سويه

ونكول يالله

ونبلش ندرس م̷ـــِْن باجر

الي راد جدول ✨

نسبه الرسوب ٨٠٪؜

التربيه راح تسوي احدى الاحتمالات

1_اسئلة الدور الثاني سهله
2_ اعطاء الدور الثالث
3_ نظام المحاولات

لان اذا رسبو هواي المدارس ما تستوعيب هيج عدد

#الله_يعوض

يعوضك لدرجة تخليك تخاف أن تكون مقصر بحقه و حمده و شكره، يعوض لدرجة راح تخليك تفكر مستقبلا أنه انت شلون انقهرت و زعلت على شي ما اخذته و ما كان مقسوملك مثل ما تريده انت، و انه كل باب انقفل بطريقك انقفل حتى يخليك تغير الطريق للطريق الاحسن و المناسب الك، و ثق بالله أنه لو انعرضت عليك خطة ظروف حياتك الي رب العالمين مرتبها الك بالطريقة الي دتعيشها هسا و كان بايدك انه تخلي خطة ظروف من اختيارك انت ثق تماما انه راح تختار نفس خطة رب العالمين و بنفس الترتيب لانه ارحم بيك من احن و اقرب انسان عليك و من نفسك و اذا انت شخص تؤمن بيقين بكلام رب العالمين راح اذكرك بانه رب العالمين كال ( و رحمتي وسعت كل شيء ) رحمته واسعة لدرجة تتخطى بيها نطاق تفكيرك المحدود كلش.

مشكلتنا الاساسية كبشر لمن نمر بظرف صعب نبدي نفكر بعواطفنا و مشاعرنا و نبدي نخلي احتمالات محدودة و خطة B بهذا التفكير المحدود، و دائما ننسى انه رب العالمين عنده الف احتمال و الف خطة B لحياتك كلها...

قد يكون هذا الظرف الصعب من الاساس هو خطة حتى يخليك تتقربله اكثر بيها و بالنهاية راح ينطيك الي دتريده اذا كان خيرك موجود بي، او ممكن تكون خطة حتى يكشفلك بيها فد شغلة خلقها بيك و رزقك بيها و انت متعرف بوجودها فتغير وجهتك لوجهة ثانية تلكى بيها هاي الشغلة بنفسك و تبدع بالمكان الي حتصير بي اكثر بالف مرة من المكان الي كنت دتريده ( احسن و افضل مستكشف لقدرات الانسان هو الظروف الصعبة الي تنفرض عليه برحمة الله بي )

او ممكن يكون كل هالشي صار لحكمة ما يعرفها غير رب العالمين الي ترتيبه اوسع من كل تفكيرك و خطط العالم المحدودة امام قدرته ❤️

المهم و المطلوب منك كإنسان محدود التفكير و التدبير انه تعرف شغلتين :-

الأولى انه ماكو شي يضيع ابد، كل تعبك مسجل و مصمد الك و راح تشوف نتيجته بعدين و تتجازى عليه سواء بالشي الي انت تريده، او بالشي الي راح "تحتاجه" بس انت متعرف بي بس الله يعلم.

الثانية و الأهم انه تكون متاكد و متقين 1000% أنه المكان المخزون و مصمد بي تعبك هو أحسسسن و أءمن مكان بالوجود و الي هو سجل سعيك الي عد رب العالمين.

يا صديقي ...
اعرف بيك شكد تعبان نفسيا لدرجة انه يمكن مدتحس بشي من هذا التعب و عقلك حكم عليك حكم مسبق و قاسي بانه مستحيل تتخطى و مستحيل يجي يوم و تكون راضي و مرتاح، فاني اريد اذكرك بس انه رب هذا المستحيل كالك إذا سألتني فأنا قريب منك بس خلي رجائك و ثقتك بيا ❤️
م

البشارة يا أيها العرب. البشارة
خايبين لاتضوجون حينزلون المعدلات لعيونكم دفعة 24 صح احنة فگريات بس رب العالمين اعرف بمصلحتنة مهما كان معدلك ودرجاتك كول الف الحمدلله
واياكم تفكرون بالاعادة تره تتندمون ياحلوين
🫂لوفيو هواي

كلام لدور الثاني ومؤجلين اجت درجات مو توقعك وكعت مادة اضافيه، عندك فرصه جبيرة وتكدر تغير كُلشي بيه بس شد حيلك وتوكل على الله وخلي ثقتك بالله ونفسك جبيرة وطنش اي كلمه تنكال من الاهل صديق، انتَ وكتابك هلفترة غيرة محيفيدك شي
اعرف وضعكم بـ انهيار
لا التفكير ولا البجي ولا اي مواساة من شخص ممكن تفيدك 
الي يفيدك هسه نفسك و صحتك
دكوم تاكل لان متأكد ما ماكل
دكوم تسبح و تصلي ركعتين للرب العالمين
تشكي اله حالك و وضعك
وبعدها تجيب ورقه وقلم ترتب جدول جديد وتبلش، وما تفكر بالكلام سمعته البارحه او ليوم خلص محد عش عشته وتعب وتمرض لذلك محد اله حق يحجيي
ولا ينظر الك احد من اهلك او ناسك وتهتم
اريدكم تفكرون شلون دكومون على حيلكم ؟
و تخلون عندكم يقين وثقه بالله چبيرة
راح يجيك العوض سواء دور 2 او بسنة قادمة ويارب دور ثاني يكون عوض الكم
او بالقسم الي الرب العالمين اختاره الك
و تكون مطمئن و على يقين اذا نظلمت من البشر و التربية فـ مراح تنظلم من رب العالمين و ينطيك العوض بالوقت الصح
كلام من كلبي الكم عسى ولعل يخفف 1% منكم ،انتم ابطال محب اشوفكم هيج ابد احبكم ابطالي ربي يوفقكم ويسهل عليكم بحق الحُسين،"ع" دعائنا مرافقكم 💖.

أضعَفُ الإيمَان إنّك تواجه ربّ العالمين بشراسة وتگول إله ليش ما أنطيتني و تگعد تلُومه و تخطّط من يمّك أنّك لو حصّلت على کذا شيء رَاح ترتاح!
هذهِ من أسوء أسوء سوء المُنقلب،
هذا التّصرُّف مع ربّ العالمين تصرُّف همجي و مو مؤدّب و مو حَكِيم،
ربّ العالمين من صِفاته هوَ عالِمُ الغيبِ و الشّهادة هو الرّحمن الرّحيم يعني من يعطِيك عكس توقّعاتَك هوَ عالِم و مُدرك تمامًا إنّه إذا أعطاك ما تتمنّى راح تتعب وتحصلّك عراقيل و تتأذّى!
و يمكن ما رَاح تتوفّق!
ربّ العالمين عنده خُطّة تختلف تمامًا عن خُطط البشر:)
فمرّات بعض البَشر الّي يتمنّونه يحصلونه لأن ربّ العالمين يعرف هالشّيء مُرضي و مُريح الهم و ما بيه أذيّة لأن هوّ أساسًا مخطّط الهم هيچ!
و مرّات البعض لا واللّٰهِ ما تصيب خُططهم لأن ربّ العالمين ما يريدهم يتعبون و يمكن هالمَكان مُو مُناسِب ألهم يمكن ما راح يبدعُون وينطون كفاءة بيه!
فـ مو لأن إحنا نحب شيء يَعني راح نبدع بيه!!
لا أبدًا يا بَنات أبدًا ربّ العالمين مو هيچ،
ربّ العالمين أكثر شيء راح يوگف وياكُم و يسندكُم و ما يخيّب ضنكم؛
لٰكن هو يختبركُم ثُمَّ يعوِّضكُم،
أخيرًا ربّي يسدّدلكُم خُطاكم و يجبُر قلُوبكم المُنكسرَة و يعوّضكُم علىٰ گد كرَمَه 💖.

خلو هدفكم حالياً هو " الوصول للنجاح "
لتفكرون بأشياء سيئه لتتشائمون
الله ماخلقكم حتى تتشائمون وتفكرون بأشياء سيئه ، ماخلقكم حتى تأذون نفسكمُ ، بسبب دراسه ، او شخص
ماكايله الكم لتدرسون ادرسوا واجتهدوا بس لتوصلون مرحله تموتون نفسكم علمود درجه ومُعدل
رب العالمين ماخلقكُم عُبث ، الانتحار ، وتقتلون نفسكم بالتفكير والقلق هاي حرام عليكم ورح تتحاسبون عليها لأن دتأذون نفسكم ،
هاي الفتره راح تخلص وتعدي وتصير سوالف وراح تتذكرون كلامي دائماً
صيروا اقوياء ووجهوا كلشي وسندوا بعضكم ، انتو مو وحدكم !! رب العالمين وياكم لا تخافون من شِي ، مهما چنت تعاني من مشاكل ومرض والم من كُل النواحي ومهما چنت دتمر بظروف صعَبه ، ترى هذه كلها اختبار مِن رب العَالمين ورح يجازيك ويعوضك عَن كُل لحضة تعَب مريت بيها ،
تقربوا من رب العالمين لأن هو الوحيد الي راح يستقبلكم دائماً واقروا قرآن صدكوني راح يمسح ع كلبكم والله ،، رب العالمين يحبكم كلش كلش اتقربوا اله هو موو بحاجه الكم انما انتوو بحاجه اله  ، بعد كل هذا تعبكم وبچيكم ، راح تجيكم فرحه چبيره وعوض عن كُلشي ثقوا بالله ،
رَب الخير لا يأتي إلا بالخير 💖.