𝐌𝐮𝐫𝐭𝐢𝐢 𝐃𝐡𝐚𝐝𝐝𝐚𝐜𝐡𝐚 𝐈𝐣𝐢𝐛𝐚𝐚𝐭𝐚𝐚 𝐇𝐢𝐦𝐚𝐭𝐚𝐦𝐚𝐚𝐧 𝐆𝐮𝐲𝐲𝐚𝐚 𝐃𝐡𝐚𝐠𝐚𝐡𝐚𝐚𝐟 𝐁𝐞𝐞𝐥𝐥𝐚𝐦𝐚𝐦𝐞 𝐇𝐚𝐟𝐮𝐮𝐧 𝐁𝐮'𝐚 𝐇𝐨𝐫𝐝𝐚𝐟𝐬𝐢𝐢𝐬𝐮 𝐈𝐥𝐚𝐚𝐥𝐜𝐡𝐢𝐬𝐮𝐮𝐧 𝐌𝐮𝐫𝐭𝐞𝐞𝐬𝐬𝐞
📕Dhaddachi Ijibaataa mana murtii waliigala federaalaa galmee lakkoofsa 206006 ta'e irratti himatamaan deebii dhiyeefate falmii dhagahuuf gaafa beellamame hafuun bu'ura Seera deemsa falmii hariiroo hawaasa keewwata 70(a) ttiin bira yoo dabrame mirga falmachuu isa dhabsiisuun ala adeemsa falmiiwwan itti aanan irraa kan dhoorguu miti jechuun murteessee jira (Fakkeenyaaf himatamaan ragaa dhiyeefachuu danda'a)

📗Kana jechuun himatamaan akkuma gaafa falmii dhagahuuf beellamame hafe mirgi falmachuu isaa bira dabrame kanati gaafa ragaan dhagahamuuf beellamamuus ragaa osoo hin dhiyeefatin kan hafu yoo ta'e mirgi ragaa isaa dhiyeeffachuu haraayati bira dabramu qaba jechuudha yoo ragaa dhiyeefate immoo kan dhagahamuuf taha jechuudha

Barnootaa fi odeeffannoo dhimmoota Seeraa itti fufinsaan argachuuf fuulaa telegiraamii keenya liinkii armaan gadii kana join gochuun hordafaa
https://t.me/Ijooseera

Qondaalli Poolisii aangoo seeraan ala fayyadame jedhame hidhaa cimaan adabame jedha oduun oolmaa dhaddachaa Shawaa Kaabaa irraa argame.
•••
Dubbichi akkas: Godina Shawaa Kaabaatti Hoogganaa Waajjira Poolisii Aanaa Dabra Libaanos kan ture Komaandar Birhaanuu Leencoo namni jedhamu aangoo fi itti gaafatamummaa hojii itti kenname dawoo godhachuun namoota seeraan ala to’achuu fi erga to’atee booda gadi lakkifamuu yoo barbaaddan maallaqa fidaa jechuun namoota garagaraa irraa qarshii 20,000 hanga 100,000 gahu fudhachuun kan himatame yoo ta’u Manni Murtii Ol’aanaa godinichaa yakka maalaammaltummaan balleessaa jechuun hidhaa cimaa waggaa 14 fi adabbii maallaqaa qarshii 10,000’n adabeera.

Maddi Odeeffannoo: MMO fi Qajeelcha Poolisii Godina Shawaa Kaabaa
https://t.me/Ijooseera

#eeyyema_gaafachuun_barbaachisu
Murtii Haarawaa
MMWF Dhaddachi ijibbaata Murtii gaafa guyyaa 29/05/2016 Lakk.Galmee 𝟐345𝟎𝟎 ta'e irratti kenneen "qabiyyee Lafa Baadiyaa Pilaanii Magaalaa jala gale irratti abbootiin qabiyyee Lafa sanaa Mana irratti ijaarrachuuf yookiin Mana duraan ture haaromsuuf qaama aangoo qabu irraa hayyama ijaarsaa gaafachuunis ta'ee eeyyama fudhatanii harkatti qabachuun dirqama miti. Abbootiin qabiyyee eeyyama ijaarsaa malee Mana yoo ijaarratan akka ijaarsa seeraan alaatti lakkaa'amee Manicha sana diiguuf sochiin yoo taasifame;abbootiin qabiyyee jeequmsi uumame haa dhaabbatu jedhanii gaafachuu akka danda'anii fi gochis jeequmsa ta'uu isaa" hiikkoo haaraa kenneera!

https://t.me/Ijooseera

Qabeenya hin sochoone ajaja mana murtiin dhorkame, dhorkaa cabsuun waliigaltee mirkanaa'een yeroo qabeenyichi qaama sadaffaatti darbu, falli jiru maali? Dhaddachi Ijibbaataa Federaalaa jildii 12ffaa Lakk. Galmee 61637 ta'e irratti ''Qabeenya hin sochoone kan manni murtii ajaja dhorkaa irratti kenne ilaalchisee ajajni dhorkaa sun cabee waliigaltee gurgurtaa qaama waliigaltee raawwachiisu fuulduratti godhameen qabeenyichi yeroo qaama sadaffaatti darbutti Namni ajajni dhorkaa sun cabuudhaan mirgi isaa jalaa miidhame qaama ajajicha cabse ykn akka ajajichi cabuuf sababa ta’e irratti iyyannoo barbaachisaa ta’e dhiyeessuudhaan mirga isaa kabachiifachuu kan danda’u ta’uu hiikoo kennee jira. Civil procedure code Art. 156, Shh kewt 1204, 1206, 1184, 1185, 1195 , labsii lakk. 922/2008 kewt. 15(2)

🙏Maxxansa Qorannoowwan Bara 2016
Jildii 6ffaa (Daariktooreetii Qorannoo fi Qo’annoo)
👉Maxxansa Kana Keessatti Qorannoowwan Hammatamaan:
1. Gaafatamummaa Hawaasummaa Dhaabbilee Investimentii: Sirnaa fi
Qabatama Naannoo Oromiyaa
2. Madaallii Raawwii Hojii Abbootii Seeraafii Muudamtoota Manneen
Murtii Oromiyaa: Sakatta’iinsa Sirnaa fi Hojmaataa
3. Manneen Murtii Aadaa Oromiyaa: Sakatta’a Seeraafii Hojimaataa
4. Hoggansa Waliigaltee Pirojektoota Hojii Ijaarsaa Mootummaa Naannoo Oromiyaa: Sakatta’iinsa Seeraa fi Qabatamaa.
👇👇👇👇👇👇👇👇👇👇
https://t.me/eluLaw

Share 'Labsii Hojjettoota Mootummaa Naannoo Oromiyaa_0.pdf'
👇👇👇👇👇👇👇👇👇👇👇👇
👉https://t.me/Ijooseera👈
☝️☝️☝️☝️☝️☝️☝️☝️☝️☝️☝️☝️

Dhaaltuun dhaalchisaa dursee kan du'e yoo ta'e ilmaan isaa dhaala abbaasaa ni argatuu? Eeyyee
..........
Bu'uura irraa ulaagaa dhaaltuun tokko dhaala abbaa yookin haadhaa argachuuf guutuu qabu S/H/H tumaan seera dhaalaa kwt.830 jalatti ulaagaa 2(lama) teechiseera.  Isaaniis
1ffaa  Lubbuun jiraachuu
2ffaa Dhaalaf kan hin malle ta'uu dhabuudha. Dhaaltuun mirga dhaalaa qabu tokko dhaalli erga saaqamee yoo du'e mirgoonni dhaalan argatu dhaaltota isaatti akka darbu kwt.833 ni tuma.  Dhaaltuun tokko dhaalchisaa dura du'e. Garuu,ijoollee isa dhaalan ni qaba. Dhaaluuf garuu ulaagaa seerichi (kwt.830) gaafatu hin guutu. Carraan ijoolleen isaa qaban maalidhaa?  Bakka bu'iinsan (representation) dhaaludha. Seerri dhaalaa ulaagaa dhaaltummaaf teessiseen gamatti kwt.842(3) jalatti  dhaaltuun sadarkaa duraa dhaalchisaa ta'e tokko  dhaalchisaa dursee kan du'ee fi ijoollee isa kan ta'an gadi lakkaawwaman dhiisee kan du'e yoo ta'e isaan bakka bu'iinsaan abbaa isaanii dhaaluu akka danda'an tuma. Haa ta'u malee, dhaaltonni dhaaltummaa abbaa isaanii mirkaneessaniiru yoo ta'e waan abbaan isaanii dhaale gaafachuu danda'u malee akaakayyuun isaanii abbaa isaanii dursee yoo du'e akaakayyuuisaanii abbaa  bakka bu'anii dhaaluu hin danda'an.
Dabalataan hiikkoowwan dirqisiisaa murtiiwwan Dha/Ij/M/M/W/Federaalaa
👉Lakk.G.220119, Onkoloolessa 1,2015 hin maxxanfamne,
👉Lakk.G.89261 Mudde 2,2006 hin maxxanfamne ,
👉Jiildii 20ffaa Lakk.G.110040  ilaaluun ni danda'ama.
https://t.me/Ijooseera

MMWFDHI Lak.Galmee 230023 gaafa 29/5/ 2015 kenne.(Hin maxxanfamne)

Falmii qabeenya dhiirsaa fi niitii qabatamaan adda bahu(De facto Divorce) ilaalchisee murtiin manni maree federeeshinii kenne haala addaatiin murtii isaa keessatti yoo ibse malee raawwii kan qabu gaa'illaawwan qabatamaan guyyaa murtiichi kenname  booda raawwatamaniif qofaadha.

kana dura Murtii dhaddacha ijibbaata De Facto Divorce ilaalchisee kennee ture mana maree federeeshinaatiin gaafa 27/1/2012 ooleen diiguudhaan gaa'illi mana murtiidhaan qofa hiikkaan/diiggaan kennamu akka qabu murtii kennee jira.

Gama kanaan murtiin manni maree federeeshinii kenne kun gaa'ila qabatamaan diiggame(de facto divorce) guyyaa murtiin kenname bara 2012 dura diiggame irratti raawwii hin qabu. kanaafuu akka murtii dhaddacha ijibbaataa kanatti namoonni gaa'illa  isaanii qabatamaan bara 2012 dura diiganii adda deemanii jireenya mataa isaanii jiraachaa jiran ilaalchisee murtiin mana maree federeeshinaa raawwii kan hin qabne ta'u isaati.

Murtii dhaddacha ijibbaataa kun kenne irratti bara 2001 qabatamaan gaa'ila isaanii dhiisanii deemuun tokko qabeenya kan horate yoo ta'e qabeenyi horatame gaa'ila keenya mana murtiidhaan waan hin diiggamneef akka naaf qoodamu jechuun gaaffiin dhiyaatu fudhatama hin qabu.

kanaafuu namni bara 2012 dura gaa'illi isaa qabatamaan diigame murtii dhaddacha ijibbaataa de facto Divorce ilaalchisee kenne kaasuun falmuuf wantii dhoorku hin jiru.

Murtii dhaddacha ijibbaataa kana irratti sagaleen addaa guyyaa  raawwii murtii mana maree federeeshinaa ilaachisee kan murtaa'u guyyaa qabeenyichi horatame ykn guyyaa adda bahan ilaaluun osoo hin ta'iin bu'aa murtiichi hordofsisu faana ilaaluun ta'u qaba jechuun yaadaan adda baheera.

Remark: dhimma kana irratti dhaddachi ijibbaataa mana maree federeeshinaa waliin morkii waan seene fakkaata. sababoonni manni maree fedeereshina de facto divorce hin jiru jechuun murtiin kenne ilaaluun barbaachisaadha.
https://t.me/Ijooseera

'Abbummaa Haaluu fi Murtii Dhaddacha ijibbaataa.pdf'

#Qooddaa_Qabeenyaa #Qajeeltoo_Qooda_Qabeenya_Waliinii_Walqixaafi_Haalota_Addaa
Bu’aalee diiggaan gaa’ilaa hordofsiisu keessaa tokko qooda qabeenya waliinii yemmuu ta’u, innis akka qajeeltoo waliigalaatti qabeenyi waliinii Abbaa warraa fi Haadha warraaf walqixa qoodama kan jedhudha. Haaluma kanaan qajeeltoon bu’uraa qabeenya waliinii walqixa hiruu jedhu Seera Maatii Oromiyaa (SMO) kwt, 117 jalatti tumamee kan jiru yoo ta’u, akka qajeeltoo kanaatti qabeenyi dhuunfaa fi idaan eega adda bahee/kanfalame booda/ qabeenya waliinii hafu abbaan warraa fi haati warraa walqixa qooddachuuf mirga walqixa akka qaban ibsamee jira.
Qabtamni hoj-maataa jirus darbee darbee yeroo dhimmi haadholii warraa lamaa fi Sanaa ol hirmaachisu mudatu garaagarummaa mul’atu irraa kan hafe M/Murtii hundattuu akkaatuma qajeeltootiin qabeenya waliinii qixxee adda qooduun kan baratamee fi ittiin hojjetamaa jiru ta’uun ni hubatama. Haata’u malee qajeeltoon waliigalaa qabeenyi waliinii walqixa qoodama jedhu SMO kwt, 117 jalatti tume akkuma jirutti ta’ee, haalonni addaa qajeeltoo kana irraa maquun qooda qabeenya waliinii walcaalchisuu ykn guutumatti garee tokko qooda keessaa baasuun garee tokko qofaa ittiin murteessuu dandeessisan adda addaa seericha keessatti ifaan tumamanii kan jiran yoo ta’u qabatamni jiru garuu gama kanaan seericha kan beeku hinfakkaatu, abbootiin dhimmaa gaaffii akkasii dhiyeessanis qabatamaan hinmul’ata. Walumaagalatti dhimmichi gama kanaan qabatamaan kan baratamee miti.
Haalonni addaa seerichaan tumaman kunis kaayyoo adda addaa kan qaban akka ta’e yemmuu hubatamu akka waliigalaattis hiikkaa gaa’ilaa laaffisuu (discouraging divorces SMO kwt, 110(4)), garee miidhame beenyessuu (compensating a victimized spouse) SMO kwt, 111 fi 114), badhaadhina hinmalle hambisuu (preventing unlawful enrichment/ SMO kwt, 115) fi kkf bu’ura godhachuu isaanii ibsama tumaalee seerichaa kaayyoo waliigalaa seera maatii fi qabeenyaa waliin dubbisuun hubachuun nidanda’ama.
Akkaataa SMO kwt, 110(4)tti M/Murtii yeroo bu’aa diiggaan gaa’ilaa hordofsiisu murteessuu walfuutota keessaa diiggaa gaa’elichaaf balleessaa eenyu akka qabu tilmaama keessa galchuu akka qabu ifaan kan tumame yemmuu ta’u kunis M/Murtii garee balleessaa isaatiin gaa’elichi akka diigamu sababa ta’e gahee qooda qabeenya waliinii irraa inni qabu hir’isuu ykn keessaa baasuun murteessuu akka danda’u kan akeekudha. Kanas M/Murtii gaaffii garee falmiitiin ykn matuma ofii isaatiin kaasee murteessuu akka danda’u seerichi ni aangessa.
Gochaaleen balleessaa ta’uu danda’an maal fa’a akka ta’an seerichi ifaan kan caqase yoo ta’uu baateeyyuu walfuutota keessaa inni tokko isa kaan reebuudhaan ykn gaa’ela biraa eeyyamaa fi maree malee irratti raawwachuun ykn gochaa sagaagalummaa raawwachuun ykn daa’imman waliin gatee baduun ykn walumaagalatti dirqamoota walgargaaruu, waldeeggaruu, walii amanamuu, bulti fi qabeenya waliin bulchiin akka bu’aalee gaa’elaatti seerichaan tumaman bahu dhabuun/diduun gaa’elichi kan diigame yoo ta’e haalonni kunniin akka balleessaatti ilaalamuun M/Murtii qooda qabeenya waliinii irratti tilmaama keessa galchuun gahee qooda qabeenya waliinii walcaalchisee murteessuu kan isa dandeessisu ta’uu akka fakkeenyaatti kaasuun kan danda’amudha.
Akkasumas, balleessaa raawwatameen gaa’elli diigamuu qofa otuu hintaane miidhaan garee isa biroo irra kan gahe yoo ta’e M/Murtichaa beenyaa miidhaa gahe waliin wal-madaalu murteessuu akka danda’uu fi kanas gahee qooda garee balleessaa raawwatee irraa guutumatti ykn irra caala garee miidhameef dabarsee kennuun bifa beenyaan murteessuu akka danda’us SMO kwt, 111 (1 fi 2) jalatti tumamee argama.
Kana malees, aangoo akka bulchu itti kenname gar-malee fayyadamuun gareen tokko qabeenya dhuunfaa garee isa biroo ykn qabeenya waliinii irratti gochoota aangoo kennameefiin ala raawwateen miidhaa kan geesse yoo ta’e (keessaayyuu gurgurtaa kan raawwate , kan dabarse, gatii kan hir’ise ykn gowwoomse ta’uu danda’a) ykn qabeenya waliinii ykn kan dhuunfaa garee biroo irraa seeraan ala kan badhaadhe yoo ta’e gaaffii garee miidhame jedhuun dhiyaatuun M/Murtii

beenyaabarbaachisaan akka kanfalamuuf murteessuu akka qabu SMO kwt, 114 fi 115 jalatti walduraa duubaan tumee jira.
M/Murtii gaaffii akkataa Seericha kwt, 114 fi 115iin dhiyaateef ragaadhaan yoo hubachiifame akkaataa Seericha kwt, 111 (1 fi 2)tiin gahee qooda qabeenya waliinii garee gochicha raawwatee irraa bifa beenyaan garee miidhaan irra gaheef murteessuu nidanda’a. Akkaataa kanaan balleessaa gaa’ela irratti raawwatamuun hiikkaaf sababa ta’uu malu ykn murtii hiikkaa gaa’elaa boodaa fi qooda qabeenyaan dura gochaa/badii mirga qabeenyaa/diinagdaawaa garee isa tokkoo irratti garee isa kaaniin raawwatamu too’achuuf/hambisuu fi miidhaan sababa kanaan dhaqqabus yoo jiraate beenyessuun akka danda’amuuf seerichi haala olitti bal’inaan ilaalameen eegumsa seeraa kan taasise yoo ta’eeyyuu,qabatamaan garuu seericha gama kanaan hojii irra oolaa akka hinjirre ifaan hubatama.
https://t.me/Ijooseera


#Galatoomaa!

Dhaddachi Ijibbaataa MMWF Galmee Lakk.208197 (Jildii 26ffaa) ta'e irratti:

"✍️Qarshii 500 ol liqeeffachuuf ykn liqeessuuf ykn nama biroodhaaf wabii ta'uuf dirqama seerri waliigaltee walfuutotaatu barbaachisa jedhu kabajuu dhabuudhaan walfuutota keessaa inni tokko waliigaltee raawwatee yoo argame, walfuutota keessaa inni biroon waliigaltichi akka diigamuuf himannaa yemmuu dhiyeessu, waliigalteen walfuutota keessaa isa tokkoon raawwatamuu isaa walfuutota keessaa inni biroon ni beeka jechuun mormii darbiinsa yeroo ji'a ja'aa bu'uura Seera Maatii kwt 69(2)tiin tumame yoo kaase, walfuutota keessaa inni himannaa dhiyeesse haala kamiin akka beekefi yoom akka beeke mirkaneessuuf dirqama qaba.

✍️Walfuutota keessaa gareen waliigalticha keessatti hin hirmaanne, himannaa waliigalteen naaf haa diigamu jedhu dhiyeessuu haala dandeessisuun waa'ee jiraachuu waliigaltichaa hubannoo guutuu qabaachuu waan qabuuf, waliigalteen liqii maallaqaa walfuutota keessaa isa tokkoon raawwatame jiraachuu ni beeka jedhamuuf yoo xiqqaate; waliigaltichi eenyu waliin akka raawwatame, waliigaltee liqii maallaqaa hagamii akka ta'e, waliigaltee liqii maallaqaa yoom raawwatame akka ta'e yoo beekuu danda'edha" jedheera.

Hubachiisa:
👉Dhaddachi Ijibbaataa kun murtii kana keessatti, darbiinsi yeroo waggaa lamaa kun 'Absolute Period of Limitation' ta’uu ibseera.
👉Tumaan Seera Maatii Mootummaa Federaalaa kwt 69(2)fi Kan Seera Maatii Oromiyaa Kwt 85(2) jalatti ibsame Wal fakkaataadha.
https://t.me/Ijooseera
          

👉Himannaan Mirga Abbaa Qabiyyummaa Lafa Baadiyyaatiin Walqabatee Dhiyaatu Darbiinsa Yerootiin Ni Daangeffamamoo Hin Daangeffamu?
👉Labsiin Bulchiinsaafi Itti Fayyadama Lafa Baadiyyaa Naannoo keenyaan bahe, Labsiin Lakk.248/2015 kwt 53(1), mata duree "Darbiinsa Yeroo" jedhu jalatti:
👉Labsiin kun osoo hojiirra hin oolin duras ta'ee booda namni lafa qabiyyee mootummaa yookiin waliinii yookiin dhuunfaa karaa seeraan alaatiin qabate kamiyyuu darbiinsa yeroo akka mormiitti dhiyeessuu hin danda'u. Nama mirga abbaa qabiyyummaa qabuun yookiin mootummaadhaan yeroo kamiyyuu akka gadi lakkisuuf gaafatamuu ni danda'a" jedheera. Haala kanaan, namni tokko qabiyyee nama biroo, qabiyyee waliinii uummataa, ykn qabiyyee mootummaa karaa seeraan alaa qabateera taanaan "ani gadi lakkisuuf hin dirqamu, darbiinsa yerootiin kufaa narraa ta'uu qaba" jechuu hin danda'u jechuudha. Darbiinsi yeroo akka hin jirre agarsiisuuf, seerichi gaalee "yeroo kamittuu gadi lakkisuuf ni dirqama" jedhus ifatti fayyadameera. Kanaaf, akka tumaa kanaatti, himannaan mirga abbaa qabiyyummaatiin wal qabatee dhiyaatu akka naannoo keenyaatti darbiinsa yeroo hin qabaatu jechuudha.

👉Ogeeyyiin seeraa tokko tokko, dhimma kwt xiqqaa (2) jalatti ibsame akka darbiinsa yeroo himannaa mirga abbaa qabiyyummaa daangessuutti fudhatu. Sun dogoggoradha. Dhimma kana ilaalchisee labsichi osoo hin mirkanaa'in dura (sadarkaa wixinee irratti) yaada irratti kaasaa turreerra. Himannaan mirga abbaa qabiyyummaa dhuunfaa (bittaafi gurgurtaan ala), darbiinsa yerootiin daangeffamuu qaba. Abbaan qabiyyee tokko lafa Heera Mootummaa RFDItiin kan waliinii uummataa taasifame yeroo dheeraadhaaf iddoo barbaade turee dhufee, osoo dirqama kunuunsuu isaa hin bahin, yeruma dammaqetti akka gaafachuu danda'u hayyamamuufii hin qabu.

👉Darbiinsi yeroo jiraachuun namni seerri jira amantaa jedhu akka qabaatu taasisa ykn 'legal certainty' uuma, namni kamuu dammaqinaan mirga isaa akka kabachiifatu taasisa, sababa turtii yerootiin ragooleen namaafi sanadaa odeeffannoo qaban dhabamuu (baduu) waan danda'aniif sun immoo dhugaa baasuu irratti rakkoo uuma. Kanaaf, dhimma bittaafi gurgurtaa hin ilaallanneen walqabatee, himannaan mirga abbaa qabiyyummaa namoota dhuunfaa gidduutti ka'u darbiinsa yerootiin daangeffamuu qaba jechuun yaada dhiyeessaa kan turre ta'ullee, yaadni sun fudhatama dhabee, yaadni mo'ataa jedhame seera ta'ee baheera. Labsiin sadarkaa federaalaatti bahe (lakk.1324/2016) garuu yaada nuti jennu kana waan fudhate fakkaata. 

👉Labsichi kwt xiqqaa (2) jalatti haala addaa dhiphaa ta'e tume malee dhimma kwt xiqqaa (1) jalatti falmiin mirga abbaa qabiyyummaa darbiinsa yerootiin hin daangeffamu jechuun tume hafaa taasisuu barbaadee kan tume miti. Haala kanaan, kwt xiqqaa (2) jalatti "Keewwata kana Keewwata Xiqqaa 1 jalatti kan tumame jiraatus, qabiyyeen dhuunfaa Labsiin kun hojiirra ooluun dura waggaa l0'n oliif qabame ilaalchisee raawwatiinsa hin qabaatu" jedheera. Kwt xiqqaa kana jalatti dhimmi addatti hogganame, gosoota qabiyyee lafaa keessaa waa'ee qabiyyee dhuunfaa qofadha. Akka keewwatni xiqqaan kun agarsiisutti, namni qabiyyee lafaa nama biroo waggaa kudhanii oliif karaa seeraan alaatiin qabatee ture mormii darbiinsa yeroo kaasuu danda'a; waggaa kudhanii gadiif namni qabate garuu mormii darbiinsa yeroo kaasuu hin danda'u kan jedhudha. Waggaan 10n kunis kan lakkaawamu guyyaa labsichi hojiirra ooleerraa eegalee duubatti deebi'eeti. Labsichi immoo kan hojiirra oole gaafa 11/06/2015 waan ta'eef, namni guyyaa kana irraa eegalee gaafa duubatti deebi'ee lakkaawamu waggaa 10 oliif (gaafa 11/06/2005 dura) qabiyyee nama biroo seeraan ala qabate mormii darbiinsa yeroo kaasuu ni danda'a jechuudha. Karaa biraatiin, namni gaafa 10/06/2005 irraa eegalee (fuuldurattis) lafti isaa karaa seeraan alaatiin jalaa qabamee jiru kamiyyuu bu'uura kwt 53(1)tiin himannaa dhiyeessee gadi lakkisiifachuu ni danda'a jechuudha.
   https://t.me/Ijooseera

Namni Tokko Lafti Isaa Faayidaa Uummataatiif (Expropriation) Kan Barbaadamu Ta'uun Itti Himamee, Hangi Beenyaa Isaaf Malus Hagam Akka Ta'e Erga Beeksifamee Booda Yeroo Turtii Ji'a Sadiitiif Osoo Hin Kaffalaminiif Yoo Ture Laficha Irratti Mirga Akkamii Qabaata? Hanga Ji'a Ja'aattuu Eegee Kan Hin Kaffalamneef Yoo Ta'ehoo Lafa Isaa Kana Irratti Maal Raawwachuu Danda'a?
¢¢¢¢¢^^^^^¢¢¢¢¢¢¢^^^^^^^¢¢¢¢¢¢

Kaafamaan misoomaa, guyyaa barreeffamaan tilmaama beenyaa akka beeku taasifame irraa eegalee:

(A) Ji’a 3 keessatti beenyaan maluuf kan hin kaffalamneef yoo ta’e, laficha irratti biqiltuuwwan dhaabbataa fi ijaarsaan alatti hojiiwwan biroo hojjechuu ni danda’a.

(B) Ji’a 6 keessatti beenyaan isaaf malu kan hin kaffalamneef yoo ta’e, laficha irratti hojii pilaaniin hayyamu kamiyyuufi hojii fuulduratti baasii laficha misoomsuu mootummaa hin miine hojjechuu ni danda’a.

(C) Hojiileen haala olitti ibsameen hojjetaman yookiin jijjiiramni taasifame shallaggii beenyaa keessa akka galu taasifamuu qaba.
   (Labsii Lakk.1161/2011 kwt 8(3))

Haala kanaan, fakkeenyaaf, kaafamaan misoomaa hanga beenyaa isaaf malu beeksifamee ji'a ja'aaf eegee dadhabee, akkaataa pilaanii magaalaatiin mana jireenyaa yoo ijaare, beenyaan mana jireenyaa sanaas dabalataan (yeroo gadi lakkisiifamutti) shallaggii keessa galuu qaba jechuudha. Kana jechuun, kaafamaan haala kanaan ijaare akkaataa labsicha kwt 8(1)(c) jalatti ibsameen manicha kan ijaare erga beeksifamee boodadha jedhamee beenyaan akka hin kaffalamneef taasifamuu hin danda'u jechuudha. As irratti, labsichi "hojiiwwan fuulduratti baasii laficha misoomsuu mootummaa hin miine (bifa uumamaa isaa hin jijjiirre?)" jechuun maal jechuu akka ta'e hin ibsine. Isin akkamitti hubattu?

     https://t.me/Ijooseera