Murtii Mana Murtiitiin  abbummaa daa’imaa mirkaneessuun wal qabatee  garee falmitootaa irraa osoo hin kaane Manni Murtii murtii haqaa kennuuf barbaachisaadha jedhee fudhachuun DNA n akka qoratamuuf yeroo ajajutti baasii qorannaa  eenyutu  haguuga? ==========================================================
MMWFDHIJ murtii hin maxxanfamne galmee lakk. 236817 ta’e irratti dhaddacha gaafa 28/06/2015 kenneen ooleen kan kanaan gadii jedheera.====================================================
🫱🏿Gareen DNAn naaf haa qoratamu jedhu baasii qorannaa taasifamuuf bahu haguuguuf itti gaafatamummaa akka qabu galmee lakk. 63195 ta’e irratti murtii dirqisiisaan kennamee tureera. ============================================================
🫱🏿Gareen bitaaf mirgaa osoo hin gaafanne,Manni Murtii murtii haqaa kennuuf barbaachisadha  jechuun fudhatee  akka ragaa dabalataatti  DNAn qoratamee akka dhiyaatu yoo ajaju baasiin sababa kanaaf bahu-baasii sababa falmiitiin bahu waan ta’eef, yeroo falmiin xumuramutti garee injifatamutu haguuga.=========================================================
Kanaaf Manni Murtii garee falmitootaa keessaa inni tokko  akka haguugu taasisuun yookaan Dhaabbata Mootummaa yookaan Dhaabati Miti Mootummaa  baasii kana haguuguu danda’an ajajuun  yookaan karaa biraa akka haguugamu taasisuun DNAn akka qoratamu taasisuu-,akkaataa ajaja kennameen raawwachiisuuf diddaan yoo jiraate , Manni Murtii ajaja itti  aanu kennuu qaba. ====================================================================
Gareen baasii  qorannaa haguuguun DNA qorachiisi jedhamee dhaddacha irratti  itti himame- baasii hin haguugu jedhee deeme - abbaa ta’uu isaa isaa of irratti waan beekeefidha  jechuun tilmaamni fudhatamee Murtiin kennamu  dogngora Seeraa sirna fudhiinsa ragaa ilaallatudha  jechuun kan murteesse yoo ta’u,=================================================================
Dhimma wal fakkaataa  galmee hin maxxanfamne  lakk. 236184 ta’e irratti Murtii  kennameenis - Iyyataan DNA qorachiisi jedhamee ajajni kennamee -innis  baasii ittiin qorachiisu hin qabu jechuun osoo hin qorachiisiin hafeera. Kanaaf Murtiin-Iyyataan DNA sababa hin qorachiisiin hafeef gama biraatiinis akka abbaa daa’imaa hin taane ragaa faallaadhaan sababa hin mirkaneessineef- abbaa daa’imaati jedhamee  kenname dogongora Seeraa Sirna fuudhiinsa ragaa ta’uu ibsuun   erga diigee booda  akkaataa adeemsa olitti ibsame hordofuun qulqulleeffamee, barbaachisaa yoo ta’es ragaa dabalataatiin qulqulleessuun Murtiin akka kennamuuf Mana Murtii jalaatti gadi deebisee jira.Murtii Hin maxxanfamne👇
https://t.me/http_Ijooseeraa

Abbaan Qabiyyee Lafa Baadiyaa Lafti Isaa Pilaanii Magaalaa Jala Gale Lafa Isaa Irratti Ijaarsa Raawwachuuf Eeyyama Ijaarsaa Baafachuuf Nidirqamaa?
==================================
Labsii Lkk 1356/2017 kwt 2(18), 7(1) fi Murtii MMWF Dhaddacha Ijbt Glm Lkk 234500 Ta’erratti Gaafa29/05/2016 Kenname
==================================
Magaalaa jiraattotni ishii 10,000 fi achii ol ta’e kamiiyyuu keessatti eeyyama ijaarsaa qaama ilaalu irraa otuu hinfudhatin mana ykn gamoo, dallaas ta’ee ijaarsa kamiiyyuu raawwachuunis ta’ee kan ijaarame fooyyessuu fi diiguun dhoorkaa ta’uun Labsii ijaarsa gamoo duraanii Lkk 624/2001 kwt 2(1) jalatti fi Labsii ijaarsaa haaraa Lkk 1356/2017 kwt 2(18) fi 7(1) jalatti tumamee argama.
Haata’u malee Dhaddachi Ijbta MMWF glm Lkk 234500 ta’erratti murtii gaafa 29/05/2016 kenneen abbaan qabiyyee Lafa Baadiyaa Bulchiinsa Ganda Baadiyaa jala turee fi pilaanii magaalaa jala gale eeyyama ijaarsaa B/Magaalaa irraa otuu hinbaafatan lafa isaa irratti ijaarsa raawwachuus ta’ee kan duraan ijaare haaromsuu hindanda’u jedhamee akka ijaarsa seeraan alaatti dhoorkamuu hinqabu jechuun xiinxala bal’aa taasisee jira.
Sababiin isaatis jedha Dhaddachi Ijbt, abbootiin qabiyyee Lafa akkasii kun Baadiyaa jala waan turaniif hanga akkaataa seeraan seera magaalaan galmeessee ragaalee barbaachisan hunda kennuufitti sanadootaa fi ragaalee eeyyama ijaarsaa baafachuuf Labsii ijaarsaan gaafataman kan hinqabne waan ta’anii mana haaraa ijaarachuufis ta’ee kan duraan qaban fooyyeffachuuf eeyyama ijaarsaa qabachuuf hundirqaman jechuun hiikkoo dirqisiisaa kennee jira.
Garagalchi murtichaa kan obboo Doobbaa Shibbiroo yoo ta’u obboo Shura Bakaraattu naaf qoode. Lamaanuu galatoomaa jennaan
https://t.me/http_Ijooseeraa

Manni Murtii Dhimmaa Mirga Wabii Yakka Malaammaltummaa Ilaaluuf Aangoo Qabu Kamidha?
================================
Heera Mootummaa kwt 17(2); ICCPR kwt 9(1); SDFY kwt.109(1); Labsii Lkk 424/97 kwt 7(1&4), Labsii Lkk 882/2007 kwt 7(5); Labsii Lkk 322/95 kwt 7 fi ; Murtii Dhaddaachaa Ijibaataa Lkk.glm 252231 waliin kan ilaalame
================
Heeraa mootummaa Federalaa fi Naannoo Oromiyaa kewt.17(2) jalatti namni kamiyyuu namni kamiyyuu sirna seeraan tumameen alatti qabamu,osoo himanni itti hin dhiyaatiin ykn itti hin murtaayin hidhamu hin danda’uu jechuun mirgaa billisummatiif eeggumsa kan godheef yoo tahu.
Akkasumaas qaama heeraa biyyaa keenyaa kan tahe Sanadaa waadaa mirgoota sivilii fi siyaasaa idil-addunyaa kewt.9(1) jalatti mirgaa eeggumsii godhameef yoo tahu. Gama biratti
immoo namnumaan adeemsa seerattin hidhame illee haala adda seeraan dhoorkameen alatti
mirgi wabii eeggamuufi akka qabu Heeraa mootummaa kewt.19 (6) tumameera.
Yakkoonni malaammaltummaa yakkoota kaan irraa addatti seera deemsaa fi ragaa kan qabanii fi
mirgi wabii ilaalchisees yakkooti kun ulaagaa addaa kan qabnidha. Kunis Labsii seeraa deemsaa addaa seeraa ragaa yakkoota malaammaltummaa Lakk.434/97 fi akkumma fooyya’een labsii Lakk. 882/2007 irratti ifaan tumamee jira.
Labsii 434/97 kewt.7 (1 fi 4) jalatti yakka malaammaltumman walqabatee dhimmoota akka yeroo beellama, ajaja sakkatta’iinsa fi qabiinsa,mirgaa wabii ,dhoorkii fi kanneen biroo qorannoo yakka malaammaltumman walqabatan ilaaluu kan danda’uu mana murtii himanna yakka
malaammaltummaa ilaaluuf aangoon kennamee mana murtii ol’aana Federaala tahu fi bakka bu’ummaan immoo manneen murtii Naannoolee bu’uura labsii lakk.322/1995ttin aangoo bakka bu’ummaa qabaniin tahu kan tumamee yoo tahu. Tumaa labsichaa kewt.7(4) akkumma jirutti tahe ,labsii kana fooyyeessuuf kan bahee labsii lakk.882/2007 kewt.7(5) ajaja qabiinsa, sakkatta’iinsa, yeroo beellama ,mirgaa wabii fi dhimmoota kanneen biroo adeemsan walqabatan ilaaluu kan danda’uu mana murtii himanna yakka malaammaltummaa ilaaluuf aangoo qabutti
dhimmichaa dhiheessuun mirgaa himatama kan dhiphisuu yoo tahe, ragaan akka baduu kan
taasiisuu fi baasii hin malleef kan namaa saaxiluu jedhee qaamni yakka malaammaltummaa
qorachuu fi himanna dhiyeessuuf aangoon kennameef kan itti amaanuu yoo tahe akkummaa haala isaatti mana murtii sadarkaa jalqabaa dhiheenyatti argamutti akka ilaalamuu murteessuu akka danda’uu tumameera.
Dh.Ij.MMWF jildii 27ffaa lakk.galmee 252231 tahe irratti labsii lakk.882/2007 kewt.7(5)tiin gaaffiin yeroo beellama mana murtii ol’aana godinatti dhihaate yeroon qorannoof barbaachiisuu kennamee ergaa manni murtii dhimmi yeroo qorannoo itti dhihaate gaaffii mirgaa wabii iyyaata ofitti fudhee ilaaluuf aangoo qaba jedheera.
Gama birattin manni murtii dhimmicha ofitti fudhee ilaaluu turee gaaffii mirgaa wabii iyyaatan dhiheessuu kufaa ergaa godhee booda A/A bu’uura s/d/f/y kewt.109 (1)ttiin guyyaa 15 keessatti himanna shakkama Irratti akka dhiheessuu jechuun ajaja kennuun galmee ergaa cufee booda guyyaa kennamee keessatti A/An himanna osoo hin dhiheessine sababa hafee daangaan yeroo ka’aame kan xumurame yoo tahe ,iyyaatan(shakkaman) gaaffii mirgaa wabii dhiheeffachuu kan
danda’uu tahuu.
Gama A/Attin immoo ajajni guyyaa 15 keessatti himanna akka hundeessuu jechuun manni murtii
kennee ol’iyyannoo ilaalamee osoo hin diigamne fi yeroo kennamee keessatti himanna osoo hin
hundeessine shakkama mana hidhaa keessaa tursiisuun sirna seeraan tumamee alatti iyyaata ykn shakkama to’aana jala tursiisuudhaa.
Gama birattin immoo gaaffii mirgaa wabii iyyatan ykn shakkaman ergaa yeroon A/A himanna akka hundeessuuf kennamee xumurameen booda dhiheessuu sababa harawaa irratti hunda’ee kan manni murtii gaaffichaa sababa akka harawatti ummameen kan dhihaate tahuu hubatee seeraa roogumma qabu waliin ilaalee furmaata kennuu akka qabu fi kana irraa kan hafe gaaffii mirgaa
https://t.me/http_Ijooseeraa

Dhimmoota Dantaa Mootummaa ilaalchisee Falmii Seeraa Kamiiyyuu Biiroo Abbaa Alangaa Yoo Eeyyame Malee Manni Hojii Mootummaa Kamiiyyuu Ofii Falmii Hindanda’u (Dambii Lkk 243/2016 kwt 5
==================================
Abbaa Alangaa osoo hin beeksisiin falmii mana Murti Abbaa Alangaatiin alatti gaggessuun mootummaa kasaaraaf saaxiluun  yakkaan nama gaafachiisa. Manni Maree Bulchiinsa Mootummaa Naannoo Oromiyaa Dambii dhimmoota hariiroo hawaasaa Lakk-243/2016 mirkaneessun Amajjii 10 bara 2016 irraa eegalee hojiirra oolchee jira.  Dambichi seensa isaa irratti kaayyoon dambichi ittiin bahe Aangoo hojii dhimmoota hariiroo hawaasaa Ummataa fi Mootummaa kabachisuu Biiroo Abbaa Alangaatif kennamee jiru karaa qulqullina, si’oominaa fi bu’aa qabeessa ta’een hojiirra oolchuudhaan qisaasama qabeenyaa mootummaa fi ummataa ittisuu irratti akka xiyyeeffate ifatti ibsee jira. Dambichi kewt. 4 jalatti Daangaa raawwatiinsa isaa dhaabbilee misooma mootummaa, manneen hojii mootummaa, namoota deeggarsa adda addaa barbaadanii  fi akka barbaachisummaa isaatti jaarmiyaalee ummataarratti raawwatinsa kan qabu ta’uu tumee jira.
Dabalataan keewwata 5 jalatti Manneen Hojii Mootummaa kamiiyyuu Biiroo Abbaa Alangaa Waliigalaa fi Caasaa isaa Sadarkaan jiran irraa heyyama ykn bakka bu’ummaa osoo hin argatin Dhimmoota Hariiroo Hawaasaa Dantaa Ummataa fi Mootummaa ta’an irratti falmii kamiiyyuu gaggeessuu akka hin dandeenye tumee jira. Kana jechuun Dhimmoota  manneen hojii mootummaa fi dhaabbileen misooma mootummaa falmii mana murtiitti gaggeeffamu beekkamti Abbaa Alangaatiin Alatti Itti gaafatamaa waajjiraa ykn bakka bu'aa ykn dubbii fixaan mootummaa ykn dhaabbilee misooma mootumma waanuma Caasaa qabanii fi Aangoon manicha bulchuu kennameef qofaaf bakka bu'ee falmuu akka hin dandeenye dhoorkamanii jiru. Qaamni kamiiyyuu Qajeeltoo danbichaan tumame keewwata 35 jalatti Namni dirqamoota ykn dhoorkaalee dambichaan tumaman darbee kan argame yoo ta’e tarkaanfii bulchiinsaa fi seera yakkaan kan gaafatamu ta'uus ni ibsa.
Kanumaan Itti gaafatamummaa Seeraa kanas yoo ilaalle Labsiin yakkoota Malaamaltummaa tumuuf bahe Lakk 881/2007 kewt 13 jalatti ifa godheera.
Maftuu Lawyer@ Gola Seeraa
https://t.me/http_Ijooseeraa