الخطة الدراسية جامعة طرابلس كلية طب وجراحة الفم والأسنان

التجمع للطالب تكميلي وتصفير بعون الله

مندوبين فقط مسؤولين على تجمع

الساعة 9رئاسة الجامعة



الباقي بعد اجتماع غدوا نشوفو جامعة شن ترد علينا في موضوعكم

صباح الخير جميعاً
حني متواجدين قدام رئاسة الجامعة شوية و نبدوا تجمعنا ياريت العدد يزيد .

تكميلي تصفير تجمع ليوم

باللهي ماتعبونا ليوم تكميلي وتصفير ولينا اسبوع ندوو نفس كلمة

حاضر نسالو على امتى تبدو من يبدا بعون الله لكن تجمع دوينا فيه

تجمعو كلكم تعالو واهتفو تكميلي تصفير

اي طالب تكميلي ومش موجود يبعتلي اسمه توا في تعليقات

اي طالب سجل في جامعة يمسح اسمه من تعليق

واقفه نسجل في لأسماء طلبة تكميلي اي طالب سجل في جامعة يمسح اسمه من تعليقات لانه نبيش تكرار

لي طلبة تبي تكميلي هاذو

سجلت يلي نقدر عليه حنزل صورة

السلام عليكم ورحمة الله وبركاته
توضيح مهم بخصوص اجتماع وتجمع اليوم:

• وضع التكميلي والاستثنائي: بالنسبة لموضوع التكميلي والتصفير الوضع مزال قائم زي قبل
والاستثنائي مزال مطروح لكن القرارات الصادرة حالياً نزلت عن طريق الاتحاد فقط وما نزلش أي بيان رسمي من صفحة الجامعة حتى الآن

• آلية القرار عند إدارة الجامعة: الإدارة وضحت إن فتح الفرصة يعتمد على أعداد الطلبة
إذا كان عدد طلبة التكميلي أكثر سيتم فتح التكميلي
وإذا كان العدد الأكبر للاستثنائي سيتم اعتماده هو
• الوضع الحالي والإحصائيات: حالياً التسجيل مستمر وبناءً على البيانات الأولية اللي نجمعوا فيها لدير إحصائية دقيقة عدد طلبة التكميلي هو الأكثر

• سبب التأخير والتخبط: التغييرات والتأخير الحاصل ناتج عن ترتيبات وتغييرات داخلية تدير فيها الجامعة في المرحلة التمهيدية

• موقفنا كمندوبين: طالبنا وتكلمنا بشكل واضح بضرورة تطبيق نفس الآلية اللي تطبقت مع دفعة 2006 لأن هذا حق من حقوق الطلبة
ونسأل الله التوفيق
ملاحظة لحد هذه اللحظة لا يوجد شيء مضمون 100% بسبب الاجتماعات والقرارات المستمرة واليومية من الإدارة
أي قرار رسمي ومؤكد ولن يتم تغييره سينزل بشكل مباشر ورسمي على الصفحة الرسمية للجامعة

عليكم بالدعاء والاستغفار في هذه الأوقات ونحن مستمرون في متابعة الأمر ونقل كل جديد لكم أولاً بأول

طالب تكميلي315وسجل 310
لاستثنائي 186طالب

الجماعة يلي تنسبوا بشري توا في الربيع اليوم كنت في الجامعة و في حاجات لازم تسمعوها .

أول حاجة أرقام القيد و القوائم علاش لتوا منزلوش ؟
كنت اليوم في المسجل متاع كليتنا و المسجل العام متاع الجامعة كلها .
التعطيل جاي من المسجل العام متاع الجامعة القوائم متاع التنسيب قاعدة موصلتش لمسجل الكلية باش يقسمونا قوائم و مجموعات أول ما يوصلوا حيقسموا و يطلعولنا أرقام قيد .

ثالث موضوع سألت عليه هو موادنا يلي حنقروهم السيم هادا شن هما ؟
الإجابة انهم 4 مواد يلي حنقروهم السيم هادا و هما :
1) أناتومي انترو و رمزها AN120
المادة هادي توزيع الدرجات فيها حيكون 40 درجة في النصفي و 60 درجة في النهائي زي ما كنا في التمهيدي .
2) هستو انترو و رمزها HS120
و المادة هادي فيها عملي بالإضافة للنصفي و النهائي و توزيع الدرجات فيها 20 على العملي 20 على النصفي و 60 على الفاينل
3) إنجليزي 3 و رمزها EL123
4) مادة الحاسوب (it) و رمزها IT320
هادي موادنا في سيم الانترو و بإذن الله نتوفقوا فيهم.