💎🎀«المرأة الصالحة كنز من كنوز الدنيا»💎🎀

ኢብኑ ተይሚያ አድስ ነገር አላመጡም!
──────⊱◈◈◈⊰──────

☞ኢብኑ ተይሚያ አንጃዎቹ በፈሉበት፣ሐቅና ባጢል በተቀላቀለበት፣የጥፍት ሃይሎች ጉልበት ባወጡበትዘመንነዉየመጡት።ኮከብቆጣሪዉ፣ፈላስፋዉ፣ገሪባዉ፣የመዘሀብጎጠኛዉ፣ራፊዳዉ......ሁሉምነበር።

☞አሽዐርያ ከጫፍ እስከ ጫፍ ተንሰራፍቷል።

የለሰፎች ዐቂዳ በጣም በስሱ ብቻነዉ የቀረዉ። የታሪክ ፀሐፊዉ አል መቅሪዚ የአሽዐርያ መዘሀብ በአንዳድ ዑለማዎች ሱልጣኖች አማካኝነት እንደት እንደተስፋፋ ካተቱ በኋላ እንድህ ይላሉ።

☞የአሽዐርያ መዝሀብ በኢስላም ሃገራት የተስፋፋበትና የገነነበት ሰበቡ ይሄ ነዉ። ዛሬ ላይ የሚፃረረዉ ሌላ መዝሀብ እስከማንቀር ሌሎች መዝሀቦች ተረሱ፣ተዘነጉ። የኢማም አቡ አብዲላህ አሕመድ ኢብን ሙሐመድ ኢብን ሐንበል ረዲየላሁ ዐንሁ ተከታዮች የሆኑት ሐንበልዮች መዝሀብ ብቻ ሲቀር። እነሱ ሰለፎች በነበሩበት ላይ ነዉ ያሉት።

☞በአላህ መገለጫዎች ላይ ያሉ መረጃዎች መልእክት በመጠምዘዝ አያምኑም። በሂጅራ ሰባተኛዉ ክፍለ ዘመን ሲመጣ በደማስቆና ግዛቶቿ ተቅኑዲን አቡል ዐባስ አህመድ ኢብን ዐብዲል ሓሊም ኢብን ዐብዲ ሰላም ኢብን ተይሚያ አልሐራኒ ገነነ። ለሰለፎች መዝሀብ ወግኖ ተነሳ የአሻዒራዎች መዝሀብን በሃይለኛዉ አጠቃ። በነሱም፣በራፊዷዎችም፣በሱፍዮችም ላይ ተቃዉሞዉን ይፋ አደረገ። አል ኸመጦጥ፡2/358_359

☞እፁብ ድንቅ የሆነ ፍትሃዊ አገላለፀ። የኢብኑ ተይሚያ ጥሪ ተዳክሞ የነበረዉን የሰፎች መንገድ ማነሳሳት እንጅ እራሱን የቻለ አድስ መዘሀብ መቋቋም አልነበረም።

ባይሆን ከቀን በኋላ መጥተዉ ባላባት የሆኑትን የፈጠራ መንገዶች በከባዱ ተዋግተዋቸዋል። እርቃናቸዉን አስቀርተዋቸዋል።

☞አየሩ በዒልመል ከላም ተበክሎ በርካቶች ግራ በተጋቡበት ዘመን ለዑለማዎች ሳይቀር እፎይታ ባጎናፀፈ መልኩ ሐቁን ፍንትዉ አድርገዉ አሳይተዋል። ሸይኽ ዐብደላህ ቢን ሓሚድ አሽሻፍዒ ለዚህ አንድ ዋቢ መሆን ይችላሉ። የኢብኑ ተይሚያ ፀሀፊ ለነበሩት ኢብኑ ሩሸይቅ ከፃፉት አሳዛኝ ደብዳቤ የተቀነጨበዉ ምልክት ይህን ይመስላል፦

☞የአለሙን ኢማም ረሂመሁላህ ጥናቶች ከመመልከቴ በፊት የቀደሙ ምሁራንን ኪታቦች አጥንቸ ነበር። ከኋለኞቹም የፍልስፍና ሰዎችንና ተመራማሪዎችን ስራዎች አይቻለሁ። ያገኘሁት ግን በድኑ ጠንካራ የሆነዉ ይቅርና በኢስላሙ ደካማ የሆነ ሙስሊም ሊያስባቸዉ የሚፀየፋቸዉ ሽንገላ፣ ቅጥፈት ጥርጣሬን ነዉ።

በዚህ ሳቢያ ልቤን ይደክመኝ ነበር። እነዚህን ተራዉ ህዝብ እንኳን ይፈቀዳሉ ብሎ የማያምናቸዉን ከባባድ ጥፋቶች  የሚያሰፍሩ  ግልብ ፅሁፎችና ደካማ እይታዎች ያሳዝኑኝ ነበር።

☞ከኢማሙ አህመድ ረሒመሁላህ ተከታዮች የሆኑ ሙተከሊሞችን ኪታቦችንም በተለየ መልኩ ንፁሁን ሱንና እፈልግ ነበር።ይህንንም ያደረኩት በመሰረታዊ አቂዳ ላይ የአኢማቸዉን ማስረጃዎች አጥብቀዉ እንደያዙ በሰፊዉ ስለሚወራ ነዉ። ግናየሚያረካ ነገር አላገኘም። እንደዉም እርስ በርስ ሲላተሙ አይቻለሁ። ከያዙት አቂዳ ጋር የሚጋጭ መርሆ ሲመሰርቱ ወይም ደግሞ ከማስረጃዎቻቸዉ በተቃራኒ ሲያምኑ አስተዉላለሁ።

☞እናም የሙዕተዚላዎችን፣የአሻዒራዎችን፣የባግዳድ ሐንበልዮች እና የኹራሳን ከርራማዎችን ንግግር ሰብስቤ ስመለከት በአንድ ጉዳይ ላይ ከህሊናም፣ከቁርአንም፣ከሐዲስም በሚፃረር መልኩ ኢጅማዕ ሲያደርጉ አያለሁ።ይህ ይከፋኛል።ለከቱን ከአላህ በስተቀር ማንም የማያዉቀዉ ሀዘን ይሰማኛል። እነዚህን ነገሮች ለመቋቋም በቀላል የማልገልፀዉ ትግል አድርጌለሁ። እናም ወደ ጠራዉ አላህ እጠጋና እሱንም እማፀን ነበር። ንፁህ ተፈጥሮ ሊቀበላቸዉ የሚከብዱ የተራራቁ ህሊናዊ ትንታኔዎችንና በሰዉ ሰራሺ የመረጃ ጥምዘዛዎችን በመጣል ወደ ቁርአንና ሐዲስ ግልፀ መልእክት እሸሻለሁ።

☞የጠራዉ አላህ ወስኖ የሸይኽ አልኢማም፣የአለሙ ኢማም ረሂመሁላህ (ደርእ የተሰኘዉ) ኪታብ እጄ ላይ እስኪወድቅ ድረስ በዚህ ሁኔታ ላይ ቀጠልኩ። ይህም ከመጨረሻ ፈተናዉ ትንሽ ቀደም ብሎነዉ። በዉስጡ ከንፁህ ተፈጥሮዬ ጋር በሚስማማ መልኩ፣እዉነቱን ከሱንና አኢማዎችና መልካም ቀደምቶች እያጣቀሰ፣ከአመንክዮም፣ከመረጃምጋር እያጣጣመ በማቅረቡ ያገኘሁት ነገር አስደመመኝ። ባገኘሁት ሐቅ ደስታ፣በተቀዳጀሁት ምትክ አልባ ንብረት በሐሴት ናወዝኩኝ። በዚህ የተነሳ የፈለገ ባሳምር ቃላት በማይገልፀዉ መልኩ ይህን ሰዉ መዉደድ ግድአለኝ። የሚያብከነክን ልዩ ስሜት ተሰማኝ።

☞በ728 ,ሂ. ሐጅ ባደረኩኝ ጊዜ እሱን ለማግኘት ወደ ደማስቆ ልጓዝ ወሰንኩ። አላማዬ እሱን ለማስፈታት የምችለዉን ለማድረግ ነበር። ግና ወደ ዒራቅ እየተመለስኩ ሳለ ኩፋ ልደርስ ስል የህልፈቱ ዜና ደረሰኝ። የላቀዉ አላህ ይዘንለት። ወንድም የእናት አባቱን ልጅ ሲያጣ ከሚሰማዉ በላይ ተሰማኝ። አላህ ይቅር ይበለኝ!

☞እንድያዉም ወላጅ ልጁ ሲያጣ ከሚሰማዉ በላይ ነዉ እንጅ! ልቤ ዉስጥ ከልጅም፣ከዘመድም፣ከወንድምም በመሞቱ በሱ ሞት የተሰማኝን ያክል አልተሰማኝም። በነፍሴ አስቤዉ፣በልቤ ስየዉም አላቅም፣ያለፈዉ ሀዘን እንደገና ቢታደስብኝ እንጅ። በአላህ ይሁንብኝ ይህን እየፃፍኩ ሳስታዉሰዉ እራሱ በመለየቴ፣ባለማግኘቴ እንባዩ እየረገፈ ነዉ። ፈኢናሊላሂ ወኢናኢለይሂ ራጂዑን!! ፈላሐዉለ ወላ ቁዉወተ ኢልላ ቢልላህ! (አልዑቁድ:518_522)

╭──────•◈•──────╮
http://t.me/abuUseyminabdurehman
http://t.me/abuUseyminabdurehman

844 views08:28