አንድ የቡና ሱሰኛ ባልና ሚስት ይጣላሉ። ሚስትየው ተናዳ "በቃ! ከዚህ በኋላ ካንተ ጋር መኖር አልችልም፣ ቤተሰቦቼ ጋር እሄዳለሁ!" ብላ ሻንጣዋን ትጭናለች።
ባሏ በረጅሙ ተንፍሶ እንዲህ አላት፦
"እሺ የኔ እመቤት መሄድ መብትሽ ነው... ግን ከመሄድሽ በፊት የመጨረሻዋን አንድ ሲኒ ቡና አፍልተሽልኝ አትሄጂም? ታውቂዋለሽ የሌላ ሰው ቡና ራስ ምታት እንደሚሆንብኝ።"


🔖እሷም ቡናውን አፈላች፣ በዛው ታረቁ !

منقول

•ለነበረን ቆይታ አመሰግናለሁ ብሎ ፌስታል ከኢትዮ ተሰናብቷል አሉ🙌

«በአንደኛዋ ሚስቱ ቤት ሆኖ የሁለተኛዋን ሚስቱን ስም የጠራ አለ!» ቀን የሚሳሳተው፣ ካልሲውን አንዷ ጋር ጥሎ አንዷ ጋር አልጋ ስር የሚፈልገው በርክቷል እየተባልኩ ነው።  እስኪ ስለዚህ ጉዳይ ሰፋ ያለ ወግ ብጤ አዘንባለሁ። cold war

منقول

​ "የወንዱ መንከራተት - ከቤት እስከ ስደት"

​1. "የሻንጣ ፖለቲካ" (The Mobile Life)

​ሁለት ሚስት ያለው ወንድ የራሱ የሆነ ቋሚ ቁምሳጥን የለውም።
ልብሱ ግማሹ "እዛኛው" ቤት፣ ግማሹ "እዚህኛው" ቤት ነው። ሰኞ ጠዋት ለስራ ሲነሳ የሚፈልገው ነጭ ሸሚዝ እዛኛው ቤት መቅረቱን ሲያስታውስ፣ ቀኑን ሙሉ "በግማሽ ልብስ" እንደተጓዘ ይሰማዋል።
​መኪናው ውስጥ ሁልጊዜ ትርፍ ካልሲ፣ ማበጠሪያና የጥርስ ብሩሽ ይዞ ይዞራል። መኪናው ልክ እንደ "ትንሽ ቤት" ትሆናለች። ጎረቤት ሲያየው "እገሌ ሁልጊዜ ጉዞ ላይ ነው" ይለዋል፤ እሱ ግን በሁለት ሰፈር መሃል የሚባዝን "የፍቅር ስደተኛ" ነው።

​2. "የመኖሪያ አድራሻ" መጥፋት
​ወንዱ መሬት ላይ ካለው መንከራተት በላይ፣ አእምሮው ይንከራተታል።

☝️ግራ መጋባቱ👇

ለምሳሌ አንደኛው ቤት ሆኖ "የጨው መጫሪያው የት ነው?" ብሎ ይጠይቃል። ሚስትየው "አምስት ዓመት ሙሉ እዚህ ቤት እየኖርክ ዛሬ ጠፋህ?" ብላ ስታፈጥበት፣ እሱ ግን የጨው መጫሪያው ያለበትን ቦታ "ከዛኛው ቤት" ጋር አደባልቆት መሆኑን በውስጡ ያውቀዋል።

✍​የስልክ ጥሪ

አንድ ሰው ደውሎ "የት ነህ?" ሲለው፣ "ቆይ እስቲ..." ብሎ መስኮቱን ከፍቶ ሰፈሩን ማየት አለበት። "የካራ" ሰፈር ነው ወይስ "ላፍቶ"? ግራ መጋባት ማለት ይህ ነው!

​3. "የምግብ ሰለባ" (The Food Marathon)

​ይህ መንከራተት የሆድም ጭምር ነው።
​ አንደኛዋ ቤት በልቶ፣ ሁለተኛዋ ቤት ሲሄድ "ልዩ ምግብ ሰርቼልሃለሁ" ትለዋለች። "በልቻለሁ" ካለ "እሷ ጋር ስለበላህ እኔን ናቅኸኝ" የሚል ጦርነት ይነሳል።
​ ሆዱ እየፈነዳም ቢሆን "በጣም ይጣፍጣል" እያለ ይበላል። ወንዱ "ከቤት ወደ ቤት" ሲንከራተት፣ ሆዱም "ከውፍረት ወደ ውፍረት" ይንከራተታል። መጨረሻ ላይ ወንዱ ለስራ ሳይሆን ለምግብ ብቻ የሚንቀሳቀስ "ሞባይል ሬስቶራንት" ይመስላል።

​4. "የበዓላት ድራማ" (The Holiday Rush)

​የበዓል ቀን (ዒድ ወይም ሌላ) ሲመጣ ወንዱ እንደ "ማራቶን ተወዳዳሪ" ይሮጣል።
​ጠዋት አንደኛው ቤት መስዋዕት ያርዳል፣ ከሰዓት በኋል ደግሞ እዛኛው ቤት ሄዶ ሌላ ድግስ መሳተፍ አለበት።
​የአንዱ ቤት ዘመዶች "ለምን ቶሎ ትሄዳለህ?" ይሉታል፤ የሌላኛው ቤት ደግሞ "ለምን ዘገየህ?" ይሉታል።
​ ወንዱ በዓሉን የሚያሳልፈው በሁለት ቤቶች መሃል ባለው መንገድ ላይ "ትራፊክ" ውስጥ እየተጨናነቀ ነው። ለሰው በዓል ነው፣ ለእሱ ግን "የሩጫ ውድድር" ነው።

​5. "የሰላም ፍለጋ" (The Search for Sanctuary)

​በመጨረሻም ወንዱ ከሁለቱም ቤት ሲንከራተትና ሲደክመው፣ ሦስተኛ "ቤት" ይፈልጋል።
​ያ ቤት ግን ሚስት ያለበት ሳይሆን፣ "መኪናው" ውስጥ ወይም "መስጂድ" ውስጥ ነው።
​ብቻውን ሆኖ "ኧረ ለመሆኑ እኔ ማን ነኝ? ቤቴስ የት ነው?" ብሎ ራሱን ይጠይቃል። መንከራተቱ በሁለት ሚስት ብቻ ሳይሆን፣ በሁለት ዓለም መሃል መሆኑን ይረዳዋል።
​
​ወንዱ "ሁለት አገባሁ" ሲል በሁለት እግሩ መቆም አቅቶት በሁለት ቤት መሃል እንደ ፔንዱለም ይወዘወዛል። መንከራተቱ በገንዘብ ብቻ ሳይሆን በስሜት፣ በጊዜና በጤናም ነው።
​ለወንዶች የተላከ ማስታወሻ፦ "መንከራተቱ" እንዳይበዛብህ ካሰብክ፣ መጀመሪያ የልብህን "ኮምፓስ" አስተካክል። ፍትህ ከሌለ መንከራተቱ ወደ "መጥፋት" ይቀየራልና!
​

منقول

ቀጣይም አለ በደንብ አንብቡ እለቃለሁ


ሀቂቃ አጃኢብ የሆነ ፀሁፍ ነዉ ፈገግታ እያጫረ ትልቅ ቁም ነገር የያዘ ነዉ ፀሀፊ ወንድማችን አብዱረዛቅ አልሐበሺ አላህ ጀዛዉን ይክፈለዉ!

🔖​የሁለተኛ ሚስት ወግ!

"ከሸሪዓ" እስከ ማህበራዊ "ውጥረት"

​1. ሸሪዓውና የቤት ውስጥ "ፓርላማ"
​በሸሪዓውማ ነገሩ ግልጽ ነው፤ አራት ድረስ ይፈቀዳል። ግን ቅድመ-ሁኔታው "ፍትህ" (Justice) የሚባል ትልቅ ተራራ ነው። ብዙ ወንዶች የፈቃዱን አንቀጽ እንደ "ብሔራዊ መዝሙር" በቃላቸው ያውቁታል።
​ወንዱ፤ "ሸሪዓው እኮ አራት ፈቅዶልኛል!" ይላል።
​ሚስት፡ "ፍትህ መስጠት ትችላለህ? መጀመሪያ የልጆቹን ደብተር አሟልተህ ግዛ!" ብላ የቤቱን "ቬቶ" ስልጣን ትጠቀማለች። ሸሪዓው ፍትህን በገንዘብ፣ በጊዜና በእንክብካቤ ሲያዝ፣ ወንዱ ደግሞ ፍትህን "ሁለቱንም እኩል እወዳቸዋለሁ" በሚል ስሜታዊ ስሌት ሊያቃልለው ይሞክራል።

​2. ማህበራዊ ተግዳሮት፡ "የሰፈር ራዳር"
​ሁለተኛ ለማግባት የወሰነ ወንድ ልክ እንደ ሰላይ ነው፤ እንቅስቃሴው ሁሉ በሚስጥር ነው።

☎️ስልኩ

በፓስዎርድ ታጥሮ፣ ስም ሳይጻፍባቸው "A1", "B2" ተብለው የተቀመጡ ቁጥሮች ይበዛሉ።
​ሰውነቱ፦ ሽቶው ይቀየራል፣ ጂም መሄድ ይጀምራል፣ ድንገት "ስብሰባ በዛብኝ" ማለት ያዘወትራል። ሰፈሩ ግን ራዳር አለው። ገና እግሩን ሲያነሳ "እገሌ እኮ ደገመ" ተብሎ ወሬው ከቤቱ ቀድሞ ይደርሳል። እዚህ ጋር ነው እንግዲህ "የማህበራዊ ጦርነት" የሚጀምረው። የዘመድ አዝማድ ምክር፣ የጎረቤት ኩርፊያ፣ "የመጀመሪያዋን ሚስት ምን አጎደለችብህ?" የሚሉ ጥያቄዎች እንደ ናዳ ይወርዱበታል።

​3. "ፍትህ" ወይስ "የመደበቂያ ጨዋታ"?
​ሁለተኛ ያገባ ወንድ ህይወቱ እንደ "ሹፌር" ይሆናል።
​ሰኞና ማክሰኞ "ዋናው መሥሪያ ቤት" (የመጀመሪያዋ ቤት)፣
​ረቡዕና ሐሙስ "ቅርንጫፍ ቢሮ" (ሁለተኛዋ ቤት)። የሚገርመው ግን፣ አንዷ ቤት የረሳውን ካልሲ ፍለጋ ሲሄድ የሚፈጥረው ድራማ ነው። "የአክስቴ ልጅ መጥታ ነው"፣ "መኪናዬ ተበላሽቶ ነው" የሚሉ ሰበቦች የፈጠራ ክህሎቱን ያሳድጉለታል።

​4. የአሁኑ ዘመን "ሁለተኛ ሚስት" ዓይነቶች
​በአሁኑ ጊዜ ሁለት ዓይነት "ሁለተኛ ሚስት" ፈላጊዎች አሉ፡-
​"የፌስቡክ ጀግና"፦ በየፖስቱ ስር "ሱናውን እናحي (እናንሳ)" እያለ የሚለፍፍ፣ ግን በተግባር ለሚስቱ ቂቤ መግዛት የሚፈራ።
​"ጸጥተኛው ገዳይ"፦ ምንም ሳይናገር፣ ድምጹን ሳያሰማ "ኒካህ" አስሮ፣ መጨረሻ ላይ በድንገት ድግስ የሚጠራ።

​በእርግጥ ሸሪዓው የፈቀደው ለጥበብና ለችግር መፍቻ ነው። ማህበራዊ ተግዳሮቱ ግን የሚመጣው ወንዱ "ፍትህ" የሚለውን ሚዛን ስቶ "ስሜት" ላይ ሲያተኩር ነው።

​ትልቁ ምክር፥ ሁለተኛ ለማግባት ስታስብ፣ ሸሪዓው የሰጠህን መብት ብቻ ሳይሆን፣ ትከሻህ የሚሸከመውን "የሁለት ቤት ጫጫታ" እና "የሁለት አማች ጦርነት" ችሎታህንም ፈትሽ!

منقول

.

📚 አድ-ዳእ ወድ-ደዋእ(ሙኽተሶር)
مختصر الداء والدواء

-ክፍል 14-

🎙በ ወንድም አቡ ሱፍያን

=
t.me/Sle_qelbachn1/901

~ ወንጀል አንድን ባሪያ ራሱን እንድረሳ ያደርጋል! የሚል ሰማሁ ከአድ_ዳእ ወድ_ደዋእ ደርስ ላይ! ሀቂቃ ራሴ ላይ ተመላለሰብኝ እና ላካፍላችሁ "ቆይ ራሳችን መንከባከብ የሚከብደን ፀጉራችን አበጥሮ መስራት ራሳችን ፏ በተን ማለት ልክ ተራራ እንደመዉጣት የሚከብደን ግን ለአረቦች ሲሆን ቢደክመንም ጨክነን የምንሰራ ለገንዘብ ብለን የቱ ድብቅ ወንጀላችን ይሆን ራሳችንን እንዳንከባከብ ያገደን ? መቸም ስልካችን ነዉ የወንጀል መዳፈሪያ ሰበባችን እና በስልካችን ምን እንደምንመለከት ምን እንደምንሰማ ከማን እንደምንፃፃፍ እንደምንደዋወል እስኪ ትኩረት እንስጠዉ ! እና ወደ ራሳችን እንመለስ።

=

~ አንዳንድ ፀሁፎች አንባቢ ለመሆን ሰበብ ይሆናሉ ! እና የመፃፍ ችሎታ ያለዉ ይፃፍ ማለቴ ነዉ። ችሎታችሁን ዝም ብላችሁ ለራሳችሁ አትያዙ ! አዉጡት ህዝቡ ይጠቀምበት! ሁሉም በችሎታዉ ይታገል!

=

•በመጨረሻም አይን ሲበዛበት
የሚያምረዉ እንጀራ ብቻ ነዉ!

=
t.me/https_Asselefya1

iPhone 11pro max


ፈገግ ብላችሁ እደሩ 🙌

‏قالَ الإمَام الغزَالي؛ الوَجه يَشرب مِن ماءِ القَلب.👌🏻

«ኢማም አል-ጋዛሊ እንዲህ ብለዋል፡- ፊት ከልብ ውሃ ይጠጣል። 👌🏻

- بمعنى؛ ما في قلبِك يظهِر على وجهِك.

« ትርጉም፡- በልብህ ውስጥ ያለው ነገር በፊትህ ላይ ይንጸባረቃል።»

=
t.me/https_Asselefya1

«لأهـــل الصـــــبر نهايات جمـــــــيله
واللهُ لا يَـخـــذلُ عــبـــداً صَـبَــــــر .. »

• ትዕግስት ላላቸው ሰዎች ውብ ፍጻሜዎች አሏቸው ! አላህ ታጋሽ የሆነን ባሪያ አይተውም።.

=
t.me/https_Asselefya1

" من علامات حب الله لك ، اصرارك على التوبه بعد كل ذنب "فـ إستغفر الله اليوم وغدا وكل يوم ..!

"አላህ ለእንተ ያለውን ፍቅር ከሚያሳይባቸው ምልክቶች አንዱ ከእያንዳንዱ ወንጀል በኋላ ተዉባህ ማድረግህ ነው።" ስለዚህ ዛሬ፣ ነገ እና በየቀኑ አላህን ይቅርታን ጠይቅ..!

=
t.me/https_Asselefya1

በትዳራቸውና በአጠቃላይ የህይወት መስተናብር ላይ በራሳቸው የማይተማመኑ ሰዎች ብዙ ጊዜ እዩኝ እዩኝ ያበዛሉ ሁሉን ነገር ሚዲያ ላይ ሁሌም ደስተኛና ያማረ ህይወትን እየኖሩ እንደሆነ ለሰዎች ለማሳየት የማይሄዱት ርቀት የለም፣ ያርቀት ክብራቸውንና ማንነታቸውንም የሚያሸጣቸው ቢሆንም እንኳ፣በዚች አለም ላይ የሰው ልጅ  እንደ እራሱ ማንነት መኖርን ሲያቆም በአካል የሞተ ጉዑዝ ነገር ሆኖ ይቀራል!!

♛...
https://t.me/Qudwatii1

لا اعلم ماينتظرني غدا
لكني اتوكل على الله أن يختار لي
ماهو خير لي...

" ነገ ምን እንደሚጠብቀኝ አላውቅም፣
ነገር ግን አላህ ለእኔ የሚበጀኝን እንዲመርጥልኝ በአላህ ላይ እመካለሁ...!

=
 t.me/https_Asselefya1

"የመጀመሪያዋ ሚስት ምላሽና የወንዱ የጥንቃቄ እርምጃ"

​1. የ"FBI" ምርመራና ድንገተኛ ፍተሻ
​ወንዱ ገና ለሁለተኛ ለማግባት ሲያስብ (እንኳን ገና አግብቶ)፣ ሚስትየው ውስጥ ያለው "ስድስተኛ ስሜት" ይነቃል።
​ድንገት ባልየው ሽቶ መቀየር ሲጀምር ወይም ስልኩን ይዞ ሽንት ቤት መቆየት ሲያበዛ፣ ሚስት "Detective" (መርማሪ) ትሆናለች። "ዛሬ ምነው አምሮብሃል? የት ነው ስብሰባው? አዲሷ የሱቅ ሰራተኛ ስሟ ማን ነበር?" የሚሉ ጥያቄዎች እንደ ክላሽንኮቭ ጥይት ይዘንባሉ።

​2. "የዲፕሎማሲያዊ ግንኙነት መቋረጥ"

​ጉዳዩ በይፋ ሲታወቅ የሚመጣው የመጀመሪያው እርምጃ "የምግብ ማዕቀብ" ነው።
​ትላንት "የኔ ጀግና፣ ምን ልስራልህ?" ትል  የነበረችው ሚስት፣ ዛሬ "የደገምክበት ቤት ሄደህ ብላ!" ትለዋለች።
​እዚህ ጋር ወንዱ "ፍትሐዊ ነኝ" ለማለት የሁለቱንም ቤት ምግብ እየበላ "የሆድ መጨናነቅ" (Indigestion) በሽታ ተጠቂ ይሆናል። ሆዱ እየገፋ ሲሄድ "ፍትህ የከበደው ለካ ለዚህ ነው" ብሎ ማሰብ ይጀምራል።

​3. "የውድድር መድረክ" (The Cold War)

​ሁለተኛዋ ሚስት ስትመጣ፣ የመጀመሪያዋ ሚስት ሁለት ዓይነት ስልት ትጠቀማለች፡-
​ስልት ሀ (ጥቃት)፦ "እሷ ምን ትበልጣለች?" በሚል ስሜት በየቀኑ አዳዲስ ልብስ መግዛት፣ ፀጉር ቤት መመላለስና ቤቱን በሽቶ ማጥለቅ። ቤቱ ልክ እንደ "የፋሽን ትዕይንት" ይሆናል።

​ስልት ለ (ስነ-ልቦናዊ ጦርነት)፦ ባልየው ሁለተኛዋ ቤት በሚሄድበት ቀን፣ "ልጁ ታሟል"፣ "መብራት ጠፋ" ወይም "የቧንቧ ውሃ ፈሰሰ" የሚሉ ድንገተኛ ስልኮች ይበዛሉ። ወንዱ "ሚዛኑን" እጠብቃለሁ ሲል "የአደጋ ጊዜ ሰራተኛ" ሆኖ ያርፈዋል።

​4. የወንዱ "የከረሜላ ፖለቲካ"

​ወንዱ ሁለቱንም ለማስደሰት የሚጠቀምበት ታክቲክ "ስጦታን ማመሳሰል" ነው።
​ለአንዷ ወርቅ ከገዛ፣ ለሌላኛዋም ግዴታው ነው።
​ለጥንቃቄ ሲል ግን ለሁለቱም "አንቺ እኮ ልዩ ነሽ፣ ላንቺ ብቻ ነው የገዛሁት" የሚል አባባል ይጠቀማል። ችግሩ ግን ሁለቱ ሚስቶች ድንገት ገበያ ላይ ተገናኝተው ተመሳሳይ ሐብል አድርገው ሲያዩ ነው—ያኔ ወንዱ "የዓለም አቀፍ የወንጀለኞች ፍርድ ቤት" እንደሚፈለግ ሰው መሰወር ይኖርበታል።

​በእርግጥ ሁለተኛ ማግባት "መብት" ቢሆንም፣ የሚጠይቀው "ትዕግስት" ግን ከብረት ይበረታል።

​የመጀመሪያዋ ሚስት፦  "ቤቴን አላስነካም" በሚል ቅናትና ፍቅር መሃል ትዋዥቃለች።
​ወንዱ፦ በሁለት ተራራ መሃል እንዳለ ተጓዥ፣ "እኩልነትን" ለመጠበቅ ሲሮጥ እድሜው ያልፋል።

​የወጉ ማሳረጊያ፦ የሁለተኛ ሚስት ጉዳይ በሸሪዓ የታዘዘው ለሰላም እንጂ ለጦርነት አይደለም። ስለዚህ "ፍትህን" በኪስህ ብቻ ሳይሆን በልብህም ይዘህ ካልተነሳህ፣ ውጤቱ "ሁለት ሚስት" ሳይሆን "ሁለት ራስ ምታት" ሊሆንብህ ይችላል!
​
منقول

"و الحُسنُ : يُـبهـرُ إذْ يُخـالطُـهُ الحـيــاءُ .."

"ውበት ከሀያዕ ጋር ሲዋሃድም ያበራል..."

=
t.me/https_Asselefya1

«أَنْ تَتَزَوَّجَ مُنَقَّبَةً، ذَاكَ أَجْمَلُ انْتِصَارٍ، حِينَهَا تَكُونُ الْمَالِكَ الْوَحِيدَ لِأَدَقِّ تَفَاصِيلِ وَجْهِهَا.»

«ኒቃብ የምትለብስ ሴት ማግባት ትልቁ ድል ነው፤ ያኔ የፊቷ እያንዳንዱ ዝርዝር ነገር ባለቤት አንተ ብቻ ነህ።»

=
t.me/https_Asselefya1