" የልብሽን ሰላም እንዲያውክ ለማንኛውም ነገር ዕድል አትስጪ። በሕይወትሽ ላይ መልካም ነገር የማይጨምሩትን ከሕይወትሽ አስወግጂ፤ የሚጎዱሽን ግንኙነቶች፣ ተስፋሽን የሚያስቆርጡ ንግግሮችንና ከአእምሮ ሰላምሽ የሚያርቁሽን ሁሉ ተይ።
ምክንያቱም ሁሉም ነገር በሕይወታችን ውስጥ መቆየት አይገባውም፤ አንዳንድ ነገሮችን መተው ራሱ ትልቅ እፎይታና የልብ ሰላም ነው።

=
t.me/https_Asselefya1

" አንዳንዴ አላህን የማያውቁ፣ ወደ እርሱም መመለስን የማያውቁ ሰዎች የሕይወትን ፈተና እንዴት እንደሚቋቋሙ እገረማለሁ ልባቸው በሐዘን ሲሰበር፣ መንገዳቸው ሲጠብ፣ ዓለም በሙሉ የተዘጋባቸው ሲመስላቸው ወደ ማን ይሸሻሉ? በድካም የተሞላው ቀናቸው ሲያበቃ ልባቸውን በማን ፊት ያስቀምጣሉ? ማንስ ያዳምጣቸዋል ማንስ ያረጋጋቸዋል?እኛ ግን ምንኛ ዕድለኞች ነን! በማንም ፊት ማስረዳት የማንጠብቅበት፣ በእንባ ብቻ እንኳን የልባችንን ቋንቋ የሚረዳ፣ የምንጠራውን የሚሰማን ጌታ አለን!

"ሌሊት ሁሉም ሲተኛ «ያ ረቢ፣ እኔ ደክሞኛል፣ አንተ ግን ሁሉን ታውቃለህ» ብለን ልባችንን ለእርሱ ማውራት እንችላለን። ሰዎች ቢተዉንም አላህ አይተወንም፤ በሮች ቢዘጉም የእርሱ በር ክፍት ነው።

አልሐምዱሊላህ አላኒዕማተል ኢማን! አላህን ማወቅ፣ እርሱን መውደድና በእርሱ መተማመን ከዱንያ ሀብቶች ሁሉ የሚበልጥ ታላቅ ፀጋ ነው። አላህ ከሚያስታውሱት፣ በእርሱ ከሚተማመኑትና በዚክር ልባቸው ከሚረጋጋው ባሮቹ ያድርገን። አሚን ያ ረበል ዓለሚን!


=

" አንዲትን ሴት ከወደድክ፣ ለአንተ ስትል አላህን እንዳትታዘዝ ምክንያት አትሁን፤ ንጽሕናዋንና ሐያእዋን እንድታጣ አታድርጋት። ይልቁንም አላህን ፍራ፣ ክብሯን ጠብቅ፤ ፍቅርህ እውነተኛ ከሆነ በሐላል መንገድ ወደ እርሷ ቅረብ።

አንቺም አንድን ወንድ ከወደድሽ፣ ፍቅርሽ ወደ ወንጀል እንዲመራሽ አትፍቀጂ፤ ይልቁንም ወደ ዱዓ የሚያቀርብሽ ምክንያት አድርጊው። አላህንም በሐላል እንዲያገናኛችሁና እርሱም ለዲንሽና ለዱንያሽ መልካም እንዲሆንልሽ ለምኚው።

ፍቅራችሁ አላህን በሚፈራ ልብ ይሁን። በሐላል መንገድ ልትደርሱበት ያልቻላችሁትን ለአላህ ተዉት፤ እርሱ ሁለት ልቦችን ማገናኘት ይችላልና።

እውነተኛ ፍቅር ወደ ወንጀል አይጠራም፤ ወደ አላህ ታዛዥነት ይመራል። አላህን በመታዘዝ የሚገኝ ፍቅር እንጂ፣ አላህን በማስቆጣት የሚገኝ ፍቅር አትፈልጉ!

=
t.me/https_Asselefya1

" ሴት ልጅ የጌታዋን ውዴታ በማግኘት፣ በኢማን በመጽናት፣ በአላህ በማስታወስ ልቧን በማሳረፍና ነፍሷን በተወኩል ስታረጋጋ በእውነት ታብባለች።
የሴት ልጅ እውነተኛ ውበት በውጫዊ ገጽታዋ ብቻ አይደለም፤ በአላህ ፍርሃቷ፣ በሐያእዋ፣ በንጹሕ ልቧና በጌታዋ ላይ ባላት ጥሩ ጥርጣሬ ነው።

አላህን ያስደሰተች፣ ልቧን በኢማን ያሳረፈች ሴት ከውስጧ ታበራለች። 🌸

=
t.me/https_Asselefya1

ኢላሂ… ልቤ በጭንቀት በተሞላ ቁጥር ቀድሞ ወደ አእምሮዬ የምትመጣው አንተ ነህ።የውስጤን ህመም የምነግርህ፣ ሚስጥሬን ሳልደብቅ የማዋየው አንተኑ ብቻ ነው።

ለማንኛውም ጉዳይ ደጅ ስጠናም ሆነ በሕይወት ፈተናዎች ፊት ስቆም፣ ካንተ እርዳታ ሳልጠይቅ እና አንተን ሳላስቀድም እርምጃ ወስጄ አላውቅም።

ጌታዬ ሆይ! በታመምኩ ጊዜ ያዳንከኝ፣ ስፈራ ያረጋጋኸኝ፣ ማንም በሌለበት ብቸኝነቴ ከጎኔ የቆምከው አንተ ነህ። በደስታዬም
በሀዘኔም፣ በመልካሙም በክፉውም ቀን ተለይተኸኝ አታውቅም።

ያ ረብ» ብዬ ስጠራህ ያ ሁሉ የከበደኝ ነገር ይቀለኛል። ኑሮ ሲከብደኝ፣ ፈተናዬ ሲበረታ፣ ሰውነቴ ሲዝል፣ ኢማኔ ሲደክም፣ ልቤም ሰላም ስታጣ… መሸሸጊያዬ አንተ ብቻ ነህ።

ወዳንተ እሸሻለሁ፤ «ያ አላህ!» እያልኩም እማፀንሃለሁ። ያረብ...
t.me/Sle_qelbachn1

«የምር ጓደኛ አላችሁ⁉️»
-----------------------
👉ኸሊፋው አልይ ሲናገሩ፦

إذا ملكت صديقا وقيا
ملكت الدنيا بأكملها

➛እውነተኛ ወዳጅ ካለህ ዱንያን ሙሉ ተቆጣጥረሀል ይላሉ።
إي والله لقد صدق

ያ ድንቅ ፀሀፊ #ኸሊል ሲናገር፦

إن صديقك هو كفاية حاجتك،
وهو حقلك الذي تزرعه بالمحبة وتحصده بالشكر،
هو مائدتك وموقدك؛
لأنك تأتي إليها جائعًا،
و تسعى وراءه مستدفئًا".

“ጓደኛህ ለፍላጎቶችህ በቂ ነው፤
በፍቅር የምትዘራውና በምስጋና የምታጭደውም መብትህ ነው።
እርሱ ማዕድህና ምድጃህ ነው፤ ምክንያቱም ተርበህ ወደ እርሱ ትመጣለህ፤ ሞቅ ብለህም ትመለሳለህ። ይላል”

.....አንዳንዴ እላለሁ ለካ!!

حتى الصداقة أحيانا نصيب
«ጓደኝነትም አንዳንዴ እድል ነው።»

...ስንት ዋጋ የከፈልክለት ሰው እንዳትሰበሰብ አድርጎ ከፋፍሎህ ይሔዳል።

♦️የማትሳቀቁበት ጓደኛ አላችሁ ወይ‼️

➛ለወረት የማይጠጋ⁉️
➛ሲጨንቃችሁ የሚያረጋጋ⁉️
➛ሰው ስትፈልጉ የሚያስጠጋ⁉️
➛አብሽሩ የሚል አዛኝ⁉️
➛ሳይጠይቅ ክስተትን መዛኝ⁉️

👉.....የምር እሱ አለኝ የምትሉት ሰው አለ....ለማንነታችሁ ብቻ ብሎ የሚወዳችሁ ስለናንተ የሚያስብ ሰው አላችሁ ⁉️

.....ጓደኝነት በመከራ ጊዜህ አብሮ በመቆም እንጂ save ባደረከው የቁጥር ስም አይለካም።

➛"እውነተኛ ጓደኛ ማለት አለም ሁሉ ጥሎህ ሲወጣ ወደ አንተ የሚመጣ ብቻህን ስትሆን አለሁልህ ብሎ ባይተዋርነትን የሚያባርር ነው።"

➛​"ጥሩ ጓደኛ እንደ #ኮከብ ነው፤ ሁልጊዜ ባታየውም እንኳ መኖሩን ግን እርግጠኛ ነህ።"

➛​"ጓደኝነት የሚለካው አብሮ በሚሳለፍበት ጊዜ ብዛት ሳይሆን፣ በችግር ጊዜ በሚታይ ታማኝነት ነው።"

➛​"ጥሩ ጓደኛ ታሪክህን የሚያውቅ ሳይሆን፣ ያንን ታሪክ አብሮህ የኖረው ነው።"

​" ይህ አይነቱ እውነተኛ አንድ ጥሩ ጓደኛ ከመቶ #የስጋ_ዘመዶች ይበልጣል።"
....ግን ይህ አንዱ የት ነው⁉️

♦️​መስታወትነት፦
"እውነተኛ ጓደኛ የራስህ ነጸብራቅ ነው፤ ድክመትህን የሚነግርህ፣
ጥንካሬህን የሚያደንቅ።"

✅​መተሳሰብ፦
"ጥሩ ጓደኛ ማለት ዝምታህን የሚረዳ፣ እንባህን የሚያብስና
ሳቅህን የሚያደምቅ ነው።"

♦️​እድገት፦
"የተሻለ ሰው እንድትሆን የሚያበረታታህ ጓደኛ ለነፍስህ #መድሃኒት ነው።"

...እንደዚህ አይነት ጓደኛ አላችሁ⁉️
...ካላችሁ እስኪ ንገሩኝ ...በደስታችሁ ልደሰት የምር እድለኞች ናችሁኮ‼️

....ኑር...✍️

t.me/nuredinal_arebi
t.me/nuredinal_arebi

ልባችሁ አሳርፉበት ! ቁርአን የልብ ብርሀን ነዉ!

صباح الخير

ጠንካራ ሴት....

- በነገራችን ላይ...ሚስት ስትመርጥ ለልጆችህ አዛኝ እና መልካም እናት ብቻ ሳትሆን፤ ለአንተም በሕይወት ጎዳናህ ላይ አስተዋይ አማካሪ እና ጠንካራ የሥራ አጋር የምትሆንህም መሆን አለባት ብየ አምናለሁ።

«ሚስት ናትና ቤት ተቀምጣ ልጆችን ብቻ ታሳድግ» የሚለው ጠባብ አስተሳሰብ መለወጥ አለበት። ቤትና ልጆችን መንከባከብ ትልቅ ዒባዳ መሆኑ እንደተጠበቀ ሆኖ፣ በሥራህም እንድትሳተፍ ዕድል ስጣት፤ ሙያህን አጋራት።

አራት የሥራ ዘርፍ ካለህ ሁለቱን ለእርሷ ስጣት፤ ሁለት ካለህ አንዱን አጋራት፤አንድም እንኳ ቢሆን አሰራሩን ጠንቅቃ እንድታውቀው አድርጋት።ይህን ስታደርግ አንተ ሌላ አዲስ የቢዝነስ አድማስ እንድትፈጥር ዕድል ይሰጥሃል፤ እርሷም በራስ መተማመኗ ጎልብቶ የሥራህ እውነተኛ አጋር ትሆናለች።

የምንወዳት እናታችን ኸዲጃ ቢንት ኹወይሊድ ታላቅ ነጋዴ፣ አስተዋይ እና ራሷን የቻለች ጠንካራ ሴት ነበረች። ለነብያችንም በገንዘቧም፣ በሐሳቧም፣ በብርታቷም ከጎናቸው የቆመች ባለውለታ ናት። እስልምና ሴት ልጅ ተምራ፣ ሰርታ፣ በሐላል መንገድ ራሷንም ሆነ ቤተሰቧን እንድትጠቅም እንጂ ደካማና ጥገኛ ሆና እንድትቀር አይፈቅድም።

ደግሞ...የነገን ሕይወት የሚያውቀው አላህ ብቻ ነው። ዱንያ በፈተና የተሞላች ናት፤ ጤና ማጣት አለ፣ ድንገተኛ ክስተት አለ፣ ሞትም የማይቀር እውነት ነው።ነገ አንተ ባትኖር ወይም ከሥራ ብትታጎል፣ እርሷ «ማን ይረዳኛል?» ብላ እጇን ወደ ሰው የምትዘረጋ፣ በተስፋ መቁረጥ ውስጥ የምትወድቅ መሆን የለባትም።

ለሚስትህ ክንፍ ሁንላት፤ ነገ ለቤተሰብህ ጋሻ ትሆንሃለች!
t.me/AbuSufiyan_Albenan
t.me/AbuSufiyan_Albenan