بما أنكم متعرفوش تتناقشوا ب احترام شات حيتصكر

مِن اليوم معاش عندي تواجد على الساحه وحذفت قناتي نتمنالكم التوفيق ديما وين ما تكونوا ، الي عندي عنده معزّه ولو بمقدار ذرة يذكرني فدعوة خِير والسلامُ عليكم ورحمة الله وبركاتهُ
#ابراهيم

السلام عليكم

خلي نوضح موضوع الجامعة والقرارات راهو لليوم ما فيش شي ثابت

بخصوص القرار الاستثنائي: الاتحاد نزّل إعلانه والاتحاد مع جامعة تمام لكن لما تمشي للمسجل العام ولا إدارة الدراسة والامتحانات يقولولك ما وصلنا شي رسمي من الجامعة
يعني الموضوع مزال قيد النقاش ولو القرار معتمد رسمياً راهو نزلوه في صفحات الجامعة وشافه الجميع

امتحان التكميلي: اليوم خذوا أسماء طلبة التكميلي اللي كانوا حاضرين بعد الدوشة اللي صارت

موضوع التصويت: اللي يستظرف ويقول كيف الجامعة تاخذ برأي الطلبة بالتصويت

أول شي القرار مش بالتصويت القرار جاي من منطق وعقل طالب عنده خمس مواد مش هيلحق يقرأها في وقت قصير زي هذا

محدش يقيّم حد: فيه من يقول "كان جاء شاطر راهو نجح محدش يجي يقيّم غيره!

هاذو طلبة تكميلي صفوا موادهم ناجح ومزاللهم سيم شن نديرولهم؟ ننسوهم؟

قصة اللحاق بالدفعة: الطالب اللي خايف على عمره يضيع ويبي يلحق على دفعته؛ كـ نصيحة: مادامك خاش طبيات راهي أمانة وقصة "نبي نلحق على دفعتي" مش ديما هتسلك معاك في الامتحانات الجاية

لكن نتفق معاكم طالب قعدتله مادة وحدة يدير امتحان ويتخصص خير ما يقعد ثلاثة أشهر في الحوش

تصفير السنة: وفي نفس الوقت الطالب اللي لقى روحه مش مصفي مواد هلبا من حقه يقنع ويصفر السنة

حق الطالب الناجح: وطبعاً الطالب الناجح بتعبه من حقه يبدأ وقرايته ما تتعطلش

من حقكم كـ طلبة تكونوا معززين مكرمين في بلادكم مش يبدأ هذا يحسب وهذا يتعارك

سبب اللخبطة: اللخبطة هاذي كلها صايرة بسبب قصة التمهيدي حالياً مش معروف بيلغوه ولا بيقلصوه ولولا اللخبطة هاذي كان الطالب مخيّر بين التكميلي الاستثنائي ولا يصفر

بلاش عراك وتوكلو على الله بلاش تتعاركوا وتوكلوا على ربي ومادامنا مش ساكتين وندووا عليهم لما نمشوا وجامعة عندها علم طالب يبي هذا وتاني هدا وهدا عنده ماده وهدا عنده عشره يعني مره هاذي قرار يطلع صواب ان شاء الله

الوضع الحالي: خلي نشوفوا الجامعة شن بتقرر لأنه حرفياً الموضوع مفروض محسوم من فترة حتى الطلبة الناجحين مش عارفين امتى بيبدوا

ان شاء الله تتوضح الصورة عن قريب


وياريت تقرو لكلام بهدوو إذا كان عندك غل فوته لانه حتى كان بتقرا حرف بيجيك كانه غابة رعب

من الأول كنه معاكم وزينا زيكم سيبنا قريتنا وماعمره شفنا لي روحنا لانخلصو لا شي كله لوجه ربي


لكن مش لانه جامعة لاعبه في إعدادات

تجي تنسى كل شي درناه معاكم وتنكر الخير كله


معليشي من غضوه نصكرو قنوات ولحسابات وديرو يلي يريحكم

وكدلك خلي نوضح حاجة

عندكم رسايل قناة اهني مش تعليقات رسايل خاصه متع قناة

اسم طالب رقم القيد وتكميلي ولا استثنائي

عندك رقم قيد ينحط منظومة
اسمك تكميلي ولا استثنائي

صكروا التعليقات لأن فيه طلبة الشتم عندهم عادي ولأنكم تاخذوا في نفس من الكلام
وأي طالب انحظر بيكون باعت رابط أو محول بوست قناة وتم التحذير منه أكثر من مرة

كذلك الطالب اللي انحظر وهو مش داير شيء من هادو أكيد غلط واستخدم أسلوب مش حلو فأكيد مع التكرار ياخذ حظر
ولو أي طالب بعث وقال مش قصده إبعثولي نحيه من الحظر

وأصحاب العقول الراقية اللي خايفين مش عارفة من شنو عسى الله أن يهديكم
بصراحة من البداية مكفيين وموفين لو مش عاجبك المندوبين ما كانوش مقصرين من بداية الجامعة معاكم وأنت كنت في شيتاتك الوقت اللي كانوا يحضروا ويديروا في حل

كذلك الجامعة بعد ما يتم دراسة الموضوع بخصوص التكميلي والاستثنائي حتنزل شنو صار معاهم



اي طالب موقف مايقرا يبدا يقرا ويلي يصير بعون الله يا يرضيكم يا نديرو حل بخصوصه

المندوبين وين ؟؟
نستنى في رد الجامعة لأني ما عاش بنعطي ردود، والجامعة مزال مش ثابتة في قراراتها
وبعد الاعتماد رأي واحد
ينزل القرار ونوضحوا
بخصوص التجمعات
أول ما ينزل القرار لو ما فيش شيء وما صارش من التعديلات لكلا الطرفين انزلوا ونتلاقوا

#جامعة_طرابلس
#العلوم_الطبية
على الطلبة المذكور اسمائهم ضرورة الحضور الى مكتب الدراسة والامتحانات في موعد اقصاه الخميس الموافق 2026/09/10 مع ضروروة احضار اثبات هوية مع الرقم الوطني

القوائم الخاصة بالتمهيدي 2007لطالب الناجح

تم تسليمها للكليات✔️✔️

يعني عن قريب ينزل إعلان الجامعة للتوضيح

السلام عليكم دفعتي 🤍

📢 تنبيه مهم بخصوص التسجيل في التقنية الطبية:

🔹 اللي يبي يسجل في التقنية الطبية، يمشي إلى قسم الدراسة والامتحانات في كلية الزراعة.

🔹 الطلبة اللي عندهم مواد، المهم يكونوا قاريين سمسترين.

📌غدًا آخر يوم للتسجيل في التقنية الطبية.

⚠️ مفيش رابط تسجيل يا دفعتي، التسجيل يكون بالحضور في قسم الدراسة والامتحانات في الزراعة.

بالتوفيق للجميع 🤍

توضيح بخصوص يلي صاير
حق اني ل يوم متواصله مع جامعه مفيش ولا قرار تم اتخاذه لا تكميلي ولا استنثائي حتي موضوع تمهيدي بيتلغي قاعد مش معروف شي
يعني قاعدين يجتمعوا بس مفيش ولا قرار رسمي تم اتخاده
كلها أقوال وآراء

1.
إدارة الجامعة مطالبة اليوم بتوضيح واضح: علاش كل مرة تتغير القوانين لما توصل لدفعتنا؟ إذا كان العدل مبدأ، المفروض يطبق على الجميع، مش حسب الدفعة.

2.
حني ما نطالبوش بامتيازات ولا نبو حد ينجحنا بدون دراسة. نبو نفس الفرصة اللي خذوها غيرنا. مش من حق أي جهة إنها تغير القواعد في نص الطريق وتطلب من الطالب يدفع الثمن.

3.
الطالب مش شماعة تعلقوا عليها أخطاء القرارات. أنتم اللي غيرتوا النظام، وأنتم اللي أصدرتوا القرارات، لكن في النهاية الطالب هو اللي مهدد بمستقبله. هذا مش عدل.

4.
سنوات نقروا ونتعبوا ونسهروا، وفي النهاية يجي قرار إداري يهدد كل هذا في شهر واحد. هل مستقبل الطالب أصبح مجرد قرار يصدر وينلغي حسب الظروف؟

5.
إذا كانت الدفعات السابقة عندها حق في التكميلي والترحيل، شن اللي يخلي دفعتنا مختلفة؟ نبو إجابة واضحة، مش وعود جديدة وبعدها قرارات عكس الكلام.

6.
كل مرة نسمعوا “أنتم زي الدفعات اللي قبلكم”، وبعدها تنزل قرارات جديدة تثبت العكس. المشكلة مش في كلامنا، المشكلة في قراراتكم المتناقضة.

7.
إلغاء السنة التمهيدية وتغيير النظام قرار إداري، مش قرار طالب. فكيف الطالب يتحمل وحده نتائج قرار ما كانش له رأي فيه؟ نبو إنصاف، مش تحميلنا أخطاء غيرنا.

8.
مش معقول طالب يدرس منهج مكثف، ويحمل أكثر من مادة، وبعدها يُعطى فترة قصيرة جدًا باش ينجح في الكل، وإلا يكون مصيره الطرد. هذي مش فرصة ثانية، هذي مخاطرة بمستقبل طالب.

9.
نحن تحملنا أكثر مما يجب، وطرقنا كل الأبواب قبل ما نوصلوا للشارع. إذا كان صوت الطالب ما يوصلش إلا بالوقفة، فاللوم مش على الطالب اللي وقف، اللوم على اللي ما سمعش.

10.
نبو نقولوا لإدارة الجامعة بكل وضوح: مستقبلنا مش تجربة، ودفعتنا مش حقل لتطبيق قرارات جديدة. طبقوا العدل، وخلوا الطالب يتحمل نتيجة دراسته، مش نتيجة قرارات إدارية ما اختارهاش.

| #إعلان |

تُعلن إدارة المسجل العام بجامعة طرابلس عن بدء قبول وتسجيل الطلبة الجدد المتحصلين على شهادة إتمام مرحلة التعليم الثانوي للعام الدراسي 2025–2026، وذلك للالتحاق بكليات الجامعة، عبر الرابط الإلكتروني:

https://sms.uot.edu.ly/regnew/

أولاً | المرحلة التمهيدية – الإعداديات الطبية

للطلبة الحاصلين على الثانوية بالقسم العلمي بنسبة 85% فما فوق:

- كلية الطب البشري.
- كلية الصيدلة.
- كلية طب وجراحة الفم والأسنان.

ثانياً | الكليات الطبية

للطلبة الحاصلين على الثانوية بالقسم العلمي بنسبة 50% فما فوق:

- كلية التمريض.
- كلية التقنية الطبية.
- كلية العلاج الطبيعي – المركب الجامعي (ج).
- كلية الطب البيطري.

ثالثاً | كلية القانون

للطلبة الحاصلين على الثانوية بالقسمين العلمي والأدبي بنسبة 75% فما فوق.

رابعاً | المرحلة التمهيدية – الهندسة وتقنية المعلومات

للطلبة الحاصلين على الثانوية بالقسم العلمي بنسبة 75% فما فوق:

- كلية الهندسة.
- كلية تقنية المعلومات.

خامساً | الكليات والتخصصات الأخرى

القسم العلمي – بنسبة 50% فما فوق:

- كلية العلوم.
- كلية الزراعة.

القسمان العلمي والأدبي – بنسبة 50% فما فوق:

- كلية الفنون والتصميم.
- كلية الإعلام والاتصال.
- كلية الآداب واللغات.
- كلية الآداب – السواني.
- كلية التربية البدنية وعلوم الرياضة.
- كلية التربية طرابلس (بنات).
- كلية التربية جنزور.
- كلية التربية قصر بن غشير.
- كلية العلوم الشرعية – تاجوراء.
- كلية العلوم الشرعية – طرابلس.
- كلية الاقتصاد والعلوم السياسية.
- كلية الاقتصاد والإدارة – تاجوراء.

#المكتب_الإعلامي_بجامعة_طرابلس

تواصلت مع الجامعة، ويلي صاير كالآتي 👇🏻

بيبدأ إعداد طبيات، يعني الدفعة الجديدة مش حيدخلوا يتخصصوا مباشرة في بشري، أسنان، صيدلة

حيقروا سمستر واحد فقط مواد عامة زيّنا، مش زوز سمسترات.

وبالنسبة للمواد، حيتم إلغاء بايو علم النبات، علم الحيوان وفسيو

هلباا الجامعة ظلم مواد يلي تعبو فيهم طلبة وجابو نسبات وخذو وقتهم لغوهم لدفعة الجديدة هلباا جامعتنا

بنسبه ل تخصصات
تمريض
تقنيه الطبيه
العلاج الطبيعي / مركب الجامعي
طب بيطري
يتخصصوا بنسبتهم من ثانوي طول معندهمش سنه اعداد

2008شن حظ هذا يلي عندكم الله يبارك
من جامعة والنسبة عالية هلبااا الحق😪

عليكم بالدعاء متخيلين عدد هلباا ادعو مرات ساعة استجابة

معلييشي بنرد على لبنات ليهم ايام يدوو وطايحين فينا بس نقدر ننزل يوزركم وإيميلاتكم وحدة وحدة

مني هما المندوبين اللي يدوروا في مصلحتهم يا وهمية منك ليها؟

كان ندور في مصلحتي مش يوم امتحاني الناس تراجع في المكتبة وأني بين المنسقين ندوي معاهم على الأخطاء
هذا اول شي

كان ندور في مصلحتي راهو ما شديتش مندوبة من الأساس وشاده قرايتي لكن عيبنا قلوبنا طيبه

لكن تعرفوا النماذج هذي اللي تدوي "مندوب فلان كويس والباقي ما ينفعوش وهميين" وصفتهم ونعتهم

يا أبلة أنتي وياها المندوبين يد وحدة ما فيش يوم مندوب واحد مشي للجامعة نمشوا في نفس الوقت ومع بعض ونحلوا مع بعض فـ كلامك توا ما فيش منه فايدة

وولا تدوي يخلوا فينا في الحوش نقعدو ولما هما يمشوا يديروا في روحهم تعبوا

واو لما نديروا في تجمعات يجي حمد وحميدة نفس كل تجمع والمندوبين بس بدل ما نقروا ليكون في علمك

توا وين قعدتلك مادة ولا اتنين قعدتي تعلقي وطلع عندك لسان؟

يا ادوي بالخير يا فوتيه الموضوع

ولا التانية قاتلها تقدرو تصورو كلامها مجلس تأديب
فاهمه غلط يا أبلة احني يلي نديرو مجلس تأديب لو في شخص بيديروله راهو


وحاجة تانية العيل لو ندويله يفهم مني طول
التجمع التكميلي لما قلنا تكميلي بس لأن يا أبلة (مش دكتورة ركزي مليح) لأنه قرار يعتبر خلاص خذوا عين الاعتبار بيه توا جي وقت التكميلي

وحتى في تجمع التكميلي دوينا مع الناس الكبيرة في الرئاسة على الاستثنائي والتكميلي واللي نسبتهم ضعيفة وكذلك اللي قاعدين ما بدوش

فـ مش عارفة بدل ما تفرمي فينا وتنشري في حاجات مش حلوة تطلع من شخص كبير وعاقل وخاش مجال يبي ناس قلوبهم رهيفة
وتعايري إنه مندوبة ولا مندوب عنده مواد ومش متاع قراية وجوه هياجة

بالله لو بتجي تقيمي قيمي الثانوي كورسات والتعب والناس تقرا ما فيش لا قرارات لا دفعة وجبنا في التسعينات

لكن عندكم الحق الحق فينا شدينا وجرينا على الناس بدل ما نأخذوا قرايتنا

مع احترامي للناس تدوي كلام حق وماسمعنا منهم كان لكلام الطيب

لكن كلامك مردود عليك وأني وأنتي ومن هنا ليوم الحساب حسيبكم ربي

والدفعة تعرف أحني شن كنا معاهم



واي تقولي حاضرتني ندوي حتى في وجهاا لما نصكر ونفتح النت نلقا شتم وقلت أدب اكيد بنحظر


اسفه للناس يلي مش ليها لكلام لكن كان لازم ندوي بيش يفهمو