الاسئلة بإذن الله في متناول لقاري 😁 … كلها من الشيتات مافيش سؤال خارج المنهج … اهم شي لما تقروا تفهموا مش تحفظوا بس

عدد الاسئلة 48

ماتخربشوش يدياتكم حتروحوا بيهم الاسئلة

الاسئلة حتكون من كل الشيتات بإذن الله … ركزوا وانتم تقروا بس وافهموا وبإذن الله حتجيبوا درجات قنينة زيكم

بالنسبة ل protein separation اهم شي الفهم وشن المميز في كل وحدة … اسهل جزئية في البروتين ره … تلقوني حاطتلكم حتى فيديوهات من اليوتيوب في القروب تفرجوا عليهم … لما تفهموهم حتلقوا الجزئية هادي لمعذبتكم (🙂) هلبا ساهلة

#بايو منسقة هبه الغول 🤍

الامتحان حيكون من المنهج، والتجميعات مانعتمدوش عليهم هما بس .. لان هما اساساً موجودين للمراجعة واختبار نفسك ولكن مش حتكون اسئلة الامتحان نفسها ولكن حتكون الافكار متشابهه


الرسمات ركزوا على انكم تعرفوا المجموعات الوظيفية المميزة وتقدروا تميزوا بينهم من ال R chain …


فصل لبروتين زي ماقلنا في المحاضرة اهم شي الفهم نفهم الفكرة العامة والمبادئ الاساسية لكل طريقة.
ملاحضات على بايو 🚨

الامتحان سيشمل الأجهزة الأربعة جميعها، لذلك يجب التركيز على دراستها كلها وعدم إهمال أي جهاز
صحيح أن الجهازين الهضمي (Digestive System) والتناسلي (Reproductive System) قد يكون لكل منهما سؤالان أو ثلاثة أسئلة إضافية مقارنةً ببقية الأجهزة، وذلك لأن محتواهما أكبر، لكن جميع الأجهزة لها نفس الأهمية، وستكون الأسئلة موزعة على جميع أجزاء المنهج

نطلب منكم التركيز على الاجابه وعدم التسرع وان شاء الله الامتحان ايكون في متناول الجميع .. ربي ايوفقكم وايسهل خطاكم الي طريق النجاح


رد المنسقة دكتورة بارقة
للتوضيح ⏳

السلام عليكم ورحمة الله وبركاته

نودّ التنويه إلى أن جميع الطلبة الذين يؤدون الامتحان في قاعات غير القاعات المخصصة لهم، يُرجى منهم مراجعة مكتب الدراسة والامتحانات بكلية الزراعة بعد الانتهاء من الامتحانات.

ونؤكد على أهمية أن يلتزم كل طالب بالقاعة المخصصة له، وأن يوجّه اهتمامه إلى أداء امتحانه، مع عدم الالتفات إلى الشائعات أو المعلومات غير الموثقة، بما في ذلك ما يُتداول بشأن إعادة الامتحان للطلبة الذين تغيّرت قاعاتهم، إذ إن ذلك غير صحيح ولا أساس له من الصحة

نتمنى لكم التوفيق والنجاح

الإجابة النموذجية للإمتحان النهائي لمادة الكيمياء الحيوية

تنويه بخصوص مادة علم الحيوان:
تم التواصل مع الدكتورة للاستفسار عما إذا كان هناك جزء أو موضوع يحتاج إلى تركيز أكبر أثناء المذاكرة.

وكان رد الدكتورة:
لا يوجد جزء معين، جميع الموضوعات لها نفس الأهمية، وسيكون الامتحان بنفس نمط الامتحان النصفي وظائف مميزات خصائص بإذن الله

نتمنى لكم التوفيق والنجاح في امتحاناتكم ♥️

https://www.facebook.com/share/1EWxHFaMb2/?mibextid=wwXIfr
تاكدو من مكان لامتحان للجميع مراجعه 📌

عيلة فسيو
دكتورة تسأل عليكم طمنوني عليكم جاوبتو 🫣❤️‍🔥

السلام عليكم ي طلبه
رد المنسقه بخصوص خمسه اسئله بأنهم ضمن شرح المحاضرات وهادا شي يلي يفرق في حضور
وان شاء الله كلكم جاوبتو وموفقين 🤍

🚨كيف تم لامتحان منسقه عندها ظرف
حاليا رد سريع كان
نشوفو دكاترة وقسم ومنسقه وندوو

🚨دكاتره ياريت نقاش يقعد بينكم بكل احترام

تقعدو تتعاركو وتدو بلا سلوب بين بعض يجي حظر بلا تحذير ولا نقاش 🚨📌

اخديت إذن دكتوره قتلي نزليه
زي مقتلكم يعني فيه اسئله بتجي من شرح نفس نصفي يعني كان نفس شي
هي موفقين دفعتي

السلام عليكم
نود اعلامكم بانه
الي عنده خطأ يراجع بروحه كويس يتأكد ويتوكل على الله يوم الاحد يقدر يراجع في كلية الزراعه
مكتب الدراسه والامتحانات

إمتحانات الاعاده الاسبوع الجاي لا الاسبوع يلّي بعده يعني تقريباً التاريخ بيكون 26/7

والاسبوع الجاي تقديم الاعذار تقريباً المهم متمشوش لعند ينزل اعلان من صفحة قسم المواد العامّه

📣 من غدا تقدرو تتوكلو لطلبه يلي عندهم مراجعه في نماذج 📋 عنده خطاء او مشكله في درجته

#درجات نصفي 📌

جدول لاعاده 📌

🚨🚨
لطلبه عندهم اخطاء في نموذج
خلي ندويلك قبل لا تمشي

لازم تسحب ورقتك ورقة جامعة
وتتأكد من الخطاء قبل
بعدها تتوجه إلى زراعه قسم مواد عامة

#نصفي

حتكون النتيجه بعد الانتهاء من امتحانات الاعاده
منقول من / م حموده
بتوفيق ان شاء الله

يسالو هلباا طلبه باللهي شنو ومش عارفه /مقصد انه انتو نتيجة متعكم يحاولو يجهزو فيها ويقعدو على طلبة لاعاده بس وهم تطلع نتيجة بسرعه 📌