| #إعلان |

تُعلن إدارة المسجل العام بجامعة طرابلس عن بدء قبول وتسجيل الطلبة الجدد المتحصلين على شهادة إتمام مرحلة التعليم الثانوي للعام الدراسي 2025–2026، وذلك للالتحاق بكليات الجامعة، عبر الرابط الإلكتروني:

https://sms.uot.edu.ly/regnew/

أولاً | المرحلة التمهيدية – الإعداديات الطبية

للطلبة الحاصلين على الثانوية بالقسم العلمي بنسبة 85% فما فوق:

- كلية الطب البشري.
- كلية الصيدلة.
- كلية طب وجراحة الفم والأسنان.

ثانياً | الكليات الطبية

للطلبة الحاصلين على الثانوية بالقسم العلمي بنسبة 50% فما فوق:

- كلية التمريض.
- كلية التقنية الطبية.
- كلية العلاج الطبيعي – المركب الجامعي (ج).
- كلية الطب البيطري.

ثالثاً | كلية القانون

للطلبة الحاصلين على الثانوية بالقسمين العلمي والأدبي بنسبة 75% فما فوق.

رابعاً | المرحلة التمهيدية – الهندسة وتقنية المعلومات

للطلبة الحاصلين على الثانوية بالقسم العلمي بنسبة 75% فما فوق:

- كلية الهندسة.
- كلية تقنية المعلومات.

خامساً | الكليات والتخصصات الأخرى

القسم العلمي – بنسبة 50% فما فوق:

- كلية العلوم.
- كلية الزراعة.

القسمان العلمي والأدبي – بنسبة 50% فما فوق:

- كلية الفنون والتصميم.
- كلية الإعلام والاتصال.
- كلية الآداب واللغات.
- كلية الآداب – السواني.
- كلية التربية البدنية وعلوم الرياضة.
- كلية التربية طرابلس (بنات).
- كلية التربية جنزور.
- كلية التربية قصر بن غشير.
- كلية العلوم الشرعية – تاجوراء.
- كلية العلوم الشرعية – طرابلس.
- كلية الاقتصاد والعلوم السياسية.
- كلية الاقتصاد والإدارة – تاجوراء.

#المكتب_الإعلامي_بجامعة_طرابلس

تواصلت مع الجامعة، ويلي صاير كالآتي 👇🏻

بيبدأ إعداد طبيات، يعني الدفعة الجديدة مش حيدخلوا يتخصصوا مباشرة في بشري، أسنان، صيدلة

حيقروا سمستر واحد فقط مواد عامة زيّنا، مش زوز سمسترات.

وبالنسبة للمواد، حيتم إلغاء بايو علم النبات، علم الحيوان وفسيو

هلباا الجامعة ظلم مواد يلي تعبو فيهم طلبة وجابو نسبات وخذو وقتهم لغوهم لدفعة الجديدة هلباا جامعتنا

بنسبه ل تخصصات
تمريض
تقنيه الطبيه
العلاج الطبيعي / مركب الجامعي
طب بيطري
يتخصصوا بنسبتهم من ثانوي طول معندهمش سنه اعداد

2008شن حظ هذا يلي عندكم الله يبارك
من جامعة والنسبة عالية هلبااا الحق😪

عليكم بالدعاء متخيلين عدد هلباا ادعو مرات ساعة استجابة

معلييشي بنرد على لبنات ليهم ايام يدوو وطايحين فينا بس نقدر ننزل يوزركم وإيميلاتكم وحدة وحدة

مني هما المندوبين اللي يدوروا في مصلحتهم يا وهمية منك ليها؟

كان ندور في مصلحتي مش يوم امتحاني الناس تراجع في المكتبة وأني بين المنسقين ندوي معاهم على الأخطاء
هذا اول شي

كان ندور في مصلحتي راهو ما شديتش مندوبة من الأساس وشاده قرايتي لكن عيبنا قلوبنا طيبه

لكن تعرفوا النماذج هذي اللي تدوي "مندوب فلان كويس والباقي ما ينفعوش وهميين" وصفتهم ونعتهم

يا أبلة أنتي وياها المندوبين يد وحدة ما فيش يوم مندوب واحد مشي للجامعة نمشوا في نفس الوقت ومع بعض ونحلوا مع بعض فـ كلامك توا ما فيش منه فايدة

وولا تدوي يخلوا فينا في الحوش نقعدو ولما هما يمشوا يديروا في روحهم تعبوا

واو لما نديروا في تجمعات يجي حمد وحميدة نفس كل تجمع والمندوبين بس بدل ما نقروا ليكون في علمك

توا وين قعدتلك مادة ولا اتنين قعدتي تعلقي وطلع عندك لسان؟

يا ادوي بالخير يا فوتيه الموضوع

ولا التانية قاتلها تقدرو تصورو كلامها مجلس تأديب
فاهمه غلط يا أبلة احني يلي نديرو مجلس تأديب لو في شخص بيديروله راهو


وحاجة تانية العيل لو ندويله يفهم مني طول
التجمع التكميلي لما قلنا تكميلي بس لأن يا أبلة (مش دكتورة ركزي مليح) لأنه قرار يعتبر خلاص خذوا عين الاعتبار بيه توا جي وقت التكميلي

وحتى في تجمع التكميلي دوينا مع الناس الكبيرة في الرئاسة على الاستثنائي والتكميلي واللي نسبتهم ضعيفة وكذلك اللي قاعدين ما بدوش

فـ مش عارفة بدل ما تفرمي فينا وتنشري في حاجات مش حلوة تطلع من شخص كبير وعاقل وخاش مجال يبي ناس قلوبهم رهيفة
وتعايري إنه مندوبة ولا مندوب عنده مواد ومش متاع قراية وجوه هياجة

بالله لو بتجي تقيمي قيمي الثانوي كورسات والتعب والناس تقرا ما فيش لا قرارات لا دفعة وجبنا في التسعينات

لكن عندكم الحق الحق فينا شدينا وجرينا على الناس بدل ما نأخذوا قرايتنا

مع احترامي للناس تدوي كلام حق وماسمعنا منهم كان لكلام الطيب

لكن كلامك مردود عليك وأني وأنتي ومن هنا ليوم الحساب حسيبكم ربي

والدفعة تعرف أحني شن كنا معاهم



واي تقولي حاضرتني ندوي حتى في وجهاا لما نصكر ونفتح النت نلقا شتم وقلت أدب اكيد بنحظر


اسفه للناس يلي مش ليها لكلام لكن كان لازم ندوي بيش يفهمو

تقول تدوي مع صغار

لما نصكر في تعليقات اكيد مايقارب 1000رسالة نصكر ونبدا نرد عليكم واحد واحد مانظلم حد اهني


وقت اليل يتصكر لقروب

واي نوضح حاجه

احني نتواصلو مع جامعة وعلى اطلاع على كل شي

ف مانعرفش مندوب عبدالسلام يلي نزله قال لكلام يلي سمعه من مصادر وقاللكم مانعرفش علاش مايبوش ينزلو ولا يدوو بيه وضح



لكن احني لما نزلو قناة عامه كله من الجامعة

رئاسة الجامعة في آخر تلاتة تجمعات احني المندوبين كلنا نحكوا ونضغطوا على الرئيس وشؤون الطلاب
لكن في كل مرة اني ولميس بالذات يطلبوا منا نتكلموا أكتر ونوضحولهم الصورة كاملة

يعني من الأخير سواء في ولاد ولا لو حصلو مندوبين يجو عادي لانه بارك الله فيه لو يكونو حاضرين
ولو لا اني ولميس قايمين بالواجب ومكفيين وموفيين

بالنسبة لورقة المطالب الورقة جاهزة وعندنا وقداش لينا ننزلوا فيها والمطالب واضحة للجميع من فترة

رد على طلبة يلي يدوو على كلامنا ؟؟
ولو بنتكلموا على الكلام العاقل والراكز أكتر اتنين عندهم علم ومعلومات بالجامعة وبوضع الطلبة همّه احني
وحتى لما نناقشوا في رئاسة الجامعة بروحنا يسمعوا منا ويقولوا حاضر وحنفكرو في الاجتماع
كيف كان التعامل يعني لو كلامنا مش عين العقل ومش لصالح الطلبة راهو صكروها في وجهنا من الأول حتى لو يماطلو



وعلى ما أظن في كل تجمع ننزلوا ونتناقشوا مع الطلبة وطلبه يلي جو كله قدام عيونهم

وتوا لما نكونوا داخل ندووا ونناقشوا مع الجامعة اكيد ماناش نتواصلوا بالبلوتوث!

طبيعي بناخدوا وقتنا وبنوصلوا الصوت ونقلوا الصورة كاملة






رديت رسالة وحده على كل الرسائل



التجمع الاحد بلغو بعض

دوينا هلبا والمساحة كانت للجميع

آخر ختام لكلام
التجمع يوم الأحد قدام رئاسة الجامعة
الساعة 9:00 الصبح

ياريت الكل يكون حاضر
حيكون فيه تسجيل أسماء من الجامعة زي المرة اللي فاتت
فياريت تكونو حاضرين
المرة اللي فاتت صاحبتك سجلتلك

لكن المرة هادي لازم حضور شخصي

وماتنسوش بطاقة التعريف

ليلتكم سعيدة

نحاول نرد عليكم الكل ني ولميس طلبة يلي في شات حاضر

اللهم صلِّ وسلم وبارك على سيدنا محمد وعلى آله وصحبه أجمعين
🤍لاتنسى الصلاة على اشرف الأنبياء

توضيح مهم بخصوص التنسيق لتجمع يوم الأحد

السلام عليكم ورحمة الله وبركاته
يومكم قنين
التجمعات لينا فترة نخدموا عليها وآخر تجمع قعدنا أسبوع كامل أني ولميس ننسقوا فيه ونناقشوا في كل التفاصيل مع الطلبة خطوة بخطوة

لذلك وجب التوضيح لجماعة القنوات —ربي يبارك في جهود الجميع—
أي حد ينزل من عنده سواء البيان أو كلام أو مطالب راهو لا تواصل معايا ولا مع لميس ولا نسق معانا مطلقاً

احني لا ليلنا ليل ولا نهارنا نهار نمشوا ونجوا على خاطر الجامعة والمصلحة العامة وفي الأخيرة يطلعوا ناس لا تواصلوا معانا ولا جونا

مع كل احترامنا للجميع لكن أي طالب ما تواصلش معانا ولا نسق معاي مش حنقدروا نساعدوه يوم الأحد
لأن كل التنسيقات مع الطلبة والجامعة والطالبات وحتى الكليات الأخرى أصبحت جاهزة تماماً ومحسومة
لينا قداش ندووا وننسقوا ليوم الأحد
فبأي حق ينزل كلام باسم التنسيق بدون علمنا؟

كل حد يتحمل مسؤولية ما ينشر ونلتقي يوم الأحد على خير

ياريت احد حد منزل تحولوه البوست

إعلان لطلبة الفصل الأول (المقدمة):

ستبدأ المحاضرات النظرية يوم الأحد

2026/9/13م حسب الجدول المعلن سابقاً وسيتم توزيع مجموعات العملي

لاحقاً ويرجى الإلتزام كل حسب مجموعته

كلية الطب البشري
تمنياتنا لكم التوفيق

1.
إدارة الجامعة مطالبة اليوم بتوضيح واضح: علاش كل مرة تتغير القوانين لما توصل لدفعتنا؟ إذا كان العدل مبدأ، المفروض يطبق على الجميع، مش حسب الدفعة.

2.
حني ما نطالبوش بامتيازات ولا نبو حد ينجحنا بدون دراسة. نبو نفس الفرصة اللي خذوها غيرنا. مش من حق أي جهة إنها تغير القواعد في نص الطريق وتطلب من الطالب يدفع الثمن.

3.
الطالب مش شماعة تعلقوا عليها أخطاء القرارات. أنتم اللي غيرتوا النظام، وأنتم اللي أصدرتوا القرارات، لكن في النهاية الطالب هو اللي مهدد بمستقبله. هذا مش عدل.

4.
سنوات نقروا ونتعبوا ونسهروا، وفي النهاية يجي قرار إداري يهدد كل هذا في شهر واحد. هل مستقبل الطالب أصبح مجرد قرار يصدر وينلغي حسب الظروف؟

5.
إذا كانت الدفعات السابقة عندها حق في التكميلي والترحيل، شن اللي يخلي دفعتنا مختلفة؟ نبو إجابة واضحة، مش وعود جديدة وبعدها قرارات عكس الكلام.

6.
كل مرة نسمعوا “أنتم زي الدفعات اللي قبلكم”، وبعدها تنزل قرارات جديدة تثبت العكس. المشكلة مش في كلامنا، المشكلة في قراراتكم المتناقضة.

7.
إلغاء السنة التمهيدية وتغيير النظام قرار إداري، مش قرار طالب. فكيف الطالب يتحمل وحده نتائج قرار ما كانش له رأي فيه؟ نبو إنصاف، مش تحميلنا أخطاء غيرنا.

8.
مش معقول طالب يدرس منهج مكثف، ويحمل أكثر من مادة، وبعدها يُعطى فترة قصيرة جدًا باش ينجح في الكل، وإلا يكون مصيره الطرد. هذي مش فرصة ثانية، هذي مخاطرة بمستقبل طالب.

9.
نحن تحملنا أكثر مما يجب، وطرقنا كل الأبواب قبل ما نوصلوا للشارع. إذا كان صوت الطالب ما يوصلش إلا بالوقفة، فاللوم مش على الطالب اللي وقف، اللوم على اللي ما سمعش.

10.
نبو نقولوا لإدارة الجامعة بكل وضوح: مستقبلنا مش تجربة، ودفعتنا مش حقل لتطبيق قرارات جديدة. طبقوا العدل، وخلوا الطالب يتحمل نتيجة دراسته، مش نتيجة قرارات إدارية ما اختارهاش.





نطالب بفتح السيم التكميلي لطالب /وامتحان استثنائي على طالب الاختيار


وضمان السيم الربيعي لطلبة 2007
الناجح والغير متخصص

اعتدال في النسبة زي دفعات السابقة بخصوص السيم الربيعي


وإصدار القرارت في اسرع وقت تنزيل في الصفحة الخاصة للجامعة

مافيش حساسية مع اي حد طالب صاحب قناة تواصل معانا واحد فقط

اما الباقي لا شفتهم علقو في قروب قناة العامة ولا توصلو معانا


ف والله مش فاهمه زينا زيكم الحق هما ينزلو من عندهم

شكلة يبوها الاحد سلاطه

يا ريت الكل يحترم نفسه وكلامه
لأنّي نقدر ما ننزل شي وما ندوي مع حد فيكم وإلا ننزلكم مجلس تأديب
وما نبيش نتصرف معاكم تصرف يخرج على نطاق الاحترام

جو "بنات ما يعرفوش يتصرفوا" لا بأس إن شاء الله خير
ليا أسبوع نسق في تجمع مع الجامعة كله بيش الكل يروح فرحان ونديرو في الواجب لانه بدينا معاكم مانبوش ننسحب لين نشطبو للكل
وجماعة "الدقيقة تسعين" وجو الشو والعرض فوتوه مش معقولة نقعد نتعامل معاكم زي العويلة الكبار والدكاترة!

الصراحة مش كل مرة بنوري لكل حد حدود الاحترام متاعه

هو راس يوم بنشطبوا فيه قرارات الدفعة والطلبة وكل واحد يمشي في حاله

أني محترمة الجميع فلذلك خليكم نفس الشي


قاعدين البيان نراجعو فيه حينزل اهني مزال في وقت السبت نشطبو كل شي
ونفتح التعليقات ليكم تعطو رأيك

غدوا حنكون في الجامعة

نراجعوا من حيكون موجود الأحد من الجامعة باش نتكلموا معاه

حينفتح الشات بعون الله غدوا جو العصر ولا المغرب باش كل حد يعبر عن رأيه ويتكلم ولكم الحرية إنكم تقدموا رأيكم أهم شي يكون في المعقول ولما تسمعه الجامعة تقبله

كونوا في الموعد
التجمع مزال الأحد
حنزلو غدوا شن بيصير

توضيح لدفعة 2007 المنتسبين:

يوم الأحد يتم تنزيل أرقام القيد ليكم

مش حننزل أكتر من هكي بحكم الجامعة مزال مانزلت شي
لكن الأحد ولا الاثنين حتكون الصورة واضحة ليكم