💎🎀የሰለፍያ ሴቶች ከቀይ ወርቅ የበለጠ ውድ ናቸው 💎🎀

➲የእውቀት ፍሬው ተግባር ነው ➫➫➫➫➫➫➫➫➫➫➫➫➫ ➭ክፍል አስራ ሁለት ➧ሰባተኛው፡ ተግባር ፣ እውቀት በአዕምሮ ውስጥ ሰርጾ እንዲገባና የጸና ተግባር ከቀረ እውቀትም ይጠፋል፡፡ ዓልይ ረድየላህ አንሁ የሚከተለውን ተናግሯል፡- ▪️"هتف بالعلم العمل، فإن أجابه وإلا ارتحل" “እውቀት ለተግባር ጥሪ ያደርጋል ፤ ከተቀበለ (መልካም) ካልተቀበለ ግን ጥሎት ይሄዳል”…

➲የእውቀት ፍሬው ተግባር ነው
➭➭➭➭➭➭➭➭➭➭➭➭➭➭➭➭

➻ ክፍል አስራ ሶስት
➫➫➫➫➫➫➫➫

➧አንድ ሰው የመልካም ባህሪያት ሁሉ ከእርሱ ላይ ካልተሰባሰቡ ከኢማምነት
ደረጃዎች ሊደርስ አይችልም፡፡ በመልካም ባህሪያቶች ለሰዎች አርአያ ሊሆን ይገባል፡፡

➛የእውቀት አይነቶችን እየሰበሰበ ነገር ግን የተግባር ሰው ካልሆነ ይህ ሰው እርሱ እንዳልተጠቀመ ሁሉ በእውቀቱ ሌሎች ሊጠቀሙ አይችሉም፡፡

✅ተጽእኖ አሳዳሪ አንድ ታሪክ ላውራ፡-
〰〰〰〰〰〰〰〰〰〰〰

➲አንድ ጊዜ እድሜያቸው የገፋ ሰው መስጅድ ውስጥ አገኘሁና ዘየርኳቸው፡፡ እኒህ ሽማግሌ አላህን በጣም ይገዙ ነበር፡፡ ሶላትን መስጅድ ውስጥ ሁልጊዜ ይጠባበቃሉ፡፡አሰላሙ ዓለይኩም አልኳቸውና ከሰውየው ጋር ንግግር ጀመርኩ፡፡ “በእናንተ መንደር
እውቀት ፈላጊዎች በብዛት አሉ” አልኳቸው፡፡ “በዚህ በመንደራችን?” አሉኝ። አዎ! አልኳቸው፡፡ “ማሻአላህ የእውቀት ፈላጊዎች በርካታ ናቸው” አልኳቸው፡፡

➧“በዚህ በመንደራችን!” በማለት መልሰው ጠየቁኝ፡፡ የተቃውሞ ይመስላል፡፡ እኔም
“አዎ” አልኳቸው፡፡ ከዚያም “ልጀ ሆይ ከጀመዓ ጋር ሶላትን የማይጠባበቅ ሰው
እውቀት ፈላጊ አይባልም” በማለት መልስ ሰጡኝ፡፡ በዚህ ምክንያት አንዳንድ ሰው ዒልም ፣ ሂፍዝ ፣ እና ዳዕዋ ማድረግን ያበዛል፡፡ ነገር ግን ፈጅር ሶላት ላይ ግን አታገኘውም፡፡ ብዙ ጊዜ ታጣዋለህ፡፡

➧ሶላት ደግሞ ከሸሀደተይን በኋላ የኢስላም ትልቁ ማዕዘን ነው ፣ የቂያማ ቀን መጀመሪያ የምንጠየቅበትም ነው፡፡ ሶላትን ካጠፋ የእውቀት አሻራው የት ላይ ነው ያለው ? የሶሃቦችን ባህሪ ኢብን ዑመር ረድየሏሁ አንሁማ እንደሚከተለው ይናገራል፡

▪️"كنا إذا فقدنا الرجل في الفجر والعشاء أسأنا به الظن"

➲“አንድ ግለሰብ በሱብሂም ይሁን በዒሻ ካጣነው በእርሱ መጥፎን እንጠራጠር ነበር፡፡” ( ጦበራኒይ ፊሙዕጀም አል ከቢር፡12/271 ኢብኑ ኹዘይማ፡ 1405 ኢብኑ ሂባን፡ 2099 ላይ አውርተውታል)

▪️وفي الحديث " إن أثقل صالة على المنافقين صالة الفجر وصالة العشاء"

➧በሐዲስ ረሡል صلى الله عليه وسلم የሚከተለውን ተናግረዋል፡-“በሙናፊቅ ላይ ከሶላት ከባዱ የፈጅርና የዒሻ ሶላት ነው፡፡” ቡኻሪ፡ 757 ሙስሊም 651

➧አሁን ባለንበት ወቅት በብዛት እየተስተዋለ ያለው ችግር የፈጅር ሶላት ላይ ነው፡፡ አንዳንድ ጊዜ ሰዎች በዲን እውቀት እየተከራከሩ ያመሻሉ፡፡ ከዚያም የፈጅርን ሶለት ሳይሰግዱ ይተኛሉ፡፡ አንድ ሰው በፈጅር ሂሳብ ቁርኣን እየቀራ ወይም እየሀፈዘ ሌሊትሙሉ ቢያመሽ ማምሸቱ ሀራም ነው የሚሆንበት፡፡ እርሱ ሐጢያተኛ ይሆናል፡፡

➲በዚህ ዘመን በአብዛኛው ውድቅ እየተደረገ ያለው ከሶላቶች ሁሉ በላጭ የሆነው የፈጅር ሶላት ነው፡፡

▪️የአላህ መልእክተኛ صلى الله عليه وسلم በሐዲሳቸው የሚከተለውን ተናግረዋል፡-

▪️"أفضل الصلوات عند الله صالة الصبح يوم الجمعة في جماعة"

➧“ከአላህ ዘንድ ከሶላቶች ሁሉ በላጭ ጁሙዓ የፈጅር ሶላትን በጀመዓ መስገድ ነው፡፡” ሂልየቱ አል አውሊያእ፡ 7/207 አልባኒ ሐዲሱን ሶሂህ ብለውታል ሲልሲለቱ አሰ ሶሂህ፡1566

➧የጁሙዓ ቀን የሱብሂ ሶላትን በጀመዓ መስገድ በአብዛኛው እየተዘነጋ የሄደበት ጊዜ ነው፡፡ በዚህ ጉዳይ እስኪ የመስጅድ ኢማሞች ይጠየቁ፡፡ ምክንያቱም (በዓረብ አገሮች) የጁሙዓ ሌሊት የፈቃድ ሌሊት ነው፡፡ የጁሙዓ ሌሊት የወሬ ሌሊት ነው፡፡

➠ሰዎች እስከመጨረሻው ሌሊት ያመሻሉ ፤ ከዚያም የፈጅርን ሶላት ሳይሰግዱ ይተኛሉ፡፡ ከእነርሱ መካከል ጥሩ የሚባለው ዘግይቶና ከዚያም ቅንጭላቱ በእንቅልፍ ናውዞ የሚሰግደው ነው፡፡

➭የመስጅዱ ኢማም “ሱረቱ ሰጅዳ” እና “ሀልአታ” ሱራዎችን በመቅራት የታወቀ ከሆነ ሁለተኛው ረከዓ መጨረሻ ላይ መጠው የሚሰግዱ ሰዎችም አሉ፡፡
ችግሩ ያለው የትንሳኤ ቀን ከእርሱ መጀመሪያ የሚጠየቅበት የሆነው ፈርድ ሶላት ላይ ከሆነ ፣ የእውቀት ፍሬው የት ላይ ነው ያለው? ሶላትን ካጠፋ ሌላውን ማጥፋቱ የሚያጠያይቅ አይደለም፡፡

〰〰〰〰〰〰〰

➧ኢንሻአላህ ክፍል አስራ አራት ይቀጥላል◉◉◉✍

➧ዓብዱረዛቅ ብን ዓብዱልሙህሲን አል ዓባድ ኪታብ የተወሰደ በየሱፍ አህመድ የተተረጎመ

【አንብብ በማንበብ ብዙ እውቀት ይገኛል】📚📚📚📚📚

➧ ወ ደ ቻ ና ላ ች ን ይ ቀ ላ ቀ ሉ
➴➴➴➴➴➴➴➴➴➴➴➴➴➴
https://t.me/joinchat/AAAAAFfWT8MnOTBo42gK-w

1.57K viewsedited 15:12