#Vacancy
=======
Commercial Bank of Ethiopia would like to invite qualified and interested candidates for the following positions:

1.  Legal Trainee
2.  District Attorney
3.  Associate District Attorney II
4.  Legal Advisor
5.  Legal Compliance Officer 
6.  Legal and Regulatory Change Management Officer
7.  Associate District Attorney I

Interested and qualified job seekers should apply through CBE career website (https://vacancy.cbe.com.et) from December 08 – 14, 2025.

For requirements and other detail information, please use the following link:
https://combanketh.et/uploads/Legal_External_Vacancy_Decmber_6_2025_6cfd71879a.pdf

Ajaja Dhoorkii SDFHH kwt, 151, 152 fi 154 gaafatamuu fi kennamu gidduu garaagarummaa akkamiittu jira?
========================================
Ajaja dhoorkii SDFHH kwt, 152 fi 154 gidduu garaagarummaan jiru gabaabumatti inni seericha kwt 152 ajaja kabachiinsa qabeenyaa murtiin duraa yoo ta’u kaayyoon isaatis himataan yoo murtaa’eef waan irratti raawwachiifatu akka hindhabne wabii kennuudha. Ajajni seericha kwt 152 himatamaan wabii seericha 151n gaafatame qabsiisuu ykn dhiyeessuu yoo dide ykn dadhabe kan raawwatamudha.
Sadarkaa falmii kam irratti iyyuu yoo ta’e, himatamaan ykn qaxxaamuraan himatamaan, himata gufachiisuuf kan karoorfate ykn ajajni kenname akka hin raawwatamne danquudhaaf malataa kan jiru ta’uu iyyataan iyyata kakuun deeggarameen ykn haala biraatiin yoo hubachiise. Himatamaan qabeenyaa isaa guutummaa guutuutti ykn gar-tokkee maqsuudhaaf ykn balleessuudhaaf kan karoorfate yoo ta’e ykn tilmaama qabeenya kabachiifamuu himataan yoo beeksise ykn ;
Himatamaan qabeenyasaa guutummaa guutuutti ykn gar-tokkee isaa aangoo tooraa MM himanni itti dhiyaate jalaa baasuudhaaf kan karoofate ta’uu MM yoo hubate, Himatamaan sababa wabii hin waamneef MMtti dhiyaatee hubachiisuu yoo baate ykn maallaqa jedhame qabsiisuu yoo baate, qabeenyaa isaa tarraa’ee dhiyaate keessaa hanga itti murtaa’u waliin kan wal-gitu kabajamee akka turu  bu’ura SDFHH klwt, 152tiin ajajama. Haata’u malee, wabii gahaa, maallaqa baasiif kisaaraa qabeenyaa kabachiisuuf bahe waliin yoo qabsiise ykn himanni dhiyaate kufaa yoo ta’e hangi wabummaan qabame kan gadhiifamu ta’a.
Dhuma irratti dhimmichi himataaf kan murtaa’e yoo ta’e, sababa raawwii murtichaatiif qabeenyaa kabachiisuuf iyyata haaraa dhiyeeffachuun otoo hin barbaachisin murtiin duratti qabeenyaan kwt, 151n qabsiifame ykn kwt 152n dhorkame akkuma jirutti ta’ee raawwiin akka itti fufu gochuun ni danda’ama (SDFHH kwt,153(5)). Namnii mirga qaba jedhe gaafatu bu’uura SDFHH kwt 418 tiin iyyachu fi MM adeemsoota 418 jalatti jiraniin qulqulleesse ajaja kennu qaba.
Gama biraan akkaataa SDFHH kwt, 154n dhoorkiin kennamu dhimma falmiirra jiru ta’uu kan qabu yemmuu ta’u; iyyanni dhiyaatu kakuun deeggaramee ykn haala biraatiin kan mirkanaa’e ta’uu qaba; Ajaja kwt, 154n kennamu kan kwt, 152 irraa adda kan godhu dhoorkichi qabeenya falmii irra jiru ykn falmiif sababa ta’e qofa kan ilaalu ta’uu isaatidha.  Innis Qabeenyaan falmiidhaaf sababa ta’e kan badu, kan manca’u, himatamaan dabarsee nama biraatiif kennudhaaf, gurguruudhaaf, murtii kan biraa sababeeffachuun qabeenyaa dabarsee kennuudhaaf kan karoorse ta’uun yoo beekame kan raawwatu ta’ee kaayyoon isaatis raawwii murtiif wabii argachuu otuu hintaane qabeenyichuma irra dantaa qabu kabachiisuudha.
Adeemsa dhoorkiin ittiin kennamu ilaalchiseetis seericha kwt, 157 jalatti tumamee kan jiru yoo ta’u kunis akka qajeeltootti MM ajaja dhorkaa kennuun duratti garagalchi iyyata dhorkaa garee faallaa akka qaqqabu ajajni kennamuu qaba. Haa ta’u malee, haala addaatiin kaayyoo ajaja dhorkaa kan fashaleessu yoo ta‟e garee faallaa otoo hin beeksisin kallattiin ajaja dhorkaa kennuu danda‟a (SDFHH kwt  157). Gareen faallaan akka beeku gochuu irraan kan hafe iyyannoo dhoorkii irratti yaada isaa akka kennu hintaasifamu. Kunis iyyannoo dhoorkii irratti sababa dhiyaate seera waliin ilaalee/qoratee aangoon waan jechuudhaa guutumaan guututti kan MM qofadha.
Iyyannoon ajaja dhoorkii qabeenyaa sadarkaa falmii kamuu irratti dhiyaachuu kan danda’u yoo ta’u kunis eega himannaan baname booda dhiyaachuun baratamaa fi beekamaadha. Haata’u malee otuu himannaan MMtt hinbanamin duras iyyannoon dhoorkii qabeenyaa dhiyaachuu akka danda’uu fi ulaagaa kan guute taanaan MM ajaja kennuu akka danda’us Dh Ijb MMWF hiikkoo kennee jira (glm lkk,191402, Jld 25) .
https://t.me/http_Ijooseeraa

𝐃𝐇𝐈MM𝐎𝐎𝐓𝐀 𝐇𝐀𝐑𝐈𝐈𝐑𝐎𝐎 𝐇𝐀𝐖𝐀𝐀𝐒𝐀𝐀
𝐃𝐀𝐑𝐁𝐈𝐈𝐍𝐒𝐀 𝐘𝐄𝐑𝐎𝐎 𝗤𝗔B𝗔𝗡𝐈𝐈 F𝐈 𝐇𝐈N
𝗤𝗔B𝗡𝐄

  ☞ Mirgi yookaan dantaan dhimma hariiroo hawaasaatiin wal qabaate namni tokko qabu karaalee itti hafaa ta'u ykn daangeeffamu keessaa tokko darbiinsa yerootiini.

  ☞Hubannoof akka tolu dhimmoota hariiroo hawaasaa darbiinsa yerootiin daanga'uu fi hin daangoofne muraasa akka itti aanutti dhiyeessineerra:

1️⃣. 𝑺𝒆𝒆𝒓𝒂 𝑫𝒉𝒂𝒂𝒍𝒂𝒂 𝑰𝒍𝒂𝒂𝒍𝒄𝒉𝒊𝒔𝒆𝒆

Dhimmoonni dhaalaa darbiinsa yerootiin hin daangoofne:
➠Qabeenya dhaalchisaan imaanaadhaan nama bira tursiise dhaaltonni deebisiisuuf himanni dhihaatu darbiinsa yerootiin hin daangeeffamu(qabeenya akkanaa irratti himanni yeroo kamittiyyuu dhihaachuu danda'a).#Dhaddachi_Ijibbaataa_Mana_Murtii_Waliigalaa_Federaalaa_Jildii 10ffaa lakkoofsa galmee 48048 ta'e irratti "qabeenya dhaalchisaan imaanaadhaan nama bira akka turu taasise yookiin qabeenya imaanaadhaan akka Bulchu yookiin eegu taasifame,qabeenya akkanaa dhaaltonni deebisiisuuf himatni dhihaatu darbiinsa yerootiin hin daangeeffamu"jechuun seera hariiroo hawaasaa keewwattoota 2781(1)(2),2779,fi 2989(1) waliin wal qabsiisuun murtii dirqisiisaa kennee ture.
➠Himata qabeenya dhaalaa dhaaltonnii fi gaheen isaanii beekamee fedhiin osoo hin qoodin kaa'an darbiinsa yerootiin hin daangeeffamu,seera hariiroo hawaasaa keewwata 1060 fi 1061.#Dhaddachi_Ijibbaataa_Mana_Murtii_Waliigala_Federaalaa_Jildii 10ffaa lakkoofsa galmee 38533 ta'een "qabeenya dhaalaa dhaaltonni beekamee gahee/qooda dhaaltotaa osoo addaan hin qooddatin ture darbiinsa yerootiin hin daanga'u"jechuun seera hariiroo hawaasaa keewwata 1060,1062 fi 996 waliin wal qabsiisuun murtii dirqisiisaa laatee ture.

#Seera_Dhaalaa Keessa Darbiinsi Yeroo Akaakuu Adda Addaatu jiru.Isaanis:

🅰️. #Darbiinsa_yeroo himata dhaaltummaa:-
 
Gaaffiin yookiin falmiin tokko himannaa dhaaltummaati jechuudhaaf bu'uurri seeraa shh keewwattoota 998,999,fi 1001 dha.
"Himata dhaaltummaa"jechuun dhaaltuun tokko dhaaltuu dhugaa ta'uun isaa beekamee qabeenyi dhaalaa akka deebi'uuf;waraqaan ragaa duraan kenname akka deebi'u ykn haqamuuf;nama waraqaa ragaa gatii qabu osoo hin qabaatin qabeenya dhaalaa hundumaa ykn hanga tokko harka galfate irratti dhiheeffatuudha jechuudha.
#Himatni dhaaltummaa himataan mirga isaa fi qabeenyi dhaalaa himatamaan qabamuu yeroo beekee irraa kaasee waggaa sadi(3) keessatti yoo hin dhihaatin(mormiin yoo ka'e) darbiinsa yerootiin daangeeffama,shh keewwata 1000(1);#Dhaddacha Ijibbaataa Federaalaa Jildii 11ffaa Lakkoofsa Galmee 52407,Jildii 6ffaa Lakk.Galmee 20295 fi 26422.
#Himanni dhaaltummaa gaafa dhaalchisaan du'e yookiin himataan mirga isaatiin fayyadamuu guyyaa danda'erraa kaasee waggaa 15 booda darbiinsa yerootiin ni daangeeffama,shh keewwata 1000(2).
#Dhaddachi Ijibbaataa Federaalaa Jildii 11ffaa Lakk.Galmee 57114 ta'e irratti "dhaaltuun umuriin isaa waggaa 18 hin guunneef darbiinsi yeroo lakkaa'amuu Kan eegalu,guyyaa dhaaltuun umriin isaa waggaa 18 guute irraa eegalee akka ta'e" hiikoo kennee ture.
#Dhaddachi_Ijibbaataa Federaalaa Jildii 20ffaa Lakk.Galmee 120841 ta'een "dhaaltuun umuriin isaa gaa'elaaf hin geenye tokko guyyaa umriin isaa gaa'ilaaf gahe irraa eegalee hanga waggaa 15 keessatti mirga dhaaltummaa gaafachuu ni danda'a" jechuun hiikoo seeraa dirqisiisaa laatee ture.
#Dhaddachi Ijibbaataa Federaalaa Jildii 11ffaa Lakk.Galmee 47201 ta'e irratti"dhaaltuun nama dhaaltuu hin taane irratti qabeenya akka gadi naaf lakkisu"jechuun falmiin dhihaatu darbiinsi yeroo gaafa waraqaa ragaa dhaaltummaa fudhate osoo hin taane,gaafa qabeenyaan nama biraatiin qabame irraa eegalee akka ta'e murteessee ture.
#Dhaddachi_Ijibbaataa_Mana_Murtii_Waliigalaa_Federaalaa Lakk.Galmee 186129 ta'een "darbiinsi yeroo lakkaa'amuu kan eegalu yeroo waraqaa ragaa dhaaltummaa fudhatamee kaasee osoo hin taane,guyyaa qabeenyi dhaalaa nama dhaalaa hin taaneen qabame irraa eegalee jiru yeroo waggaa 3 keessatti qofa akka ta'e"Bitootessa bara 2013 hiikoo seeraa dirqisiisaa kennee ture.
https://t.me/http_Ijooseeraa

Qabiyyee Lafaa Abbaa Qabiyyee Harkaa Akkaataa Seera Beenyaatti Otuu Hinfuudhamin Nama Dhuunfaaf Kennuun Bu’aa Hordofsiisu: =====================
Heera Mootummaa kwt 40(8) fi Labsii Lkk 1160/2011 Kwt 8 waliin Xiinxaluun Hiikkoo Dh Ijbta MMWF glme Lkk 249569 ta’erratti gaafa 06/2017 kenname===========================
Qabiyyee nama dhuunfaa ykn abbaa qabiyyee harka jiru Keessaayyuu daangaa magaalaa irratti/keessatti argamu otuu akkaataa seera qabiyyee gad-lakkisiisuu rogummaa qabu hinhordofin B/Magaalaa dabarsee qilleensa irratti tajaajila mana jireenyaaf ykn inveestimantiif nama biroof ragaa saayitii fi kaartaa abbaa qabiyyummaa haalli itti kennan baratamaadha. Sababa kanaan falmiin abbaa qabiyyee fi nama kaartaan kennameef giddutti mana murtiitti yeroo dhiyaatu bal’inaan mul’ata. Manneen murtiis irra caalaa himatamaan qaama aangoo qabu irraa kaartaa ragaa abbaa qabiyyummaa seera qabeessa kan argate waan ta’eef qabiyyichi himataaf gad-lakkisuuf dirqama hinqabu, himataan yoo barbaada qaama mootummaa ilaalu irraa beenyaa fi lafa bakka bu’iinsaa gaafachuu danda’a jechuun kan murteessan akka ta’es qabatamni jiru niagarsiisa.
Haata’u malee dhimma Magaalaa Shaggar Aanaa Sulultaa duraaniitti eegaluun dhumarra Dh Ijbt MMWFtti bara kana murtaa’e irratti Dh Ijbt MMWF murtii Manneen Murtii Ol’aanaa, Waliigalaa fi Ijbta Naannichaa kenname diiguun qabiyyee lafaa falmii kaase akkaataa Labsii Lkk 1160/2011tiin faayidaa ummataaf akka fudhatamu murtaa’uudhaan adeemsa labsichaan taa’e hordofee himataa harkaa dursee fuudhamuun otuu hinmirkanoofne sababa himatamaaf ragaan kaartaan kenname jedhuun qofa himataan beenyaa fi lafa bakka bu’iinsaa gaafachuu danda’a jedhamee murtaa’uun dogongora bu’uraa ijoo seeraa Heera mootummaa kwt 8 fi Labsii beenyaa Lkk 1160/2011 irratti raawwatameedha jechuun murteessee jira.
https://t.me/http_Ijooseeraa

#Seerotaa_Qabiyyee_Lafa_Magaalaa_bulchuuf_bahanii_fi_Murti_dhaddacha_ijibbaata_Federalaa_kamfaa ❓

1.Heera Mootummaa Federaalaa Itoophiyaa keewwata 40 fi 52(2)(d) fi Heera Mootummaa Naannoo Oromiyaa keewwata 40,
2.Labsii Lafa Magaalaa akka Federaalaatti bahe lakk.721/2011,
3.Dambii Lafa Magaalaa Naannoo Oromiyaa Lakk. 182/2008,
4.Qajeelfama Lafa Magaalaa Sirna Liiziin Bulchuuf Irra Deebiin Bahe Lakk. 4/2008,
5.Qajeelfama Kenniinsa Tajaajila Bulchiinsa Qabiyyee Lafa Magaalaa Lakk. 6/2008,
6.Qajeelfama Keessummeessa Qabiyyee Lafa Magaalaa Ragaa Hin Qabnee fi Ijaarsa Seeraan Alaa Sirna Qabsiisuuf
Bahe Lakk. 4/2008 fa'aadha.

✅#Dhaddachi_Ijibbaataa_Mana_Murtii_Waliigalaa_Federaalaa_Jildii_20ffaa lakk. galmee 111311  ta'een "namni kamiiyyuu qaama aangoo qabu irraa eeyyama osoo hin argatin qabiyyee seeraan argate cinaa qabiyyee lafa isaa qabiyyee mootummaa ta'e irratti bal'ifatee qabachuu fi fayyadamuu akka hin dandeenye"Labsii Lakkoofsa 721/2011 kew. 5(2) waliin wal qabsiisuun murteessee ture.

✅#Dhaddachi_Ijibbaataa_Mana_Murtii_Waliigala_Federaalaa_Jildii_20ffaa lakkoofsa galmee 107777 ta'erratti "qabiyyee lafa Magaalaa irratti yeroo Liiziin addaan citu,namni qabiyyicha irratti qabeenya horate yeroo waggaa tokko(1) keessatti kaafatee qabiyyee qaama aangoo qabuuf deebisee harkaan gahuu akka qabu" Labsii Lakkoofsa 721/2004 kew. 25(1)(2) waliin wal qabsiisuun murtii dirqisiisaa
laatee ture.

✅#Dhaddachi_Ijibbaataa_Mana_Murtii_Waliigalaa_Federaalaa_Jildii_23ffaa lakkoofsa galmee 150803 ta'e irratti
"qaamni aangoo qabu qa biyyee Lafa Magaalaa seeraan ala qabame,Mana ijaarame akeekkachiisa barreeffamaa guyyoota hojii 7(torba) kennuu,fi beenyaa kanfaluun osoo hin barbaachisin ajaja gadi lakkisiisuu kennuu akka danda'u, namni qabiyyee Lafa Magaalaa weeraraan/saamichaan qabate sun yakkaanis himatamee adabamuu akka qabu" Labsii kew.26(4),27 fi 35(1) waliin wal qabsiisuun murtii dirqisiisaa kennee ture.

✅#Dhaddachi_Ijibbaataa_Mana_Murtii_Waliigala_Federaalaa_Jildii 18ffaa lakk. galmee 100671 fi #Jildii 22ffaa lakk. galmee 141606 ta'an irratti "Lafa duwwaa
bituu fi gurguruun seeraan ala akka ta'e,fi Lafti waliigaltee akkanaatiin argamuu akka hin dandeenye" heera mootummaa
keewwata 40(3) waliin wal qabsiisuun murteessee ture.
https://t.me/http_Ijooseeraa

👉"#Darbiinsa_Yeroo:(#Period_of_limitation)
1️⃣.Qabiyyeen Lafa baadiyyaa dhaalaan akka darbuuf seerummaan yeroo gaafatamu,darba yeroo ilaalchisee seerri addaa tumame yoo hin jirre,falmii dhaaltota gidduu ka'uuf darbiinsi yeroo raawwatiinsa qabu darbiinsa yeroo seera waliigalaa keessatti tumame waggaa 10 osoo hin taane,darbiinsa yeroo seera hariiroo hawaasaa keewwata 1000(1) jalatti tumame waggaa 3 tu raawwatiinsa qaba" jechuun Dhaddachi Ijibbaataa Mana Murtii Waliigalaa Federaalaa Jildii 25ffaa Lakk.Galmee 187340 ta'e irratti hiikoo dirqisiisaa kennee ture.

1️⃣.#Dhaddachi Ijibbaataa Mana Murtii Waliigalaa Federaalaa Jildii 25ffaa Lakk.Galmee 191968 ta'e irratti "himannaa qabiyyee dhaalaa Lafa baadiyaa waliin wal qabatee dhiyaate,keewwatni darbiinsa yeroo raawwatiinsa qabu jiraachuu Labsii Bulchiinsaa fi Itti Fayyadama Lafa Baadiyaa Naannoo Oromiyaa Lakk.130/1999 waan hin tumneef,darbiinsi yeroo raawwatiinsa qabu seera hariiroo hawaasaa keewwata 1677(1) fi 1845 jalatti tumame darba yeroo waggaa 10 dha" jechuun sagalee caalmaan murteessee ture.
2️⃣.Waraqaa ragaa dhaaltummaa sobaan fudhatame akka haqamuuf gaaffiin waggaa 10(kudhan) keessatti yoo hin dhihaanne waggaa 10 booda dhihaachuu yookiin gaafachuu hin danda'u.

#Dhaddachi_Ijibbaataa_Mana_Murtii_Waliigalaa_Federaalaa_Jildii_24ffaa_Lakkoofsa_Galmee 161650 ta'e irratti "waraqaa ragaa dhaaltummaa sobaan argame akka haqamuuf gaaffiin gaafatamuuf darbiinsi yeroo raawwatiinsa qabu waggaa 10 akka ta'e" seera hariiroo hawaasaa keewwata 1677,1845,1846,fi seera deemsa falmii hariiroo hawaasaa keewwata 358 fi 359 waliin wal qabsiisuun hiikoo dirqisiisaa kennee ture.

3️⃣.Qabeenyi dhaamoon argame waggaa kudhan(10) keessatti yoo hin gaafatamne darbiinsa yerootiin waan daangeeffamuuf waggaa 10 booda gaaffii akkanaa gaafachuun himannaa Mana Murtiitti dhiheessuu hin danda'u,yoo himannaa dhiheeffates kufaa jalaa ta'a,shh keewwattoota 1677(1) fi 1845.

4️⃣.Mormiin dhaamoo taasifame irratti dhiyaatu dhaamoon dubbifamee jedhe beekee kaasee mormii isaa torbee lama(2) keessatti Qulqulleessituu dhaalaatiif erga ibseen booda yeroo itti aanu ji'a sadi(3) keessatti yoo ta'ee,fi sababa kamiinuu,garuu waggaa shan(5) keessatti mormii yoo dhiheessine darbiinsa yerootiin waan daangeeffamuuf booda dhiheeffachuu hin danda'u,shh keewwata 973 fi 974.(Jildii 11ffaa Lakk.Galmee 53223).

5️⃣.Himataan(dhaaltuun) mirgaa fi qabeenya dhaalaa himatamaan qabame,qabeenyicha deebisiisuuf qabeenyichi himatamaan qabamuu beeke irraa eegalee waggaa sadi(3) keessatti yoo himannaa hin dhiheessine darba yerootiin waan daanga'uuf waggaa sadi booda gaafachuu hin danda'u,shh keewwata 1000(1).(Jildii 6ffaa Lakk.Galmee 25567).

6️⃣.Qabeenya dhaalaa ilaalchisee falmiin dhaalaa fi garee sadaffaa yookiin nama dhaaltuu hin taane jidduu ka'u darbiinsi yeroo raawwatiinsa qabu waggaa kudhaniidha.Himanni waggaa kudhan booda dhiyaatu kufaadha jechuudha,shh keewwata 1845.(Jildii 6ffaa Lakk.Galmee 25664).

7️⃣.Qabeenya dhaalaa ilaalchisee falmii dhaaltota jidduu ka'uuf darbiinsi yeroo rogummaa qabu waggaa 3/sadiidha,shh keewwata 1000(1).(Jildii 11ffaa Lakk.Galmee 52407,Jildii 6ffaa Lakk.Galmee 20295,26422).

8️⃣.Himataan qabeenyi dhaalaa himatamaan jalaa qabamuu beekes beekuu baates dhaalchisaan erga du'e yookiin himataan mirga isaa gaafachuu danda'e irraa eegalee waggaa kudha shan(15) keessatti yoo hin gaafanne waggaa 15 booda darbiinsa yerootiin hafaa waan ta'uuf gaafachuu hin danda'u,shh keewwata 1000(2).(Jildii 20ffaa Lakk.Galmee 120841).

9️⃣.Gahee qoodinsa qabeenya dhaalaa ilaalchisee qoodinsi qabeenyaa raawwatamuu erga beekee kaasee waggaa tokko(1) keessatti gaaffii yoo hin dhiheessine darba yerootiin waan daangeeffamuuf waggaa tokko booda gaafachuu hin danda'u.Sababa kamiinuu dhaalchisaan erga du'ee kaasee herregamu waggaa kudhan(10) keessatti gaaffii gahee isaatiif yoo hin dhiheessine darbiinsa yeroo seerri kaa'een waan daangeeffamuuf waggaa 10 booda gaafachuu hin danda'u,shh keewwata 1080(3).(Jildii 10ffaa Lakk.Galmee 40418).

1️⃣0️⃣.Waliigalteen kennaa erga taasifameen(raawwatameen) booda raawwiif waggaa 10 keessatti gaaffii yoo hin dhiheessine darbiinsa yerootiin waan daangeeffamuuf namni kennaan qabeenya argate sana waggaa 10 booda akka raawwatamuuf gaafachuu hin danda'u,shh keewwata 1676(1),fi 1845.(Jildii 10ffaa Lakk.Galmee 42691).
1️⃣1️⃣.Abbaan mirgaa qabeenya irratti erga murtiin kennameen booda waggaa 10 keessatti akkaataa murtiitiin akka raawwatamuuf yoo hin gaafanne yookiin iyyata raawwii yoo hin dhiheeffanne waggaa 10 booda akkaataa murtiitiin akka raawwatamuuf gaafachuu hin danda'u,sdfhh keewwata 384.

1️⃣2️⃣.Waliigalteen akka raawwatamu yookiin waliigalteen waan hin raawwatamneef miidhaa qaqqabeef namni Beenyaa gaafatu waggaa 10 keessatti himannaa Mana Murtii idileetti yoo hin dhiheessine darbiinsa yerootiin waan daangeeffamuuf waggaa 10 booda gaafii Beenyaa akka kanfalamuuf gaafachuu hin danda'u,shh keewwata 1845.
1️⃣3️⃣.Waliigaltee imaanaa yeroo meeshaan deebi'u caqafame meeshaan himatamaa biratti kaa'ame hanqina qaba jedhamee gaafatamu waggaa tokko(1) keessatti himanni yoo hin dhihaanne waggaa tokko booda dhihaachuu hin danda'u,shh keewwattoota 2291,2292,fi 2298(1).(Jildii 12ffaa Lakk.Galmee 55229).
1️⃣4️⃣.Darbiinsi yeroo waggaa lamaa seera hariiroo hawaasaa keewwata 1810(2) jalatti tumame raawwatiinsa kan qabu"waliigaltee hanqina eeyyamaa yookiin dandeettii dhabuutiin raawwatame diigsisuuf dhihaatu qofa irrattiidha.(Jildii 12ffaa Lakk.Galmee 48012).

1️⃣5️⃣.Waliigaltee meeshaa yookiin qabeenya Geejjiba Galaanaa ilaalchisee meeshaa harkatti erga galfatee kaasee waggaa tokko(1) keessatti himata yoo hin dhiheessine waggaa 1 booda gaafachuu hin danda'u,Seera Galaanaa keewwattoota 146,203,180,fi shh keewwattoota 1826,1828,fi 1829(A).(Jildii 17ffaa Lakk.Galmee 98358,Jildii 14ffaa Lakk.Galmee 80642).
1️⃣6️⃣.Dhimma waliigaltee ilaalchisee darbiinsi yeroo ifa ta'ee seeraan yoo hin tumamne,darbiinsi yeroo waliigaltee waliigalaa keessatti tumame waggaa 10(kudhan) raawwatiinsa qaba.(Jildii 8ffaa Lakk.Galmee 34940).

1️⃣7️⃣.Wabii qabiinsa qabeenya hin sochoone(Mortgage) ilaalchisee mirgi hafaa kan ta'u(Lapse of Mortgage right) guyyaa waliigalteen qabiinsa qabeenyaa(wabii) galmaa'e irraa eegalee waggaa kudhan(10) darbuun dura mirga qabiinsaa fayyadamuu yoo hin eegalle darbiinsa yerootiin waan daangeeffamuuf waggaa 10 yoo darbe gaafachuu hin danda'u,shh keewwata 3058(1)(3).(Murtii Ijibbaataa Lakk.Galmee 78444).

1️⃣8️⃣.Beenyaa waliigalteen alaatiin miidhaa qaqqabeef gaafatamu,guyyaa miidhaan qaqqabe irraa kaasee waggaa lama(2) keessatti yoo himanni hin dhihaanne darbiinsa yerootiin waan daangeeffamuuf waggaa lama booda gaafachuu hin danda'u,shh keewwata 2143(1).(Jildii 25ffaa Lakk.Galmee 194880,Fi Jildii 6ffaa Lakk.Galmee 34406).
1️⃣9️⃣.Qabeenya tasgabbaa'aa irratti jeequmsi ka'e akka dhaabbatuuf himanni dhihaatu waggaa 2 keessatti yoo hin dhiyaanne waggaa lama booda himata dhiheessuu hin danda'u,yoo dhiheesses kufaadha,shh keewwata 1149(2).
2️⃣0️⃣.Dhimmoota Hojjataa fi Hojjachiisaa ilaallatan kamiyyuu guyyaa balleessaan raawwatame irraa eegalee waggaa tokko(1) keessatti himannaa dhiheessuu danda'a,woggaan tokko yoo darbe immoo himannaa dhiheessuu hin danda'u,Labsii Hojjataa fi Hojjachiisaa Lakkoofsa 1156/2011 keewwata 189.(Jildii 21ffaa Lakk.Galmee 134188).

2️⃣1️⃣.Qabiyyee Lafa Baadiyaa Naannoo Oromiyaa himatamaan itti fufiinsaan kunuunsaa waggaa 12 ol itti fayyadamaa ture,waliigaltee seeraan alaatiin qabiyyicha qabachuu hanga hin mirkanoofnetti himanni himatamaa irratti dhihaatu darbiinsa yeroo waggaa 12 tiin waan daangeeffamuuf waggaa 12 booda himanni yoo dhiyaate kufaadha.Dambii Lakkoofsa 151/2005 keewwata 32.(Jildii 22ffaa Lakk.140538)
2️⃣2️⃣.Gareen murtii Mana Murtii Hawaasummaa Gandaa irratti komii qabu,guyyaa 10 keessatti garagalchi Murtii akka kennamuuf gaafatee guyyaa 15 keessatti murtichi garagalfamee kennameefi,erga garagalcha Murtii fudhatee irraa kaasee guyyaa 30 keessatti ol'iyyata isaa Mana Murtii idilee Aanaatti yoo hin dhiheeffanne guyyaa 30 booda dhiheeffachuu hin danda'u,Labsii Lakkoofsa 128/1999 keewwata 34(2)(3).

2️⃣3️⃣.Sirna ariitii irratti ol'iyyannichi murtiin erga kennamee kaasee guyyaa 10 keessatti dhihaachuu/gaafatamuu qaba.Yeroo seerri kaa'e keessatti ol'iyyanni yoo hin gaafatamne yeroon darbinaan ol'iyyannisaa fudhatama hin qabu.

2️⃣4️⃣.Murtiin yookiin ajajni bakka ani hin jirretti kenname akka naaf ka'u jedhamee gaafatamu,erga murticha yookiin ajajicha beekee kaasee guyyoota 30 keessatti yoo iyyata hin dhiheessine Baatii tokko booda dhiheessuu hin danda'u,sdfhh keewwata 78(1).
2️⃣5️⃣.Dhimma hariiroo hawaasaa irratti murtiin erga kennameen booda ol'iyyanni guyyoota 60 keessatti yoo hin dhihaanne(hin gaafatamne) ji'a lama(2) booda ol'iyyannoo gaafachuu hin danda'u,sdfhh keewwata 323(1).
2️⃣6️⃣.Falmii hojii irratti murtiin erga kennameen booda ol'iyyanni ijibbaataatti guyyoota 90 keessatti dhihaachuu qaba,ji'a sadi booda immoo ol'iyyanni ijibbaataatti gaafachuu hin danda'amu.

2️⃣7️⃣.Dhaddachi Ijibbaataa Mana Murtii Waliigalaa Federaalaa Lakkoofsa Galmee 224876 ta'e dhaddacha Onkoloolessa 2 bara 2015 ooleen "dhaaltuun qabeenya dhaalaa harkatti hin qabanne darbiinsa yeroo akka mormii sadarkaa duraatti bu'uura seera hariiroo hawaasaa keewwata 1000(1) tiin kaasuu hin danda'u.Himataan mirgii fi qabeenyi dhaalaa himatamaan qabamuu beeke kaasee waggaa 3(sadi) erga darbeen booda gaaffii dhaaltummaa dhiyeessuu akka hin dandeenye shh keewwata 1000(1) jalatti tumeera.Keewwatni kun qabiyyeen isaa darbiinsa yeroo kaasuu kan danda'u,nama qabeenyota dhaalaa qabatee jiruun qofa akka ta'e kan hubachiisuudha" jechuun hiikoo dirqisiisaa kennee ture.

2️⃣8️⃣.#Dhaddachi Ijibbaataa Mana Murtii Waliigalaa Federaalaa Jildii 10ffaa Lakkoofsa Galmee 38533 ta'een "himannaa qabeenya dhaalaa dhaaltonnii fi gaheen isaanii beekamee dhaaltonni fedhiin osoo hin qooddatin kaa'atan darbiinsa yerootiin hin daangeeffamu,himanni yeroo kamiyyuu dhihaatee qabeenyichi deebi'uu danda'a" jechuun seera hariiroo hawaasaa(civil code) keewwata 996,1060,1061 fi 1062 waliin wal qabsiisuun hiikoo dirqisiisaa kennee ture.

2️⃣9️⃣.#Dhaddachi Ijibbaataa Mana Murtii Waliigalaa Federaalaa Jildii 10ffaa Lakkoofsa Galmee 43600 ta'e irratti "himatni qabeenya hin sochoone deebisiisuuf(petitory action) darbiinsa yerootiin hin daangeeffamu(hafaa hin ta'u)" jechuun hiikoo kennee ture.Qabeenyi kunis amala addaa waan qabuufidha.Garuu,darbiinsa yerootiin hin daangeeffamu jedhame qabeenya waliigaltee,kennaa,dhaalmaa fi waliigaltee biroo seera rogummaa qabuun hoogganaman hin ilaallatu,Seera hariiroo hawaasaa keewwattoota 1192,1206,1677 fi 1845 ilaalaa.

3️⃣0️⃣.#Dhaddachi Ijibbaataa Mana Murtii Waliigalaa Federaalaa Jildii 10ffaa Lakkoofsa Galmee 48048 ta'een "qabeenya dhaalchisaan imaanaadhaan nama bira ture dhaaltonni deebisiisuuf himanni dhihaatu darbiinsa yerootiin hin daangeeffamu" jechuun seera hariiroo hawaasaa keewwattoota 2781,2779,2989(1) waliin wal qabsiisuun hiikoo dirqisiisaa kennee ture.
M/Tayib nuretu katabe

Share DARBIINSA YEROO WALIIGALTEE BITTAAFI GURGURTAA LAFAA.pdf