(Credit to Milkii M.)

𝗦𝗲𝗲𝗿𝗮 𝗜𝘁𝘁𝗶 𝗚𝗮𝗮𝗳𝗮𝘁𝗮𝗺𝘂𝗺𝗺𝗮𝗮 𝗪𝗮𝗹𝗶𝗶𝗴𝗮𝗹𝘁𝗲𝗲𝗻 𝗔𝗹𝗮𝗮 𝗸𝗲𝗲𝘀𝘀𝗮𝘁𝘁𝗶 𝗠𝗶𝗶𝗱𝗵𝗮𝗮 𝗗𝗵𝗮𝗾𝗾𝗮𝗯𝗲𝗲𝗳 𝗔𝗸𝗸𝗮𝗮𝘁𝗮𝗮 𝗕𝗲𝗲𝗻𝘆𝗮𝗮𝗻 𝗬𝗮𝗮𝗱𝗮 𝗠𝗮𝗱𝗮𝗮𝗹𝗮𝘄𝗮𝗮𝗻 (𝗠𝗮𝗿𝗮𝗿𝘁𝗼𝗼𝗻) 𝗜𝘁𝘁𝗶 𝗠𝘂𝗿𝘁𝗮𝗮'𝘂.
==========================
📚Seera hariiroo hawaasaa keewwata 2027,2028 fi 2030 jalatti tumamee jiruti namni tokko akkaataa seeraa fi duudhaa hawaasaatiin gocha raawwachuu qabu raawwachuu dhabun yokiin gocha raawwachuu hin qabne raawwachuun badii fi miidhaa sababa kanan dhaqqabuuf kan itti gaafatamu tahuu tumamee jira.

📕Seera hariiroo hawaasaa keewwata 241 jalatti gareen himannaa beenyaa dhiyeessu haala (sababa) himatamaan itti gaafatamaa ta’ee fi hanga miidhaa irra gahe mirkaneessuuf dirqama akka qabu tumamee jira.

📗Karaa biraatiin seera hariiroo hawaasaa keewwata 2090 fi 2091 jalatti hammi beenyaa kafalamu hanga miidhaa dhaqqabeetiin wal qixa tahu yokiin kan wal gitu tahuu akka qabu kan tumamee jiru yommuu tahu akkaataa seera hariiroo hawaasaa keewwata 2141 jalatti tumame kanaan gareen himannaa dhiyeessu tokko hanga miidhaa dhaqqabee bu’ura tilmaama himannaa isaa irratti dhiyeesseen ta’uu ragaa amansiisaan mirkaneessuu qaba jechuudha.

📕Akkaataa kanaan hanga beenya shallagguuf hanga miidhaa dhaqqabee adda baasanii beekuun barbaachiisaadha jechuudha.

📗Yeroo tokko tokko immoo himataan miidhaan irra gahuu hubachiisee hanga miidhaa ilaalchisee ragaa guutuu ta’e dhiyeeffachuu dhabuu danda’a.

📕Yeroo kana miidhan dhaqqabuun mikrkanaa’ee hangi miidhaa dhaqqabee sirritti addan baasuun rakkisa waan tahuuf manni murtii haalota jiranii fi tarkaanfiilee miidhaman fudhate waliin ilaaluun beenya yaada madaalawaan murteessuu akka qabu seera hariiroo hawaasaa keewwata 2102 jalatti tumamee jira.

📕Manni murtii waliigala federaalaa dhaddachi ijibaataa jiildii 11ffaa lakkoofsa galmee 64590 ta’e irratti hanga miidhaa dhaqqabee ragaan mirkaneessuun kan hin danda’amne yoo ta’e manni murtii beenyaa yaada madaalawaan murteessuu akka qabu seera hariiroo hawaasaa keewwata 2090 fi 2102 waliin wal qabsiisuun murteessee jira.

📗Akkaataa kanaan manni murtii yaada madaalawaan yeroo beenya murteessu haaloota naannoo dhimmichaa irraa ka’uun ulaagaawwaan (sababa) ittiin hanga beenyaa murteesse filate sababaan deeggaruu qaba jechuudha.

📕Manni murtii waliigala federaalaa dhaddachi ijibaataatiis jiildii 19ffaa lakkoofsa galmee 108251 ta'e irratti miidhaa dhaqqabeef haala addaatiin beenyaa yaada madalaawaan murteessuun haalli dirqisiisaan yeroo mudatu beenyaa murteessuuf miidhaa dhaqqabeen wal bira qabamee ilaalamuun safartuun yokiin wantoonni tilmaama keessa galfaman jiraachuu akka qabuu fi duuchumatti beenyaan yaada madaalawaan kan hin murtoofne tahuu murteessee jira.
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa
https://www.youtube.com/@ijooseeraa
https://www.youtube.com/@ijooseeraa
https://www.youtube.com/@ijooseeraa

Murtii Aangoo Yakka Cheekii Gogaan
  ( SY kwt.693)

Aangoon Mootummaa Federaalaa fi Naannooleef Heera Mootummaatin kan qoodame ta'u Heera Mootummaa kwt.50(8) jalatti ibsameera.
Bu'uuruma kanaan aangoon Mootummaa Federaalaatiif kennaman Heeraa Mootummaa kwt.51 jalatti kan tarra'aan yommu ta'u, aangoo naannooleef kenname immoo kwt. 52 jalatti tarreefamaniiru.
Aangoo ifatti  hin qooddamne immoo aangoo naannoolee akka ta'u tumameera. Qamoolee mootummaa sadan keessa aangoon seeraa baastu federaalaa fi naannoolee akkasumas qaamolee raawwachiistu mootummaa federaalaa fi naannoolee tiif Heeraa mootummaatiin  qooddameefi jira.
Heerri mootummaa aangoo qamooleen Seera baastufi raawwachiiftuu mootummaa Federaalaa fi naannooleetiif ifaan kan qoodeef ta'us waa'ee aangoo Manneen Murtii Federaalaa fi Manneen Murtii naannoolee ifaan osoo qoodniif bira  darbeera.
Akkuma qaamoolee seeraa baastuu fi raawwachiistu aangoo Manneen Murtii Federaalaa fi naannoolees kan maddu Heeruma mootummaa irraa ta'a malee haalli mootummaa Federaalaa labsiidhaan aangoo Manneen Murtii Federaalaa fi naannoolee itti qoodu hin jiraatu, yoo jiraatees bu'uura Heeraa hin qabaatu.
Labsii lakk.1234/2013 labsii Manneen Murtii Federaalaati malee labsii Manneen Murtii Federaalaa fi Manneen Murtii naannoolee jiddutti aangoo qooduuf bahe miti. 
Kana irraa ka'uun dhimmi tokko dhimma aangoo Manneen Murtii Federaalaa jalatti moo aangoo Manneen Murtii naannoolee jalatti kufa kan jedhu labsii Manneen Murtii Federaalaa lakk.1234/2013 ilaaluun  kan murta'uu osoo hin taane haala qoodinsa aangoo Heera Mootummaa kwt. 51 fi 52 jalatti tarraa'an hordofuun ta'u qaba jedheen amana.

Heera Mootummaa Federaalaa kwt.51(4) jalatti aangoon waa'ee faayinaansii fi mallaqa biyyatti ilaalatu, kwt.51(7) aangoon Baankii biyyoolleessaa bulchuu, maallaqa maxxansuu, sharafa alaa fi wal jijjiira mallaqaa too'achuu fi bulchuu kan Mootummaa Federaalaa akka ta'e tumameera.
Cheekiin "Instrument" maallaqa bakka bu'ee tajaajilu fi karaa dhaabbilee faayinaansiitiin qopha'ee tajaajila irra ooluu fi gama isaanitiin to'atamu ta'u isaa yommu ilaalamu dhimmi cheekii dhimma aangoo Mootummaa Federaalaa jalatti kan kufu akka ta'e ni hubatama.
Kana irraa ka'uun yommu ilaaluu, yakki cheekii gogaa dhimma Federaalaa ta'a jechuudha.
Kanaaf haalli yakki cheekii gogaa dhimma aangoo naannoo waan ta'eef aangoo Mana Murtii Aanaa jalatti kufa jedhamee itti murtaa'e irraa yaadan adda baheera.
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

𝐁𝐮'𝐮𝐫𝐚 𝐒𝐞𝐞𝐫𝐚 𝐀𝐝𝐞𝐞𝐦𝐬𝐚 𝐅𝐚𝐥𝐦𝐢𝐢 𝐇𝐚𝐫𝐢𝐢𝐫𝐨𝐨 𝐇𝐚𝐰𝐚𝐚𝐬𝐚 𝐊𝐞𝐞𝐰𝐰𝐚𝐭𝐚 78 𝐭𝐭𝐢𝐢𝐧 𝐅𝐚𝐥𝐦𝐢𝐢𝐧 𝐈𝐫𝐫𝐚 𝐃𝐞𝐞𝐛𝐢𝐢𝐧 𝐀𝐤𝐤𝐚 𝐈𝐥𝐚𝐚𝐥𝐚𝐦𝐮𝐮𝐟 𝐈𝐲𝐲𝐚𝐭𝐚 𝐃𝐡𝐢𝐲𝐚𝐚𝐭𝐮𝐮 𝐟𝐢 𝐇𝐚𝐚𝐥𝐚 𝐈𝐲𝐲𝐚𝐧𝐚𝐚 𝐃𝐡𝐢𝐲𝐚𝐚𝐭𝐞 𝐈𝐫𝐫𝐚𝐭𝐭𝐢 𝐌𝐮𝐫𝐭𝐢𝐢𝐧 𝐊𝐞𝐧𝐧𝐚𝐦𝐮.

Himatamaan tokko namni Mana Murtiiti isa himatee osoo hin dhiyaatiin hafuun falmii fi ragaa himataa qofan  murtiin iddoo inni hin jirretti kan kennamu yoo ta'e bu'uura sdfhh kwt 78 ttiin falmiin iddoo inni jirtutti irra deebin dhagahamee murtiin akka kennamu iyyannaa dhiyeeffachuu ni danda'a.
Seera adeemsa falmii hariiroo hawaasaa keewwata 78 jalatti murtiin iddoo himatamaan hin jirretti kenname ka’uun galmeen iddoo himatamaan jirutti irra deebiin kan ilaalamu waraqaan waamichaa akkaataa seeraatin himatamaa kan hin dhaqqabne yoo ta'e ykn waraqaan waamichaa sirnaan isa dhaqqabee sababa gahaadhan kan hafu yoo ta’e qofa akka ta’e ifatti tumamee jira.
Bu’ura SDFHH keewwata 78 iyyannaa dhiyaatu yeroo ilaalu Manni Murtii himatamaan dhimma duubatti deebisuuf beekaa hafuu fi dhabuu isaa mirga himataa wal bira qabuun ilaaluun barbaachisaa dha.
Bu'uura SDFFH keewwata 78 ttiin yeroo himatamaan iyyannaa dhiyeeffatu himataan deebii akka irratti kennu taasifamee wanti falmisiisaan yoo jiraate falmii fi ragaan dhagahamuu qaba. Himatamaan waraqaan waamichaa sirnaan ana hin dhaqqabne jechuun kan falmu yoo ta'e himataan waraqaa waamichaa sirnaan himatamaa dhaqqabsiisuu ragaan mirkaneessuu qaba. Waraqaan waamichaa karaa bulchiinsa gandaatiin kan himatamaa dhaqqabu yoo ta’e bulchaa gandaa waraqaa waamichaa himatamaa dhaqqabsiise jedhame waamuun akkasumaas ragaa nama himatamaan yeroo waraqaa waamichaa fudhatu argan dhagahuun barbaachisaa dha.

DhIjMMWF LGMM 198839 (Jildiin Hin Maxxanfamne) irratti haala kanaan murteessee jira.
Himatamaan waraqaan waamichaa na dhaqqabee sababa gahaniin hafe jechuun kan falmu yoo ta'e kana ragaan mirkaneessuu qaba. Sababa gahaan falmii irraa hafuu isaa mirkaneessuuf kan dirqama qabu himatamaa yommuu tahu waraqaa waamichaa himatamaa dhaqqabsiisuu isaa mirkaneessuuf kan dirqama qabu himataa dha jechuu dha.
Waraqaan waamichaa sirnaan tartiiba seerri ka’een himatamaa dhaqqabuun ragaa gahaan mirkanoofnaan iyyannaan kufaa ta’a jechuu dha. Himatamaa waraqaan waamichaa isa dhaqqabee garuu sababa gahaan kan osoo hin falmatiin hafuun murtiin kenname yoo ta’e sababa himatamaan hafeef jedhu ragaan qulqullaa’ee sababa gahaa tahuu fi dhabuu isaa madaalamuun jala murtiin kennamuu qaba.

DhIjMMWF Jildii 6ffaa LGMM 35403 ta’e irratti:
"..Himatamaan sababa waraqaan waamicha hin dhaqqabiniif dhiyaatee falmachuu yoo hafe murtiin kenname ka'uun falmiin irra deebi'amee kan dhagahamu tahu murteessee jira.."
Karaa biraatiin iyyanni gaafa himatamaan murtiin kennamuu beeke irraa ji’a tokko keessatti dhiyaachu qaba jechuun kan SDFHH keewwata 78 jalatti tumame ilaalchisee DhIjMMWF LGMM 198141 ta’ee (Jildiin Hin Maxxanfamne) irratti darbinsi yeroo ji’a tokko "absolute period of limitation" akka hin taane fi ji’a tokko booda sababni humnaa olii yoo jiraate sana madaaluun barbaachisaa dha jechuun murteesse jira. Dabalataan DhIjMMWF Jiildii 23ffaa LGMM 137704 ta'e irratti:
"..Himatamaan bu'ura SDFHH keewwata 78 ttiin murtiin iddoo inni hin jirretti kenname akka ka'uuf gaafa murtiin kennamuu beeke irraa yeroo ji'a tokko keessatti iyyannaa dhiyeeffachuu qaba jechuun kan tumame mirga haqa argachuu himatamaa kan sarbu waan ta'eef bu'uura heeraa hin qabu.." jechuun murteessee jira.
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

Dhaddachi Ijibbaataa Mana Murtii Waliigalaa Federaalaa Lakkoofsa Galmee 211518 ta'e irratti "ragaan abbaa alangaa dhagahamee Galmeen jala murtii kennuuf qorannoof bule irratti himatamaan beellama irraa yoo bade,Galmeen cufamuu akka hin qabnee fi dhimmichi itti fufamee murtiin kennamuu akka qabu" hiikoo dirqisiisaa kenneerra.Sababni isaas:-#1ffaa,himatamaan kun mirga ragaa abbaa alangaa gaaffii qaxxaamuraa gaafachuu heera Mootummaa keewwata 20(4) jalatti tumame fayyadamee waan badeef,#2ffaa,mirga haqa argachuu miidhamaa heera Mootummaa keewwata 37 fi dirqama Mana Murtii mirga namaa kabachiisuu heera Mootummaa keewwata 13 waliin bal'ifamee ilaalamuu waan qabuufidha.

Lafa magaalaa duwwaa maqaa waliigaltee kennaattiin danarsuun dhoorkaadha
==================================
Lafa magaalaa duwwaa isaa kennaanis ta’ee gurgurtaadhaan dabarsuun akka hindanda’amne Heera Mootummaa kwt 40(3) irraa kan hubatamu yemmuu ta’uu waliigalteen kennaa dhimma heeraan ykn seeraan dhoorkame irratti raawwatamus jalqabumaayyuu kaasee  bu’aa seeraa kan hordofsiisu akka hintaane Dh, Ijbt MMWF glmwn adda addaa irratti yeroo adda addaa hiikkoo kennee jira (glm Lkk 43226, glm Lkk 79394 fi kkf).
Ammas glm, Lkk 257723 ta’erratti murtii gaafa 25/04/2017 kenneen hiikkoo olitti caqafame irra deebiin cimsuun ibsee jira.
=================
ባዶ የከተማ መሬት/ይዞታን በስጦታም ሆነ በሽያጭ ማስተላለፍ የማይቻል መሆኑን የፌ/ሰ/ፍ/ቤት ከዝህ በፍት በሰ/መ/ቁ 43226፣ 79394 እና የመሳሰሉት ላይ አስገዳጅቨየህግ ትርጉም የሰጠ ሲሆን አሁንም ተህሳስ 25/2017 በሰ/መ/ቁ 257723 ላይ ያንኑ አስገዳጅ ትርጉም የምያጠናክር ኣድስ ውሳኔ ሰጥቷል።
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

Manni Murtii falmiifi ragaan dhiyaate tokko  soba ta’uu yoo mirkaneeffate battalatti dhaddacha irratti adabuu ni danda’aa?                                                                                                                                                  ================================================================== #Falmii fi ragaa Sobaa==Qormaata sirna haqaa!!                                                                      =============
Manneen Murtii murtii haqaa akka hin kennine , darbees amantaa uummata biratti akka hin horanne wantoota taasisan  keessaa tokko ragaa sobaa yookaan falmii sobaa Mana Murtiitti dhiyaatanidha.Manneen Murtiis ragaa fi falmiin sobaa akka hin babal’anne taasisuu keessatti gahee olaanaa osoo qabanii kana gochuu dhabuun isaanii hanqina jedhamuun yeroo hedduu ni komatamu.
#Dhaddachi Ijibbaataa MMWFDHIJ   murtii hin maxxanfamne galmee lakk. 220108 ta’e irratti dhaddacha gaafa 28/11/2014 ooleen kenneen, abbaa dhimmaa osoo qabeenya qabuu- ani hiyyeessa  nama qabeenya hin qabne waan ta’eef sirna hiyyummaan akkan falmu naaf haa eeyyamamu jechuun jecha kakuun mirkaneessee dhiyeesse; kanas dhaddachatti dhiyaatee ibsuun isaa ===bu’uura sdfs keewwata 481 fi SY keewwata 452 tiin himannaa yakkaa dhiyeessuu osoo hin barbaachisne , kallattiin dhaddachi adabuu danda’a  jechuun adabbii hidhaa salphaa baatii tokkoofi guyyaa kudha shanii adabeera.Murticha
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

Falmii Sobaa Mirga Nama Biraa Miidhaa Danda’u Manneen Murtii Qulqulleessuun Murtii Haqa Qabeessa Kennuu Qabu.
============================
Seera Deemsa Falmii Siviilii kwt 231(1(a)), 238, 241, 246, 249, 253-255, 264-266 fi Murtii Dh Ijbt MMWF glm Lkk 168094 Jld 24ffaa
=======================
Namoonni falmii mana murtiitti dhiyeessan hundi yeroo hunda dhimma dhagaa ta’e qabatanii dhiyaatu jechuun miti. Namoonni mirga seeraa ykn haqaa otuu hinqabaanne abbaa mirga irra caalu qabu dhoksuun murtii mana murtiitti fayyadamanii mirga hinqabne seera qabeessa taasifachuuf yeroo yaalan, kana milkeessuufis himannaa sobaa Mana Murtiitti yeroo dhiyeessan qabatamaan nimul’ata.
Fkn, qabiyyee dhaalaa abbaan irraa du’e dhaaltuun inni sirriin mirga qabu bakka quba hinqabnetti namoonni hariiroo tokkooyyuu du’aa waliin hinqabne garuu sababa seeraa hintaane adda addaan qabeenyi harka isaanii gale sobaan waliigalanii inni tokko himataa, inni kaan himatamaa ta’uun himannaa mana murtiitti dhiyeessanii waliiamanuun murtii qabeenya nama biroo irratti murtii yeroo kennisiisan arguun baratamaa dhufeera.
Akkasumas qabiyyee lafaa kan ummataa ta’e seeraan ala qabachuun otuu qaamni mootummaa quba hinqabne inni tokko isa kaan himatee, inni himatames amanee deebii kennuun falmii sobaa akkasiitiin murteessisuun bu’ura murtichaan qaamni lafa bulchu seera qabeessa godhee ragaa akka itti kennuuf taasisuun baratamee jira.
Kana irraa ka’uudhaan Dh Ijbt MMWF Manneen Murtii falmii dhugummaa ykn haqummaa dhimmichaa irraa shakkan ykn ifatti dhugaa ta’uu hubachuu rakkatan, mirga nama biroo haqa qabu miidhuuf yaada fayya qabeessa hintaaneen (bad faith) gareewwan falmii dhiyeessan qulqulleessan barbaachisu taasisuun murtii sirrii kennuu akka qaban murtii glme Lkk 168094 ta’ee fi Jld 24ffaa keessatti maxxanfamee jiruun hiikkoo dirqisiisaa kennee jira.
https://t.me/http_Ijooseeraa
https://t.me/http_Ijooseeraa

Dhaddachi Ijibbaataa Mana Murtii Waliigalaa Federaalaa Lakkoofsa Galmee 211518 ta'e irratti "ragaan abbaa alangaa dhagahamee Galmeen jala murtii kennuuf qorannoof bule irratti himatamaan beellama irraa yoo bade,Galmeen cufamuu akka hin qabnee fi dhimmichi itti fufamee murtiin kennamuu akka qabu" hiikoo dirqisiisaa kenneerra.Sababni isaas:-#1ffaa,himatamaan kun mirga ragaa abbaa alangaa gaaffii qaxxaamuraa gaafachuu heera Mootummaa keewwata 20(4) jalatti tumame fayyadamee waan badeef,#2ffaa,mirga haqa argachuu miidhamaa heera Mootummaa keewwata 37 fi dirqama Mana Murtii mirga namaa kabachiisuu heera Mootummaa keewwata 13 waliin bal'ifamee ilaalamuu waan qabuufidha.

KAAYYOO ADABBII, MURTII BALLEESSUMMAA FI MURTII ADABBII DAANGEESSUU SEERA YAKKAA BIYYA KEENYAA

KAAYYOO ADABBII
Kaayyoon adabbii kaayyoo seera yakkaa akka waliigalaatti jiru milkeessuuf akka meeshaatti kan gargaaru ta’uun isaa beekamaadha. Kaayyoo waliigalaa seera yakkaa kana milkeessuuf adabbiin addatti kaayyoo maalii yoo qabaate dha yaada jedhu ilaalchisee garuu hayyootni yaadota adda addaa qabu. Kun ammoo tiworiiwwan kaayyoo adabbii adda addaa akka uumaman godheera. Tiwooriwwaan kunniinis:

Haaloo bahuu (Retrbution)

Yakki biraa akka hin raawwatamne ittisuu (deterrence)
Dadhabsiisuu (incapacitation)

Haaromsuu (rehabilitation or reform) fi

Hunda-hammataa(inclusive) jedhamuun ibsamuu danda’u.

1. Haaloo Bahuu (Retribution, Retaliation ): Uummatni yakka yakkamaan raawwatetti hedduu kan mufate waan ta’eef, mootummaan uummata bakka bu’uun yakkamticha kallattiin hanguma balleessaa isaa (direct proportion to the harm done) hubuu (adabuu) qaba kan jedhu dha. Kun amantaa fi ilaalcha dur ture “nama ija balleesse ija balleessuu, nama ilkaan cabse ammoo ilkaan cabsuu” jedhuun walfakkaata.

YAADA DEEGGARSAA TIWOORII KANAA:

✓Mufannaa hawaasni yakkamaa irratti qabu haaloo baha.

YAADA QEEQAA (MORMII TIWOORII KANAA)

✓Duudhaa Adabbiin gar-malee hammaataa, alnamoomaa fi kabaja dhala namaa kan gadi buusu ta’uu hin qabu.

2. Yakki Biraa Akka Hin Raawwatamne Ittisuu (Deterrence Effect): Yakkamaan yakka raawwachuu irraa kan of qusatu gocha inni raawwachuu yaadeef durfamee seeraan nama kan gaafachisu ta’uun isaa ifatti seeraan yoo tumame qofa akka ta’ee fi akkasumas namoota yakka raawwatanii adabaman hawaasatti agarsiisuudhaan namni kamiyyuu yemmuu yakka raawwatee argamu mirga isaa kan dhabu ta’uu isaa dursanii akeekkachiisuunidha .Akeekkachiifni kunis:-

Akeekkachisaa wliigalaa (General deterrence) fi

Akeekkachiisaa dhuunfaa (Specific deterrence) of keessaa qaba.

#Akeekkachiifni waliigalaa akkuma waliigalaatti hawaasa keessatti kaayyoo yakka ittisuu kan qabu fi gocha yakka ta’e seeraan tumun akeekkachiisuudha.

#Akeekkachiifni dhunfaa ammoo yakkamaan gocha yakkaa tokkoon yommuu adabamu gocha raawwate irraa barumsa argachuun akkasumas waan itti adabameef gara fuulduraatti yakka biraa raawwachuu irraa akka of qusatu ni taasisa

YAADA DEEGGARSAA TIWOORII KANAA KANAA
✓yakka ittisuu irratti gahee mataa isaa qaba.

YAADA QEEQA TIWOORII KANAA

✓yakkaa xiqqeessuu irratti waan xiyyeeffatuuf, adabbiin kennamuu malu ol kaasuun qajeeltoo walgituu adabbii fi yakka raawwatame jedhu wajjiin walitti bu’uu danda’a.

✓Qabatamatti akka xiyyeeffannoo isaatti yakki biraa akka hin babal’anne gochuu hin dandeenye. Fknf Namooni yakka adda addaatiin adabamaa kan jiran ta’u illee yakkii xiiqaachaa hin jiru.

3. Dandeetti Dhabsiisuu (Incapacitation)

Yakkamtootni Amalaan hammeenyummaa guddaa qaban, Hawaasa keessatti yakkaa irra deddeebiin raawwatan “yakka biraa raawwachuudhaaf carraa akka hin arganne akkasumaas nagaa fi tasgabbii hawaasichaatiif sodaa akka hin taane taasiisuun barbaachisaa dha” yaada jedhu of keessatti hammata. Fakkeenyaaf, adabbiin du’aa yakkamaan tasuma yakka biraa akka hin raawwanne adabbii taasisu dha.

YAADA DEEGGARSAA TIWOORII KANAA:

✓Yakkamtoota balaafamoo ta’an hawaasaaf sodachiisaan ni tasgabeessa.

YAADA QEEQAA TIWOORII KANAA:

✓Kana malees, yakkamtoonni yeroo dheeraaf mana sirreessaa keessa akka turan kan taasifamu yoo ta’e, baasii mootummaan yookiiin hawaasichi mana sirreessaaf baasuu akka dabalu ni taasisa.

4. Sirreessuu ykn Barsiisuu (Reformation or Rehabilitation):
Ilaalchaa amala badaa yakkamaan qabu sirreessuu fi barsiisuudhaan jijjiirama amalaa akka fiduuf (akka haaromuuf) kan hojjetu dha. Yakkamaan lammii gaarii gocha yakka jibbu, gara fuula duraatti yakka biroo raawwachuu irraa kan of qusatuu fi oomisha adda addaa keessatti hirmaachuun gumaachaa barbaachisu akka taasiisuu gochuu irratti kan xiyyeeffatu dha.

Qabxii falmii haaraa ykn ragaa haaraa dhiyeessuuf iyyannoon ykn gaaffiin himannaa ykn deebii fooyyessfachuu kaayyoo SDFHH kwt 91 miti, eeyyamamuus hinqabu jedha Dhaddachi MMWF glme Lkk 210559 irratti murtii gaafa 26/08/2014 kenneen (kan hinmaxxanfamne)
Garagalchi murtichaa kan Mulugeta F.Binegdeti, galata qabu.