🤍.

‏أنا ما كنت خاين العهد وناوي الوداع
‏لا والذي خلقني ناوي أختم فيك أمنياتي

‏لين هاك الليل لوّح بـ كفينه لـ الضياع
‏وأستقرّت بـ الجوف أصعب معاناتي

‏ظلمتني بالخيانه وأنا كنت أحسبك شجاع
‏ولارضيت تسمع الصدق في ظل مأساتي

‏ولا أنت بلاقي مثل حبّي والقلوب وساع
‏وأنا الصادق وأنا الثابت رغم متاهاتي .

‏يا إللي علينا بـ المحبه تغليت
‏بالله توكل ورافقتك السلامه

‏من صد جازيته بصده وصديت
‏ومن يتبع المقفي يقل إحترامه

‏وكانك نويت تذل هالراس أخطيت
‏والله إن تبطي ماتنزّل من مقامه

‏أنا تراني لا قفيت يا هيه أقفيت
‏ما عاد أرجع لو تقوم القيامه .

‏يا شين الغياب إللي بلا سبّه وتبرير
‏غياب إللي ما فكر بـ قلبي ولا حنه

‏يموت الغلا من قلة الوصل والتقدير
‏مثل موتة المعروف لا صار به منه

‏أنا مدري هو بخير ولا ماهو بـ بخير
‏عسى دورة الأيام مـا غيرت ظنه

‏قولوله لا عاد يطاول البعد والتقصير
‏ترا البعد والتقصير ما يدخل الجنه .