طلبة لاستثنائي توصلو معاي طلبة يسجلو في اسم اي طالب استثنائي وكم ماده ابعتو صفحة زميلتكم

لاستثنائي ؟؟قعدوله مادة ولا اتنين 😮‍💨

https://t.me/+6WoM1VP5Zr1jZTE0

ابعتو اهني

| #إعلان |

تُعلن كلية الصيدلة بحامعة طرابلس عن فتح باب التنسيب للطلبة المسجلين بالمرحلة التمهيدية، الراغبين في الالتحاق بالكلية، وذلك وفقًا لشروط القبول الآتية:

- أن يكون لدى الطالب مقرر واحد غير مجتاز فقط من بين المقررات التالية: الإحصاء، اللغة العربية، أو اللغة الإنجليزية.
- ألا يقل المعدل العام للطالب في المرحلة التمهيدية عن 60%.
- الالتزام بدراسة المقرر المرحّل واجتيازه بنجاح.

كما يُشترط ألا يُسمح للطالب بالانتقال إلى السنة الدراسية الثانية إلا بعد اجتياز المقرر المرحّل واستيفاء جميع المتطلبات الأكاديمية المقررة.

وعليه، يُرجى من الطلبة المعنيين الالتزام بالشروط المذكورة واستكمال الإجراءات المطلوبة في المواعيد المحددة.

#المكتب_الإعلامي_بجامعة_طرابلس

التوضيح:
• التصفير: سيتم تطبيقه.
• الدور التكميلي: الطلاب الراغبون في الالتحاق بكلية الصيدلة سيتم إيجاد حل لهم.
• الطلاب الحاصلون على نسبة 75% بيقروا توا

تعديل

يسالو امتى تنفيذ مش معروف
لكن صاير منه

#كلية_التقنية_الطبية
الطلبة يلي بيخشوا للكلية و انجبروا انهم يخشوا قسم ميبوش يواصلوا فيه .
في إجراء داخلي في الكلية اسمه معادلة داخلية تقدروا أديروه بعد السيم الأول ليكم في الكلية .
المعادلة الداخلية تخليكم تحولوا بين أقسام الكلية على رغبتكم .
شرط المعادلة الداخلية أنكم تكونوا مصفيين مواد السيم الثالث المشتركة بين التخصصين .
أنا شوية و انزللكم مواد الفصل الثالث لكل قسم و انتوا شوفوا شن القسم يلي فيه مواد تتشابه مع القسم يلي تبوه و تنسبوا له .

هادوا مواد الفصل الثالث في كل قسم من أقسام كلية التقنية الطبية
قسم تقنية الأسنان 🦷 :
كيمياء حيوي التخصصي
علم الأنسجة الفموية
أحياء دقيقة
تشريح وصفي 1
خواص مواد 1
وظائف الأعضاء التخصصي
تشريح رأس وعنق
قسم الصحة العامة 🏥 :
كيمياء حيوية
علم التشريح
علم الطفيليات الطبية 1
علم الاحياء الدقيقة العام
علم الأنسجة
علم وظائف الأعضاء
قسم التخدير 💉 :
علم التشريح 1
علم وظائف الأعضاء 1
كيمياء حيوية 1
أحياء دقيقة عامة
علم الأنسجة 1
القانون الطبي
صحة المجتمع
قسم المختبرات 🧪 :
كيمياء عضوية
علم وظائف الأعضاء
كيمياء حيوية
علم التشريح
علم الأنسجة
علم الأحياء الدقيقة
قسم العلاج الطبيعي 🩼 :
علم وظائف الأعضاء
كيمياء حيوية
علم التشريح
علم الحركة
علم الأحياء الدقيقة
علم الأنسجة

هادوا أقسام الكلية كلهم ناقصهم قسم الأشعة بس على قد ما حاولت نوصل فيهم مقدرتش توا لو قدرت نحصل قائمة موادهم توا أنزلها على طول .
لو حد عنده أي استفسار على أي حاجة عندها علاقة بالمواد و الأقسام يكلمني و بإذن الله نساعده

السلام عليكم 🤍

الآلية اللي طالعين بيها:

الحمد لله التكميلي قائم للطلبة اللي طالعين من السيم الأول وعندهم مادة أو مادتين وللطالب اللي ناجح في السيم الأول وما صفّاش مواد في السيم الثاني

الحمد لله تم فتح كلية الصيدلة للطلبة مع السماح بترحيل مادة بشرط ما تكونش مادة تخصص

وزيادة على هذا الحمد لله كلية التقنية الطبية مسموح فيها ترحيل المواد

طلبة المنتسبين حيصير فيهم عدل وتنسيبهم حيتم بقبول أي طالب جايب 75% فما فوق وحيقروا توا

تعديل طلبة 70‎%‎بتقرو ربيعي كراسي مضمونه


أما بخصوص السيم الربيعي فحيكون موجود وموضوع النسبة زي ما تحركنا فيه توا حنتحركوا فيه بعدين 😎

وبالنسبة للطلبة اللي يبوا صيدلة ويقروا تكميلي رئيس الجامعة عنده علم بالموضوع وبعون الله يصير منهم

وموضوع التصفير حتى هو بعون الله حيتم تنفيذه

موضوع الأسنان صعب شوية لأنه نظام سنة وكلية الأسنان بروحها ودايرين تجمعات وموضوعها معقّد

نبي نقوللكم حاجة: الحمد لله سواء طلعنا بشي ولا لا تعب التجمعات والجري هذا كله طلعنا منه بحلول مرات ما ترضيش الكل لكن ترضي 80% من الطلبة


إن شاء الله نكونوا ما قصرناش معاكم ونكونوا سيبنا بصمة حلوة عندكم
وما تنسوش إن إحني طلبة زينا زيكم وجينا وقفنا معاكم حتى لما خالفنا الاتحاد والجامعة وتمردنا بالتجمعات هذا كله باش ما نشوفوش حد خاطره مكسور ولا واجعه حاله

نتمنالكم النجاح والتوفيق ومش معناه لو طحنا مرة خلاص الطريق مش لينا الطريق تبي شغف وصبر وعزم والإنسان الصبور يوصل بعون الله


مندوبين 2007
{ابراهيم /عمرو /عبدالسلام /رضوان
لميس /اسراء }
2025/2026✔️🔥

من باديتنا كنا معاكم ونفتخروا بكلامكم وكلام الدفعات اللي قبلنا على البصمة اللي خليناها في دفعتنا

📢 عندي خبر قنين لدفعة 2006 يلي صفّروا وقروا مع دفعة 2007 ❤️

يشملكم قرار ترحيل مادتين للسيم الثاني يعني الطلبة يلي خشّوا تكميلي في السيم الأول القرار يشملكم بإذن الله

بالنسبة لتصفير /تكميلي امتى تمشو حنزلو اعلان لما ترد الكلية علينا

إعلان هام

تعلن إدارة مسجل كلية الطب البشري – جامعة طرابلس عن بدء استلام ملفات الطلبة الجدد المتحصلين على شهادة إتمام مرحلة التعليم الثانوي للعام الدراسي 2025/2026م، والمسجلين عبر المنظومة الإلكترونية، وفق إعلان القبول والتسجيل الصادر عن إدارة المسجل العام بجامعة طرابلس.

على الطلبة المعنيين الحضور إلى مكتب مسجل كلية الطب البشري لتسليم ملفاتهم، ابتداءً من يوم الثلاثاء الموافق

.2026/09/15م

المستندات المطلوبة:

• ملف مغلق.

• استمارة الشهادة الثانوية الأصلية.

• عدد (6) صور شخصية.

• شهادة ميلاد بالرقم الوطني الأصلية.

• النماذج الخاصة بالكلية.

يُطلب من الجميع التقيد بالمكان والزمان المحددين وفق القوائم المرفقة لكم لاحقًا.

م.اسامة حويتة
مسجل كلية الطب البشري جامعة طرابلس

دفعة 2008

📌البشري 🩺

طلبة AN120
يعلمكم قسم التشريح بمحاضرة تعويضية عن محاضرة الاسبوع الماضي لمن فاتته المحاضرة

الخميس الساعه 11 مدرج جابر بن حيان

السلام عليكم دكاترتنا الأفاضل 👋✨
ليوم البوست مختلف شوية وموجه للطالبات والطلاب الملتزمين بالحضور 📚

نُعلن عن فتح باب الانضمام لفريق الادمن بالقناة ونبحث عن زملاء من كليات:
🩺 البشري
🦷 الأسنان
💊 الصيدلة
🩻 التقنية الطبية

الشروط:
الحضور اليومي والمتابعة لأول بأول داخل الكلية
العلم التام بآخر المستجدات والإعلانات الدراسية
لو شايف/ه روحك مواظب وملم بأخبار كليتك وجاهز تساعد زملاءك تواصل معانا عبر رسائل القناة

#كلية_التقنية_الطبية
قوائم التنسيب مزال موصلوش للكلية من المسجل العام .
مسجل كلية التقنية حالياً مشغولين بتسجيل طلبة 2008 يلي كيف كملوا ثانوية


بإذن الله من الأسبوع الجاي يبدوا في تنسيبنا للأقسام يلي نبوهم


الطلبة يلي عندهم مواد مرحلينهم نفس الـ3 أقسام بس مفتوحتلكم و زي ما قلتلكم امس تقدروا بعد السيم هادا تقدموا على معادلة داخلية و تغيروا للقسم يلي تبوه

#بشري_دفعة61
#Ana120
تم تأجيل المحاضرة التعويضية للأسبوع القادم .
من منسق المادة الدكتور خالد ميلاد

#بشري_دفعة61
#IT320
محاضرات مادة الـIT بدت الأسبوع هادا .
مكان المحاضرات قسم الـit في المكتبة الدور الثالث .
لازم نحضروا محاضرة وحدة على الأقل السيم هادا باش نفتحوا حسابات على الكمبيوترات يلي في المعمل غادي .
توزيعة الدرجات للمادة :
70 درجة نظري(30 نصفي و 40 نهائي )
30 درجة عملي
10 درجات بحث
بالتوفيق إن شاء الله 🩵
من قسم الـIT في الكلية

أي طالب لديه مقرر تقنية المعلومات (IT320)، يُرجى منه الدخول إلى المجموعة الخاصة بالمقرر، وذلك لمتابعة جميع الإعلانات والتنبيهات والمعلومات المتعلقة بالمادة.

يرجى من الجميع التأكد من الانضمام إلى المجموعة.
https://t.me/it320group

https://docs.google.com/forms/d/e/1FAIpQLSe76TpvsZIV_otd2U0W2lgGmLeqOkLOF5j_SaPazB02VKHMcg/viewform

كلية الصيدلة

السلام عليكم على طلبه المرحلة التمهيديه الطبيه من لديهم مادة او مادتين علي ان يكون المعدل 60 فما فوق الدخول وتعبئة الرابط مع ضرورة احضار صحيفة اكاديمة لمكتب مسجل الكلية يوم الاحد القادم