▫️ውድ እህቴ ይህ የምትጠይቂው ጥያቄ የብዙ እህቶቻችን የልብ ትርታ፣ የብዙ ቤተሰቦች ጭንቀት ነው።

✔️እህቴ... ምክሬን የምጀምረው «የሴት ልጅ እድሜ እንደ ጤዛ ነው» በሚለው ሀቅ ነው። ጤዛ ተኝቶ ሲነቁ ይጠፋል፤ የሴት ልጅም ወጣትነትና ውበት እንደዚሁ ነው። እድሜ መቆሚያ የለውም፤ ጊዜው ደግሞ ፈታኝ ነው። እናትሽ የሚጨቀጭቁሽ ይህ «ጤዛነትሽ» እያሳሰባቸው፣ ነገ እድሜሽ ገፍቶ ብቻሽን እንዳትቀሪ ካላቸው የናትነት ፍቅርና ስስት የመነጨ ነው።

🎯ወደ ዋናው ነጥብ ስመጣ፤ «ሁለተኛ መሆንን መፍራትና እንደ ነውር መቁጠር»
ውድ እህቴ! ዛሬ ላይ ብዙ ሴቶች «ከሌሎች እህቶች ምን ይጎድለኛል?»፣ «እንዴት ተደራቢ እሆናለሁ?» በሚል ስሜትና በፊልም በተለከፈ አስተሳሰብ ምክንያት ወርቃማ እድሎችን እያበላሹ፣ በመጨረሻም ወይ ፈላጊ በማጣት ወይም የማይሆን ሰው አግብቶ በመጦር ይቆጫሉ።

💭ልንገርሽ ስሚኝ! በድናችን ሁለተኛ ሚስት ማለት ግማሽ ሚስት ወይም ትርፍ ሚስት ማለት አይደለም። ሁለተኛ ሚስት ማለት ልክ እንደ መጀመሪያዋ ሚስት ሙሉ መብት ያላት፣ ክብር ያላት፣ የቤት እመቤት ናት። ሁለተኛ፣ ሶስተኛ ወይም አራተኛ መሆን ነውርም፣ ውርደትም፣ መቀነስም አይደለም።
እስቲ ቆም ብለሽ አስቢ፤
እናቶቻችን (የነብዩ ﷺ ሚስቶች)፣ ምርጥ የሆኑት ሶሀብያቶች አብዛኞቹ እኮ ሁለተኛ፣ ሶስተኛና አራተኛ ሆነው ነው የኖሩት። ታዲያ ለእነሱ ያልሆነው ውርደት ለአንቺ እንዴት ውርደት ይሆናል?ይህ ዲን የሰጠሽ መብት እንጂ ባህሉ የሰጠሽ ስም አይደለም።

🎀እህቴ ሆይ! ላንቺ የሚጠቅምሽ ብቸኛ ሚስት ሆኖ ከማይረባና ዲን ከሌለው፣ አላህን ከማይፈራ ሰው ጋር መኖር ወይስ አላህን ከሚፈራ፣ ዲን ካለው፣ ከሚያከብርሽና ከሚንከባከብሽ ሰው ጋር ሁለተኛ ሆኖ በክብር መኖር? ምርጫው ግልፅ ነው። ስንትና ስንት ብቸኛ ነኝ ብለው ያገቡ እህቶች ዛሬ በትዳራቸው ሲሰቃዩ እናያለን። በአንጻሩ ደግሞ ስንትና ስንት በሁለተኛነት የገቡ እህቶች፣ ባሎቻቸው አላህን የሚፈሩ በመሆናቸው ምክንያት የልብ ሰላም አግኝተው፣ ዲናቸውን ጠብቀው ይኖራሉ።
አሁን ላይ እድሜሽ በሃያዎች መጨረሻ ላይ ነው። ነገ ወደ ሰላሳዎቹ ስትገቢ ምርጫዎችሽ እየጠበቡ መምጣታቸው አይቀርም። የመጣው ሰው አላህን የሚፈራ፣ ስነ-ምግባሩ ያማረ፣ ሊያስተዳድርሽ አቅም ያለው ከሆነ፤ መስፈርቱን ካሟላ 2ኛ፣ 3ኛ፣ 4ኛም ቢሆን እሺ ብለሽ ማግባት የብልህ ሴት ውሳኔ ነው።

🌟ስለዚህ መፍተሔ ብየ የምመክርሽ፦
✅️የእናትሽን ምክር ስሚ።እናትሽ "አግቢ" የምትለው ካየችው የህይወት ተሞክሮ ነው። የምትሰሪው ስራ፣ የምታገኘው ደሞዝ፣ የለበስሽው ዘመናዊ ልብስ የባልን ቦታ አይተካም፣ የልጅን ጣም አይሰጥም።

✅️መስፈርትሽን ቀለል አድርጊ።እንዲህ ካልሆነ፣ ካልተማረ፣ ካልከበረ...የሚሉ መስፈርቶችሽን ወደ ጎን ትተሽ፤ ዲን አለው ወይ? አላህን ይፈራል ወይ? ጥሩ ስነ-ምግባር አለው ወይ? የሚለውን ብቻ አጥብቀሽ ያዢ።

✅️ሁለተኛ መሆንን አትጥይ። ሸይጣን የሚያስፈራራሽን ሀሳብ ትተሽ፤ አላህ የፈቀደውን ሀላል አትግፊ። ጥሩ ወንድ ከመጣ አግብቶ የፈታ ነው፣ ወይም ሚስት አለው ብለሽ አትመልሺ። ጨዋና ዲን ያለው ባል በዘመናችን ውድ ነው። ካገኘሽው አትልቀቂው።

✅️ዱዓ አድርጊ። ያ አላህ! ለአንተ ብዬ፣ ዲኔን ለመጠበቅ ብዬ የመጣውን ሀላል ተቀብያለሁና አንተ ደግሞ ህይወቴን አሳምርልኝ፣ ባሌን መልካም አድርግልኝ፣ትዳሬን የተባረከ አድርግልኝ ብለሽ ለምኚው።

💡ውድ እህቴ! ትዳር የኢማን ግማሽ ነው። ግማሽ ኢማንሽን ለመሙላት፣ እራስሽን ከፊትና ለመጠበቅ፣ እናትሽንም ለማስደሰት ስትይ፤ ከመጣው አማራጭ ውስጥ መርጠሽ፣ ቁጥር ሳትቆጥሪ በሀላል ተሳሰሪ። አላህ መልካም፣ ሩህሩህና አላህን ፈሪ የሆነ ባል ይስጥሽ። መጨረሻሽን ያሳምረው።
t.me/Sle_qelbachn1
t.me/Sle_qelbachn1