• ትንሹ ኢድ ( የሸዋል ፍች )የሚባል ነገር የለም።❌
ሁለት ዒድ ብቻ ነዉ ያለን !

①ኢድ አልፊጥር
②ኢደል አድሀ አረፋ

•ስለዚህ ይሄንን መጤ ተግባር ሁላችንም በጋራ እንከላከል!

=
t.me/https_Asselefya1

• የሸዋል ዒድ ወይም ትንሹ ዒድ ተብሎ  የሚደገሰውና የሚከበረው በአል የተወገዘ ቢድዓ ነው። ኢስላም ከሁለቱ ዒዶች ውጪ የሚከበር ሌላ ዒድ የለውም። የሚያሳዝነው ይህን ዒድ የሚያከብሩ ሰዎች ከዋናው ዒዱል ፊጥር በላይ በጉጉት ጠብቀውትና ተዘጋጅተውለት መሆኑ ነው። ይህ የቢድዓ አንዱ መዘዝ ነው። ከፊሎች ደግሞ ቤተሰብ ዚያራን ሰበብ አድርገው ድብን አድርገው ያከብሩታል። በተቻለ መጠን ይህን ተግባር በብስለትና በእውቀት ልናወግዘው ይገባል።

منقول

የሸዋል ዒድ (ትንሹ ዒድ)
~
በኢስላም አመታዊ ዒዶቻችን ሁለት ናቸው። ማስረጃውም አነስ ብኑ ማሊክ ረዲየላሁ ዐንሁ ያስተላለፉት ሐዲሥ ነው። ነብዩ ﷺ መዲና ሲመጡ ነዋሪዎቿ የሚጫወቱባቸው ሁለት ቀናት ነበሯቸው። “ምንድን ናቸው እነዚህ ሁለት ቀናት?” ብለው ጠየቁ። “በጃሂሊያው ጊዜ እንጫወትባቸው ነበርን” አሉ። በዚህን ጊዜ የአላህ መልእክተኛ ﷺ “የላቀው አላህ ከነሱ በላጭ በሆኑ ሁለት ቀናት ተክቶላችኋል። እነሱም የአድሓ ቀንና የፊጥር ቀን ናቸው” አሉ። [ሶሒሕ አቢ ዳውድ፡ 1039]

“ተክቶላችኋል” የሚለው አነጋገር የሙስሊሞች ዒዶች የተወሰኑና፣ በሸሪዐ የሚደነገጉ እንደሆኑ ጥቆማ ይሰጣል። የሰለፎቻችን አካሄድም ይህን ግንዛቤ ይበልጥ ያጠነክራል። ኋላ ላይ እንግድ ቢድዐዎች እስከሚመጡ ድረስ ነብዩ ﷺ ከደነገጓቸው ዒዶች ውጭ ሌላ ዒድ አልተንፀባረቀም። በተለይም ደግሞ ነብዩ ﷺ “ከሰው ሁሉ በላጩ የኔ ትውልድ ነው። ከዚያም ከእነሱ ቀጥለው የሚመጡት፤ ከዚያም ከነሱ ቀጥለው የሚመጡት” ብለው ምስክርነት የሰጡት ሶስቱ ወርቃማ ዘመን ውስጥ እንዲህ አይነት ነገር አልነበረም።

ኋላ ላይ ከመጡ እንግዳ በዓላት ውስጥ አንዱ ታዲያ የሸዋል ዒድ የሚባለው ቢድዐ ነው። ይሄ በአል በሸሪዐ ቦታ ቢኖረው ኖሮ በቁርአንና በሐዲሥ ውስጥ ይጠቀስ ነበር። ቁርአንና ሐዲሥ ውስጥ ከሌለ፣ ቀደምቶች ካላወቁት ቢድዐ ከመሆን ውጭ ሌላ ምርጫ የለም። ነብዩ ﷺ “ወደ ጀነት የሚያቀርባችሁና ከእሳት የሚያርቃችሁ ሆኖ በእርግጠኝነት የነገርኳችሁ ቢሆን እንጂ የተውኩት ነገር የለም” ብለዋል። [አሶሒሐ፡ 4/416]

ይሄ የሸዋል ዒድ የተወገዘ ቢድዐ እንደሆነ ዑለማኦች ይናገራሉ። አንድ ሁለቱን ልጥቀስ፦

1- ሸይኹል ኢስላም ኢብኑ ተይሚያ ረሒመሁላህ እንዲህ ይላሉ፡-

وأما اتخاذ موسم غير المواسم الشرعية كبعض ليالي شهر ربيع الأول التي يقال: إنها ليلة المولد, أو بعض ليالي رجب, أو ثامن عشر ذي الحجة, أو أول جمعة من رجب, أو ثامن من شوال الذي يسميه الجهَّال عيد الأبرار: فإنها من البدع التي لم يستحبها السلف , ولم يفعلوها.
"ሸሪዐዊ ያልሆኑ ክብረ በዓላትን ክብረ-በዓል አድርጎ መያዝ ግን ‘የመውሊድ ሌሊት’ የሚባሉትን የተወሰኑ የረቢዐል አወል ሌሊቶችን ወይም የረጀብ ሌሊቶችን ወይም ደግሞ ዙልሒጃ አስራ ስምንትን ወይም ደግሞ የረጀብ የመጀመሪያ ጁሙዐን ወይም ደግሞ መሃይማን 'የደጋጎች ዒድ' እያሉ የሚጠሩትን #ሸዋል_ስምንትን የመሰሉ እነዚህ ሰለፎች እንደሚወደዱ ያልገለጿቸውና ያልተገበሯቸው #ቢድዐዎች ውስጥ ናቸው።” [መጅሙዑል ፈታዋ፡ 25/298]

በተጨማሪም እንዲህ ብለዋል፦
وأما ثامن شوال : فليس عيداً لا للأبرار ولا للفجار , ولا يجوز لأحد أن يعتقده عيداً, ولا يحدث فيه شيئاً من شعائر الأعياد
"ሸዋል ስምንትን በተመለከተ ለደጋጎችም ይሁን ለባለ -ጌዎች ዒድ አይደለም። ለማንም ቢሆን ዒድ አድርጎ ሊያምንበት አይፈቀድም። በሱ ውስጥ የትኛውም የበዓላት መገለጫዎች ሊንፀባረቁበት አይገባም።" [አልኢኽቲያራቱል ፊቅሂያህ፡ 199]

2- ሸይኽ ሙሐመድ ብኑ ዐብዲሰላም ኸዲር አሹቀይሪይ ረሒመሁላህ እንዲህ ይላሉ፡-

ويكون الاحتفال بهذا العيد في أحد المساجد المشهور فيختلط النساء بالرجال ويتصافحون ويتلفظون عند المصافحة بالألفاظ الجاهلية, ثم يذهبون بعد ذلك إلى صنع بعض الأطعمة الخاصة بهذه المناسبة
"ይሄ ዒድ የሚከበረው ከታዋቂ መስጂዶች ውስጥ በአንዱ ይሆናል። ከዚያ ሴቶች ከወንዶች ጋር ይቀላቀላሉ። በሰላምታ ይጨባበጣሉ። ሲጨባበጡም የጃሂሊያ ቃላትን ይናገራሉ። ከዚያም በኋላ ለዚህ ጊዜ የተለዩ የተወሰኑ የምግብ አይነቶችን ያዘጋጃሉ።" [አሱነኑ ወልሙብተደዓት፡ 166]

በመጨረሻም በአንድ ማሳሰቢያ ልዝጋ። የጉዳዩን ብይን የሚያሳዩ የሸሪዐ መሰረቶች እና የዑለማእ ንግግር እየተጠቀሰ አይኑ እያየ ልክ እኛ ከኪሳችን የተናገርን ይመስል "ሁሉን ነገር ቢድዐ አደረጋችሁብን" አይነት የአላዋቂዎች ተቃውሞ የሚያሰማ አካል ቦታ የለውም። እለቱን ዒድ አድርጎ መያዝ አይገባም ስለተባለ ዱንያ ሁሉ ቢድዐ እንደተባለ እያስመሰሉ ማቅረብም ራስን መሸወድ ነው። ሲጀመር በአንዳንድ አካባቢዎች ካልሆነ በስተቀር ይሄ ልማድ በብዙ ቦታዎች አይታወቅም። ይልቅ ከሙስሊም የሚያምረው ለማስረጃ እጅ መስጠት ነው።
=
የቴሌግራም ቻናል፦
https://t.me/IbnuMunewor
https://t.me/IbnuMunewor

• ليس كل الرزق مالا ،
• ሲሳይ (ሀብት) ሁሉ ገንዘብ አይደለም

•بل إن من أجمل الأرزاق :
• ይልቁንም እጅግ ከሀብት ሁሉ (ያማረ)መልካሙ...

• سكينة الروح ، ونور العقل ، وصحة الجسد ،
• የነፍስ መረጋጋት፣የአእምሮ ብርሐን፣ የሰዉነት ጤና
•وصفاء القلب ، وسلامة الفكر ،
•የልብ ንፀህና፣ጥሩ አስተሳሰብ

• ودعوة أم ، وعطف أب ،
• የእናት ዱአ፣  የአባት እዝነት

• ووجود أخ ، وضحكة ابن ، واهتمام صديق ،
• የወንድም መገኘት(መኖር) ፣የልጅ ሳቅ፣ የጓደኛ አሳቢነት

• ودعوة مُحب في الله ..
• ለአላህ ብሎ የሚወድህ ሰዉ ዱአ...

• أنعم الله علينا وعليكم بتلك الأرزاق كلها ..
• አላህ  እነዚህን ሁሉ  ፀጋዎች  ለእናንተም ለእኛም ይስጠን !

=
t.me/https_Asselefya1

•ይገርመኛል የአላህ ሥራየሆነ ጊዜ እጅግ ስንመኘው የነበረ ነገር ድንገት ለሱ ያለን ፍላጎት በውስጣችን ይሞታል።

=
t.me/https_Asselefya1

•ወደ አላህ የተቃረብክ ከሆንክ
ቤትኛውም ሁኔታ ውስጥ ብትኖርም
ደስተኛ ትሆናለህ… ከአላህ የራቅክ
ከሆንክ ደግሞ ቤትኛውም ሁኔታ ላይ
ብትሆንም እድለቢስ ትሆናለህ ።

=
t.me/https_Asselefya1

« سورة الكهف
•

✓ ሕይወት አስተማረችኝ

• የሰው ልጅ ለተባለ ሁሉ መልካምን ነገር እመኛለሁ።

• ሌሎችን ለማስደሠት መጣሬ ከደስታዬ ምንም ነገር አይቀንስብኝም።

• የሌሎች ሀብታም መሆን ከሲሳዬ አንድም ነገር አያጎድልም።

~ የሌሎች ጤና መሆን የኔን ጤና አይወስድብኝም።

~ አላህ ሁላችንም ደስተኞች ያርገን።

=
t.me/https_Asselefya1

ፋጢማ ቢንት ሙሐመድ፣ አባቷን መሳይ፣ የሴት አይነታ
~
1. አባቷ የፍጡር ቆንጮ የሆኑት ነብያችን ﷺ ናቸው።
2. እናቷ የነብያችን የመጀመሪያ ሚስት፣ በፈተናቸው ጊዜ ከጎናቸው የቆመች፣ ወደ ኢስላም በመግባት ቀዳሚ የሆነችዋ ኸዲጃ ቢንት ኹወይሊድ ናት።
3. ባሏ አራተኛው ኸሊፋ አንበሳው ዐሊይ ብኑ አቢ ጧሊብ ናቸው።
4. ልጆቿ የጀነት ወጣቶች አይነታዎች የሆኑት ሐሰንና ሑሰይን ናቸው።
5. እሷ ራሷ ደረጃዋ ከፍ ያለ ታላቅ የታላቅ ልጅ ናት።
ፋጢማ
* ከነብያችን ﷺ ልጆች መጨረሻ የሞተች ናት።
* በ24 አመቷ ከነብዩ ﷺ ሞት ከሰባት ወር በኋላ ዱንያን ተሰናብታለች።
* የነብያችን ﷺ ዘር የቀጠለው በሷ በኩል ነው፣ በሐሰን እና በሑሰይን በኩል።

እናታችን ዓኢሻ ረዲየላሁ ዐንሃ እንዲህ ብላለች፦

أقبَلَت فاطِمةُ تمشي كأنَّ مِشْيَتَها مَشْيُ النَّبِيِّ ﷺ، فقال النَّبِيُّ ﷺ: ((مَرْحبًا يا ابنتي))، ثُمَّ أجلَسَها عن يمينِه -أو عن شِمالِه- ثُمَّ أسَرَّ إليها حديثًا، فبَكَت، فقُلتُ لها: لمَ تَبكِينَ؟ ثُمَّ أسَرَّ إليها حديثًا فضَحِكَت، فقُلتُ: ما رأيتُ كاليومِ فَرَحًا أقرَبَ مِن حُزنٍ! فسألْتُها عمَّا قال، فقالت: ما كُنتُ لأُفشيَ سِرَّ رَسولِ اللهِ ﷺ، حتى قُبِضَ النَّبِيُّ ﷺ فسألتها، فقالت: أسرَّ إليَّ ((أنَّ جِبريلَ كان يعارِضُني القرآنَ كُلَّ سَنَةٍ مَرَّةً، وإنَّه عارَضَني العَام مرَّتينِ، ولا أراه إلَّا حَضَر أَجَلي، وإنَّكِ أوَّلُ أهلِ بَيتي لَحاقًا بي))، فبَكَيتُ، فقال: ((أمَا تَرضَينَ أن تكوني سَيِّدةَ نِساءِ أهلِ الجنَّةِ -أو نِساءِ المُؤمِنين- فضَحِكْتُ لذلك ))

​"ፋጢማ እየተራመደች መጣች፤ አረማመዷ ልክ እንደ ነቢዩ (ﷺ) አረማመድ ነበር። ነቢዩም (ﷺ) 'እንኳን ደህና መጣሽ ልጄ' አሏት። ከዚያም በቀኛቸው ወይም በግራቸው በኩል አስቀመጧት። ከዚያም በጆሮዋ ምስጢር ነገሯት፣ አለቀሰች። እኔም 'ለምንድነው የምታለቅሽው?' አልኳት። ከዚያም ደግመው ሌላ ምስጢር ነገሯት፣ ሳቀች። እኔም 'እንደ ዛሬው ለሀዘን ቅርብ የሆነ ደስታ አይቼ አላውቅም!' አልኩ። ምን እንዳሉ ጠየቅኳት። 'የአላህ መልክተኛን (ﷺ) ምስጢር አላወጣም' አለች።

​ነቢዩ (ﷺ) ከዚህ ዓለም እስካለፉ ድረስ ምስጢሩን አልተናገረችም ነበር። ከዛ በኋላ ጠየቅኳትና እንዲህ አለች፦
'መጀመሪያ የነገሩኝ ምስጢር፦ 'ጅብሪል በየዓመቱ ቁርአንን አንድ ጊዜ ያቀርብልኝ ነበር፤ ዘንድሮ ግን ሁለት ጊዜ ነው ያቀርብልኝ። ይህ የሚያሳየው መሞቻዬ መቃረቡን ነው። አንቺም ከቤተሰቦቼ ውስጥ ቀድመሽ እኔን የምትከተይ ነሽ' የሚል ነበር፤ በዚህም ምክንያት አለቀስኩ።
​ከዚያም ደግመው፦ 'የጀነት ሴቶች አለቃ (ወይም የምእመናን ሴቶች ዋና) በመሆንሽ ደስ አይልሽም?' አሉኝ፤ በዚህ ጊዜ ደግሞ ሳቅኩ።'" [ቡኻሪይ፡ 3623፣ 3624] [ሙስሊም፡ 2450]

እናታችን ዓኢሻ ረዲየላሁ ዐንሃ እን ዳለችው ፋጢመህ አቋቋሟም፣ አቀማመጧም፣ ሁሉ ነገሯ አባቷን መሳይ ነበረች። ትቀጥላለች ዓኢሻህ

وكانت إذا دخَلَت على النبيِّ ﷺ قام إليها فقَبَّلَها وأجلَسَها في مجلِسِه، وكان النبيُّ ﷺ إذا دخل عليها قامت من مجلِسِها فقَبَّلَتْه وأجلَسَتْه في مجلِسِها
​"እሷ (ፋጢማ) ወደ ነቢዩ (ﷺ) ዘንድ በገባች ጊዜ እሳቸው ተነስተው ይቀበሏታል፤ ይስሟትም ነበር፤ ከዚያም እሳቸው በተቀመጡበት ቦታ ያስቀምጧታል። እንዲሁም ነቢዩ (ﷺ) ወደ እሷ (ቤት) በገቡ ጊዜ እሷ ከመቀመጫዋ ተነስታ ትቀበላቸዋለች፤ ትስማቸውም ነበር፤ ከዚያም እሷ በተቀመጠችበት ቦታ ታስቀምጣቸዋለች።" [አቡ ዳውድ፡ 5217] [ቲርሚዚይ፡ 3872]

(ኢብኑ ሙነወር፣ ሸዋል 9/1447)
=
የቴሌግራም ቻናል :-
https://t.me/IbnuMunewor
https://t.me/IbnuMunewor

• አንዳንዴ ሒወት መልመድ የከበደንን ነገር የግድ እንድንለምድ ታስገድደናለች!

=

ማታ ቤይሩት ላይ የተሰማዉ የማስፈራሪያ ድምፀ በድንጋጤ እንድህም የለበሰ ነበረ....! አይ ኢስራኢል አላህ የሚገባሺን ይስጥሽ!

ከአልጋ ላይ የተገለበጠም ነበር፣ ጫማዉን የወረወረም ነበረ...ብቻ ካለፈ ሲወራ ያስቃልጅ በወቅቱ በጣም አስፈሪ ነበረ.. ያለንበት ፉቅ ይዞን ሊወድቅ ነዉ ብለን እስከምንሰጋ የተንቀጠቀጠ ፉቁ....! አረ ከተማ ያላችሁ አላችሁ ወይ....አላህ ይጠብቃችሁ ሌላ ምን ይባላል ይህ ቀን እስከሚያልፍ ፀናቱ ይስጠን 🤲 " በድንጋጤ ሩሀችን እንዳትሾልክ...! በሰላም ለቤተሰብ ያብቃን... አሚን!

=

ለካ ደስ ይላል መሰጠት ህእ

እኔ መስጠት ነበረ ደስ የሚለኝ...

ለማንኛዉም ስጦታ ተሰጣጡ ደስ የሚል ስሜት አለዉ ልንገራችሁ ብዬ ነዉ🙌

👉 ለአንቺ ለውዷ ሙስሊም እህቴ፦ ከልብ የመነጨ ምክር!

እህቴ ሆይ! ከልብ የመነጨ ከልብ ይደርሳልና ከልቤ የመነጨ ምክር ላንች ለጀግናዋ ሙስሊም እህቴ ትንሽ ምክር ቢጤ ናት ተጠቀሚባት ።

ጀግናዋ እህቴ ሆይ! በሕይወትሽ ውስጥ ትልቁ ትኩረትሽ ዲንሽን ማወቅ፣ ሸሪዓዊ እውቀትን መገብየት፣ ተውሒድሽንና ትክክለኛውን ዐቂዳ ማስተካከል እንዲሁም የነቢዩን (ﷺ) ሱና መከተል ይሁን። በአኺራ ዘላቂ ጥቅምን የሚሰጥሽ ይህ ብቻ ነው።

ያለፈው ታሪክሽ ውስጥ "እንዴት በደሉኝ?"፣ "እንዴት አሳነሱኝ?" ወይም "መብቴን ሙሉ በሙሉ አልወሰድኩም" እያልሽ ስለ ካለፈው ነገር አትጨነቂ፤ በዛም ውስጥ አትኑሪ።

የሌሎችን የግል ሕይወት ለመሰለል ወይም ስለ ሰዎች ግላዊ ጉዳይ ጥያቄዎችን ለማብዛት አትሞክሪ። እነዚህ መሰል ተራ ነገሮች ለጭንቀት፣ ለስነ-ልቦና መታወክ፣ ለቅናት፣ ለምቀኝነትና ባለሽ ነገር እንዳትረኪ ከማድረግ ውጭ ምንም አይፈይዱሽም። እውነተኛዋ ሙስሊም ሴት ትርጉም በሌላቸውና በማይጠቅሙ ጥያቄዎች ውስጥ ራሷን ከማድከም የላቀችና የረቀቀች ናት።

ራስሽን ከፍ አድርጊ! "እገሊት ስለ እኔ እንዲህ አለች"፣ "በሌለኝ ነገር ከሰሰችኝ"፣ "እገሊት መልእክቴን (Message) አይታ ዝም አለችኝ"፣ "እገሊት ተጓዘች ግን አልነገረችኝም"፣ "እገሊት ይሄን ገዛች"፣ "እገሊት አረገዘች ግን አልሰማሁም"፣ "እገሊት ተፋታች... ለምን ይሆን?" የሚሉ መሰል ወሬዎች ውስጥ አትግቢ።

ትኩረትሽ ራስሽን ወደ ተሻለ ደረጃ ማሳደግ፣ ለዲንሽ የሚጠቅምሽን ነገር መማርና ለሌሎችም መልካም መምከር ብቻ ይሁን። አላህ ያፈሰሰልሽ ጸጋዎች እኮ ተቆጥረው አያልቁም፤ ስለዚህ የሌለሽን ነገር ብቻ በማየት ራስሽን አታሳዝኚ። ሕይወትሽን ከማንም ጋር አታወዳድሪ፤ ዲናችን ከዚህ ሁሉ የላቀና ሰፊ ነው።

ነርቭሽንና አእምሮሽን በሚያደክሙ፣ ጉልበትሽን በሚያባክኑና ስነ-ልቦናሽን በሚያሻክሩ ነገሮች ውስጥ ራስሽን አትዘፍቂ። ይልቁንም አላህን በመታዘዝ ተጠመጂ፤ ትልቁ ጭንቀትሽና ስራሽ ለአኺራ የሚሆን ስንቅ ማዘጋጀት ይሁን።
منقول

• የብስለት የአስተዋይነት መለኪያዉ
የዱኒያን ጠፊነት ማወቅ ነዉ ! የሰዉ ልጅ ምንም ያክል አዋቂ ቢሆን የዱኒያን ጠፊነት ካላወቀ እያንዳንዱ ቀን ለአኼራዉ የሚሆን መልካም ስራ ካልያዘ እዉቀት ጎድሎታል አስተዋይነት ጎድሎታል።

=
t.me/https_Asselefya1

~ አላህ ዛፍን ሊፈጥር ሲሻ አፈርን አናገረ፤
~ አሳን ሊፈጥር ሲሻ ባሕርን አናገረ።
~ ሰውን ሊፈጥር ሲሻ ግን ነፍሱን አናገረ።
~ አሳ ከውኃ ሲለይ ይሞታል፤
~ ዛፍ ከአፈር ሲነቀል ይደርቃል።
~ አንተም ነፍስህን ከ አላህ ስትለያት ትሞታለህ። ምክንያቱም እኛ ከአላህ የተነፈስን ‘ሩሕ’ ነን፤ በመላው ሕይወታችንም የ አላህ ጥገኞች ነን።”

=
t.me/https_Asselefya1