بخصوص مادة الإحصاء
ونظراً لكثرة الرسائل والاستفسارات من الطلبة الذين يطالبون بإشراف الدكتور جمال على أسئلة الامتحان:
توضيح بخصوص فويس المندوبين كما نزل سابقاً في التسجيل الصوتي من قِبل المندوبين فقد تم النقاش بالفعل مع الدكتورة إيمان والدكتور جمال بالخصوص
انتظار نتائج النصفي
من تم الإجراء الحالي هو انتظار إعلان درجات الامتحان النصفي أولاً

مراجعة الإحصائيات ونسب النجاح بعد ظهور الدرجات سيتم الاطلاع على إحصائيات المادة ونسبة النجاح والرسوب وفي حال تبين وجود نسبة رسوب عالية أو تدني في الدرجات (لا قدر الله) سيتم التدخل والإشراف على أسئلة الامتحان النهائي لضمان أن تكون في مستوى الطالب وتراعي مصلحة الجميع

راهو هذا رد عليكم يلي ذكرو أسم دكتور جمال بس حبيت نبلغكم هوا نفسه قبل كان معا دكتورة إيمان ومندوبين وتناقشو عليها

السلام عليكم دفعتنا كيف حالكم إن شاء الله تكونوا بخير
بعد ما سمعنا كلامكم و أرائكم يلي كتبتوها في قروب المناقشة قررنا حني المندوبين انه بإذن الله حنديروا تجمع يوم الأحد الجاي الغرض منه انه نسمعوا من بعض و نقرروا شن مصير الدفعة في الأيام المهمة الجاية
فياريت الكل يجي خلي نتفاهموا شن حنديروا القدام و كيف حنوصلوا للحل
مكان التجمع حيكون في البشري بعدين حنزلولكم وين بالزبط
الموعد من الساعة 9-12
ياريت الكل يكون حاضر باش ناخدوا راي الكل و الله أعلم بالك حد يوصللنا براي

ركزو لمكان ؟البشري
التوقيت ؟لاحد
الساعه ؟من تسعه لا 12
ياريت تجو الكل
ومواضيع كل مواد وكل نظام تمهيدي مش احصاء وعربي بس

هل الحضور إجباري
طبعا اي
مش مسؤولين عن أي إنسان يقدر يجي وميجيش ومش مسؤولين ع اي شخص يخش ف القنوات أو القروبات ويقعد يفتفت مفروض هك وكانا هك واشبح شن
عندك حاجة الاحد الكل ب يتعب و بيحضر تعالا قول
واللي عنده ضرف اسأل الله العضيم أن يكون ف عونه

دفعتنا زي ما قلنالكم التأكيد على مكان التجمع حيكون اليوم .
توصلنا أنه أحسن مكان حيكون جيهة المدرجات في كلية الطب البشري من الساعة 9 للساعة 12 .
و بإذن الله لو ربي سخر حناخدوا أحد المدرجات مكان تجمعنا أما مدرج مزال مش معروف غدوة الصبح انزلولكم أي مدرج فيهم .
ياريت الكل يكون حاضر و بالتوفيق للجميع 🤍 .

هلبااا من الدفعة قلوبهم نار على قرايتهم لكن في الرسمي ما يجي حد! أ ضيعو في كل شيء
الكل يتكلم ويفتي في النت: 'ديروا ومفروض، وما حد قاللكم تشدوا...' وبس!
لكن لما تجي للواقع، تشوف المواقع كلها سكوت!
ولا اللي عنده كورس، واللي ينزل عليه حب مفاجئ يحضر محاضرة في الجامعة... إلخ
هياا مرة وحدة كونوا ناس صح وأثبتوا وجودكم

شوي ونزلو موقع

لمكان اهني ياعيلة جنب المكتبه

وأي حد يصور ممنوع 🚫

الساعة 10:30 حنبدوا ياريت الكل يكون حاضر

الله يبارك حظور من درجة ميه هلبااا تعرفو حظور كان مش هلبااا
دفعه ميديا بس
بارك الله في كل من جي وكان قلبه على دفعه وعلى قرايته

🚫وكدلك بوست واحد وعشره وميه نزل انه روابط وتحويل قنوات اهني ممنوع راهو حظر معاش بنمسح بس حظررررر

??

السلام عليكم ورحمة الله تعالى وبركاته
اليوم في الجامعة مشيت للدراسه والامتحانات والمسؤولين عن التمهيدي وملخص الي صار معاي بخصوص ورقة المطالب كالآتي
1 الرّد على موضوع توحيد المقررات وعدد الاسئلة وكذالك امتحان العربي مقالي قالولي دامه مفيش شيء خطأ او مش من المنهج ميحقش للطالب يفرض على المنسق شن يدخل وشن يلغي دامه من المقررات وقالولنا ان الدكاتره محدش يحضرلهم ويشكو من الشيء اهوا يعني انتم ك طلبة متحضروش في الجامعه ولا تندرو ع المحاضرات ميحقلكمش تطلبو وتبوهم يساعدوكم وانتم متحضروش من الاساس

2 الاحصاء واضافة ورقة للحل قالولي ان لو الاسئلة مزالت مندارتش ومدبسوهاش حاضر حيضيفو ورقة للاجابه

3 موضوع زيادة الوقت كذالك الرد عليه انه مخالف للوائح الخاصه بالجامعه وان اي طالب مياخدش وقته كامل في الامتحان ولي هوا ساعتين يمشي فنفس اليوم للكيمياء ويقدم شكوى

4 الاعاده حيتم التشديد فيها بشكل كبير والي يزورو في ورقة الدخول والخروج حيتبعو وراهم المستشفى يعني الموضوع مش ح يتهاونو فيه لان فات عن حده الاحصاء والكيمياء كلها امتحنت اعاده

5 النتيجه مزال مش معروف شيء عليها في احتمال ان بتكون بعد اسبوعين والاكيد انها قبل الامتحانات

6 اخطاء الامتحانات النصفيه سؤال الفسيو فقط حيعطو درجته والباقي راجعوهم اعضاء هيئة التدريس ورؤساء القسم وكان في سؤال فيه خطأ مطبعي حيتم التعويض عليه تلقائياً مع العلم انّه تم تسليم جميع لأخطاء يلي كتبناها معاكم
وربي عطينا كل يلي علينا دعوة جماعه انه ربك يفرجها علينا
وبارك الله في جميع