маълум бўлмаса) бироз кечиктириб ўқиш мақсадга мувофиқдир.

Қуйидаги вақтларда намоз ўқиш, тиловат саждаси қилиш, жаноза намози ўқиш жоиз эмас (мумкин эмас):

– кун чиқаётган пайтда;

– кун қиём (тикка)га келганида;

– кун ботиш чоғида;

Бу пайтларда намоз ўқиш, Қуръони Каримдан сажда ояти ўқилганда сажда қилиш, жаноза намозини шу вақтга тўғрилаб ўқиш мумкин эмас. Аммо шу кунги аср намози кун ботаётган бўлса ҳам адо этилаверади.

Ибн Аббос розияллоҳу анҳудан ривоят қилинади:

«Менга энг рози бўлинган кишилар гувоҳлик бердилар. Уларнинг ичида энг рози бўлингани Умардир. «Албатта, Набий соллаллоҳу алайҳи васаллам бомдод намозидан кейин то қуёш чиққунча ва асрдан кейин (қуёш) ботгунча намоз ўқишдан қайтарганлар», деди»

Имом Бухорий, Муслим, Абу Довуд, Термизий ва Насоий ривоят қилишган.

Нафл (ихтиёрий) намозларни имом хутба ўқиш учун минбарга чиққанида, субҳи содиқдан кун чиққунича, асрни ўқиган киши шом намозини ўқигунча адо этиши макруҳдир, яъни жоиз эмас.

✿°•┈┈┈••ৡ❀ৡ•┈┈┈•°✿


✅ Албатта яқинларингизга ҳам юборинг
Ё Робб, бизни ҳисоб беришга мажолимиз йўқ...

Расулуллоҳ соллаллоҳу алайҳи ва саллам айтадилар: "Умматимдан етмиш минг киши ҳисоб қилинмасдан жаннатга кириши берилдим. Уларнинг юзлари бадр (ой тўлган) кечадаги ойдек ва қалблари бир одамнинг қалбидек бўлади. Мен Раббим азза ва жалладан яна қўшишини сўрадим. У менга ҳар бирлари билан етмиш мингта қўшиб берди".

Бу ҳадиси шарифни имом Аҳмад "Муснад"ларида ривоят қилганлар. Мен ҳисоблагични олиб етмиш мингни етмиш мингга кўпайтирдим. 4900000000 (тўрт миллиард тўққиз юз миллион) чиқди.

Эй карами кенг Зот, расулинг соллаллоҳу алайҳи ва салламнинг бир сўровларига етмиш минг баробар қўшиб бердинг. Биз ҳам ўзимизнинг ҳолимиздан келиб чиқиб ўтинамиз, бизни ўша тўрт миллард тўққиз юз миллиондан биттаси қилгин!

Ё Робб, бизни ҳисоб беришга мажолимиз йўқ...😢😢

📌Мубашшир АҲМАД
Нега жаханнам ахлининг аксарияти аёллар булади биласизми чунки.


❗️"90"% аёл киши «қош териш» ҳаром эканлигини ва шу қаторда маълун бўлишларини билсаларда қошларини тераверадилар...

❗️"90"% аёл киши уйидан ташқарига «атр упалар»ни сепиб чиқишлари ҳаром эканлигини ва шу қаторда ҳар қандай эркак киши уни ҳидласа зинокор бўлиб қолишларини билсаларда, «атр упалар»га бурканиб юраверадилар..

❗️"90"% аёл киши кўча кўйда «очиқ-сочиқ» кийиниб юришлари билан лаънатга гирифтор бўлишларини билсаларда, ўзларига «оро» бериб юраверадилар. Ва шу қаторда Аллоҳ таолони рози қилдирадиган «ҳижоб» кийимларини кийишдан «ор» қиладилар.

❗️"90"% аёл киши бошлари «туянинг ўркачи»га ўхшаб қолганини ва шу қаторда Аллоҳ таолонинг «лаънатига» гирифтор бўлишларини билсаларда, бошларини «ўркачга» ўхшатиб юраверадилар.
Энди билдингизми, нима учун дўзах аҳлининг аксарияти аёл кишилардан ташкил топганини??
Бу гапларим билан дилингизга озор берган бўлсам, мени кечиринг муслимам. Аммо бу ҳақиқат...!

Аллоҳим, барча ҳидоят этган бандаларинг қаторида мусулмон аёлларини ҳам «ҳидоят» қилиб холатларини «ислоҳ» қилгин ва «динда», «тақвода» ва «иффатда» собитқадам этгин. 🤲
Солиҳлардан бири қуйидагича:
" Аллоҳим, ризқимда барака бер", деб дуо қилар эди. Шунда бир киши: "Нима учун Аллоҳим, менга ризқ бер ", деб айтмайсиз деди.

Шунда у киши: "Аллоҳ таоло тирик жонзотнинг барча турига ризқ кафолатини берган. Лекин мен ўша ато қилган ризқнинг баракасини сўрайман.
Барака Аллоҳ аскарларидан бири бўлиб, уни хоҳлаганига жўнатади. Агар ўша барака молга тушса, у кўпайиб кетади. Агар фарзандга тушса, солиҳ бўлади. Тана аъзоларига тушса, кучайтириб юборади. Қалбга тушса, бахтиёр қилиб юборади", деди.

Аллоҳим! Бизга ато қилган барча нарсада баракангни ёғдир.
Аллоҳ таоло Мусулмон Умматини бешта нарса билан икром қилган:

1) Кибрланмаслик учун уларни заиф қилиб яратди.
2) Овқат, ичимлик ва кийимга бемалол бўлсин, деб уларни кичкина қилди.
3) Гуноҳлари кам бўлсин учун умрларини қисқа қилди.
4) Ҳисоб-китоблари Қиёматда осон бўлсин учун уларни камбағал қилиб яратди.
5) Қабрларида камроқ ётсин, деб уларни охиргилардан қилди.
​​​​Дуода борини сўрайверинг...

Мусо алайҳиссалом дуо қилганларида бирданига кўп нарсаларни сўрадилар.

قَالَ رَبِّ اشْرَحْ لِي صَدْرِي

25. У: «Эй Роббим, менинг қалбимни кенг қил..

وَيَسِّرْ لِي أَمْرِي

26. Менинг ишимни осон қил..

وَاحْلُلْ عُقْدَةً مِنْ لِسَانِي

27. Тилимдаги тугунни ечгин..

يَفْقَهُوا قَوْلِي

28. Сўзимни англасинлар..

وَاجْعَلْ لِي وَزِيرًا مِنْ أَهْلِي

29. Менга ўз аҳлимдан бир вазир қилиб бер..

هَارُونَ أَخِي

30. Оғам Ҳорунни..

اشْدُدْ بِهِ أَزْرِي

31. У билан белимни қувватла..

وَأَشْرِكْهُ فِي أَمْرِي

32. Уни ишимга шерик айла..



Кейин Мусо алайҳиссалом бу сўровлардан мақсад нималигини баён қилдилар.

كَيْ نُسَبِّحَكَ كَثِيرًا

33. Сенга кўп тасбиҳ айтишимиз учун..

وَنَذْكُرَكَ كَثِيرًا

34. Ва Сени кўп зикр қилишимиз учун..


Натижа нима бўлди?

Натижа дуоларнинг барчаси бирданига ижобат бўлди.

قَالَ قَدْ أُوتِيتَ سُؤْلَكَ يَا مُوسَىٰ

36. У зот: «Эй Мусо, сенга сўраганинг берилди», деди.


🌹Хулоса:

Демак юқорида ўтган оятлардан қуйидаги қисқа хулосаларни олишимиз мумкин.

°Сўрашда чегара йўқлиги;
°Керакли нарсаларни сўраш;
°Сўралаётган нарсалар зикр, тасбеҳ ва ибодатга кўмакчи бўлиши кераклиги;

Аллоҳ хоҳласа барча дуоларни бир лаҳзада ижобат қилиши ва ҳоказолар
​​☝️#ТОНГИ_ДУО🤲

Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам: «Ким эрталаб ёки кечқурун:

سُبْحَانَ اللهِ وَبِحَمْدِهِ

«Субҳаналлоҳи ва биҳамдиҳи», (Аллоҳга ҳамд айтиш билан Уни айбу нуқсонлардан поклаб ёд этаман), деб юз марта айтса, қиёмат куни бирор киши ундан афзал бўлмайди. Фақат ана шу киши айтганидек ёки ундан ошириб айтсагина, бўлиши мумкин», дедилар.

👤Имом Муслим ривоятлари.

✍Абу Довуднинг ривоятларида:

سُبْحَانَ اللهِ العَظِيمِ وَبِحَمْدِهِ

«Субҳаналлоҳил ъазийм ва биҳамдиҳи», деб келган.

Расулуллоҳ соллаллоҳу алайҳи васаллам қизларининг биридан ривоят қилинади. У зот қизларига тонг отганида:

سُبْحَانَ اللهِ وَبِحَمْدِهِ لاَ قُوَّةَ إِلاَّ بِاللهِ مَا شَاءَ اللهُ كَانَ وَمَا لَمْ يَشَأْ لَمْ يَكُنْ، أَعْلَمُ أَنَّ اللهَ عَلَى كُلِّ شَيْءٍ قَدِيرٌ، وَأَنَّ اللهَ أَحَاطَ بِكُلِّ شَيْءٍ عِلْمًا

«Субҳаналлоҳи ва биҳамдиҳи, ла қуввата илла биллаҳи маша
аллоҳу кана ва ма лам йаша лам йакун. Аъламу анналлоҳа ъала кулли шайин қодийр. Ва анналлоҳа қод аҳато бикулли шайин ъилма», деб айтишни ўргатар эдилар. Чунки бу калималарни тонг отганида айтган киши кеч киргунича муҳофаза қилинади. Кеч кирганида айтса, тонг отгунича муҳофаза этилади.
(Маъноси: Аллоҳга ҳамд айтиш билан Уни поклаб ёд этаман. Аллоҳдан бошқада қувват йўқ. Аллоҳ хоҳлаган нарса бўлади. Хоҳламаган нарса бўлмайди. Биламанки, Аллоҳ ҳар бир нарсага қодирдир. Ва, албатта, Аллоҳ ҳар бир нарсани илми билан иҳота қилгандир.)

✍Абу Довуд ривоятлари.
1000 сўмлик пулни эҳсон қилсак роса кўпга ўхшайди-ю, бозорда жуда камдек туюлади…

▪️Бир соатлик Аллоҳнинг зикри жуда узоқ чўзилганга ўхшайди-ю, телевизор олдидаги бир соат сезилмай ўтиб кетади …

▪️Дуо қилаётганда керакли сўзларни тополмай қийналамиз-у, оғайни-улфатлар билан гаплашганда сўзга чечан бўпкетамиз…

▪️Футболда қўшимча вақт камроқ берилса, жаҳлимиз чиқади-ю, Жума хутбаси озгина чўзилса, шикоят қиламиз…

▪️Қуръоннинг бир порасини ўқиш роса қийин бўлади-ю, бирорта романнинг 100 бетини бир нафасда ўқиб чиқамиз…

▪️Концерт залларида одамлар биринчи қаторлардан жой олишга уринишади-ю, масжидда охирги сафга қочишади…

▪️Қуръоннинг бир оятини ёдлаш роса мушкул бўлади-ю, бекорчи миш-мишларни оқизмай-томизмай тарқатиб юрамиз…

▪️Олди-қочди газеталарда ёзилган нарсаларга ишонамиз-да, Аллоҳнинг каломи оятларига ишонишимиз қийин кечади…

▪️Кўпчилик ҳеч нима қилмай, ҳеч нарсага ишонмай, Жаннатга кириш истагида бўлади...
☝️ Сиқилма! Хафалик ибодатдан заифлаштириб, илмдан қолдиради, тушкунликка олиб боради, ёмон гумонга чорлайди ва умидсизликка йўлиқтиради.

☝️Сиқилма! Хафалик ва безовталик руҳий дардларнинг асоси, асаб орқали келадиган касалликларнинг манбаи ҳамда парокандалик, васваса ва изтиробнинг моддасидир.

☝️Сиқилма! Ахир сенда Қуръон, зикр, дуо, намоз, садақа, яхшилик, келгусида самара берувчи манфаатли ишлар бор-ку?

☝️Сиқилма! Бекорчиликдан диққинафас бўлма! Намоз ўқи, тасбеҳ айт, китоб ўқи, ёз, ишла, меҳмон кут, зиёрат қил ва фикр юрит!