🛑خيرات عليكم دفعة
طمنوني امتحان النبات كيف كان ليوم 👀🧠!!!

السلام عليكم
أن شاء الله تكونوا بخير
حمدالله تم انتهاء لامتحانات سواء جاوبتو ولا لا ولكن مزال نهائي على 60

ارتاحو يومين
وبتبدا الدراسه يوم السبت 🧠😶‍🌫

إمتحانات الفاينل حيتأجلو اسبوع
وكلية حتنزل الخطة دراسية 🧠💯

⭕️السلام عليكم دفعة
المحاضرات في الجامعة يستأنفو غدوا بعون الله وتقديم الاعذار حيكون الاسبوع الجاي
بالتوفيق للجميع

#جامعة_طرابلس
#العلوم_الطبية
على طلبة العلوم الطبية الذين تغيّبوا عن أداء الامتحان النصفي ضرورة الحضور لتقديم العذر في مكتب الدراسة والامتحانات بكلية الزراعة خلال الأيام التالية:
الأحد– الأثنين– الثلاثاء

وذلك من الساعة 10:00 صباحًا إلى الساعة 1:00 ظهرًا

🚨تحذير
أي طالب يبعت في روابط ولا تحويل للقروبات في قناه هاذي حيتم حظره
ماحد يجي يسأل لو تم حظره بعتنا ونزلنا كم مره
ممنوع 🚫

السلام عليكم
الكيمياء العامة الإمتحان النصفي المجموعة A السؤال 6 درجته حتتوزع على الكل
الكلام جاي من المنسقة دكتورة هاجر
مبارك عليكم

السلام عليكم طلبة
للانجليزي ياريت لاخطاء صوره ورقم نموذج وسوال

السلام عليكم ورحمة الله وبركاته
مساء الخيرات عليكم جميعاً زملائي الطلبة.. ✨
​بخصوص الأمور التنظيمية للفترة القادمة::

​موضوع المواد الداخله في النصفي: حنتناقشوا فيها ونتواصلو مع الدكاترة لتحديد المطلوب بالضبط ونزلوه ليكم
​حالياً..
كل التركيز لازم يكون على القراءة والتحضير للنهائي توكلوا على الله وكله الباقي ساهل بعون الله

#​موفقين جميعاً

📌هاام
الطلبة يلي كان عندهم ظروف وكانو بيقدمو الاعذار
تقدرو تجو الاربعاء والخميس تقدموا الاعذار وحيكونو موجودين للإستلام منكم .

🚩_ جدول امتحانات الاعاده حينزل يوم الخميس باذن الله

📨خيرات عليكم
بالنسبة مواد داخل نصفي حاليا
احني خدينا الرد
لكن قبل مانبيش نزل لين ناكدو لعله وعسى نتناقشو معا منسقين كل مره على أساس يخففو رتم
لكن حنزللكم شوي تاني شن هماا ولو في أي تغيرات نعدلو منشور 🤙🤌

📍🔗زوجية
الفيزياء : نهائي
المصطلحات الطبية : جزئية النهائي بس
بايو : جزئية النهائي بس
علم نبات : مزال ماردت علينا منسقه
علم حيوان : في جزئية من نصفي داخل تركيز لأكثر على نهائي ومزال حيديرو اجتماع ويقررو شن داخل

📌فردية
الكيمياء داخل من المحاليل للكحولات

فسيو لم يتم تحديد لكن مبدئياً :
Urinary system
Respiratory system
Reproductive system
Digestive system
هاذو حاليا حسب كلام منسقه
لكن مزال مش اكيد على حسب الوقت لو سدها حتزيد الـEndocrin system

عربي : 1/2
لاحصاء : لم يتم الرد حاليا .... لكن سيم يلي فات كان داخل من لاحتمالات 🥲


📌⛔️لو في تغيرات حنزلو
واكيد حنزيدو نحاولو معاهم

#بالتوفيق

منشور نزل 12
وساعه3نزل توضيح
لأنه ساعات هاذو كنت ناخدو ونعطو معا منسقين
ونزلت يلي رد ويلي مارد وضحت أنه زي سيم يلي فات لأنه مافيش اختلاف ولو في حيكون بسيط

والمقرر لاكيد ويلي بينزلو قبل امتحانات بأسبوع لأنه حسب دكتور وين وصل في منهج
ياريت تكون صوره واضحه

📌توضيح
الجدول كل سنه يتغير احني المندوبين مش حنغيرو شي لأنه يبي تصويت ويبي هلباا كلام وجامعه مشغوله
#واضحه مش حنغيرو شي وراهو زينا زيكم نعرفوش توزيع جدول
#هذا رد على طلبه غيروا وماتغيرو مش حنديرو شي

💌 رسالة
تمام، معاكم حق إن الوقت مش هلبا ,لكن التأجيل اللي قدرنا نزيدوه كان أسبوع بس.

في كليات غيركم يقروا وعندهم جامعة غيرنا. ولما طلبنا التأجيل شافوا الإحصائيات عندهم، وطلع إن فيه أسبوع فاضي وما فيش مشكلة فزادوا أسبوع وقصدي بارك الله فيهم على هذا الشي

وبالنسبة لطلبة الإعادة واللي حاسين إنه ما فيش وقت والله حاسين بيكم ومعاكم حق لكن لما تتناقشوا مع الجامعة يردوا عليكم إنهم راهُم يرسموا في خطة للإعادة وما يقدروش يغيروا الخطة على كل واحد صارله ظرف ويبي يدير امتحان

الله غالب، ادعوا ربي يسهل دربنا ويسهل علينا باقي المشوار

والله يا جماعة المندوبين لا قرّوا جامعة ولا كورسات، ومن يومها وهم يجروا ويحاولوا مع الإدارة راهُم طلبة زيكم عندهم عيلة وعندهم قراية وعلى ما نظن إنهم ما قصروش معاكم
وموضوع نمشو وندوو وناخدو ونعطو جامعه غير قابل للنقاش عطة علم انه دارو اجتماع دارو خطة دراسية يعني مافيش تعديل
#هذا حاليا يلي صاير