بالنسبة لبرنامج الـ"جيمنت" والذكاءالاصطناعي الـ ظهر فجأة…
لازم نصحى ونفهم إن دا مش مجرد لعبة...!
ظهور الذكاء الاصطناعي مش صدفة، إحنا دلوقتي في زمن أي صورة تنزليها
ممكن تتاخد وتتغير وتستخدم ه ضدك،
وممكن بكرة تلاقي صورتك معمولة في حاجات مترضيكيش وانتِ أصلاً ما عملتهاش.

تخيلي إنهم ياخدوا صور البنات كلها ويجمعوها،
وبعد فترة يعملوا بها حاجة تضر سمعتهم أو يفضحوهم...!
كده الذكاء الاصطناعي نجح في هدفه: إنه يسرق خصوصيتنا ويكشف سترنا.

يا بنات، خلي بالك…
مفيش حاجة مجانية بتتعمل للخير بس،
كل برنامج وراه هدف، وإحنا لازم نستعمل التكنولوجيا صح
قبل ما هي تستعملنا وتضرّنا.

ديننا علمنا الحياء، والنبي ﷺ قال:
"الحياء شُعبة من الإيمان"
وما ينفعش نفرّط فيه مهما كان التطور.
حافظي على نفسك وصورك…
لأن يوم ما يحصل مصيبة مش هتقدري ترجعي الـ فات، والندم وقتها ملوش لازمه
وأخيراً مش كل نيلة اسمه تريند يطلع تقلدوه فوقوا بقااا

السلام عليكم ورحمة الله وبركاته
صباح الخير يا شباب

يقول ابن القيم رحمه الله في فوائد الصلاة على النبي ﷺ: "أَنَّهَا سَبَب الْبركَة فِي ذَات الْمُصَلِّي وَعَمله وعمره وَأَسْبَاب مَصَالِحه؛ لِأَن الْمُصَلِّي دَاع ربه يُبَارك عَلَيْهِ وعَلى آله، وَهَذَا الدُّعَاء مستجاب، وَالْجَزَاء من جنسه"..

فاللهم صل وسلم وبارك على سيدنا محمد وعلى آله وصحبه وسلم.

الجمعة
يوم رسول الله صلى الله عليه وسلم

جاء في حديث أبي بن كعب قال: قلت: يا رسول الله إني أكثر الصلاة عليك، فكم أجعل لك من صلاتي؟ فقال: ما شئت، قال: قلت: الربع؟ قال: ما شئت، فإن زدت فهو خير لك، قلت: النصف؟ قال: ما شئت، فإن زدت فهو خير لك، قال: قلت: فالثلثين؟ قال: ما شئت، فإن زدت فهو خير لك. قلت: أجعل لك صلاتي كلها، قال: إذاً تُكفى همك، ويغفر لك ذنبك. رواه الترمذي، وحسنه الألباني. ورواه الإمام أحمد والحاكم في المستدرك

‏"صلّى الإله على النّبيّ محمّدٍ
والآلِ والأصحابِ خير عِبادِ" ﷺ

"Life goes on "
يعني لو مدخلتش الكليه اللي انا عايزاها مش هيحصلي حاجه هدخل غيرها مدخلتش طب هدخل صيدله و أبقي شاطره مدخلتش صيدله هدخل معهد فني صحي و هبقي شاطره هدخل تجاره، هدخل السن و ابقي شاطره .... there are so many choices .
ايا كان ربنا كاتبلنا اي لازم نكون شاطرين فيه ، always remember ، الشاطر فينا مش اللي هيجيب مجموع عالي فـ الثانويه الشاطر فينا اللي هيعرف يثبت نفسه فـ الكليه و المجال اللي ربنا أختاره لي💚 .
حبيت اكتب الكلام ده دلوقتي عشان الناس اللي بتقول أنها مكتئبه و إن الثانويه بالنسبه ليهم آخر الدنيا ، الدنيا مش هتقف يا جماعه و الله و هتكمل, and you have to deal with it
بس كده مساء الخير 💚🕊️

آيـة مرعبـة
"وعصيتم من بعد مَا أَرَاكُم مَّا تُحِبُّونَ"
تخيل أول مايرزقك بفلوس .. تقوم تشتري سجاير

يرزقك بصحة .. تقوم تكسل عن الصلاة وتنام وقت الفجر
يرزقك بأطفال .. تقوم تعلمهم كل شيء إلا دينهم
يرزقك الله بالستر، فتتجاهر بالمعصية وتفخر بها بين الناس...!
يرزقك الله بالوقت والعمر، فتضيّعهما في اللهو والغفلة وتنسى القرآن...!
يرزقك الله بالسمع والبصر، فتستعملهما في الأغاني والحرام لا في الطاعة..!

هذا للمثال وليس الحصر
أهكذا تحمد الله على الرزق والنعم..؟!
ما رأيك لو أعطيتني هدية فحرقتها أمامك أو مزقتها أو صرفت وجهي عنك دون كلمة شكر؟ كيف ستشعر...؟!
فما بالك برب العالمين...!
غفرانك ماعبدناك حق عبادتك

السلام عليكم ورحمة الله وبركاته
صباح الخير يا شباب

يقول الله تعالى: {وَأَن لَّيْسَ لِلْإِنسَانِ إِلَّا مَا سَعَيٰ * وَأَنَّ سَعْيَهُ سَوْفَ يُرَيٰ * ثُمَّ يُجْزَاهُ الْجَزَاءَ الْأَوْفَىٰ}..

مهمتك في الدنيا هي السعي والمحاولة..
محاولة للتوبة، محاولة للثبات، محاولة للتقدم في طريق الله..

فاتعلم تسعى وتحاول كل يوم، ويفتح الله وقتما شاء، كيفما شاء..

فمنك السعي ومن الله سبحانه الفتح والإعانة؛ فتوكل عليه ولا تحمل هم الوصول..

وافتكر دايمًا إن مفيش حد بيحاول وبيجيب صفر!

> الشباب والبنات اللي بيبدؤا سنة دراسية جديدة
☜ هنتعاهد على شوية حاجات ماتقعش مننا في أول أسبوع دراسة :-

■ هنركز دايما على الصلاة
>> اوعى فرض يروح منك
>> اوعي تجمعي الصلوات مع بعض عشان المدرسة والدروس أو الجامعة
● الفروض خط أحمر ربنا اللي حدد لنا مواعيدها فنصليها في وقتها بالظبط
》{إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا}

■ غض البصر
>> اوعى تنسى تغض بصرك وأنت في الجامعة، في الدرس ، في الشارع......
● ضروري نركز في غض البصر ومانستسهلش أو نتعايش مع إطلاق البصر في الاماكن دي

■ الغيبة والنميمة
>> اوعي تتساهلي في الكلام على أي حد أو في نقل الكلام بين زمايلك
● الغيبة والنميمة محرقة الحسنات
فنحفظ لساننا من الوقوع في الزلل

محتاجين نركز إن تكون أيام الدراسة أيام تقربنا من ربنا وتكون الأيام دي بكل تعبها حجة لنا لا علينا يوم نلقى الله تعالى♡

- د. محمد انور
#رسايل

‏إنْ عَظُمَ مَطْلُوبكَ فاللهُ أعظم...
وإنْ كَبُرَ هَمُّكَ فاللهُ أكبر .

‏﴿ قل الله ينجيكم منها ومن كل كرب ﴾،

﴿ إنما أمره إذا أراد شيئًا أن يقول له كن فيكون ﴾.

‏" وقد تَبْدُو النَّوائِبُ دُوْنَ حَلٍّ

‏وَفِي بَوَاطِنِ ضِيقها فَرَجٌ قَرِيْب....! ♥️".

متبقاش سايب فروضك وسايب القرآن ومصاحب ناس بتاخدك في طريق الضلال وأول ما تزعل تجري تسمع أغاني وتجاهر بالمعصية...!

وتيجي تعيط وتقول هي الدنيا قافلة في وشي ليه...؟!

طب بالله عليك، تتظبط في وشك إزاي وإنت بتروح من ذنب لذنب لذنب ومش هاين عليك تفتكر ربنا في وقت ضيقتك حتي..!

فُوق.. قبل ما يجي الوقت اللي هيعدي الوقت فيه.🤎

السلام عليكم ورحمه الله وبركاته
صباح الخير ياشباب
.

🎓 مع بداية الدراسة… اسأل نفسك: داخل الجامعة عشان تتعلم وتنجح؟ ولا عشان تضيّع وقتك في اختلاط وفتن؟

طريقك للنجاح مش محتاج تقعد مع بنت ولا تكلمي شاب بغير ضرورة… اللي عايز يثبت نفسه يقدر من غير تنازلات.

قال النبي ﷺ: "ما تركتُ بعدي فتنة أضر على الرجال من النساء."
وده تحذير صريح من النبي ﷺ عشان ننتبه ونحذر.

خلّي شعارك في الجامعة:
"علم + التزام = رضا ربنا ونجاح"

💌🫧

كثر موت الفجأه”لمثل هذا فأعدوا“))🕊

{فَأَنسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ}

تخيل شكل الابتلاءات في حياتك لما تنسى ذكر ربنا هتبقى عاملة إزاي...!
لو ما ذكرتش ربنا، هتفضل في سجن الأحزان والهموم النفسية.
ولو عايز تقلل مدة الابتلاء في حياتك... أدمن ذكر الله؛ فهو أعظم علاج للمشاكل النفسية.

الذكر عبادة سهلة... لكن أثرها عظيم.
كل لحظة بتذكر فيها ربنا، رحمته وقوته ومدده بيزيدوا في حياتك.
الذكر بيقصّرلك المسافات، ويخلّيك ماتحسش بالمشقة.
قال الله في الحديث القدسي: «وأنا معه إذا ذكرني»،
فلو ربنا معاك في ابتلاءك... هتخاف من إيه...؟!

#فأنساه_الشيطان_ذكر_ربه

•
"فيا سيّدي جُد بالهِباتِ فإنني
مقيمٌ على الأعتاب لستُ بتاركِ!". .💜🖇

﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾.

لَزِمها بافتقارٍ شَديد، وكرّرَها في قِيامه وصَلاته؛ وكُل أحايينِ يومه...!

فجاءَته الوَظيفة، والزّوجة؛ وهِباتٍ قال بعدَها:
أصبحَ في عُمري تاريخًا جَديدًا بَعدَ هذا الدّعاء...!

السلام عليكم ورحمة الله وبركاته
صباح الخير يا شباب

قال رسول الله ﷺ: "مَن أصبحَ منكم آمنًا في سربِهِ، مُعافًى في جسدِهِ، عندَهُ قوتُ يومِهِ، فَكَأنَّما حيزت لَهُ الدُّنيا"..

فاستشعر نعم الله عز وجل عليك في أمنك وعافيتك ورزقك وأمرك كله، وتعبد لله بحمده وشكره.

الحمد لله الذي آوانا وكفانا وأكرمنا.

يقول احد السحرة :
كنت ارسل الجن لاشخاص لكي اسحرهم .
بعض الاشخاص كنت اسحرهم بسرعه
والبعض ارسل الجن فيعودون ويقولون نسمع صوته ولاكنا لم نراه .
والبعض ارسل له الجن فيقولون رأيناه من بعيييد ولاكنه ضاع علينا .
واما بعض الاشخاص ارسل لهم الجن ليسحرونهم فيعودون الجن ويقولون لم نجده .
ثم ارسل الجن المرده وهم اقوى من اللي قبلهم
.فيعودون المرده ويقولون لم نجده ..
ثم ارسل له العفاريت وهم اقوى الجن فيعودون ويقولون ضربنا مشارق الارض ومغاربها ولم نجد هذا الشخص .
فاقول لهم كيف لم تجدوه هوا في بيته او في عمله بمحل كذا وكذا فيقولون ذهبنا ولم نجده ابدا .
يقول الساحر بعد ان تبت عرفت ان الاشخاص تختلف بأختلاف تحصيناتهم وقوة طاقتهم والهالة المحيطه بهم . فمنهم من لايتحصن وهذا يكون اصتياده سهل
ومنهم من يتحصن وينسى او يقصر في صلاته .
وهذا النوع يسمعوا صوته ويكاد ان يروه .
واما الاشخاص الاكثر تحصينا
فلايجدونه في الارض كلها ولن يروه حتى وان سكن بينهم .

(وَإِذَا قَرَأْتَ الْقُرْآنَ جَعَلْنَا بَيْنَكَ وَبَيْنَ الَّذِينَ لَا يُؤْمِنُونَ بِالْآخِرَةِ حِجَابًا_مَّسْتُورًا)

سورة الاسراء (45)

.
النهاردة الماتش الساعة ٨ وتقريباً ٩٠٪؜ من الشعب المصري هيتفرج عليه، حابين نذكر الناس ان صلاة العشاء بتأذن الساعة ٨ وده وقت ميعاد الماتش، في ناس هتصليها بعد الماتش ما يخلص وفي ناس هتنسى ان في صلاة من الأساس

لكن صلاتك اهم من اي شىء ومن أي حدث وهي اللي هتنفعك في آخرتك وهتكون شفيع ليك يوم القيامة، صلي العشاء في جماعة وارجع استمتع وشجع وافرح براحتك مع الماتش

عنْ عثمانَ بنِ عفانَ رضيَ اللَّه عنهُ قالَ : سمعتُ رسولَ اللَّه صَلّى اللهُ عَلَيْهِ وسَلَّم يقولُ : ( مَنْ صَلَّى العِشَاءَ في جَـمَاعَةٍ ، فَكَأَنَّما قامَ نِصْف اللَّيْل وَمَنْ صَلَّى الصبْح في جَمَاعَةٍ ، فَكَأَنَّما صَلَّى اللَّيْل كُلَّهُ )
#منقول

السلام عليكم ورحمة الله وبركاته
صباح الخير يا شباب

كظم الغيظ مش ضعف، بل مهارة وعبادة خفية..
إنك تكظم غيظك وتختار الهدوء في وقت الغضب، دي قوة لا يقدر عليها إلا القليل..

فتحكم في نفسك عند الغضب، واختر الصبر والعفو..
واطمئن، لن ينسى الله غيظًا كتمته، ولا أجرًا احتسبته.

.
- لا تجعلي عرضكِ رخيصًا، فإنّه أغلى ما تملكين، ولم يأتِ هذا الشرف من فراغ؛ بل وراءه أبٌ سهِر وربّى، وأمٌّ دمعت وأصلحت، وأجدادٌ حملوا الدين وحافظوا على المروءة. فصوني تاج عفّتكِ، واحفظي جدار طهركِ، وكوني على خطى حفيدات خديجة وعائشة رضي الله عنهما. إن العرض إذا انكسر لا يجبر، وإذا ضاع لا يُسترجع، فاتقي الله في نفسكِ، وتذكّري أنّ الله مطّلع، وأن الملائكة شهود، وأن يوم الفضيحة أقرب مما تظنين💗💗.

لاخير في زوج لا يأمر زوجته بالستر

قيل : أين ذهب حياء النساء...؟!

قالوا : ذهب يبحث عن غيرة الرجال .

نقول تاني وتالت وعاشر
مهم اووووي وأنت بتصحي ابنك أو بنتك للمدرسة👌...
تقوله يصلي الفجر قبل ماينزل
الشروق دلوقتي الساعة ٧ إلا ربع في القاهرة والمحافظات قريبة من الوقت ده
يعني الوقت اللي ابنك بيجهز فيه للنزول ده وقت صلاة الفجر أصلا وطبعا بعد الشروق كده الفجر ضاع وبقى قضاء
فاغرس في ابنك وبنتك أهم عادة ممكن يتعودوا يعملوها إنهم يصلوا الفجر قبل مايروحوا المدرسة مهما كانوا متأخرين والطابور هيبدأ و...و...
صحيهم بدري خمس دقايق بس
وحتى لو ابنك يدوب لسه مكمل سبع سنين ...عوده قبل مايروح المدرسة يصلي الفجر..دي فترة تدريب وهو كده كده صاحي فبلاش نحسسه إن المدرسة أهم من الصلاة

مش هتتخيل كم الحسنات اللي هتبقى في ميزانك مع كل صلاة فجر ولادك هيصلوها طول عمرهم فاغرسها صح واوعى تكسل👍

#رسايل