💎🎀«المرأة الصالحة كنز من كنوز الدنيا»💎🎀

🔖ትንሽ ስለትዳር
---------
ትዳር ላወቀበት ምርጥ ህይ ወትህ ነው። እንዳውም በምርጥ ትዳር ላይ ያሉ ሰዎች ዘግይቼ ነው ያገባሁት በማለት ይቆጫሉ። የነብዩን (ሶለሏሁ ዐለይሂ ወሰለምን) ትዕዛዝ አክብረው በሸሪዓው መስፈርት የመረጡና አላህን የሚፈሩ ምርጥ ህይወት ውስጥ ናቸው። ይሁን እንጅ ቻሌንጅ የለም ማለት አይደለም። ቻሌንጆቹ እንደ ብልጠታችን ሊቀሉና ሊከብዱ ይችላሉ። ትዳር ትልቅ ት/ ት ቤት ነው። እንደፈለጉ መውጣት መግባት የለም። ሁሉም በሰአት ነው። ከትዳር በፊት እንደፈለጉ ማምሸት የሚቀናቸው ሰዎች ትዳር ውስጥም ይፈታተናቸዋል። አንዳንዶች እስር ቤት ነው ሲሉም ይሰማሉ። መንዘላዘል ለለመደ በርግጥም እስር ቤት ነው። ምርጥ እስር ቤት ።# ዝርክርኮችን አንቆ የሚይዝ። እንጅማ:- ትዳር እስር ቤት ነው ማለት

~አንደኛ:- ከአማኝ ይህ ቆሻሻ ንግግር አይጠበቅም።

~ሁለተኛ:- ነብያቶች እስር ቤት ውስጥ ነበር የኖሩት ማለት ነው።

~ሶስተኛ:- መልካም ቀደምቶችም እንዲሁ እስር ቤት ውስጥ ነበሩ የኖሩት ማለት ነው።

~አራተኛ:- ይህ ሁሉ ባለትዳር እስር ቤት ውስጥ ነው ያለው ማለት ነው?

👉ለዚህ መጥፎ አስተሳሰብ ያነሳሳቸው አንድም ከመጥፎ ስነ ምግባራቸው የተነሳ አለያም በሚያጋጥማቸው መጥፎ አጋር ሊሆን ይችላል። እንጅ ያለ ትዳር መኖር በጣም ከባድ! ነው።
ይህን አማኝ ሁሉ ያውቀዋል። ይህን አስተሳሰብ የሚያስቡ ሰዎች ለሀራም የማይጨነቁ ዋልጌዎች አስተሳሰብ ስር የወደቁ ናቸው።

በትዳር ውስጥ ትልቅ ደስታ አለ። አሏህ ሱብሃነሁ ወተዓላ እንዲህ ይላል።

وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓا۟ إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِى ذَٰلِكَ لَءَايَٰتٍ لِّقَوْمٍ يَتَفَكَّرُونَ

«ለእናንተም ከነፍሶቻችሁ (ከጎሶቻችሁ) ሚስቶችን ወደ እነርሱ ትረኩ ዘንድ መፍጠሩ፣ በመካከላችሁም ፍቅርንና እዝነትን ማድረጉ ከአስደናቂ ምልክቶቹ ነው፡፡ በዚህ ውስጥ ለሚያስተውሉ ሕዝቦች ተዓምራቶች አልሉ፡፡» አልሩም 21

👉ስለዚህ ትዳር ነፍሶቻችን የምትረካበት ፍቅርና እዝነት ያለበት ህይወት ነው። ስለዚህ ያላገባን እናግባ ። ልጅ ያለንም "ዲኑንና ስነ ምግባሩን የምትወዱት ከመጣ ዳሩት " ብለዋልና ነብዩ (ሶለሏሁ ዐለይሂ ወሰለም) እና ልጆቻችን እንዳራቸው ። በጊዜ መዳር ለልጆቻችን እዝነት ነው። በተለይ ሀብታሞች ለልጃችሁ የመጣውን ባል ደሀ ነው ብላችሁ አትመልሱ። ከቻላችሁ አቋቁሙት። መቼም ብር ከልጃችን በላይ አይደለም።

ሴቶችም አደራ አቅም የቻለውን ጠይቁ ከአቅም በላይ አትጠይቁ አላህን ፍሩ። አላህን ከፈራን ከማናስብበት አላህ ይሰጠናል። ትዳር ዛሬ ገብተንበት ነገ የምንተወው እቃ እቃ ጨዋታ አይደለም!። ስለዚህ ቆም ብሎ ማሰብ ያስፈልጋል። መልካም ከሆንን አሏህ መልካሟን ይሰጠናል። አትጠራጠሩ "መልካም ሴቶች ለመልካም ወንዶች ናቸው" ብሏል አሏህ። መምረጥ ያለብን ማንን እንደሆነ ማወቅ አለብን። አንዳንዶች ሚስት ፈልግልኝ የሚሉህ አይተህና ሰምተህ የማታውቃት አይነት ሴት ነው። ወንዶች ቁንጂና ላይ ያላችሁን መስፈርት አስተካክሉ። ቁንጅና ከዲንና ከጥሩ ስነ ምግባር ጋር ከተገኘ …… ነገር ግን ስታያት ደስ የምትልህ በቂ ናት።

አንዳንዱ ደግሞ ምን አይነት ነው የምትፈልገው ስትለው ዲን ያላት ይልሀል። ዲን ሲልህ በጣም ቆንጆ ማለቱ ነው። ይህንን የምታውቀው ሲያገባ ነው። ጠንካራ ያልከው ወጣት ጅልባብ እንኳን መልበስ ያቃታትን ያገባና አስተካክላታለሁ ይልሀል። ኋላ ግን እሱ ሳይሆን እሷ ታስተካክለዋለች። ስራ እንደ ኒያ አይደል የሚገኘው ። ስለዚህ ኒያህን እስተካክል። ትዳር ውስጥ ከገባን በኋላ የሚያጋጥሙ ችግሮችን በቀላሉ መፍታት ይጠበቅብሀል።

ለዚህም የመጀመሪያው:- አላህን መፍራት ነው።
ሁለተኛ:- ባህሪዋን ጠንቅቆ ማወቅ በተለይ በጣም የምትጠላውን ነገር በተቻለ መጠን መራቅ። ይህ ማለት አንዳንዴ ሴቶች ሸሪዓ የማይከለክለው ነገር ቢሆን እንኳን ሊጠሉ ይችላሉ ። የዚህን ጊዜ አንተ ሀራም አይደለ እያልክ አንጀቷን እንዳታሳርረው ተጠንቀቅ።

ሶስተኛ:- ሁሌም ስህተትህን ማመን የበላይ መሆንን ብቻ አታስብ።
በነገራችን ላይ ትዳር የመጀመሪያ አካባቢ ስንደዋወል እንደነበረን ስሜት አይደለም። ይሞቃል ይበርዳል። በበረደ ጊዜ ይህ መሆኑን ባውቅ ኖሮ እያልክ አታማር።

አራተኛ:- ስሜቷን የሚጎዱ ነገሮችን መጠንቀቅ። ለምሳሌ ስለ ሁለተኛ ሚስት ማውራት። አንዳንዱማ ይገርማል እንዲትለማመደው እኮ ነው ይላል። ይህ ሞኝነት ነው። ምክንያቱም የሚለመድ ነገር ስላልሆነ። እንኳን ያንተ ሚስት የነብዪም ባለቤቶች አልለመዱትም። አልሰማህም እንዴ አንዷ ባለቤታቸው ምግብ ሰርታ ወደ ነብዩ ልካ ያችኛዋ ባለቤታቸው ምግብ የመጣበትን እቃ ስትሰብረው። ግዴለህም ልምከርህ መለፍለፍ ይቅርብህ። ጀግንነት አይደለም። ጀግንነት ማለት የያዝካትን በዲንም በዱንያም በመንከባከብ ማስደሰትና (አቅምህ ከፈቀደም ስሜቷን ሳትጎዳት ሸሪዐው በፈቀደው መልክ የሷንም ሀቅ ጠብቀህ ሌላ ደርበህ ማግባት) ነው። ግን ስንቶቻችን ነን ለሁለተኛ ሚስት ተቅዋችን ስነ ምግባራችንና አቅማችን የሚፈቅደው። ብዙ ወንዶችኮ ገና ሁለተኛ እንዳገቡ የመጀመሪያዋን እንደ ሙዝ ልጣጭ አሽቀንጥረው ነው የሚጥሏት። ምክንያቱም ተቅዋ የለማ ይህ የሚያደርግ የቂያማ ቀን ጎኑ ተንሻፎ ይቀሰቀሳል። ስለዚህ ስናገባም አሏህ እንፍራ በትዳርም ውስጥ ሆነን አሏህን እንፍራ ። አላህን የሚፈራ መውጫ ያደርግለታልና።

منقول
t.me/https_Asselfya

👍1

1.97K viewsedited 13:49