አንድ እጅ ብቻውን አያጨበጭብም!
~
🤍ግንኙነት ማለት የሁለት ልቦች የጋራ ምት፣ የሁለት ነፍሶች የጋራ ህብረት ነው። ልክ እንደ ወፍ በሁለት ክንፎቿ እንደምትበረው፣ ፍቅርም ሆነ ወዳጅነት የሚመጠነው በሁለቱም በኩል በሚደረግ መስተጋብር ነው። ነገር ግን፣ አንዱ እየሰጠ ሌላኛው ሲቀበል ብቻ፣ አንዱ ሲጨነቅ ሌላኛው ሲዝናና፣ አንዱ ሲደክም ሌላኛው ሲያርፍ... ያኔ ነገሮች ይበላሻሉ።

✔️በአንድ ሰው ጥረት ብቻ የሚቆም ግንኙነት፣ ልክ በአንድ እግር ተሞርኩዞ እንደመሄድ ነው። ለጊዜው የምትራመድ ይመስልሃል፤ ግን ብዙም ሳይቆይ የሰውነትህ ክብደት ያሸንፍሃል፣ አቅም ያንስሃል፣ መውደቅህም አይቀርም። ፍቅር የልመና ሲሆን፣ ትኩረት ለማግኘት መኳጠን ሲጀመር፣ «ደውልልኝ፣ አናግረኝ፣ አስበኝ»ብሎ መማጠን የዕለት ተዕለት ኑሮ ሲሆን፣ ያ ግንኙነት በጠና ታሟል ማለት ነው።

✔️ሰው እኮ ይደክመዋል። ሁሌም ተረጂ፣ ሁሌም አድማጭ፣ ሁሌም አስተካካይ መሆን ይሰለቻል። አንዱ «ምን ላድርግልህ?» እያለ ሲባትል፣ ሌላኛው «ምን አደረግህልኝ?»ብሎ ሲጠይቅ፣ ሚዛኑ ይዛባል። በአንድ በኩል ብቻ የሚነድ እሳት ማገዶ ሲያልቅበት እንደሚጠፋ ሁሉ፣ በአንድ ሰው ጥረት ብቻ የሚገፋ ግንኙነትም ነዳጁ ስሜትና አክብሮት ስለሆነ፣ ቀስ በቀስ እየቀዘቀዘ፣ እየጠፋ፣ አመድ ሆኖ መቅረቱ የማይቀር ነው።

✔️መውደድ ደስ የሚለው፣ ተወዳጅ መሆንህን ስታውቅ ነው። ማሰብ ደስ የሚለው፣ አንተም በዛኛው ሰው ልብ ውስጥ እንዳለህ በተግባር ስታይ ነው። ግንኙነት ቴኒስ ነው፤ ኳሷን ወርውረህ ተመልሳ ካልመጣች ጨዋታው ይቆማል። ብቻህን ግድግዳ እየገፋህ እንደሆነ ከተሰማህ፣ ምናልባት እጆችህን የምታሳርፍበትና አቅምህን የምትቆጥብበት ጊዜ አሁን ነው።

✋ምክንያቱም... በአንድ ሰው ትከሻ ላይ የተጣለ ግንኙነት፣ ጀርባን ያጎብጣል እንጂ ቀጣይነት የለውም።
t.me/AbuSufiyan_Albenan
t.me/AbuSufiyan_Albenan