ውበት አያኖርም!!
-------------------------
እዉነት እንዳይመስልሽ
ዛሬ ......ምን ብትደምቂ፤
ከሴቶች የበላይ
ከቆነጃጅቱ እጅጉን ብትልቂ፤

ኑሮ ተመችቶሽ ያ.... ፊትሽ ቢወዛም፤
ወደድኩሽ የሚለዉ አፍቃሪሽ ቢበዛም፤
ስምሽ እጂግ ገኖ በዶላር ቢገዛም፡
ዝናሽ በአለም ላይ ቢሰራጭ ቢነዛም፡

አሏህ በችሮታው ውበት ስላደለሽ፡
በፀጋ በክብር ስላሞናደለሽ፡
ሴትነትሽ ማለት... መልክ ከመሰለሽ፡
ከጊዜ በኋላ ስለሚከስምልሽ፡
ፍፁም አትመኪ እዉነት እንዳይመስልሽ፡

አትመፃደቂ አታብዥ ክርክር፡
አንችን ለማሳመን ባልቆጥር ምስክር፡
ውበት ይወገዳል አንቺን ሳያማክር...፡

የጠቆረዉ ፀጉርሽ.. በሽበት ይተካል፡
ቁመትሽም ጎብጦ ነበር ይተረካል፡
ጸአዳዉም መልክሽ በፍጥነት ይረግፋል፡
አትበጣጠሽ ሁሉም ነገር ያልፋል፡

.........ብጣሻም....

ምን ኑሮ ቢመቸው ሰው ፀጋው ቢሞላው፡
የዱንያ ቁሳቁስ ለርሱ ብታደላም፡
ምግብ በወጥ እንጂ በወርቅኮ አይበላም፡

..........ስለዚህ......

እኔ ውብ ነኝ ብለሽ ነገር አትደስኩሩ፡
መልክ ጊዜያዊ ነው በፍፁም አትኩሪ፡
አሻግሬ ሳይሽ ዝም ብዬ ስስልሽ.!!
የሴትነት ውበት መልክ ነው ሚመስልሽ!!

........ስሚ ስሚ......

ቢቢሲ አልጀዚራ በዜና ቢነገር፡
በመልክሽ ተማርኮ ቢያዝልሽ ሀገር፡
ስነ-መግባርሽ ነው የህይወትሽ ማገር፡

ስሚሚ ልንገርሽ እውነታው ቢመርም፡
ማንም ቢመሰክር ስምሽ ላይ ቢፈርም፡
ዝናሽ ህይወትሽን አያስተዳድርም፡
ስነ-መግባር እንጂ ውበት አያኖርም፡
..........................................
✍️ሰምተሻል ኑረዲን ነኝ
----------------------------------------
http://t.me/nuredinal_arebi
http://t.me/nuredinal_arebi