السلام عليكم ورحمة الله وبركاته،

تم التواصل مع قسم الدراسة والامتحانات بخصوص توقيت الامتحان المكتوب، حيث إن الوقت المعلن هو من الساعة 10:00 إلى 12:00.

وبالنسبة للطلبة الذين لديهم مادة أخرى في نفس اليوم، فقد أفاد القسم بأنه بعد الانتهاء من المادة الأولى سيتم تسليمهم ورقة امتحان المادة الثانية، وسيُمنح كل طالب الوقت الكامل المخصص للمادة الثانية، وليس ساعة واحدة فقط.

بالتوفيق والنجاح للجميع، والله يوفقكم يا رب.

ألف مبروك لدفعة 2006
وديما الفرج يجي بعد مرحلة من الصبر
ماحد يستسلم بداية معركة لانه كل شي يجي بعد صبر طويل
بالتوفيق في باقي مشواركم 🔥📌

تعالو اهني زوجية فردية
غدوا امتحانكم حيكون نفس وقت يعني نفس قاعه ونفس وقت من ساعه 10الىً12يتم لامتحان
بالنسبه عندكم مادتين معا بعض تم امتحان لاول ياخد ورقه يعطيك امتحان تاني
مش غدوا تجو 12تقولو نحسابو لامتحان 12لا 2فكونا الله يرضا عليكم

جدول واضح والله يلي عنده علم حيوان يمشي ساعه 10 ل صاله رسم
يلي عنده احصاء يمشي ل شقليله ساعه 10 وموفقين ان شاء الله ف امتحانكم غدوه

طلبه اعاده شن صار فيكم ف علم حيوان والإحصاء مفيش اخطاء ف اسئله ؟
ان شاء الله يارب تطلعوا كلكم مجاوبين 🤍

طلبه يلي يسألو على امتحان علم النبات واللغه العربيه مفيش تأجيل وامتحان صاير منه غدوه ساعه 10 فرديه + زوجيه وموفقين يارب 🤍

+ علم النبات ف صاله رسم و اللغه العربيه في شقليله
هي تصبحوا على خير

جدول تعديل طبعا لاحد حيكون فيزياء وفسيو

#جامعة_طرابلس
#العلوم_الطبية
على طلبة العلوم الطبية والكليات الغائبين على الامتحانات النهائية وتقدموا بأعذار اخذ العلم بان تم تغير مكان قاعة الامتحان الى (صالة بشير العالم / كلية الزراعة)
التوقيت (10:00-12:00)

موقع الصالة

https://maps.app.goo.gl/tuYB6p3Nvi3fcZhZ9?g_st=ipc

مهم قاعه ✍🏻

صباح النور
الطلبه يلي بعتولي لو في امتحان اليوم أو لا
ايه في إمتحان و مفيش تأجيل
التوقيت زي ما هو من ساعه 10 ل 12
فرديه + زوجيه ف كليه الزراعه / صاله بشير العالم
موفقين يارب 🤍

موعد النتيجة الأسبوع الجاي 📌

وياريت موضوع لاحصاء يتصكر لانه لو كان على ظروف الكل عندها
وليوم كان وجودكم وعدد الله يبارك يوضح قداش مهتمين بأمركم

شوفو معاي الي صار من خيبة تجمع اليوم صار ومشي فحاله وخلاص امر واقع تطلع النتيجه وحيبان كل شيء وكل واحد يستوعب روحه مدخلناش بلي فات خلينا نركزو على الجديد المهم يا دفعتي موضوع التنسيب ان النسبه عاليه اني وعبد السلام لما هدرزنا مع رئيس الجامعه خالد عون قاللنا بالفم المليان بان النسبه 70 زي الدفعه الي فاتت وانكم مدخلكمش بيهم بكل والكلام مفروض تطمن لما تسمعه من رئيس الجامعه الدكتور خالد عون يعني المهم الباين الي صاير توا ان الجامعه بعد ما موضوع زملائنا 2006 دار ضجه كبيره ف بيضطرو يسكتو الرأي الاعلامي على حسابنا حني صح 2006 زملائنا وخوتنا وعلى العين والراس لكن مفروض مساواه في الحقوق وعدل زي مانسبتهم على 70 خريفي وفتحتلهم تنسيب حسب الرغبه مش مهم النسبه في الربيعي متجيش تقول لدفعتي انك بتنسبني على ال85 او 80 في سبب انك تفتح التنسيب حسب الرغبه لدفعه تانيه الشيء اهوا اكبر ظلم وبالعين القويه لو صار
والموضوع وقتها حيكون ليه رأي اعلامي اكبر
الملخص المفيد من كلامي هادا كله ان بجديات الوضع ماينسكتش عليه وضروري نكونوا يد وحده مش شو على النت يعني متخيلين معاي تكون نسبتنا 85 بس ولي يقرو معانا من الدفعه الثانيه فنفس السيم متنسبين على 50 ؟؟ قلتلكم لو يضطر الموضوع للقنوات للفيديوات الشخصيه للصفحات الكبيره للتجمعات كل يوم اني حقي مش حنسكت عليه وكلنا المفروض محدش يسكت على حقه ويرضا بالظلم الواضح والصريح لدفعته فـ رجاء خاص تقرو كلامي كويس وتستوعبوه

#قسم_المواد_العامة_بالجامعة
تكليف السيد أ.محمد يوسف اسماعيل مؤقتا بمهام رئيس قسم المواد العامة متمنين له التوفيق والسداد بما اوكل له من مهام

عزيزي الطالب نهارك سعيد

ما عاش تفكر ولا تخلي نفسك في اكتئاب كلها فترة بسيطة وتطلع النتيجة

لا درجة ولا درجتين اللي خايف يفصلوك على النجاح يخليك تحبط روحك

ولا النسبة ودوشة الجامعة!

حاولنا بكل الطرق نساعدوكم وتوا جي الوقت اللي نسلموا فيه كل شيء لربي❤️

وبعد تطلع النتيجة نعرفوا خطوتنا الجاية📌

السلام عليكم
النتيجة مش ليوم .📌للطلبة يلي يسالو
وكدلك امتى ماتكون جاهزة حتنزل بعون الله

https://www.facebook.com/share/p/18x2Bwb2oY/?mibextid=wwXIfr
لإجابات النموذجية للامتحانات النهائية

#جامعة_طرابلس
#العلوم_الطبية
الرابط التالي خاص باوراق الاجابة للامتحانات النهائية فعلى كل طالب الدخول الى الرابط ومراجعة ورقته مع الاجابة النموذجية وفي حالة وجود اي خطأ على الطالب سحب ورقة الاجابة والاجابة النموذجية ومراجعة مكتب الدراسة والامتحانات بقسم المواد العامة واخر يوم لاستلام المراجعات يوم الخميس الموافق 2026/08/13 .

https://www.facebook.com/share/1aTvPKoXLY/?mibextid=wwXIfr