Shakkamaan mirga wabii gaafatee manni murtii yoo heyyameef Abbaan Alangaa murtii kana irraa ol iyyata fudhachuu ni danda'aa ? Mirga wabiin Wal qabatee  murtoo manni murtii ol'iyyataan ilaalee murteesse irraa ol'iyyata fudhachuun hoo ni danda'amaa ?

Seerri deemsa falmii yakkaa kwt 75/1 jalatti gaaffiin mirga wabii dhiyeesse kufaa yeroo ta'u guyyaa 20 keessatti shakkamaan  ol'iyyata fudhachuu Akka danda'u kaa'ee jira.gaaffiin mirga wabii shakkamaa fudhatamee mirgi wabii isaa kan eegamuuf yoo ta'e Abbaan Alangaa Eegamuu mirga wabii kana komachuun ol'iyyata fudhachuu ni danda'a moo hin danda'u gaaffii jettuuf keewwatni SDFY Kun deebii hin keenye. ta'us DhIMMWF  jildii 18ffaa,lakk Galmee 110999 ta'e irratti murtii kenneen Abbaan Alangaatis yoo komii qabaate murtii kana irraa ol'iyyachuu Akka danda'u murteessee jira.

Falmiin mirga wabii mana murtii ol'iyyata dhagahuun ilaalamee yoo murtaa'e murtichi kan xumuraa ta'a SDFY kwt 75/2 . Haa ta'uu malee MMWF dh/ ijibbaataa jildii 22 ffaa lakk Galmee 146727 ta'e irratti murtii kenneen shakkamaan mirga wabii gaafatee,manni murtii jalaa heyyameefii Abbaan Alangaa murtii kana komachuun oliyyatee mirga wabii Eegamee ture kan haqsiise yoo ta'e shakkamaan murti kana irratti ol'iyyata fudhachuu Akka danda'u murteessee jira.
https://t.me/http_Ijooseeraa

Himannaan jeequmsi akka dhaabbatu gaafachuun dhiyaatee Murtii argate tokko himannaa qabiyyee akka gad-naaf lakkisu jedhamee boodarra dhiyaatuuf bu’ura SDFHH kwt 5 fi 244(2(2))tiin dhimma dursee murtii argatedha haalli itti jechisiisu nijiraa?
==================================
SDFHH kwt 5(1), 244(2(b)); SHH kwt 1149 fi 1206; Murtii Dha Ijbts glm Lkk 245488 ta’erratti gaafa 06/02/2017 kenname waliin akka ilaalametti
==================================
Ulaagaalee himannaa dhiyaate tokko dursee murtii dhumaa kan argate taasisan keessaa isaan ijoon firiin ykn qabxiin ijoo falmii himannaa dura dhiyaatee kan ammmaa waliin tokko ta’uu, gareewwan falmii tokko ta’uu ykn kan mirgi garee walfakkaatu irraa darbeef ta’uu, seerummaan gaafatame tokko ta’uu yemmuu ta’u qabxiin ijoon ykn firiin dubbii ykn gaaffiin seerummaa silaa himannaa duraa keessatti ka’uun irra ture ykn kan firii ijoo ykn gaaffii seerummaa ta’uu baatus MM falmisiisee murtii dhumaa irratti kenne hunda kan dabalatu akka ta’e SDFHH kwt 5(1-4) jalatti kan tumame yoo ta’u Dhaddachi I Ijbt glme Lkk 245488 ta’erratti murtii kenneen xiinxaluun ibsee jira.
Dhimma murtii dhaddacha Ijbt Kanaaf sababa ta’een iyyataan jalqaba bara 2008 keessa qabiyyee koo waamamaan koontiraataan qabatee kan ture yeroon isaa eega xumurame booda gad-lakkisuu didee humnaan waan qabateef jeequmsa akka dhaabu jedhee bu’ura SHH kwt 1149n kan gaafate yoo ta’u MM falmisiisuun iyyataan laficha irraa mirga qabaachuu isaa ragaan hinhubachiifne, waamamaan mirga caalmaa qabaachuu isaa ragaan agarsiisee jira waan ta’eef jeequmsi hinjiru jedhee himannaa kufaa godhee murteessee jira.
Himannaa amma dhiyaateen immoo qabiyyee koo koontiraataan qabatee ture yeroon eega darbe booda gad-lakkisuu waan dideef akka gad-naaf lakkisu jechuun himannaa abbaa qabiyyummaa bu’ura SHH kwt 1206 kan dhiyeesse yoo ta’u MM mormii sadarkaa duraa dhimma dursee murtii argate jechuun himannaa jeequmsaa dura murtiin itti kenname baanee kufaa godhee jira.
Manneen Murtii Naannichaa sadarkaan jiran hanga Dh Ijbt Naannichaatti murtii jalaa kan cimsan yemmuu ta’u Dh Ijbt MMWFtis glmee Lkk 245488 ta’erratti komiin iyyataa dhiyeessisee eega falmisiisee booda dogongora bu’uraa kan qabuu miti jedhee murtii jalaa cimsee jira.
Dh Ijbt murtii kenneen dhimmichi dursa murtii kan argateedha kan ittiin jedhe qabiyyuma tokko irratti himannaan jeequmsaa fi abbaa qabiyyummaa garee walfakkaatu giddutti waan dhiyaateef otuu hintaane qabxiin ijoon ykn firiin dubbii himannaa abbaa qabiyyummaa amma dhiyaateef bu’ura ta’e himannaa jeequmsaa duraa keessatti qabxii ijoo ta’ee qabamuun falmisiifamee murtiin dhumaa kan itti kenname waan ta’eef akka ta’e ibsee jira.
Qabxiin dhimmicha kan dura murtii argate jechisiises himannaan abbaa qabiyyummaa amma dhiyaateen iyyataan qabiyyee falmii kaase irraa mirga qaba moo hinqabu ykn qabiyyee falmii kaase irraa eenyutu mirga caalmaa qaba kan jedhu qabxii ijoo falmii fi ragaadhaan qulqullaa’ee murtaa’uu qabu yoo ta’u dursee himannaa jeequmsaa keessatti ilaalamuun iyyataan qabiyyicha irraa mirga qabaachuu isaa ragaan hinhubachiifne, waamamaan immoo mirga caalmaa qabaachuu isaa hubachiiseera jedhamee murtiin dhumaa kan itti kenname waan ta’eef qabxiin ijoo himannaa abbaa qabiyyummaa SHH kwt 1206 amma dhiyaateef bu’ura ta’e dursee murtii dhumaa kan argatedha.
Kanaaf dhimmichi murtii dhumaa argate kan jedhame dursee qabiyyeen falmii kaase akka gad -lakkifamuuf himannaa jeequmsaan waan gaafateef otuu hintaane qabxiin ijoon ykn firiin dubbii himannaa amma dhiyaateef bu’ura ta’e falmii himannaa jeequmsaa keessatti ka’uun falmii fi ragaan qulqullaa’ee Murtii dhumaa kan argate waan ta’eefidha.
Garagalcha murtichaa Telegrama Abdi Fufa law Awareness jedhu irraa argachuun nidanda’ama.
https://t.me/http_Ijooseeraa

Himatamaan Raawwataa Yakkaa Muummee (principal offender) Ta’uun Namoota Biroo Waliin Himatame Yakkicha Raawwateera Jechuuf Ragaan AA Maal Murkaneessuu Qaba? Himatamaan Bakka Raawwii Yakkichaatti Argamuun Isaa Qofa Gahaadha?
==================================
Seera Yakkaa 32 fi 23; SDFY kwt 141; Murtii Dhaddacha Ijbt Glmee Lkk 251519 ta’erratti gaafa 24/06/2017 kenname waliin kan xiinxalame
==================================
Yakka gareen raawwatamu ilaalchisee gosaa fi sadarkaa akkasumas bifa hirmaannaa raawwattoota adda addaa ibsuudhaan Seerri yakkaa diriisee kan tume yemmuu ta’u sana keessaa inni yeroo hedduu beekamuu fi baratamaan hirmaattota raawwataa yakkaa mummee (principal offenders) jedhamuun SY kwt 32 jalatti ibsamedha.
Raawwataa yakkaa muummee kan jedhaman namoota qaamaan iddoo yakkichaatti argamuu baatanillee yaada yakkichaa abbummaan wixineessanii hoogganan, namoota ofii isaanii qaamaan yakkicha raawwatan ykn tooftaa adda addaatti fayyadamuun raawwachiisan jedhamuun seericha kwt 32(1(a-c)) jalatti ibsamanii jiru.
Namoonni akkasii kun yakka ittiin himataman raawwatan kan jedhamu ulaagaalee sadiin yakkaa seera yakkaa kwt 23(2) jalatti tarreeffaman (kutaa yaadaa, kutaa seeraa fi gochaa) haala guuteen raawwii yakkichaa keessatti hirmaachuun yoo mirkanaa’e qofadha.
Haallan kun guutamuu isaanii ragaan Abbaa Alangaa akkaataa SDFY kwt 141n shakkii sababi qabeessaa olitti mirkaneessuu kan qabu yemmuu ta’u MMtis ragaa AA bu’ura kanaan Madaaluun tokkoon tokkoon hirmaattotaa kwt 32n gareen himataman yakkicha keessaa hirmaannaa qabaachuu fi dhiisuu mirkaneessuun ofirraa haa ittisan ykn hin ittisinii murteessuu akka qabu Qajeeltoowwan Seera Ragaa kan ajajan ta’uun gamattis Dhaddachi Ijbt yeroo hedduu galmeewwan Lkk 113464 (vol 19), 225975, 246157 fi 228017 (kan hinmaxxanfamne) irratti hiikkoo dirqisiisaa kennee jira.
Qabxiilee ijoo namoota raawwataa muummee ta’uun SY kwt 32 jalatti gareen himatamaan ilaalchisee yakkicha raawwatan jechuuf ragaan AA maal mirkaneessuu qaba kan jedhuu fi himatamaan iddoo raawwii yakkichaatti argamuu isaa ragaan ibsuun qofa gahaadha moo miti kan jedhu ilaalchiseetis Dhaddachi Ijbt yakka ajjeechaa cimaa SY kwt 32(1(a)) fi 539 jalatti himannaa naannoo Sidaamaatti namoota lama irratti dhiyaachuun hanga Dhaddacha Ijbt gaheen Dh Ijb MMWF glme Lkk 251519 ta’erratti murtii gaafa 24/06/2017 kenneen hiikkoo ifa ta’e kenneera.
Dhimmicha keessatti iyyataan Dhaddacha Ijbt himatamaa 2ffaa kan ture yoo ta’u hirmaannaa isaa ilaalchisee ragaan AA jecha kennaniin “isa ta’uu fi dhiisuu adda hinbaafannee garuu nama isa fakkaatu iddoo sanatti arginee jirra, namoota du’aa reebuun waraanaa turan keessaa tokko himatamaa 2ffaa fakkaata, sana dura himatamaa 2ffaa hinbeeknu” jechuun ibsuu isaanii Dh Ijbt gargalcha Murtii jalaa keessaa ilaaluu caqasee jira.
MMO Naannichaa ragaan itti mirkaneesseera jechuun iyyataa balleessaa taasisee kan adabe yoo ta’u MMW Dhaddachi idilee ragaan AA iyyataa irratti shakkii sababi qabeessaan olitti hinmirkaneessine jechuun murtii MMO diigee iyyataa bilisa godheera. Dhaddachi Ijbt Naannichaa ragaan AA iyyataan iddoo yakkichaa akka turee fi gochicha raawwachuu mirkaneessanii jiru jechuun murtii MMO cimseera.
Dhaddachi Ijbt MMWF gama isaan 1) ragaan AA namni yakkicha raawwate iyyataa kana fakkaata jedhan malee iyyataa ta’uu isaa akka hinibsine MM jalaa galmeessuu isaanii fi iddoo yakkichaatti argine jechuu malee maal akka raawwate akkaataa SYbkwt 32(1(a)) , 23(2) fi 58tiin ifatti wanti agarsiisan akka hinjirre garagalcha Murtii MM jalaa irraa hubachuu isaa fi ;
Akkasumas 2) iyyataan maal akka raawwate ifatti ragaan adda bahee bakka hinibsamnetti iddoo yakki itti raawwatametti argamuun qofti yakkicha raawwateera jechuuf gahaa akka hintaane bal’inaan ibsuun walumaagalatti ragaan AA iyyataan yakka raawwachuu isaa hirmaannaa isaa agarsiisuun shakkii sababi qabeessaa olitti otuu hinmirkaneessin murtiin MMO fi Dh Ijbt Naannichaa kennan dogongora ijoo qajeeltoo madaallii ragaa waan ta’eef Dha Ijbtaan ilaalamee sirraa’uu danda’a jedhee murtii MMO fi kan Dha Ijb Naannichaa diigee kan MMW dhaddacha

Bu'aa Qormaata Barreeffamaa fi Afaanii
----------------------------------
(Fulbaana 23,2018 MMWO,Caffee Araaraa,Finfinnee)-Dorgomtoota Gargaaraa Abbaa Seeraa Mana Murtii Aanaa hundaaf,bu'aa qormaata barreeffamaa fi afaanii kan isiniif ifoomsine ta'uu beeksisaa,qabxiin  qormaata barreeffamaa 100% keessaa kan kaawwame ta'uufii bu'uura sirna jiruun 30% tti kan deebi'u ta'uu ni hubachiifna.
Adeemsa itti aanu yeroo dhiyootti waan isin beeksifnuuf fuula 'faceboo'  fi 'telegram' keenya akka hofdoftan ni beeksifna.

Fedhii fi beekamtii hojjataa ykn ajaja mana murtii malee hojjetaa irraa mindaa hir'isuun dhorkaadha.

Labsii H/M lakk.1353/17 Kw.11(2)

#Haati Mucaa, Abbàan Warraa Ana Waliin Gaa'ilaan Jiru Abbàa Mucaa Waan Hin Taaneef Qorannoon DNA naaf Haa Taasifamu Jettee Kallattiin Gaafachuu Dandeessii? (Mucichi Gaa'ila Isaan Gidduu Jiru Keessatti Kan Dhalate Ta'ee Osoo Jiruu) Adeemsa Akkamii Hordofee Gaafatamuu (Qulqullaa'uu) Danda'a?
‎
‎========//========///==============
‎
‎Abbummaan tooftaalee tilmaama seeraa ykn ofitti fudhachuutiin akka murtaa’uuf falmiin wayita ka’u, bu’aan qorannoo DNA akka ragaa ittisaatti akka dhiyaatu tumaan seeraa ifatti agarsiisu jiraachuu baatus, manneen murtii adeemsa seeraan diriire hordofuudhaan murtii haqa qabeessa ta’e kennuuf barbaachisaadha jedhanii yoo itti amanan hojiirra oolchuu ni danda’u. Bu’aan qorannoo DNA akkaataa seerichaan ibsameen sababoota seera qabeessaan akka ragaatti kan dhiyaatudha malee sababa haati tilmaama seeraan taa’e haalteef qofa akka ragaatti kan dhiyaatu miti.    
‎    (Dhaddacha Ijibbaataa MMWF, Lakk.Ga.148570 (Jildii 23ffaa)
‎
‎አባትነትን በሕግ ግምት ወይም በመቀበል መንገዶች ለመወሰን ክርክር ሲነሳ የባህሪ ወሳኝ ቅንጣት(DNA) ውጤት እንደ መከላከያ ማስረጃ እንዲቀርብ በሕጉ በግልጽ የተቀመጠ ድንጋጌ የሌለ በመሆኑ ፍርድ ቤቶች በሕጉ የተረዘረጋውን ስርዓት ተከትለውና ለትክክለኛ ፍትህ አሰጣጥ አስፈላጊ መሆኑን ሲያምኑበት ተግባራዊ ሊያደርጉት ይችላሉ:: የዘር የባህሪ ወሳኝ ቅንጣት (DNA) ምርመራ ውጤት በሕጉ በተመለከተው አግባብ በሕጋዊ ምክንያቶች ለማስረጃነት የሚቀርብ እንጂ በሕግ የተቀመጠውን ግምት እናት ስለካደች ብቻ ለማስረጃነት የሚቀርብ ማስረጃ ነው ተብሎ ድምዳሜ የሚደረስበት አይደለም::            
‎    (የሰ/መ/ቁ. 148570, ቅጽ-23) 
‎
‎   credit        to    Desalegn B.
‎https://t.me/http_Ijooseeraa

Yakka Ajaja Mana Murtii Fudhachuu Diduu, Cabsuu ykn Gufachiisuu

Seera yakkaa MDFRI bara 1996 bahe kwt 448, Labsii Lkk 216/2011 kwt, 48 fi Murtii Dh Ijbt Jld 13ffaa glme Lkk 67777 ta’erratti hiikkoo kenname
Waliin ha ilaallu
Manni Murtii hojii tajaajila haqa kennuu hojjetu keessatti dhimma qabate qulqulleessuuf ajaja adda addaa dhaabbilee mootummaas ta’ee miti mootummaa ykn nama seeraas ta’ee nama uumamaa tti dabarsuu ykn baasuu nidanda’a.
Kana males ajaja ykn murtii kenne akka raawwatanis ajajuu mala. Qaamni ajajame ykn namni biroo ajaja Manni Murtii kennu sababa malee raawwachuu ykn fudhachuu dide ykn akka hinraawwatamne danqe ykn cabse itti gaafatamummaa adda addaa kan hordofsiisu akka ta’ee fi yakkaanis akka adabamuudha.

Ittigaafatamummaa ajaja Mana Murtii cabsuun ykn danquu ykn fudhachuu diduun hordofsiisu keessaa tokko itti gaafatamummaa yakkaa yemmuu ta’u innis SY kwt 448 fi labsi Lkk 216/2011 kwt 48 jalatti tumamee jira.
Kanas Manni Murtii qaama gochaa akkasii raawwate irratti galmeedhuma ajajni cabe ykn raawwachuu didame ykn danqame irratti kenname sana irratti qulqulleessa biroo otuu hin barbaachisin tarkaanfii itti gaafatamummaa yakkaa fudhachuun adabuu akka qabu keewwanni seerota olitti ibsamee ifatti tumee jira.Dhaddachi ijibbaataa mana murtii woliigalaa federaalaas  murtii lakk.Galmlee  67777 ta’een Jildii13ffaan manxanfame keessatti haala kanaan  murteessuun murtii hiikkoo dirqisiisaa qabu kennee jira.
https://t.me/http_Ijooseeraa

Afeerraa Yaada Uummataa
-----------------------------
(Fulbaana 27,2018 MMWO,Caffee Araaraa,Finfinnee)-Dorgommii Gargaaraa Abbaa Seeraa Mana Murtii Aanaa gaggeeffamaa tureen wal qabatee bu'aa qormaata barreeffamaa fi afaanii ifoome ture irratti dabalataan ulaagaaleen bu'uura Dambii BASO fi qajeelfamoota rogummaa qabaniin jiran waliin 100% keessaa cuunfuun kunneen caalmaa argatanii argaman akkasumas kunneen eeggataa ta'an ifoomanii jiru.Waan ta'eefis naamusa dorgomtoota kanaa irratti odeeffaannoo fi eeruu gara garaa kan qabdan lakk.bilbilaa 0903571457 irratti(telegraamaa fi SMS) n akka nuuf barreessitan ykn Mana Murtii Waliigalaa Oromiyaa,Waajjira Gumii Bulchiinsa Abbootii Seeraatti qaamaan argamuun eeruu akka nuuf kennitan ni gaafanna.
Hub-1)Dorgomtoonni lakk.65ffaa-70ffaatti jiranii fi eeggataa 1ffaan qabxii waliigalaan wal qixa waan argataniif eeggataa ta'uu kan qabu CGPAn akka adda bahu murtaa'eera.
2) Baay'inni eeggattootaa bu'uura sirna jiruun 25% kan fudhatamaniidha.
Via MMWO
Akka beeknuu fi hanga quba qabnuun yaada itti haakennunuu.