🔖ኢብኑ ረጀብ አላህ ይዘንለትና እንዲህ ብሏል።

ቀልብ ቀጥ አለች (ተስተካከለች) የሚባለው፦
①) በአላህ ውዴታ የተሞላች ስትሆን
②) አላህን መታዘዝ ስትወድና
③) አላህን ማመፅ ስትጠላ ነው።

【جامع العلوم والحكم】

t.me/https_Asselfya

🌸 በቅርብ ርቀት ላይ ጠብቁ!

~

🔖ባልን መታዘዝና የእሱን መብት ማሟላት ወላጆችን ከመታዘዝና
መብታቸውን ከማሟላት ይቀድማል።
ለዚህ ሲባል ስለ አንዲት ሴት፣ ባልና የታመመች እናት ስላላት ሴት ኢማሙ
አህመድ እንድህ አሉ፤ “ባሏን መታዘዝ ከእናቷ ይበልጥ ግዴታይሆንባታል።”

~የባልን ሀቅ መወጣት የአላህን ትእዛዝ የመወጣት መንገድ ነው።
የአላህ መልእክተኛ እንድህ አሉ፤ “ነፍሴ በእጁ በሆነው ጌታ እምላለሁ፦
አንዲት ሴት የባሏን ሀቅ እስካልተወጣች ድረስ የጌታዋን ሀቅ አልተወጣችም። በግመል (ኮርቻ) ላይ ሆና እንኳን ነፍሷን ቢፈልጋት አትከልክለው።”ኢብኑ ማጂህ ዘግበውታል፤አልባኒም ሶሒሕ ብለውታል።
የባልን ሀቅ መወጣት የጀነት መግቢያ ምክንያት ነው።
የአላህ መልእክተኛ  እንዲህ ብለዋል፤ “አንዲት ሴት አምስቶቿን
ከሰገደች ፣ ወሯን ከጾመች፣ ብልቷን ከጠበቀች፣ ባሏን ከታዘዘች፣
በፈለግሽው በር ወደ ጀነት ግቢ! ትባላለች።

”አህመድ ዘግበውታል፤

خطبة الجمعة

በአሏህ ወልዮች እና በሽይጧን ወልዮች መካከል ያለው ልዩነት

للشیخ العلامة محمد بن عبدالله الإمام

☀️ የአያሙል ቢድ (የነጫጭ ቀናት) ጾም ማስታወሻ!

የአላህ መልክተኛ ﷺ በየወሩ 13፣ 14 እና 15ኛ ቀናትን እንድንጾም ይመክሩን ነበር። የዚህ ወር የአያሙል ቢድ ጾም ነገ ይጀመራል፤ የቻለ ይፁም፣ ያልቻለ ደግሞ ሌሎችን በማስታወስ የአጅሩ ተካፋይ ይሁን!
⇛ አያሙል ቢድ — ቅዳሜ (13)
⇛ አያሙል ቢድ — እሁድ(14)
⇛ አያሙል ቢድ — ሰኞ (15)

🔸 قال ﷺ: «إذا صمت من الشهر ثلاثًا، فصم ثلاث عَشْرَةَ، وأربع عَشْرَةَ، وخمس عَشْرَةَ.»


t.me/SleSlkachin

﴿فَوَرَبِّكَ لَنَسْأَلَنَّهُمْ أَجْمَعِينَ ۝ عَمَّا كَانُوا يَعْمَلُونَ﴾

ይህ የቁርኣን አንቀጽ ትርጉም በልብ ውስጥ በትክክል ቢሰርጽ፣ አንድን ባሪያ ከብዙ የሥራ ጉድለቶችና ወንጀሎች ለመጠበቅ በቂ ሰበብ ይሆን ነበር። ጉዳዩ ቀናት እያለፉ መጨረሳቸው ብቻ አይደለም፤ እያንዳንዱ የሚያልፍ ቀን በአላህ ፊት ለምንቀርብበትና ለምንጠየቅበት ታላቅ ጥያቄ ወደ እኛ እያቀረበን ነው።
ስለ ሥራዎቻችን፣ ስለ ንግግሮቻችን፣ ዕድሜያችንን በምን እንዳሳለፍንና በእጃችን ያሉትን ጸጋዎች እንዴት እንደተጠቀምን እንጠየቃለን።
አስተዋይ የሆነው ሰው ይህንን ጥያቄ በልቡ ውስጥ ሁልጊዜ የሚያስታውሰው ነው። ከመጠየቁ በፊት ራሱን ይመረምራል፤ በቻለውም ያህል ራሱን ያስተካክላል። መልካም ሥራ ብቻ በሚጠቅምበት ቀን ከመድረሱ በፊት መልካም ሥራን ይሠራል።
ስለዚህ አላህ ጉድለቶችህን በመሸፈኑ ወይም እድሜህ በማራዘም አትታለል። በአላህ ፊት መቆም እውነት ነው፤ መጠየቅም በእርግጥ የሚመጣ ነው። ለዚያ ቀን ራሱን ያዘጋጀና አላህ በእርሱ የሚወድድበትን ሥራ የሠራ ሰው ዕድለኛ ነው።

የጁሙዓ ኹጥባ
📖ርዕስ: የዲጂታል ሪያዕ አደገኛነት እና የኢኽላስ አስፈላጊነት.
➖➖➖➖➖➖➖➖➖➖

📍ቦታ፦አ/አ
🌇መስጂድ፦ሂጅራ መስጅድ
🎙 በሸይኽ ሰዒድ አቡ አህመድ

👉የኔ ወርቅ ድክም ሲልሽ ልብሽን ያዝ አድርገሽ አላህዬ እዘንልኝ በይው!  ወደርሱ ጥግት በይ እደማትወድቂ እርግጠኛ ሁነሽ ድግፍ በይው በጌታዬ ይሁንብኝ  አይተሽ የማታውቂውን እረፍት እና ደስታ ታገኛለሽ ።

~

🌷 እድለኛዋ ሴት🌹

🌿 የሰዎችን እይታ ሳትፈልግ፣ ሀያእዋን ጠብቃ፣ ዲኗን ተምራ፣ በዒባዳዋ ጸንታ የምትኖር ሴት በእውነት እድለኛ ናት።

💎 የእሷ ውበት ሰዎች በሚያዩት ፊቷ ሳይሆን፣ አላህ በሚያየው ልቧ ነው።

🌷 እህቴ! የሰዎችን ውዴታ ከመፈለግ ይልቅ የአላህን ውዴታ ፈልጊ፤ ያኔ እውነተኛዋ እድለኛ ትሆኛለሽ።🌿 ©

ዑመር ብኑል ኸጣብ የደካሞች ጋሻ!
~
አገሩ ወዲያ ነው - ከመካ በረሃ
ክንዱ የሚፋጀው - የሚያሰኘው ውሃ!
.
ዑመር ብኑል ኸጣብ ከመስለማቸውም በፊት በሃይለኝነታቸው በአይበገሬነታቸው የሚታወቁ ነበሩ። አቡ ጀህልም እንዲሁ ነበር። አቡ ጀህል ስሙ ዐምር ብኑ ሂሻም ብኒል ሙጊራ አልመኽዙሚይ ይባላል። ነብዩ ﷺ የነዚህን ሁለት ሰዎች መስለም በእጅጉ ይፈልጉ ነበር። ይህም የሆነው በጊዜው እንግዳ ለሆነው ኢስላም ክብርና አይደፈሬነትን ይሰጣል በሚል መነሻ ነበር። ለዚህም ነበር የአላህ መልእክተኛ ﷺ “አምላኬ ሆይ! ኢስላምን ከነዚህ ሁለት ሰዎች አንተ ዘንድ በተወደደው አስከብረው'' ማለታቸው። በአቡ ጀህል ወይም በዑመር ብኑል ኸጣብ! ከሁለቱ እሱ ዘንድ የተወደደው ዑመር ሆነ፡፡ [ቲርሚዚይ፡ 3681]

ኢብኑ መስዑድ ረዲየላሁ ዐንሁ እንዲህ ይላሉ፡- “ዑመር እስከሚሰልም ድረስ ከዕባ አካባቢ መስገድ አንችልም ነበር፡፡ ዑመር ሲሰልም ግን ቁረይሾችን ተፋለማቸው፡፡ ከዚያም ከዕባ ዘንድ ሰገደ፡፡ ከሱም ጋር ሰገድን።” “ዑመር ብኑል ኸጣብ ከሰለመ ጀምሮ የተከበርን ሆነናል፡፡” [ቡኻሪይ፡ 3684]

ኡሙ ዐብዲላህ ቢንት አቢ ሐስማህ ረዲየላሁ ዐንሃ እንዲህ ትላለች:- “ወላሂ ወደ ሐበሻ ምድር ልንሰደድ እየተዘጋጀን ነበር፡፡ ባለቤቴ ዓሚር የሆነ ጉዳያችንን ሊፈፅም ወጥቶ ሳለ ዑመር መጣና ቆመ፡፡ በሺርኩ ላይ እንዳለ ነው፡፡ ከሱ ፈተናና ስቃይ ይደርስብን ነበር፡፡ ከዚያም፡

* “የምርም መጓዛችሁ ነው ኡሙ ዐብዲላህ?” አለኝ፡፡
- “አዎ ወላሂ! አላህ መውጫ እስከሚያደርግልን ድረስ ከአላህ ሀገሮች ወደ አንዱ እንወጣለን፡፡ አስቸገራችሁን አሰቃያችሁን!” አልኩት፡፡
* “አላህ አብሯችሁ ይሁን” አለ፡፡
ቀድሜ አይቸው የማላውቀው መቆርቆር አየሁበት፡፡ ከዚያም ተመልሶ ሄደ፡፡ ሳስበው መውጣታችን በርግጥም አሳዝኖታል፡፡ ባለቤቴ ዓሚር የሄደበትን ጉዳያችንን ፈፅሞ ሲመጣ፡

- “የአብደላህ አባት ሆይ! እንዲያው ዑመርን ቅድም ብታየው፣ ለኛ መቆርቆሩንና ማዘኑን” አልኩት፡፡
* “ይሰልማል ብለሽ ከጀልሽ እንዴ?” አለኝ፡፡
- “አዎ” አልኩት፡፡
* “የኸጣብ አህያ ሳይሰልም ያ ያየሽው ሰውዬ አይሰልምም!” አለኝ፡፡ “በኢስላም ላይ የሚያደርሰውን ጭካኔና ድርቅና በማየት ተስፋ ቆርጦ ነው።”

ዐብዱላህ ብኑ ዑመር ረዲየላሁ ዐንሁ እንዲህ ይላሉ፡-

“ዑመር ሲሰልም ቀድሞ በክህደት የተቀመጠባቸውን ስብሰባዎች አንድም ሳያስቀር መስለሙን ሊያውጅባቸው ለነብዩ ﷺ ቃል ገብቶ ነበር፡፡ እናም በሰለመ ጊዜ፡
- 'ከቁረይሽ እጅግ ወሬ አራጋቢ የሆነው ማነው?' ሲል ጠየቀ፡፡
* 'ጀሚል ብኑ መዕመር ነው' አሉት፡፡
ቀጥታ ወደሱ ሄደ፡፡ ምን እንደሚሰራ ለማየት ከስር ከስሩ ተከትየው ሄድኩኝ፡፡ በጊዜው የማየውን ሁሉ በደንብ የማስተውል ልጅ ነበርኩ፡፡ ጀሚል ጋ መጣና፡
- 'ጀሚል ሆይ! መስለሜን አወቅክ ወይ? ወደ ሙሐመድ ሃይማኖት ገባሁ'ኮ!' አለው፡፡

ወላሂ ከዚያ በኋላ ጀሚል ለዑመር አልመለሰም፡፡ ቀጥታ ኩታውን እየጎተተ ወጣ፡፡ ዑመር ተከተለው፡፡ እኔም ዑመርን ተከተልኩት፡፡ ጀሚል ከመስጂዱ በር ቆመና ድምፁን በጣም ከፍ አድርጎ ጮኸ፡-

* 'የቁረይሽ ህዝብ ሆይ! አዋጅ! የኸጣብ ልጅ አፈንግጧል' አለ፡፡ በከዕባ ዙሪያ ተሰብስበው ነበር፡፡ ዑመር ረዲየላሁ ዐንሁ ከኋላው እየተከተለ፡
- “ዋሸ! ባይሆን እኔ በርግጥም ሰልሜያለሁ፡፡ ከአላህ ውጭ በሐቅ የሚመለክ እንደሌለና ሙሐመድም የአላህ መልእክተኛ እንደሆነ መስክሬያለሁ” አለ።

ዑመርን ሮጠው ከበቡት። ሲታገላቸው ሲታገሉት እኩለ ቀን ሆነ፡፡ ዑመር አቃተውና ቁጭ አለ፡፡ በራሱ ላይ ወጡበት፡፡ እሱ ይህኔ
* “የታያችሁን ሁሉ አድርጉ፡፡ በአላህ እምላለሁ! በርግጠኝነት ሶስት መቶ ወንዶች ብንሆን መካን ወይ እንተውላችኋለን፣ ወይ ትተውልናላችሁ!” አላቸው። ከሁለት አንዳችን ይወጣል እያላቸው ነው።

በዚህ ሁኔታ ላይ እያሉ አንድ የቁረይሽ ሽማግሌ መጣ፡፡ የተቀለመ ሙሉ ልብስ ለብሷል፣ ቀሚስ ጋር፡፡ ቀጥታ ካጠገባቸው ቆመና፡
- “ምን እየሆናችሁ ነው?” አላቸው፡፡
* “ዑመር አፈንግጦ ነው” አሉት፡፡
- “ቢሆንስ?! እረፉ! አንድ ሰው ለራሱ የሆነ ነገር መረጠ፡፡ ታዲያ ምንድን ነው የምትፈልጉት? ይህን ሰውዬ እንዲህ ስታደርጉት የዐዲይ ጎሳዎች ዝም የሚሉ መሰላችሁ? ከሰውየው ዞር በሉ!” አላቸው፡፡
ከዚያም በአላህ ይሁንብኝ ልክ ከላዩ ላይ እንደተገፈፈ ልብስ ሆኑ! (ባንዴ ለቀቁት)፡፡ አባቴ ወደ መዲና ከተሰደደ በኋላ:
* “አባዬ ሆይ! ያኔ መካ የሰለምክ እለት እነዚያን ሲታገሉህ የነበሩትን ሰዎች የተቆጣቸው ሰውዬ ማነው?” አልኩት፡፡
- “ያማ አልዓስ ብኑ ዋኢል አሰህሚ ነው የኔ ልጅ” አለኝ፡፡ (አልዓስ ብኑ ዋኢል አሰህሚ ማለት የብልሁ ፖለቲከኛ የዐምር ብኑል ዓስ አባት ነው።)
=
(ኢብኑ ሙነወር፣ ጥር 1/2006)
የቴሌግራም ቻናል፦
https://t.me/IbnuMunewor
https://t.me/IbnuMunewor

🔖የአላህ መልክተኛ ﷺ እንዲህ ብለዋል፦

   “ከሰዎች ሁሉ እጅግ ከባድ ቅጣት ያለባቸው ሁለት አይነት ሰዎች ናቸው። ባሏን ያመፀች ሴት እና ሰዎች እርሱን(በሐቅ) እየጠሉት ኢማም ሆኖ ያሰገደ።”

📚[ሰሒሁ አትቲርሚዚ (359)]

t.me/https_Asselfya

👉ከሰዎች እይታ በራቅሽ ቁጥር ወደ አላህ እየቀረብሽ ነው የምትሄጅው!!

~

✅ የሸይኸ አልባንይ ያማረ ቂርአት
~

ለባለትዳሮች ብቻ…
💍
|•| የባልና ሚስት የሀላል ፍቅር ጨዋታ በግጥም

ባል:
አንቺ የኔ ፍቅር የህይወት ጨረቃ
ልቤ ይከፋዋል ሳጣሽ ለደቂቃ
ሴቶች ብዙ ናቸው አንቺ ግን ልዩ ነሽ
ህይወቴን አድሻት ካጠገቤ ሁነሽ

ሚስት:
አንተ የኔ ፍቅር የህይወት ነፀብራቅ
ፍቅርህ ምግቤ ነው ከጎኔ አትራቅ
ወንዶች ብዙ ናቸው አንተ ግን ልዩ ነህ
ፍቅርህን መግበኝ ካጠገቤ ሁነህ

ባል:
የትዳር አጋሬ የልጆቼ እናት
ደስታዬ አለሜ የሀላል ሚስቴ ናት
ጌታዬ ይመስገን እሷን አድሎኛል
ውዴን የመሰለ ከቶ የት ይገኛል

ሚስት:
የልጆቼ አባት የትጋዳሬ አጋር
ተስፋዬ ብሩህ እስካለሁ ካንተ ጋር
መኖርህ መኖሬ መጥፋትህ መጥፋቴ
ሳጣህ ቅር ይለኛል አትጥፋ ከፊቴ

ባል:
የሽቶ መኣዛ የቴምር ጭማቂ
ሁቢ ማር ወለላ ሁሌም ተናፋቂ
ጣፈጭ ነገር ሁሉ አንቺን ይመስሉኛል
ብቻ ምን ልበልሽ… ቃላቶች ያጥሩኛል!

ሚስት:
የዐይኔ ማረፊያ የህይወቴ ፀደይ
የፊትህ ብርሃን ይበልጣል ከፀሐይ
የረህማን ፅጦታ የጀሊሉ ኒዕማ
አንጀቴ ይርሳል ድምፅህን ስሰማ

ባል:
ሚስቱን የሚመታ የትዳር አጋሩን
የፍቅር አይደለም ሳስበው ነገሩን
ውዷ ባለቤቴ ክብርሽ ይከበር
አንቺን የመታው ቀን እጄ ይሰበር

ሚስት:
እኔ እንክት ልበል እኔ ልሰባበር
እሾህ አይውጋብኝ እንኳንስ መሰበር
የፍቅር አርበኛ ፊትአውራሪ ጀግና
አንተ መውድድ እንጂ ዱላ መች ታውቅና

ባል:
አኔ እዚህ ጎራ አንቺ ወዲያ ማዶ
ልቤ አረረልሽ በፍቅርሽ ማገዶ
የልቤ በረዶ መዳኒቴ ነሽ
ውዷ ባለቤቴ ሁቢ እንዴት ነሽ?

ሚስት:
ፈረስ አይጋልበው በበቅሎ አይደረስ
በርሬ አንዳልመጣ ያለህበት ድረስ
ውዱ ባለቤቴ ፍቅርህ ለበለበኝ
አሁንስ ከብዶኛል በዱኣህ አስበኝ

ታሳቢነቱ በሩቅ ተነፋፍቀው ላሉ የትዳር ጥንዶች ስለሆነ…ላጤዎች ሳታነቡ እለፉት ¡

قَالَ الْإِمَامُ أَحْمَدُ بْنُ حَنْبَلٍ رَحِمَهُ اللَّهُ :

المَرْأَةُ الصَّالِحَةُ كَنْزٌ مِنْ كُنُوزِ الدُّنْيَا.

يَعِفُّ اللهُ بِهَا الرَّجُلَ، وَيُثَبِّتُهُ عَلَى الطَّاعَةِ.

📕【 الآدَابُ الشَّرْعِيَّةُ     ( ١ / ٤٤٨)  】