👉በግድቡ መጠናቀቅ ተደስቻለሁ ሀቂቃ!!

«ሀገሬ ሁሌም ከፍ በይ»
----------------------

መከራ እና ችግር በደል ቢያልፍበትም፡
የሰው ልጅ ነው እንጂ ለካ ሀገር አይሞትም፡
አባይ ተገድቦ ይህን አስመስክሯል፡
በውብ ቁመናው ልክ ደስታችን ተሰፍሯል፡
ወዳጅ በኛ ስቆ ጠላታችን አፍሯል፡

በስደት በሀገር ቤት ልጆችሽ ታድመው፡
የቆሰለው ሳይቀር በአልጋ የታመመው፡
ስቀዋል ሰሞኑን ላንች ክብር ቆመው፡

የነፃነት አርማ ሁኝልን፤
እኔ በስደት ብሆንም ስመጣ ደምቀሽ ላግኝሽ፡
ልጂሽ ነው ስባል ስጠራ፤
             ደስ ይለኛል አንችን ስመኝሽ፡
ከፍ በይ ዘላለምሽን፤
ህመም አይፈታተንሽ ችግር ሁሌ አያግኝሽ፡

አደገች ይበልሽ አለም፤
          ከድህነት ወጥተሽ እንይሽ፡
ልጆችሽ ይሰባሰቡ፤
          ከእንግድህ ስኬት ይታይሽ፡

ከነ-ችግርሽም ቢሆን ሀገሬ ይብዛ ሰላምሽ፡
ከትላንት ዛሬ ተሻይ ለነገ ይግዘፍ አቋምሽ፡

ብቻ ግን ስላንች ሁሌም፤
                   የደስታ ዜና ይሰማኝ፡
ይሄ ነው ዋናው ዱዓዬ፤
             እንዳንድ ወጣት እንደ አማኝ፡

ሀገሬ ሰላም ሁኝልኝ፤
                   ሁሌም ደስታሽን ልስማ፡
ከእንግድህ ሀብት ይፍሰስብሽ፤
                          ይነቀል የችግር ካስማ፡

አባይ በረከት ይሁነን ሀብት ይሙላ ደጃችን፡
እኛም እንደ ሌሎቹ እንኑር በሀገራችን፡

ከእንግድህ በሀገር እንኑር፤
                   የስደት መከራ ይብቃን፡
አባይ ደወል ይሁነን፤
                 ከጥላቻ እንቅልፍም ያንቃን፡

ለካ ለኸይር ነው፤
ስንቱን ተቋቁመሽ እስከ አሁን የቆየሽ፡
በፅናትሽ ብቻ፤
ዛሬ በልጆችሽ ይህን ብስራት አየሽ፡

የድህነት ጫንቃሽ፤
በየዘመናቱ ቡዙ ግፍ ቢቀበል፡
ጌታችን አግዞሽ፤
የሀገር ማንነትሽ እንዳይዘነበል፡

ተወዳጅ ልጆችሽ ላንች ቢሰለፉም፡
ስላንች መክተው ስንቶቹ ቢረግፉም፡
ዛሬም ጀግኖች አሉሽ ጨርሰው አልጠፉም፡

...እናም ሀገሬ ሆይ...

ልክ እንደ ናይል ወንዝ ዘረኛ ይገደብ
ለሁሉ እኩል ሁነሽ እንኑር በአደብ፡
ይጥፋ ከምድራችን ጭቆናና በደል፡
በሴራ በተንኮል ማንም አይገደል፡

ደስታ እዝነትና እድገት ይሙላ በእፍኝሽ፡
የፍትህ መፍለቂያ ይሁን ሁሌ እልፍኝሽ፡
ለዜጎችሽ ሰላም ሆነሽ እናግኝሽ፡

....ሀገሬ...!!

ከስደት እኔ ስመለስ፤
          በለውጥሽ ላቅርብ ምስጋና፡
ሁሉም ልጆችሽ ይምጡልሽ፤
            ከሰው ሀገር ከየትም ዳና፡
እድገትሽ በግልፅ ይታወጂ፤
             ኢትዮጲያዬ ባንች እንፅናና፡
ዜጎችሽን ሰብስበሽ ያዥ፤
                  እምዬ ሁኝ ገናና፡
እኛም ልጆችሽ እንሁን፤
                አንችም እናት ሁኝና‼️

ከአሁን በኋላ ይታደስ፤
           የጎበጠው ወገብ ይቃና፡
ለቅርብ ለሩቁ ያውድ፤
              የፍቅርሽ ሽቶና ቃና፡
ግሩም ጠቢባን ይውጣብሽ፤
               ይወገድ የጫት ምርቃና፡

.....ኢትዮጲያዬ.....‼️

ልክ እንደ-ግድቡ፤
ተስፋ ሳትቆርጭ ወድቀሽ ሳትቀሪ፡
በተደጋጋሚ እንድታስደምሚን፤
ከዘር ቅርቃር ወጥተሽ ጨዋታ ቀይሪ፡
በፍጥነት ለማደግ፤
ለሁሉም ዜጎችሽ እናት ሆነሽ ኑሪ፡


በግድቡ ምክንያት፤
        ማናችሁም አትወራጩ፡
መነሻው ሀበሻ ሆኖ፤
               አባይ ጀነት ነው ምንጩ፡

.....ግንኮ ...ሀገሬ...!!

በስምሽ ግፍ ተፈፅሞ፤
የማህፀንሽ ፍሬ ስንቱ ደሙ ፈሰሰ፡
በተራ የዘር ከረጢት፤
እናቴ ብሎ ያመነሽ በልጅሽ ስንቱ አለቀሰ፡
የአንድ እናት ልጆች ተብለን፤
አስታራቂ ቢጠፋም እንኳን ስንቱ ስንቱን ወቀሰ፡
አሁንስ ቢሆን በምድርሽ፤
በጎራ መከፋፈሉ ጥላቻው መቼ ፈረሰ፡
እኩል የምንታይበት፤
ታማኝ ዳኛ ውብ ዘመን መቼ ደረሰ!!?

ብቻ ምንም ቢፈጠር፤
              አንችን እኛ አንክድም፡
የባንዳነት አመለካከት፤
              በታሪክ የለንም አንድም፡
የእንጀራ ልጆች ተደርገን፤
              ለዘመናት ምን ብንጨቆን፡
አያውቅም የሀገር ፍቅር፤
                 ለቅፅበት እንኳን ርቆን፡

አወ ጠባሳ አለብን፤
            ቦሩ ሜዳ ላይ ታርደናል፡
ግና ክብርሽ ሲነካ፤
           አደዋ ዘምተን ሞተናል፡
ዛሬም አባይ ሲገደብ፤
          እጂጉን ደስ ብሎናል፡
ሀገሬ ግን ልንገርሽ፤
             እኩልነትኮ ናፍቆናል!?

.......ኢትዮጲያዬ...

አንዳንዴ እየከፋኝ ነው፤
                 የውስጤን መናገሬ፡
እንጂማ ፍቅርሽ አለብኝ፤
                 ከፍ በይ እናት ሀገሬ፡

ሀገር ነው ምንም ቢፈጠር፤
                  የሰው ልጅ ትዝታ ስንቁ፡
ሀገር ነው የዘወትር ቃል፤
                 የሰው ልጅ ሀዘንም ሳቁ፡
ከፍታሽን በዜና ልስማው፤
                  ክብርሽን ልየው በሩቁ፡

.....እማማዬ.....

ልጅሽ ነኝ እናት ነሽና፤
         ልመርቅሽ ዱዓየን እንኪ ተቀበይ፡
ናይልን መነሻ አድርገሽ፤
                ድመቂ ሁሌም ከፍ በይ፡

    «በኑረዲን አል-ዓረብ»

t.me/nuredinal_arebi
t.me/nuredinal_arebi

2017 ሀገራችን በትላልቅ አለም አቀፍ መድረኮች ስሟ ከፍ ያለበት ዘመን ነበረ። ይሄ ለኛ ትልቅ ክብር ነዉ። ማን እንዴ ሀገር የትም ዞሮ ዞሮ መመለሻችን ሀገራችን ነች ከፍታዋ ያስደስተናል ! በአዲሱ አመት ደግሞ የበለጥ ከፍ የምትልበት በዉስጧ ያሉ ይሄ መጥፎ የዘረኝነት በሽታ ሙሉ የሚጠፋበት አላህ ያድርግልን ።

=

👆ለምንድነዉ ቅድሚያ ለተዉሂድ የምንለዉ !?

🎙ኡስታዝ አቡ ሙስሊም አል_ አሩሲ


= t.me/AbumuslimAlarsi

👆የትኞቹ ኡለማ ናቸዉ እዉቀት የሚወሰድባቸዉ !?

🎙ኡስታዝ አቡ ሙስሊም አል_ አሩሲ


= t.me/AbumuslimAlarsi

~ የምትፈልጊዉን ነገር የምትነግሪያት ጓደኛ ስትኖርሽ ህይወት ደስ ትላለች!  ህይወት መራራ ሁና ማጣፈጫዋ  ጓደኛ ልትሆን ትችላለች።

#ጓደኛ
=
t.me/https_Asselefya1

~ ልንሰበር የደረስን ጊዜ ....አይዞህ! ከጎንህ ነኝ። ብለዉ  የጠገኑን ሰዎችን መቼም አንረሳም።

=
t.me/https_Asselefya1

~ አንዳንዴ ማለት ነዉ  ይቅርታ ጠይቃችሁኝ  በቃ እሺ ችግር የለዉም...የምላችሁ ስለለመደብኝ ነዉ እንጅ በጣም ችግር አለዉ እሺ። ጥንቃቄ ያስፈልጋል !

=
t.me/https_Asselefya1

~ ቢራቢሮ እንደሆንኩ ያክል እንዲሰማኝ አደረጉና ክንፌ ቆረጡት..... ነገር ግና አልተሳካላቸዉም በረርኩባቸዉ!

=
t.me/https_Asselefya1

🔻ነገሩ የጠፋው ለምትወጃቸው ሰዎች ስትይ ከህጎችሽ ውስጥ የሆነውን አንዱን ሕግ የሻርሽ ለት ነው።

« የፈለከዉን ያክል ብትጥር ከወንጀል ለመራቅ መሳሳትህ አይቀርም ! ከወንጀል ለመራቅ ትፈልጋለህ ! ነገር ግን የፈለከዉ ያክል ብትጥርም መሳሳትህ አይቀርም ! አደራህን፦ በኢስቲግፋር ላይ ፣ በተዉባ፣ ወደ አላህ በመመለስ .....!

🎙الشيخ عبد الرزاق البدر حفظه الله
=
t.me/https_Asselefya1

«የሰዉ ልጅ ወደሞት  በሚቃረብ ስአት ይለድማል!  አላህን በመታዘዝ  ሳይሰራበት ያሳለፈዉ ስአት እና ደቂቃ ...!


«ወንድሞቼ ወይ አደራችሁን፦   በጥሩ ዝምታ፣  በጥሩ በስነ ምግባር !

🎙الشيخ ابن عثيمين رحمه الله

=
t.me/https_Asselefya1

🔖 የኢማን ጥፍጥና «በድብቅ ኢባዳዎች» ይገኛል። ከድብቅ ኢባዳዎች ፦ አይን ከሀራም እይታዎች መቆጠብ ነዉ።

الشيخ عبد السلام الشويعر حفظه الله
=
t.me/https_Asselefya1

🔖 ዛሬም ሆነ ነገ እንሞታለን ! ዱኒያ ሁሉም ነገሯ ያልፋል። ድሀዉ ያልፋል ሀብታሙም ያልፋል፣ መራራ ነገሯ ያልፋል ፣ ጣፋጭ ነገሯም ያልፋል፣ ጥሩ ነገሯም ያልፋል፣በዉስጧ ያለ ሳቅም ያልፋል። ነገር ግን እኛ ወደ ቀብር እንሄዳለን። አላህን በሚያስቆጣ ገንዘብ ብንሰበስብ ምን ይጠቅመናል ? ዱኒያ ትሄዳለች ወይ እኛ ከሷ እንሄዳለን። ነገር ግን አላህ ፊት እንጠየቃለን ስለሷ(ዱኒያ) ከየት እንዳመጣነዉ በምን ላይ እንደለገስነዉ።

الشيخ سليمان الرحيلي  حفظه الله

=
t.me/https_Asselefya1

🎙القارئ ماهر المعيقلي حفظه الله.

«ድህነት በበር በኩል ሲገባ ፍቅር በመስኮት ይወጣል (ያመልጣል)»

اذا دخل الفقر من الباب هرب الحب من الشباك !

የብዙኃን ትዳር ሀሳዊ የሆነ ግዜያዊ ፍቅር ላይ የተገነባ ነው። ድህነት የብዙኃን ትዳርን የሚፈረካክስ እውነታ ነው። ገንዘብ ሁሉንም መርህ የሚሰባብርና የሚያንበረክክ አምባገነን ሀይል ሆኗል።

منقول
=