إعلان مهم لطلبة الدفعة🔝

حرصًا على مصلحة الطلبة فقط،
تم إنشاء قروب خاص بالدفعة



و لأن صوتك مهم… ومكانه الصح لازم يكون واضح 🔥

إحنا طلبة دفعة وحدة،
وحقّنا يكون عندنا مساحة تجمعنا
وتوصل صوتنا الحقيقي للكلية بدون تشويش،
وبعيد تمامًا عن صراع الكورسات أو الأسماء.

📢 لهذا ، تم إنشاء قروب خاص بالدفعة:

🔹 قروب يمثل الطلبة فقط
🔹 ينقل مشاكلنا ومطالبنا زي ما هي
🔹 يكون حلقة وصل محترمة ومنظمة مع الكلية

👥 في القروب فيه مندوبين من الطلبة:
• صوتهم من صوتكم
• يمثّلوا الدفعة بكل أمانة
• بدون أي تحيّز، وبدون أي أجندة

🚫 نحطوها واضحة من البداية:
❌ لا تزكية لأي كورس
❌ لا دعاية لأي دكتور
❌ لا تصنيف ولا انقسام

✅ اللي يجمعنا أكبر من أي اختلاف:

مصلحة الدفعة
كرامة الطالب
تنظيم الصوت بدل الفوضى

🤝 لما نكونوا مع بعض، صوتنا يوصل
📣 ولما صوتنا يوصل، حقّنا ما يضيعش

🔗 https://t.me/httpsPrepMeet007

خيرات عليكم 🤍
عارفين إن الوقت ضيّق والضغط كبير لكن صدقوني القليل المنتظم يهزم الكثير المتقطع
مش مطلوب منا نكمل كل شي المطلوب إننا نثبت ونركّز
كل صفحة نقروها توا هي خطوة للنجاح وكل تعب اليوم بيفرق بكرة بإذن الله
احنا مش أقل من غيرنا وطريقنا يمكن صعب شوية لكن اللي يصبر يوصل
خلّونا واقفين مع بعض نعاونوا بعض ونستغلوا الوقت والشهر المبارك
علينا بالسعي والدعاء ونكملوا للنهاية 💪📚

🔺_طلعت نتائج وفيها ناس فرحت وناس زعلت وهذا طبيعي جدا
الدرجة اللي طلعت اليوم مش نهايتك هي مجرد مرحلة في طريق طويل
مزال في امتحان نهائي ومزال في فرصة ومزال في وقت للتعويض

🔻اللي تعب وقصر اليوم يقدر يعوض بكرة
واللي درجته ضعيفة هذا مش دليل فشل هذا دليل انك حاولت ومزال قدامك فرصة تثبت نفسك

🔺🤏🏻خلو في بالكم
النجاح ما يجيش من ضربة وحدة يجي من الصبر والاستمرار
كل صفحة تقروها توا وكل ساعة تعب حتفرق في النتيجة الاخيرة باذن الله

🔴_شدوا حيلكم وركزوا وما تخلوش احباط اليوم يسرق فرحة النجاح بكرة
ربي ما يضيعش تعب حد والنهائي جاي
نقدروا ونوصلوا وباذن الله نفرحوا
🔻_#ايامك الجاية صلاتك +دعاء+صحتك +وقرايتك بس بس

العد التنازلي للامتحانات 🔥📆

14 يوم فرصة حقيقية تفرق
كل يوم تعب يختصر عليك ندم بعدين
شدو حيلكم 📚📌

السلام عليكم ي دفعة 🛑
بخصوص الطلبة اللي كانت درجاتهم صفر ف الفيزياء في المنظومة رغم إنهم مجاوبين
تمت الإفادة إن الدرجات حيتعدلوا وإن شاء الله التصحيح يكون عادل
حنكونو متابعين الموضوع اول باول ونزلو كل شي يوصل من الجامعة
فالرجاء المتابعه وعدم القلق
📌⚙️

السلام عليكم دفعة ⚙️
بخصوص الطلبة اللي عندهم مواد صفر من غير الفيزياء
يمشوا للزراعة ويعطوهم معلومة ويسجلوا اسمهم ورقم القيد
وبإذن الله تتعدل المواد خلال هذه الأيام
علما بان الموعد الاقصى هو يوم الثلاثاء 12/30
📌📢