💎🎀«المرأة الصالحة كنز من كنوز الدنيا»💎🎀

በኢስላም "ለቤተሰብ ዚያራ" ተብሎ ያልተነጠለን ቀን ለዚያራ ብሎ መነጠል ታላቅ አደጋና የሸር በር ነው።

እንደ ሀረሬ ክልላዊ መንግስት ያሉትም ክልላዊ ዝግ ቀን አድርገውታል። አላህ መቼ አዘዘበትና?
ሌሎች ደግሞ ባህል ነው ይላሉ። ጥያቄው እውነት እናንተ እንደምትሉት ባህል ከሆነ ለምን ኢስላም ከሚያውቀው የሸዋል ፆም ጋር ታስጠጉታላችሁ?

"የኢድ ቀን ለዚያራ አልተመቸንም" የሚሉም አሉ። ሰይጣንና ነፍስያችሁ አይጫወቱባችሁ። እስቲ የሚከተለውን ልብ እንበል።

1) አላህ አመታዊ ሁለት ኢዶችን ደነገገልን ስማቸውንም ኢድ አልፊጥርና፣ ኢድ አል አድሀ ብሎ ጠራቸው፣
2) ሁለቱንም ኢዶች የመደሰቻ እና እሱን ማመስገኛ ቀን አደረጋቸው፣
3) በውስጣቸው ምን መሰራት እንዳለብንም በዝርዝር ተነገረን፣
4) ሁለቱም አመታዊ ባአላት ቀነ ገደባቸውን ከነ ተክቢራው ጭምር በዝርዝር፣ ግልፅ በሆነ መንገድ ተላለፈልን፣
5) ለምሳሌ ኢድ አል ፊጥር ለድሆች የሚሰጥ ዘካተል ፊጥር ተደንግጎለታል (ይህም ከኢድ ሶላት በፊት)፣
6) ኢድ አል ፊጥር የበአል ቀን ሆኖ የሚውለው ያችን ቀን ብቻ ነው፣
7) ኢድ አል አድሀ በአል የሚሆነው ቀኑን እና ከሱ በኀላ ያሉት ሶስቱ ቀናቶች ነው። በነዚህ ቀናቶች ውስጥ ከየሶላቱ በኀላ ተክቢራ ይደረጋል። የኢዱ ቀን ያላረደ ከነዚህ ሶስት የበአሉ ቀናት ውስጥ በአንዱ ማረድ ይችላል።

እነዚህ ያሳለፍናቸው ከሆኑ ሁለቱን አመታዊ ኢዶች በተመለከተ በኢስላም የመጣው ለምን ሌሎችን ምክንያት ያልሆኑ ነገሮችን መዘርዘር አስፈለገ።

ከምንም በላይ የሚገርመው አላህ ተደሰቱበት ያለንን የኢድ ቀን ከሚደሰቱበት በላይ ደስ ብሏቸው መዋሉ ብቻ ሰይጣን የተጫወተበት አዲስ መንገድ ለመሆኑ ምን ጥርጥር አለው?

ቤተሰቡን መዘየር የፈለገ አመቱን ሙሉ ክፍት ነው። ቤተሰብን መዘየር ሳይሆን የተከለከለው፣ ኢስላም ያላዘዘበትን አዲስ በአል ደንግጎ፣ አለፍ ሲባልም ክልላዊ በአል አድርጎ ይሄን "የቤተሰብ ዚያራ" የሚል ሰይጣናዊ ሽፋን፣ የዲን ማፍረሻ ምክንያት መስጠት ነውር ነው።

እኛ መልካም ያልነው ሳይሆን መልካም ተብሎ የሚወሰደው፣ ዲን መልካም ብሎ እውቅና የሰጠው ብቻ ነው መልካም የሚሆነው። ነብዩ ሰለላሁ አለይሂ ወሰለም "ረመዳን ፆሞ ከዛም ከሸዋል ስድስትን የፆመ አመቱን ሙሉ እንደፆመ ይቆጠርለታል።" ነው ያሉት። ከዚህ ውጭ ልክ ክርስትያኖች የፋሲካ በአል ካከበሩ በኀላ፣ ሳምንት ጠብቀው "ዳግማዊ ትንሳኤ" እንደሚሉት ከኢድ በኀላ ሳምንት ጠብቀን ምንም አይነት የምናርድበት፣ ድፎ የምንጋግርበት፣ ቤተሰብ የምንዘይርበት፣ ክልላዊ በአል የምንለው ቀን የለንም።

አላህ ቅኑን መንገድ ይምራን በሱና ከሚብቃቁት ያድርገን።

266 views16:13