ሪያእ ( እዩልኝ/ለሰው ብሎ መስራት) የተባለውን አደገኛ የልብ በሽታ እና ምልክቶቹን እንያለን።
ነቢያችን (ﷺ) ይህንን በሽታ ከምንም በላይ ፈርተውብናል፦

"ከሁሉ በላይ ለእናንተ የምፈራላችሁ ትንሹን ሽርክ ነው። እሱም ሪያእ (አይቶ እዩልኝ) ነው።" [አሕመድ]

📌 የሪያእ አደገኛ ምልክቶች ምንድን ናቸው?
ታላቁ ሰሃባ ዓሊይ ቢን አቢ ጣሊብ (ረ.ዐ) የሪያእ ባለቤትን (ሙራኢን) ለይተን የምናውቅባቸውን 4 ዋና ዋና ምልክቶች እንዲህ አስቀምጦታል፦
1️⃣ ብቻውን ሲሆን መስነፍ፦ ሰው በሌለበት፣ በቤቱ ውስጥ ለብቻው ሲሆን ፈርዶችን እንኳ ለመስገድ መነካካትና መስነፍ።
2️⃣ ሰዎች መሃል ሲሆን መበርታት፦ ሰዎች ሲያዩት ግን ዒባዳውን (ሶላቱን፣ ዚክሩንና ደርሱን) ማርዘም፣ ማሳመርና ንቁ መሆን።
3️⃣ ሲወደስ ስራን መጨመር፦ ሰዎች "ማሻ አላህ፣ ሳሊህ ነው/ናት" ብለው ሲያደንቁት ይበልጥ ዒባዳውን ማብዛት።
4️⃣ ሲነቀፍ ስራን መቀነስ፦ ሰዎች ትኩረት ካልሰጡት ወይም ከተነቀፈ መልካም ስራዎችን መስራት ማቆም ወይም መቀነስ።
ውድ እህቴ! ውድ ወንድሜ!
ይህ በሽታ እጅግ ረቂቅ ስለሆነ ሳናውቀው ልባችን ውስጥ ሊገባ ይችላል። በደርስ ስንቀራ፣ ሒጃብ ስንለብስ ወይም ቻናል ላይ ዲን ስናስተምር ልባችንን ሁልጊዜ እንፈትሽ። የሰዎች ውዳሴ በቀብር ውስጥ አንድም ጥቅም የለውም! ዋጋ የሚኖረው አላህ ዘንድ በድብቅ የተሰራው ስራችን ብቻ ነው።


https://t.me/https_Nissa_aselefyea
https://t.me/https_Nissa_aselefyea

🆕| አንገብጋቢ የጁሙዐ ምክር ❕

« ሱናን መከተል አይቀሬ ግዴታ ነው❗️

🎙️ ሸይኽ አቡ ዘር ሐሰን ኮምቦልቻ    - ሐፊዞሁ'ሏህ -

🕌 በ ኮምቦልቻ ከተማ ሰላም መስጂድ

🗓 መስከረም / 𝟎𝟖 / 𝟐𝟎𝟏𝟗 ✅

— ሳታዳምጡ አይለፋችሁ ተሰነቁ !
                                 
|| የቴሌግራም ቻናል፦https://t.me/UstazAbuzarhassenAbutolha

✅ «ወሳኝ የጁሙዓህ ኹጥባ ምክር»
========================

✔️ ርእስ:- የወጀል መዘዝ ጉዳት!

🎙 በውዱ ሸይኻችን ሁሰይን አባስ
  «አሏህ ይጠብቃቸው»

🕌 አቡበክር መስጂድ በውቢቷ ወርቄ

📆ረቢዑል ኣኺር # 05 - 1448

👌ለብዙ ሰው ተደራሽ እንዲሆን ሼር
እናድርገው ባረከሏሁ ፊኩም

➖➖➖➖➖➖➖➖➖➖➖
➣አጠቃላይ የሸይኻችንን ፕሮግራሞች
በሶሻል ሚዲያ ለመከታተል  

https://t.me/hussenabass123
https://t.me/hussenabass123

የብቸኛው ቤቴ ..ዋ ነብሴ ፈረውልሽ ተመለሺ
"ኩልሉ ነፍሲን ዛኢቃቱል ማውት..." የጌታዬ ቃል እውነት ነው፣
የዱንያ መሸሻዋ፣ የመጨረሻዋ መስመር ቀብር ነው።
ያማረው ሳሎኔ፣ የደመቀው ስሜ ዛሬ አበቃለት፣
የብቸኛው ቤቴ... የጨለማው ጉድጓድ ተቆፈረለት።
አፈር ነው ትራሴ፣ የለመድኩት ኑሮ ዛሬ ተቀየረ፣
ማልቀሻው መቃብር፣ በባዶነቴ ላይ በሩ ተዘጋገ።
አህባብና ዘመድ፣ ጀናዛዬን ሰግደው ጥለውኝ ሲመለሱ፣
የጫማቸው ኮቴ እየራቀ ሲሄድ... ነፍሴ ሆይ ምን ይዋጥሽ?
የሙንከርና ነኪር ጥያቄ ሲመጣ፣ ምን ይሆን ምላሽሽ?
ነፍሴ ሆይ... ተመለሺ! ተውባ አድርጊና አልቅሺ፣
"ያ አዩሃል ለዚነ አመኑ ቱቡ ኢለላህ..." የሚለውን የጌታሽን ጥሪ ስሚ።
ከዝንጋታ (ጋፍላ) ውጪ፣ ከአኺራሽ መንገድ አትሽሺ፣
የሩቅ ጉዞ አለብሽ፣ በፈርዶችሽ ላይ ንቂ።
ያ ብቸኛው ቤትሽ፣ ያ ጠባቡ ቀብርሽ፣
በቂ ያደረግሽው፣ ወንጀል እንዳይሆን ጨለማሽ።
የሌሊት ቂያምሽ፣ የቁርዓን ብርሃንሽ፣
ከአላህ እዝነት ጋር፣ እሱ ነው ነገ የሚጠቅምሽ።
ያ አላህ... ያ ረህማን... ያ ረሂም!
በዚያች የብቸኝነት ቤት፣ ቀብራችንን ኑር (ብርሃን) አድርግልን፣
ሁስነል ኻቲማን (ያማረ መጨረሻን) ለሁላችንም ስጠን።
ያረብ
https://t.me/https_Nissa_aselefyea
https://t.me/https_Nissa_aselefyea

ቁጥብ ሴት ከዋጋ ቢስ ወሬዎች እና ሀሜት የራቀች ናት። አንደበታችን የኢማናችን ማሳያ ነው። በአጅነቢይ ፊት ድምፅሽን ከመለስለስ ተቆጠቢ፤ ምላስሽ ግን ሁልጊዜ በአላህ ዚክር እና በኢስቲግፋር የረጠበ ይሁን። በዱንያ ላይ የምንናገረው እያንዳንዱ ቃል ነገ አኼራ ላይ ይመዘገባል

https://t.me/https_Nissa_aselefyea

🌹 የነፍስ ጥሪ ለውዷ እህቴ!ውዷ እህቴ ሆይ! ቆም ብለሽ አስበሽ ታውቂያለሽ? አንቺ የዚህች ኡመት ትልቅ ምሰሶ ነሽ። ያንቺ መስተካከል የትውልድ መስተካከል ነው፤ ያንቺ መበላሸት ደግሞ የኡመቱ መዳከም ነው።እስኪ ወደ ኋላ ተመልሰን የታላላቅ ሴቶችን ታሪክ እንቃኝ፡እናትችን ኸዲጃ (ረ.ዐ)፦ ነቢዩ (ﷺ) በጭንቅ ሰዓት የተጠጉባት፣ በሃብቷና በምክሯ ዲኑን የደገፈች የጥንካሬና የጥበብ ተምሳሌት ነበረች።እናትችን ዓኢሻ (ረ.ዐ)፦ የኡመቱ መምህር፣ የዕውቀት ባህርና ለነቢዩ (ﷺ) ልዩ የልብ አጋር ነበሩ።ፋጢማ (ረ.ዐ)፦ የፅናት፣ የትዕግስትና የሀያዕ (የእፍረት) ተምሳሌት ነበረች። ከሀያዕዋ መላቅ የተነሳ “እኔ ከሞትኩ በኋላ አስከሬኔ በጨርቅ ተሸፍኖ እንኳ የሰውነቴ ቅርፅ ለወንዶች እንዳይታይ” ብላ የተጨነቀች የሀያዕ ንግስት ነበረች።የእኛስ ሀያዕ ዛሬ የት አለ?እህቴ ሆይ! ዛሬ አለም በዘመናዊነት ስም ውበትሽን ለባዕድ ወንዶች እንድታሳይ፣ ክብርሽን በይፋዊ መድረኮች (ሶሻል ሚዲያ) ላይ እንድትዘረግፊ ትገፋፋሻለች። ነገር ግን እውነተኛው ክብርሽና ጌጥሽ አላህን መፍራት (ተቅዋ) እና ሀያዕሽ ነው። ሂጃብሽ ፋሽን ሳይሆን የአላህ ትዕዛዝ እና የውስጥሽን ንፅህና መጠበቂያ ጋሻሽ ነው።ለመመሳሰል ምን እናድርግ?ልብሽን በአላህ ፍቅር ሙይው፦ ሶላትሽን በወቅቱ ስገጂ፣ ቁርኣንን አዘውትረሽ ቅሪ። ልብ በአላህ ዚክር ሲረጥብ ወንጀልን ይጸየፋል።ሀያዕሽን ጠብቂ፦ በአነጋገርሽ፣ በአለባበስሽና በባህሪሽ የነ ፋጢማን ፈለግ ተከተይ። አይንሽን ካልተፈቀደ እይታ፣ ምላስሽን ከሃሜት ጠብቂ።ክብርሽን በሶሻል ሚዲያ አትቀይሪ፦ ላይክና ፎሎወር ለማግኘት ብለሽ ለአላህ ያለሽን ታዛዥነት አታርክሺ። ድብቅነቱ ያማረባት ዕንቁ ሁኚ።እህቴ ሆይ! እኛ እነሱን ሙሉ በሙሉ መሆን ባንችልም፣ ወደ እነሱ ለመጠጋትና እነሱን ለመምሰል የምናደርገው እያንዳንዱ ጥረት በአላህ ዘንድ ትልቅ ዋጋ አለው። ገጣሚው እንዳለው፦"ከመልካም ሰዎች ጋር ተመሳሰሉ፤ እነሱን መሆን ባትችሉም እንኳ! መልካም ሰዎችን መምሰል ራሱ ትልቅ ስኬት ነውና።"

https://t.me/https_Nissa_aselefyea
https://t.me/https_Nissa_aselefyea

ኢብኑ ተይሚያ (ረሒመሁላህ) እንዲህ ይላሉ፦
"እውነተኛው ምስኪን (ደሃ) ማለት ገንዘብ የሌለው ሰው አይደለም። እውነተኛው ምስኪን ማለት በዚህች ዱንያ ላይ እየኖረ የአላህን ማውሳት (ዚክር) ሳይቀምስና ሳይደሰትባት የሞተ ሰው ነው።"

https://t.me/https_Nissa_aselefyea