السلام عليكم👀❤️‍🔥

#الغـول

اني الطالب سالم الغول حنكون مندوب المجموعات الزوجية بإذن الله ومعاي عمرو وإسراء
حنديروا كل جهدنا بإذن الله والكل يأخذ حقه سواء زوجية أو فردية
عندنا شوية مشاكل لسيم هذا نحلوهم والسيم الثاني حيكون احسن بعون الله



وموفقيننن يارب❤️‍🔥❤️‍🔥
#الغـول

التواصل علي مواضيع الجامعة حيكون هني في القناة هادي
وناسي القديمة والتواصل الشخصي يكون في قناتي🫣..

🔺_زوجية
معاش هلباا وتنتهي مسيرة سيم كامل شدو واقرو خلاص نقدرو نقولو هك نهاية وبداية سيم

اليوم دوينا هلباا على مواضيع

🔺_توا انسو كل شي وامتحانكم وتوكلو على ربي وان شاءالله بالتوفيق للجميع
🔺_فرديوون ف البال الجامعة حتتواصل معانا اول مايتمو لامتحانات وندوو ف جميع لاخطاء

♦️_تمهيديون زوجية وفرديون
اليوم كان اخر امتحان وزوجية اليوم ف هلباا يدعو تصفى بس

♦️_تنسوش انه السعى هذا كله وبعون الله مجاوبين ومصفيين

♦️_قدهاا وبعون الله

🔷_تقدرو تاخدو بريك حاليا وحندوو ف كل مايتعلق بالدفعة

#بالتوفيق لنا ولكم 🤍

هاام ♦️
السلام عليكم دفعة
نعرفو والله اليوم يوم مصيري كان
والكل يسال ويبي تفسير
_بالنسبة للطلبة يسالو على درجة النجاح
♦️_النصفي + نهائي = 50 درجه
تكون مصفي الماده

♦️_كذلك يسالو هل 3 مواد نعاود سيم ولا نرحلهم معاي والله جامعة لحد الان ماردتش على الموضوع هذا

♦️_بالنسبة هل نسبة نجاح ممكن نصفو اقل من 50 حاليا والله نحاولو كلنا مندوبين سواء فردية ولا زوجية بالموضوع هذا

♦️_عليكم بالدعاء وربي يسهل علينا
وعلينا بالسعي وبإذن الله خير

#جامعة_طرابلس
#العلوم_الطبية
على طلبة العلوم الطبية وطلبة الكليات الذين تغيبوا عن الامتحانات النهائية بأعذار عليهم تقديم الأعذار خلال الأيام الاحد والاثنين والثلاثاء الموافق 2026/01/25 و 2026/01/26 و 2026/01/27
من الساعة 10:00 إلى الساعة 12:00 بمكتب الدراسة والامتحانات في قسم المواد العامة

♦️هاام لطلبة الزوجيه والفردية

اين حد عنده مطلب او اقتراح يكتبه فالبوست اهوا .

شوون الطلابية

♦️ممكن يادفعة شات للطلبات بس ياريت

السلام عليكم ورحمة الله وبركاته
موضوع الدرجات والترحيل والنجاح معاش حد يتكلم عليه
حني المندوبين مدايرين جهدنا وبإذن الله تكون النتائج مُبشرة
مانبوش شوشرة ولا كلام زايد في القروبات
كونوا مطمنين ومايصير إلا الخير بإذن الله
#مندوبي_دفعة_2007

بالتوفيق للجميع تقدرو تبدو في وقت 📚⌛️

آخر المستجدات 📥
بالنسبة للكيمياء النصفي كالاتي 🔽
نموذج C سؤال 8 خطأ في التظليل اون ريدي حيتعدل في المنظومه
سؤال 15 تم التعويض عليه حيتعدل
باقي النماذج المنسقه نفت الاخطاء يلي فيهم ماعدا السؤال الي مش عاطيين فيه البوتاسيوم قاعدين يتناقشو فيه .
الفاينل والتكرار نموذج D قالت مش حتعطي درجه للتكرار باش يكون عدل بين النماذج
نجو للاحصاء
بالنسبه للاسئلة المتكرره في بعض النماذج شكلو ليهم لجنه مش معروف شن حيديرو فيهم
توا كل شيء نقدرو نديروه درناه ومعاش تقدر تغير شيء ولا تطالب بشيء الا بعد تنزل النتيجه سوا الاسئله الصعبه الامتحان مش في المستوى هادا كله مش حتقدر تناقش فيه قولولي علاش ؟ لان الامتحان صار وفات مش حيعاودوهلك مره ثانيه
ف توا الجميع بنستنو النتيجه تنزل ويبانو الدرجات وكل شيء يكون واضح وحتى مطالبنا يوضحو باذن الله وقتها حنديرو رأي وحنشاركوكم بيه
الختام بنقوللكم توا تشبحو فلي طلعنا بيه اهوا يعتبر لا شيء بس والله العظيم بذلنا قصار جهدنا وضغطنا وتكلمنا ، المهم نبو نكونو يد وحده ومتعاونين مع بعضنا مش ضد بعضنا وان شاء الله ربي يوفق الجميع والسلام عليكم ورحمة الله وبركاته ⭐️.

🔺السلام عليكم
بالنسبه لطلبه الزوجية لاعاده
يلي تواصلو معاي نتواصل معا منسقة علم النبات
وضحتلي ان الاسئله كانت في مستوى المحاضرات والشيتات وانه امتحان الاعاده نفس نظام امتحان الاول وبالتعاون مع جميع الدكاتره
وجزئية نصفي مش هلباا وتركيز على نهائي ✉️

🔺_خلوكم جاهزين
#بتكونو_يد_بيد 🤍🔥

زوجيون
سوأل علم النبات متع الطحالب تواصلت شخصياً مع المنسقة وبإذن الله مش حيصير إلا الخير🙏🏻🤍🤍..

موفقيننن يارب❤️‍🔥..

🔺 توضيح مهم
الطلبات كلها وصلت للجامعة وتوا نستنو الرد
المهم تعرفوا إنّ معاكم سواء فردية ولا زوجية راهو كلنا واحد 🤍

وبخصوص الكلام اللي يدوو إن المندوبين يمشّوا فيهم وما يتحركوش — مش للدرجة هاذي
إنتو عطلة وإحني لا مطر ولا ريح وقّفتنا يومين في الجامعة ومتابعين الموضوع

ف بالله عليكم خلوكم معانا
وأي شي جديد بينزل ليكم أول بأول 🙏

#شؤون الطلابية

#جامعة_طرابلس
#العلوم_الطبية
جدول الاعادة للامتحانات النهائية لطلبة العلوم الطبية والكليات
لن يسمح بدخول الطالب الا بالبطاقة الجامعية ولن يعتد باي اثبات اخر
يمنع اصطحاب الهواتف النقالة والحقائب الى قاعة الامتحان ومن يخالف ذلك يتحمل المسؤولية
مكان الامتحان صالة الامين شقليلة (كلية الهندسة)
توقيت الامتحان:-
المجموعات الفردية من الساعة 10:00 الى الساعة 12:00
المجموعات الزوجية من الساعة 12:00 الى الساعة 2:00


بتوفيق ليكم