💎🎀የሰለፍያ ሴቶች ከቀይ ወርቅ የበለጠ ውድ ናቸው 💎🎀

➲መውሊድ እንዲከበር የሚያመላክት ምንም አይነት ሸሪዓዊ ማስረጃ የለውም።
〰〰〰〰〰〰〰〰〰〰

ኢማሙ ዐብዱልዐዚዝ ቢን ባዝ • (ረሂመሁላህ) • እንዲህ ይላሉ:–

➤«የነቢዩንም ሆነ የሌሎችን መውሊድ እንዲከበር የሚያመላክት ምንም አይነት ሸሪዓዊ ትእዛዝ አልመጣም!። ጥርት ካለው ሸሪዓ እንደምናውቀው አረጋጋጭ የእውቀት ባለቤቶች እንዳረጋገጡት መውሊድን (በዓል) አድርጎ ማክበር ቢድዓ መሆኑን ነው። ቢድዓ በመሆኑም ምንም ጥርጥር የለውም!። ምክንያቱም ነቢዩ ﷺ ከሰዎች ሁሉ በላጭ የሆኑ መካሪ ናቸው!፣ በአላህ ሸሪዓ ላይ ከሰዎች ሁሉ የበለጠ አዋቂ ናቸው!፣ ከአላህ ዘንድ ለሰዎች አድራሽ ናቸው፣ ይህ ሁሉ ከመሆኑም ጋር መውሊዳቸውን እሳቸውም ሆኑ ባልደረቦቻቸው አላከበሩትም!፣ አራቱ ተተኪዎችም ሆኑ ሌሎች ሶሃቦች አላከበሩትም!።

መውሊድ እውነት፣ሱንና እና መልካም ነገር ቢሆን ኖሮ ወደሱ በተሸቀዳደሙ ነበር!፣ ነቢዩ ﷺ ምም ባልተውት ነበር፣ ህዝባቸውን ባስተማሩት ነበር፣ አልያም በተግባር ራሳቸው ይሰሩት ነበር፣ ሶሃቦቹም ይሰሩት ነበር፣ የነቢዩ ﷺ አራቱ ተተኪዎች በተገበሩት ነበር። ይህን በመተዋቸው መውሊድ ከአላህ ዲን/ከሸሪዓ አለመሆኑን እውነተኛ የሆነን ማወቅ አውቀናል! ልክ እንደዚሁ ከሶሃቦች ቀጥሎ በላጭ የተባለላቸውና በመልካምነታቸው ነቢዩﷺ የመሰከሩላቸው ትውልዶችም አልሰሩትም፣ በዚህም መውሊድ ቢድዓ እንደሆነ ግልፅ ሆኗል፣ በእርግጥም የአላህ መልእክተኛ ﷺ እንዲህ ብለዋል:– “በዲናችን ላይ ከዲኑ ያልሆነን አዲስ ነገር የፈጠረ ሰው በርሱ ላይ ተመላሽ ነው።”

➲በድጋሚም የአላህ መልእክተኛ ﷺ በሌላ ሀዲሳቸው እንዲህ ብለዋል:– “ከዲናችን ያልሆነን ስራ የሰራ ሰው በርሱ ላይ ተመላሽ ነው!።” ቡኻሪና ሙስሊም ዘግበውታል።
በዚህ የሚያመላክቱ ሌሎችም ሀዲሶች አሉ።
በዚህም የነቢዩ ﷺ መውሊድ በረቢዐል አወልም ሆነ የበደዊንና የሁሰይንን… የሌሎችንም መውሊድ በዓል ማክበር ቢድዓ እንደሆነ ይታወቃል። መውሊድ የተባለ ሁሉ፣ ሙስሊም የሆነ ሰው መተው ግዴታ ከሆነበት ከተወገዘው ቢድዓ ነው። አላህ በትላልቅ ሁለት ዒዶች ቀይሮዋቸዋል፣ እነሱም ዒደል አድሃና ዒደል ፊጥር ናቸው፣ በነዚህ ዒዶችም አዳዲስ በዓላትንና መውሊድን ከመፍጠር አብቃቅቷል።

➼ነቢዩን ﷺ መውደድ ማለት በመውሊድና እሷንም በማቋቋም አይደለም! ነቢዩን ﷺ መውደድ እሳቸውን መከተልንና በሸሪዓቸው መጣበቅን ለሷም ዘብ መቆምን ግድ ያሰኛል!! ወደሷም ጥሪ ማድረግ፣ በሷ ላይም መፅናትን ግድ ያሰኛል!። ይህ ነው እውነተኛ የሆነው ውዴታ ልክ አላህ እንዳለው:–
{ قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ } [آل عمران: ٣١] .

“በላቸው:– አላህን የምትወዱ ከሆናችሁ ተከተሉኝ፣ አላህ ይወዳችኋልና። ኀጢያቶቻችሁንም ለናንተ ይምራል፣ አላህም መሀሪ አዛኝ ነው።” ኣል ዒምራን 31

አላህንና መልእክተኛውን ﷺ መውደድ በመውሊድና በቢድዓ አይደለም!፣ ነገር ግን አላህንና መልእክተኛውን ﷺ መውደድ የሚሆነው አላህንና መልእክተኛውን በመታዘዝ፣ በአላህ ሸሪዓ ላይ ቀጥ በማለት፣ በአላህ መንገድ ላይ በመታገል፣ ወደ መልእክተኛውﷺ ሱንና ጥሪ በማድረግ፣ እሷንም በማላቅ፣ ለሷም ጥብቅና በመቆም የሚቃረናትን በማውገዝ ነው።
እንዲህ ነው አላህንና መልእክተኛውን መውደድ የሚሆነው፣ ነቢዩን ﷺ በንግግራቸው፣ በተግባራቸው፣ መከተልና በመንገዳቸው መጓዝ ወደ መንገዳቸው ጥሪ ማድረግ፣ ይህ ነው እውነተኛ ሸሪዓዊ ተግባር ያለው፣ ሸሪዓን የሚገጥም የሆነ፣ የአላህና የመልእክተኛው ﷺ ውዴታ ማለት።»
[ምንጭ:– ፈታዋ ኑሩን ዐለ ደርብ 1/327]

https://t.me/joinchat/AAAAAFfWT8MnOTBo42gK-w

1.22K views14:29