غدوا حنكون في الجامعة

نراجعوا من حيكون موجود الأحد من الجامعة باش نتكلموا معاه

حينفتح الشات بعون الله غدوا جو العصر ولا المغرب باش كل حد يعبر عن رأيه ويتكلم ولكم الحرية إنكم تقدموا رأيكم أهم شي يكون في المعقول ولما تسمعه الجامعة تقبله

كونوا في الموعد
التجمع مزال الأحد
حنزلو غدوا شن بيصير

توضيح لدفعة 2007 المنتسبين:

يوم الأحد يتم تنزيل أرقام القيد ليكم

مش حننزل أكتر من هكي بحكم الجامعة مزال مانزلت شي
لكن الأحد ولا الاثنين حتكون الصورة واضحة ليكم

غداً الأحد
التجمع أمام رئاسة الجامعة

الساعة 9:00 صباحاً

الرجاء الحضور من الجميع واحتياطاً إحضار بطاقة التعريف الطالب

يبدأ الحضور والتلاقُي من الساعة 9:00 إلى 9:30 وعلى الساعة 10:00

نبدأ التجمع


توكلو على ربي وان شاءالله غدوا الكل يروح مجبور الخاطر 🤍

بتفتحوا شات
لاكن كلام نطاق احترام بنشوفوا اسئلتكم بادن الله حنردوا عليها

السلام عليكم
نتواصل مع جامعة نفهم ونجي نتناقشو

تعديل بسيط الكل يعمم البوست اهوا ☝🏼

الف مبروك الماده والمادتين تكميلي السيم الاول تقدرو ترحلوو للسيم الثاني خلاص رسمياً 🥳🥳🥳

السلام عليكم توضيح

القرار التكميلي يشمل:
1. الطالب اللي كان عنده تكميلي سيم أول وقعدت عنده مادة أو مادتين

2. كذلك الطالب الناجح في السيم الأول وتوا عنده دور تكميلي

3. قرار تصفير المواد ما ليشي حل بسبب تغيير النظام لدفعة 2008
ما عاش يقدروا يصفّروا لأنه الموضوع حاليا سنة إعداد وكل طالب يتبع كليته حسب الأعداد

4. بالنسبة للطلبة المنتسبين وموضوع العدد (قديش بياخدوا من كل دفعة):
غدوة ح ينزلوا القوائم للطلبة سواء من دفعة 2006 أو 2007
والآلية ح توضح لكم كاملة

حاضر نرد على رسايل الكل ونفتح الشات

توضيح للطلبة ياريت تكونوا في الاستماع:

نظراً للكلية وشن صاير فيها من قرارات ومعش فهمنا شي
سواء التكميلي الاستثنائي أو الـ 400 طالب التنسيب
غدوة مش تجمع حيتم تأجيل التجمع ليوم الاثنين لين نفهموا من الكلية شن صاير بالضبط

حنكونو مندوبين غدوا غادي نفهمو من الجامعة كل شي بعدها
نوضحو لي طلبة ولكم حرية القرار

مفيش ولا تجمع التغي مسرع بديتو تمعمعو خيركم ؟ مع عدم احترامي للي قاعدين يفتفتو توا طبعا فالحين غير تنزلو فينا وخلاص واكككك🤣🤣🤣
المشكله ورب العباد لو انفتح تجمع متلقا منهم واحد يوقفلك فالشمس واني قلت جيت غدوه ولقيت عدد نوقف معاكم ومستحيل نرخي بحد افعلو ووروني حضوركم غدوه تره ؟!!!

الطلبة الي مزال متنسبوش اني غدوه موجود تمام ؟ والتفتفيت الزايد حولوه ع جنب خير انانيين قال شن مصلحتي فيه التكميلي اني ؟؟؟
بالنسبه للتكميلي اندار بتصويت الاغلبيه الطلبه الي فعلو وحضرو التجمع كتبو اسمائهم ورقم قيدهم وقعدو والاستثنائي عدد بسيط لو حضرتو في هداكا التجمع وكنتم اكتر من التكميلي ره انفتح استثنائي من الاول خيرونا بين الاثنين
اني هادا كلامي وهادا الي عندي وشهاده لله من اول يوم حطيت فيه رجلي لتوا مشبحتش لمصلحه نفسي ابداً واكثر حد واقعي ونوقف مع الكل امّا الفئة الي انسعرت ربي يشفيكم وليلتكم قنينه هلبا وروني حضوركم الصبح نوقفو وقفه وحده هي ☺️
ومعروفه را دير مدير ميملا عيونهم كان التراب ولكن بنساير ل آخر مره لان في ناس تستاهل وبعدها بنلها بقرايتي .
#ابراهيم

مع احترامي لصاحب الرسالة
لينا أسبوع وحني نسجلو في أسامي طلبة مشاكلهم

ما فيش ولا طالب على النسبة إلا يومين فاتوا بس
هادي أول شي

كذلك طلبة التكميلي والاستثنائي وقت التجمعات ما فيش ولا طالب جي متنسب وقف معاهم لو بندوي في الحق

كذلك منشور المندوب إبراهيم واضح جماعة النسبة غدوة في تجمع لكن في فرق بين إنسان عاقل يعبر بطريقة محترمة وفي فرق بين إنسان يحب الهجوم والبهارات

يتم الرد على جميع الرسايل وينفتح الشات

حاولت رديت على الكل 50رسالة قاعدين مارديت

راجعو تعليقات مش السوال نجاوب عليه اكتر من مره
اي جواب مش موجود ابعتولي نرد عليكم