➾ፋጡማህ ከእህቶቿ ጋር እንደገና ለመቀላቀል በመቻሏ ትልቅ ደስታ ተሰማት። ሁሉም በአድነት እህታቸው ዘይነብም ረዲየላሁ አንሃ ባሏን ትታ ወደ እነርሱ ብትመጣ ተመኙ። ነገር ግን የዘይነብ ረዲየላሁ አንሃ ባልተቤት አቡ አል አስ ሚስቱን እንዳፈታ የቁረይሺ መሪዎች ቢያስገድዱትና በቆንጆ ሀብታም ሴት ቢያባብሉትም ምላሹ "ሚስቴን ከምንም ከማንም አብልጨ እወዳታለሁ" ምንም እንኳን ኢስላምን ባልቀበልም ለአባቷም ትልቅ አክብሮት አለኝ። የሚል ነበር። ሩቅያ እና እሙ ኩልሱም ረዲየላሁ አንሁም አዕምሮ ከሚያደማው ከምራታቸው እሙ ጀሚል ምላስ ተገላግለው ከሚያፈቅሯቸው ቤተሰቦቻቸው ጋር ለመሆን ስለቻሉ ደስታ ተሰማቸው። ብዙም ሳይቆይ ሩቂያ  ከቀደምት ሙስሊሞች አንዱ ለሆነው ለወጣቱና አይናፋሩ ለኡስማን ኢብኑ አፋን ረዲየላሁ አንሁ ተዳረች።

«لا إله إلا الله»

[شرح كلمة الإخلاص(٤٩)]

አንድ ወቅት አንድ አዕምሮ ቢስ ቁረይሺ ከመሬት አፈር ዘግኖ እራሳቸው ላይ ነሰነሰው ሁኔታውን በታጋሺነት በማለፍ ከቤታቸው እንደገቡ ፋጢማ ረዲየላሁ አንሃ አፈሩን እያራገፈችላቸው አምርራ አለቀሰች። እርሳቸውም "አታልቅሺ ልጄ" አላህ አባትሺን ከመጥፎ ነገር ይጠብቀዋል ሲሉ አፅናኗት። ነብዩ ሰለላሁ አለይሂ ወሰለም ለፋጢማ ረዲየላሁ አንሃ ልዩ ፍቅር ነበራቸው። አንድ ወቅት ማንም ቢሆን ፋጢማን ረዲየሏሁ አንሃ ያስደሰተ አላህን እንዳስደሰተ ነው። እርሷን ያስቆጣ አላህን እንዳስቆጣ ነው። "ፋጢማ ረዲየላሁ አንሃ አካሌ ናትና እርሷን የሚያስደስት ሁሉ ያስደስተኛል የሚያስቆጣት ሁሉ ያስቆጣኛል" ሲሉ ተናግረዋል።