💎🎀የሰለፍያ ሴቶች ከቀይ ወርቅ የበለጠ ውድ ናቸው 💎🎀

ኑ ተውሂድ እንማር
የተውሂድ አስፈላጊነት

ተውሂድ ምን ማለት ነው???

ተውሂድ ማለት ቋንቋዊ ፍቺው አንድ ማድረግ ሲሆን። ሸሪዓዊው ፍቺ ግን ተውሂድ ማለት አላህ በአምለኮ መነጠል። ተውሂድ ማለት አላህ በጌትነቱ፣ በአምልኮቱ፣ በስምና ባህሪያቱ አንድ ማድረግ ማለት ነው።

ተውሂድ በሶስት ዋና ዋና ክፍሎች ይከፈላል።

ተውሂደል ሩቡብያ* ፦ ይህ የተውሂድ ክፍል ሙሽሪኮች የሚያምኑበት የተውሂድ አካል ሲሆን፣ በአላህ ስራና ጥበብ ማመን ነው። ነገራቶች አስተናባሪና ፈጣሪ አላህ ብቻ መሆኑን በሙሉ እርግጠኝነት መመስከር ማለት ነው።

2) ተውሂደል ኡሉሂየቲ* ማለት ሙሽሪኮች የሚያስተባብሉትና በርካቶች የአደም ልጆች ይህን የተውሂድ ክፍል በማስተባበል ወደ እሳት ለዘላለም የሚወርዱበት የተውሂድ ክፍል ነው። አዎ ይህን የተውሂድ ክፍል በልዩ ሁኔታ በትኩረት ልንገዘበው ይገነዘበው ይገባል።
ታድያ ተውሂደል ኡሉህያ ማለት ምን መሰላቹ አላህን በአምልኮ መነጠል ወይም አንድ ማድረግ ማለት ነው። ይህን የተውሂድ ክፍል በመላው አለም ያሉ ሙስሊም ነኝ የሚሉ ወገኖች ዘንድ ጭምር ተጥሶ ይስተዋላል።

ይህ የተውሂድ ክፍል እጅግ አንገብጋቢ ከሚባሉት የተውሂድ ክፍል አንዱ ነው። በጣም የሚያሳዝነው በሃገራችን ሙስሊም ነኝ እያሉ አባቶቻቸው አወለ ሰፍ እየሰገዱ ነገር ግንለቀብር የሚያርዱን ሼሆቹ ድረሱልኝ ከአላህ አስታርቁኝ በማለት የሚማፀኑ አሉ። ይህ ትልቅ የሽርክ ክፍል ነው ከኢስላም መንጥሮ የሚያስወጣ ስለዚህ ይህን የተውሂድ ክፍል በአፅኖት አውቀን ልንተገብረው ይገባል።

3) ተውሂደል አስማኢ ወሲፋቲ* ይህ የተውሂድ ክፍልን በተግባር የሚያስተባብሉ ሙስሊም ነኝ የሚሉ ግለሰቦች ጭምር አሉ። ተውሂደል አስማኢ ወሲፋቲ ማለት አላህን በስምና ባህሪያቱ አንድ ማድረግ ማለት ነው።

ይህ ማለት ለአላህ ብቻ የሚገቡትን ከጎዶሎና ከነውር የፀዱትን ውብ ባህሪና ስሞች እሱ በገለፀውና መልክተኛው ባስተማሩት መሰረት ማፅደቅ። የስሙን ወይም የባህሪውን መልዕክት ሳናጠማዝዝና፣ ሳንቀይር በቁርዓን እና ሀዲስ እንደመጣ ማፅደቅ።

ተውሂድ መማር ለምን ይጠቅማል?

ተውሂድ መማር (ማወቅ) እጅግ ስፍር ቁጥር የሌለው ትልቅ አጅር ሲኖረው። ከነኚህ ውስጥ የአላህን ውዴታ ማግኘት፣ እራሳችንን ከአደግኛው ሽርክ መጠበቅ የሚያስችለኝን ብርቱ መድሃኔት ነው። መድሃኔቱን በአግባቡ የተጠቀመበት ከህመሙ ይፈወሳል ወይም ያገግኛል ።

ተውሂደደ አለመማር ጉዳቱ ምንድን ነው

ተውሂድ አለመማር ወይም አለማወቅ ጉዳት እጅግ ግዙፍ ነው። የፈጠረውን ጌታ በማመፅ ፍጥራን ወደ መገዛት ይመራል። ተውሂድን አለመማር በዱንያ ላይ ውርደትን በቀጣዩ ሃገርም ውርሰትን ያከናንባል።

ተውሂድ አለመማር ኸይር ከተባለ ነገር ባጠቃላይ መራቅን ያስከትላል፣ ምክኒያቱም ተውሂድ ኸይር ወደ ተባለ ነገር ሁሉ ይመራል።
ተውሂድ አለመማር ሁሌም በጨለማና በፀፀት አዘቅት ውስጥ እንድንዋልል ያደርገናል። ምክኒያቱም ደስታና ብርሃን ያለው በተውሂድ ውስጥ ብቻ ነው።

ተውሂድ አለመማር ሁሌም ህይወታችንን በሃዘን እና በትካዜ እንድንገፋ ያደርገናል፣ ምክኒያቱም ደስታና ሃሴት ያለው በተውሂድ ውስጥ ብቻ ነው።

ተውሂድን ካልተማርን ስራችን ከንቱ ነው የፈለገ ተራራ የሚያህል ሶደቃ ብናወጣ ፈፅሞ ተቀባይነት የለው። የፈለገ ኸይስራ ብንሰራ ያለ ተውሂድ ፈፅሞ አጅር አይገኝም ስለዚህ ተውሂድን አውቀን ልንሰራበት ይገባል።

ተውሂድ ማስተማር አስፈላጊነት አለው? ካለው ለምን?*

አዎ አለው። ተውሂድ ማስተማር ግዴታ ከሆነው የኢስላም መርህ አንዱ ነው። የሰው ልጅ የፈለገ ያህል ተውሂድን ቢያውቅ ያወቀውን ካላስተማረ ከተጠያቂነት አያመልጥም። አላህም እውቀቱን በመደበቁ ብቻ ብርቱ በሆነ ቅጣይ ይይዘው። ከምንም በላይ የኢስላም ዋና አላማ ፍጡራን ከባዕድ አምልኮ ወደ አላህ ብቻ አምልኮ መጣራት ነው። ሰዎች በተውሂድ ግንዛቤ እጥረት በአላህ ላይ እያጋሩ ዝም የሚል ከሆነ እሱ ከእነሱ ጋር አንድ ላይ አላህ ይቀጣዋል። የበኒ ኢስራኤል ልጆችን አላህ በነብያቶች አንደበት የረገማቸው ሰዎች ከፀያፍ ተግባራቸው ባለመከልከላቸው ብቻ ነው። በዲን ውስጥ እኔ ምናገባኝ የሚባል ነገር የለም ያቅማችንን ያህል እንደ ነብያቶች ማስተማር መቻል አለብን።

የነብዩ ኡማ አላህ በላጭ ያደረጋቸው ከፀያፍ ነገር በመመከልከላቸውና በበጎ ነገር በማዘዛቸው ምክንያት ብቻ ነው። ታድያ የፀያፍ ነገር ዋናው ሽርክ ሲሆን የበጎነገር ዋና መሰረቱ ደግሞ ተውሂድ ነው። ስለዚህ ተውሂድ አለማስተማር ጀሃነም የሚያስገባ ትልቅ ወንጀል ነው። ስለዚህ ሽርክን እያየህ ሳትቃወም መሄድህ የኢማንህን ደካማና የተውለከለከ መሆኑን ያሳያል እንጂ ሌላ ምንም የምትጨምረው ነገር የለም።

ነብዩ ሰለላሁ አለይሂ ወሰለም ለባልደረቦቻቸው ሽርክ በሄዱበት ቦታ እንዲያጠፉ አደራ በማለት ነው የዲኑን ባንዲራ ያስረከባቸው። አንተም የዚህን ዲን ባንዲራ ላኢላሃ ኢለላህ ሙሃመድ ረሱሉላህ ካልክ የተሰጠህን ሃላፊነት በሚገባ ልትወጣ ይገባል።

ተውሂድ የማያውቅ ሰው ምን ይገጥመዋል?*

ተውሂድ የእውቀትም የጥበብ መጀመሪያ ነው። ተውሂድን ሳያውቅ አላህ የተገናኘ እጅግ ብርቱ የሆነ ሃያል ቅጣት ግዙፍ ከሆነው ፈጣሪያችን አላህ ይጠብቀዋል። ምክኒያቱም ሽርክ አላህ ዘንድ ምህረት የሌለው እጅግ ከባድ አደገኛ ወንጀል ነው።

ይህ ወንጀል የሚከሰተው ከተውሂድ ግንዛቤ እጥረት የሚመነጭ ነው። ተውሂድን በሚገባ አለማወቅ የወንጀሎችን ሁሉ ግዙፍ ወንጀል እንድትሸከም ያደርግሃል። ስለዚህ በዚች ጠፊ ዱንያ ኖረህ ባዶጅህን በኪሳራ እንድትሄድ የሚያደርግ ታላቅ በሽታ ማለት ሽርክ ነውና ተጠንቀቀው። ተውሂድን ተምረህ አስተምር።

ተውሂድ ባለማወቁ ይወደስ ይሆን???

ተውሂድ ባለማወቁ አላህና መልክተኛ እንዲሁም የአማኞች በሙሉ እርግማን ይወርድበታል፣ አላህ ዘንድ የተዋረደ ሰው በመሆን በአፍጢሞ እጅግ ዘግናኝና አስከፊ ወደሆነው ጀሃነም ይጣላል። ተውሂድን አለማወቅ ሁሌም ወቀሳና ፀፀት ውስጥ የሚከት ተግባር ነው። በዱንያ ላይ ያለውን ፀፀት አይምሰልህ፣ ብትፀፀትም ሁለተኛ እድል ማግኘት የማትችልበትን ታላቅ ፀፀት ውስጥ ነው የሚከትህ ስለዚህም ከወዲህ ለማወቅ መጣር አለብህ።

ተውሂድ ማስተማር የእነ እገሌ ግዴታ ብቻ ነው ??*

ተውሂድ ማስተማር የሙስሊሞች ባጠቃላይ ግዴታ ነው። ተውሂድን በሚገባ ያወቀ አማኝ ሴት ወንድ ጥቁር ነጭ ዘርና ጎሳ ሳይለይ ትልቅ ትንሽ ሳይል በሁሉም የሰው ልጅ ላይ ግዴታ የሆነ ተግባር ነው። ተውሂድ አለማስተማር ከባድ ፀፀት የሚያስከትል ወንጀል ነው። ስለዚህ ተውሂድን ማስተማር በየትኛው የእውቀት ደረጃ ላይ ያለ አማኝ ሙስሊም ግዴታው ነው።

ተውሂድ ለማስተማር ረጃጅም ሙጠዋላት ኪታብ መቅራት አይጠበቅብህም ባወቅከው ትንሽም እውቀት ከተውሂድ ፀር ሽርክ ልታስጠነቅ ይገባል።
https://t.me/joinchat/AAAAAFfWT8MnOTBo42gK-w

465 viewsام فلان التوحيد هو افراد الله بالعبادة, 22:39