💎🎀የሰለፍያ ሴቶች ከቀይ ወርቅ የበለጠ ውድ ናቸው 💎🎀

【ኪታቡል ጀናኢዝ】 ━┅━┅━┅━ ❍ ክፍል ② ☞የሟችን ፊት መግለጥ፣ ጀናዛውን መሳም እንድሁም ለሶስት ቀናት ያክል ማልቀስ ይፈቀዳል። ሟች ቤተሰቦች ደግሞ ትእግስትን የመላበስና የአላህን ቅድመ ዉሳኔ ወደው የመቀበል ግዴታ አለባቸው። ☞ የወዳጅንና የቤተሰብን ሞት በሚረዱበት ወቅት እኛ የአላህ ነን። እኛም ወደ እሱው ተመላሾች ነን ( إِنَّا لِلَّهِ وَإِنَّا إِلَيْهِ رَاجِعُونَ)…

【ኪታቡል ጀናኢዝ】

❍ ክፍል ③

☞ሟች ሲሞት ከፊል ሙስሊሞች ፈጥነው ጀናዛውን የማጠብ ግዴታ አለባቸው።

እጥበቱም ሶስት ጊዜ ወይም ከዚያ በላይ መሆኑ፣ በነጠላ ቁጥር መሆኑ፣ ከዉሃው ጋር የቁርቁራ ወይም እሱን የሚተካ ማጽጃ ሳሙና ወይም ኬሚካል መጠቀሙ፣ በመጨረሻው እጥበት ላይ ሽቶን መጠቀም ይወደዳል።

በተለይም ካፉር የሚሰኘውን ሽቶ መቀላቀሉ ተመራጭ ነው።

☞ይህ ከመሆኑ ጋር ኢህራም ላይ ሆኖ የሞተ ሰው ከየትኛውም አይነት ሽቶ ነክ ነገራት ሊርቅ ይገባዋል።

የተጎነጎነ (የተሰራ) የሴት ጸጉር መፈታትና መስተካከል ከዚያም በሶስት መስመር መሰራት ይኖርበታል። የተሰራው ጸጉሯም ወደ ማጅራቷ ይለቀቃል።  በእጥበቱ ወቅት በቀኝ በቀኝ በኩል ያሉ አካላትን ማስቀደምና የዉዱእ ቦታዎችን ቀድሞ ማጠብ ይወደዳል።

ጀናዛው በጓንት ወይም መሰል እጅን መሸፈኛ በመጠቀም ይታጠባል።

☞ሰውነቱ እየታዬ ሳይሆን በመከለያ ሸፈን ተደርጎ፣ ልብሶቹ ሙሉ በሙሉ ተወልቀው፣ እጅን ብቻ ከመከለያው ውስጥ በማስገባት ነው የሚታጠበው።

ወንዶችን የማጠብ ሀላፊነት የወንዶች ሲሆን ሴቶችን የሚያጥቡት ደግሞ ሴቶች ናቸው። ባለትዳሮች ብቻ ሲቀሩ። እነርሱ ግን አንዳቸው ሌላቸውን ማጠብ ይችላሉ።

☞እጠብቱ ከተጠናቀቀ በኋላ ጀናዛውን መከፈን ግዴታ ነው።

ከፈኑ ረጅምና መላ አካሉን የሚሸፍን ሰፊ ልብስ መሆን ይኖርበታል።  ከፈኑ ሙሉ አካላቱን ለመሸፈን በቂ ካልሆነ ከጭንቅላቱ በመጀመር ከፈኑ መሸፈን እስከቻለበት አካል ድረስ መከፈንና ቀሪውን አካሉን በሰንበሌጥ ወይም በሳር ወይም በቅጠል መሸፈን ግድ ይላል።

☞ጀናዛዎቹ ከበዙና ከፈን ካነሰ በርከት ያሉ ጀናዛዎችን በአንድ ከፈን በመጠቅለል በአንድ ቀብር ውስጥ መቅበር ይቻላል። ከቂ

ብላ አቅጣጫ የሚያርፈው የበዛ ቁርአንን የሸምደደው ወይም የተገነዘበው ነው። በጦር ሜዳ ላይ እየተዋጋ የሞተ ሰማእት

የተገደለበትን ልብሱን ማውለቅ አይቻልም። ይልቁኑ በተገደለበት ልብሱ ይቀበራል። በኢህራም ላይ እያለ የሞተ ሰው በሁለቱ የኢህራም ልብሶቹ ነው የሚቀበረው።

☞ከከፈን ልብሶች ሁሉ ነጭ ቀለም ያለው የበለጠ ይወደዳል። የከፈን ልብስ ሶስት መሆኑ ሱና ነው። ከፈኑን ሶስት ጊዜ በእጣን ማጠን ይወደዳል። ሆኖም ግን ይህ ተግባር ኢህራም ላይ ሆኖ የሞተን ሰው አይመለከትም። በዉድ ዋጋ የሚገዙ ልብሶችን ለከፈን መጠቀም ይከለከላል። የሴቶች ከፈን እና የአከፋፈን ሁኔታ ከወንዶቹ ጋር ተመሳሳይ ነው።

☞ከፈኑ የታሰረበትን ገመድ ወይም ክር ጀናዛው በቀብሩ ውስጥ ካረፈ በኋላ መፍታቱ በቀደምት አበዎች ዘንድ በስፋት የሚታወቅ ጉዳይ ነው። ጀናዛን መሸከምና ተከትሎ መሄድ (መሸኘት) ግዴታ ነው።

☞ይህም ሟች ሙስሊም በህይወት ካሉት ሙስሊሞች የሚያገኘው ጽኑ ሀቁ ነው። ጀናዛን መሸኘት ሁለት ደረጃ አለው። አንድኛው ከቤት ጀምሮ እስከሚሰገድበት ድረስ መሸኘት ሲሆን ሁለኛው ደግሞ ተቀብሮ እስከሚጠናቀቅ ድረስ መሸኘት ነው። ጀናዛን የመሸኘት ድንጋጌ የሚመለከተው ወንዶችን ብቻ ነው። ምክንያቱም ሴቶች ጀናዛ መከተልን ተከልክለዋል።

❝ ኢንሻ አላህ ይቀጥላል∼∼∼✍️

=
t.me/https_Asselefya1

4.24K viewsedited 15:35