🔺_طلبة زوجية
توكلو على ربي وان شاءلله يارب مجاوبين
📍_ المنسقة د.هبه قالت بعون الله ساهل الامتحان والكل يقدرها
#بالتوفيق 📚⌛️

🔺_زوجية بشرونا
حمدالله نشوف فيكم هلباا مجاوبيين
🔺_بالنسبه يلي يسالو على درجة نجاح 5درجات بس قعدله حنشوفوها
حتى منسقه متعرفش لكن نسالو ونردو عليكم

🔺_فرديووون
بالتوفيق يارب ف احصاء ونشالله ربي يفتحها عليكم
ونشالله يارب تطلعو مجاوبيين

🔺 بالنسبة للطلبة اللي يسألوا على أسماء المندوبين
🔺 الفردية:
• إبراهيم
• لميس

🔺 الزوجية:
• عمرو
• إسراء

وإن شاء الله نكونوا قدّ الأمانة، ونعطوا كل اللي عندنا باش نوصلوا صوتكم للجامعة، ونقعدوا يد بيد معاكم لنجاح مسيرتنا.
نعرفوا إن الوقت ضيّق والضغط كبير، لكن بعون الله الجاي كله خير، وما نِقصّروش معاكم بإذن الله 🤍

#وأي شي تسألوا عليه أو تحبّوا تعرفوه بخصوص الدراسة أو أي عائق صار معاكم، الشات مفتوح دائمًا

أول شي، نشكركم إنكم بعتولنا وخلّيتونا نوضّحوا النقطة هذي
بخصوص الدرجات (45 / 42 / 49)، احنا كلامنا كان نقلًا لدفعات سابقه وإنه في سنوات فاتت ما عطيناش أي تأكيد
ردّنا كان مبني على كلام الجامعة في سنوات فاتت إن المادة لو كانت وحدة وبدرجة قريبة (زي 45 أو 49) كانت تصفّى (درجات رحمه على ما اضن سمعتو بيها من دكاترة لو سالتو ))

لكن في نفس الوقت قلنا بوضوح إن كل سنة لها نظامها، وإننا بنشوفوا ونتأكدوا من الوضع هالسنة، وبنردّوا عليكم أول ما توصلنا معلومة أكيدة.

يعني الكلام اللي صار ما كانش تأكيد، كان نقل لتجربة سابقة مع توضيح انه ننتظروا التأكيد الرسمي وتقدرو تراجعو تعليقات
وشكرا لي تفهمكم

نكتبوا الكلام هذا بكل احترام وبنّيـة طيبة، باش تكون الصورة واضحة للجميع، لأن اللي صار كان فيه تعب وجهد ومحاولات حقيقية باش يوصل صوت الطلبة بالطريقة الصح.

من بعد النصفي، تحركنا كطلبة ومعانا عدد كبير من طلبة الجامعة، وحاولنا نتواصلوا مع الجامعة كصوت واحد. في البداية التواصل ما كانش بالمستوى المطلوب، وكان فيه تأخير وعدم وضوح في الردود.

بعدها فتحنا قناة تجمع الطلبة، ومن وقتها بدّت كل المطالب تبان في مكان واحد. القناة كانت في البداية خاصة بالزوجية، وبعد النتائج وموضوع تعديل المواد ولت مساحة مفتوحة للجميع وانظم فردية وزوجية وأي طالب كان يكتب ملاحظته أو مشكلته، كان يساعد غيره من الطلبة حتى لو بكلمة بسيطة ولو كان طالب واحد لانه مشكلته نفسها بتكون مشكلتنا

وبخصوص موضوع تقليص المنهج، تواصلنا مع منسقين ودكاترة داخل المدرجات كطلبة عاديين، من غير ذكر أسماء، لأن الموضوع ما هوش شخصي، والهدف الوحيد كان مصلحة الطلبة. ولما كان الوقت ضيق والمنهج مكثف، تحركنا بين الكليات وتواصلنا مع اتحاد الطلبة باش يكون الصوت منظم وواضح.

وبفضل الله، ثم بتعاون اتحاد الطلبة، قدمنا طلب وتم قبوله، وساعدونا في الوصول والتواصل مع المنسقين، وكانوا معانا خطوة بخطوة وقبول وتقلص منهج ولو واحد ف ميه ، وبارك الله فيهم على تعاونهم

احني طلبة زيكم، ما نمثلوش أي جهة ولا نبحثوا على اسم أو دور لذلك اسماء وقت محاضرات وتواصل معا طلبه ماندكروش القروب اللي نفتح بعد النصفي كان الهدف منه يكون حلقة وصل بين الطالب والجامعة والاتحاد، وكان غرض منه مطالب طلبه تكون وحده وغرض منه تسهيل منهج ودراسه لينا والحمد لله صارت استجابة من الفردية والزوجية، ولو جزئية، ودرنا اللي علينا، وكان الاتحاد معانا يد بيد.

والكلام هذا نزل بطلب من بعض الطلبة لتوضيح الرؤية، والتأكيد إن صوتك وصوتي يوصلوا للجامعة بطريقة محترمة وواضحة، ومن غير تشويش.
الموضوع مش سهل، لكن بالتفاهم والتنظيم نقدروا نوصلوا مطالبنا.

ان شاءالله ربي يوفقكم جميعًا، وان شاءالله النجاح يكون حليف كل واحد فيكم

طلبة الفردية
تعرفوا إن هاذا آخر امتحان، وآخر خطوة

ركزوا وما تخلوش الخوف يكون سبب تراجع
اللي قريتوه مش حيطيـر، توكلو على ربي



بالتوفيق تقدروها بعون الله

🔺_السلام عليكم

نحن مندوبين الزوجي والفردي نعلنوا انضمام الطالب سالم الغول معانا

🔺_وبإذن الله نكونوا يد وحدة مع بعض ويكون إضافة تساعد الدفعة

📍_نفتحوا صفحة جديدة ونبعدوا على أي كلام فاضي صار قبل

ونقبلوا اعتذار سالم بروح طيبة وتعاون بينا

🔺ربي يوفقنا كيف نخدموا دفعتنا بأفضل صورة

وشكراً ليكم⌛️📚

🔺_طلبة زوجية
اليوم يعتبر امتحان ماقبل لاخير
ان شالله تكون كملتو وشطبتو
بعون الله دكاترة قدها
🔺_بالتوفيق لا لتوتر ❤️📚⌛️

شن صار فيكم جماعه زوجيه ان شاء الله امور مشت على خير وتكونوا جاوبتوا🤍

🔺_فرديوون
دفعتي التجمعات دوتهم فاضيه ره مش اني كنت بندير تجمع ؟ ومصار منه شيء كم تجمع صارو وملهمش فايده خلو الموضوع نديروه بنظام
، حني حنحصرو المطالب كلهم ونجموعهم ونتكلمو بنظام وبصوت مسموع وباذن الله حقنا مش حيضيع وصوتنا حيوصل للكل نبو نكونو يد وحده ومنظمين مش عشوائيين 🤝🏻🤍
ف ياريت تستنو وحنزلولكم شن حيصير
🔺_ وموضوع كيمياءنصفي منسقه وصلوها لاخطاء وجامعه معانا ف حاليا نستنو رد منسقه بس
#مندوب ابراهيم

🔺_مقرر النبات للطلبة يلي طلبوه
السلام عليكم ورحمة الله وبركاته ... مفردات مقررعلم النبات (Botany(Bo112 :
Importance of plants
Kinds of plants; Root system&Shoot system
The flower
Plant tissues
The plant cell
Cell cycle
The anatomical structure of the primary plant organ
An ecosystem
Cellular transport;photosynthesis
Genetics
Cellular material and information
The bacteria ;Viruses
Mycology
Algae
🔺_وهاذي نبات وان شاء لله خاتمة قنينه ليكم وكلكم تصفو وتنجحو 📚🩺

السلام عليكم ورحمة الله وبركاته طلاب مقرر علم النبات وردني بأن هناك تنزيلات للمنهج باسمي ...أود أن انفي هذا الكلام وليس لي اي علاقة باي تنزيل او أسئلة اوشياتات ..المصدر الوحيد والقناة الرسمية لي هي هدة القناة وكل مايخص منهج المقرر هنا في هذه القناة ...مع تمنياتي لكم بالتوفيق والنجاح ...منسق المقرر

هذا من قناة منسقة 📚⌛️توكلو على ربي وابدو اقرو

🔺_السلام عليكم دفعة فرديووون

حاليا قاعد نوتي في الاخطاء والاستفسارات المتكرره وغدوا بعون الواحد الاحد بنمشي ونائب رئيس الشؤون الطلابيه في الاتحاد وحنتواصلو مع الجهات المعنيه بخصوصهم ان شاء الله ،

🔺_بالتوفيق للجميع

🔺_دفعة ⌛️🤌🏻
خلوكم جاهزين ...
#والجاي رد لكل الاسئلة ليكم