.
السلام عليكم ورحمة الله وبركاته
صباح الخير يا شباب

يوم الجمعة مش بس عيد للمسلمين!

ده كمان تذكرة لينا باليوم اللي هتتغير فيه كل حاجة، وهتنتهي فيه رحلة الدنيا تمامًا لكل مخلوق على وجه الأرض..
وهتبدأ فيه رحلة تانية مالهاش نهاية!

يقول النبي ﷺ: "خَيْرُ يَومٍ طَلَعَتْ عليه الشَّمْسُ يَوْمُ الجُمُعَةِ، فيه خُلِقَ آدَمُ، وفيهِ أُدْخِلَ الجَنَّةَ، وفيهِ أُخْرِجَ مِنْها، ولا تَقُومُ السَّاعَةُ إلَّا في يَومِ الجُمُعَةِ."

فكل جمعة تيجي، افتكر:
"فيه لقاء، فيه حساب، فيه جنة ونار"

فاستعد من دلوقتي بالطاعات، والتوبة الصادقة.

.
هذا وقت تحقيق الأمنيات هذا وقت رد المكروهات هذا وقت تنزّل الرحمات

‏لكل مريض، لكل محروم ، لكل خائف، لكل موجوع، لكل مظلوم ،
‏لكل مسحور ومحسود

‏تطهّروا وارفعوا أيديكم وأسألوا الكريم سبحانه

عن رسول الله -ﷺ- قال:
«إنَّ في الجمُعة سَاعةً لا يسألُ اللهَ العبد فيها شيئًا إلاَّ أتاه اللهُ إيَاه، وهِيَ سَاعَةٍ بَعدَ العَصر»

‏ورجّح العلماء انها آخر ساعة بعد العصر.

‏‌ #يوم_الجمعة⁩
‏‌ #ساعه_استجابه⁩

من الآن للمغرب
اغلق هاتفك
خُذ مكانًا بعيدًا هادئًا
لتناجي ربك وتُلح في الدعاء لإخوانك..

الدعاء سلاح المؤمن، لا تستهينوا به، به تُكابد الأهوال، وتُرفع المحن، ويُستجلب النصر!

لاتسنوا من صالح دعائكم بظهر الغيب

.
السلام عليكم ورحمة الله وبركاته
صباح الخير يا شباب

أوقات بنسمع جملة: "أنا مش مستعد دلوقتي!"
لما بنتكلم مع حد عن فعل طاعة واجبة، أو ترك ذنب..

بس الحقيقة إن أوامر ربنا مش حسب استعدادنا..

أوامر ربنا مافيهاش غير "سمعنا وأطعنا"..

ولو كل واحد استنى "يستعد"، يمكن العمر يخلص قبل ما يبدأ!
واللي بيستنى لحد ما يكون جاهز بنسبة 100 %، ممكن ما مايوصلش أبدًا.

فابدأ حالًا، وما تأجلش.

قررت أشتغل مدير عقارات… بس في الجنّة!

أيوه، في الجنة.
كل مرة تقول:
"سبحان الله العظيم وبحمده"
مبروك عليك! نخلة اتغرست ليك في الجنة.

تخيل؟!
كل تسبيحة = نخلة
والنخل هناك مش زي نخل الدنيا…
طَلعُه رُطَب من الجنة، وظلّه لا يُقاس!

قال النبي صلى الله عليه وسلم:
"من قال: سبحان الله العظيم وبحمده، غُرِسَت له نخلة في الجنة."
(رواه الترمذي وصححه الألباني)

يعني تقدر تغرّس لنفسك نخل كل يوم،
والفدادين هناك كتيرة… وما بتخلصش!
بس انت اللي تحدد… عايز تزرع قد إيه؟

ابدأ من دلوقتي، وخلّي لسانك رطب بذكر الله.

.
‏يا أحبّه لا تغفلوا أنتم في الأشهر الحرم

الأجر فيها مضااااعف أجر الذكر عظييييم وهو من اسعد العبادات فإذا مضت عليكم لحظات لم تذكر فيها الله فبادروا بتهليلة وتكبيرة وتسبيحه وهذا أقل القليل وأعظمه !

أطول موسم عبادة ذو القعدة وذو الحجة و شهر الله المحرم.***

يا شباب ويا بنات،
الفتن حوالينا كتير.
فلو حسيت إنك ضعيف ومش قادر تبعد عن الغلط، أو الشيطان بيزين لك الحرام... الحل في كلمة قالها نبي كريم لما اشتدت عليه الفتنة:
﴿وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ﴾.

سيدنا يوسف، وهو نبي، طلب من ربنا يصرف عنه كيد الفتن، مع إنه كان بعيد عنها.

اقفل أبواب المعصية، وماتفتكرش إنك قوي لوحدك.
قوتك الحقيقية في لجوئك لربنا ودعائك.

ابعد عن الفتن وادعي ربنا يثبتك، ووقتها هتلاقي وعد ربنا الحق:
﴿فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ﴾.🫧

.
السلام عليكم ورحمة الله وبركاته
صباح الخير يا شباب

أوقات تحس إنك تايه، والأبواب كلها مقفولة أدامك..
ومرة واحدة تلاقي خير كتير وفرج من ربنا جاي من جهة ماكنتش تتخيلها!

قال الله تعالى: {...إِنَّ رَبِّي لَطِيفٌ لِّمَا يَشَاءُ ۚ إِنَّهُ هُوَ الْعَلِيمُ الْحَكِيمُ}

ربك اللطيف يُحسن إليك، ويدبر أمرك من غير ما تحس.

فاطمئن..

> حصنَكُم")🤍.

أذكار الصباح وردك من القرآن

.
تَوَكَّلتُ علىٰ الله🕊
*في خُطَّتي وخُطوَتي ودراستي *وحفظي ومحاولتي وعثرَتي وفكرتي وسِرِّي وجَهري ومهمّتي، تَوَكّلت علىٰ الله
*وفي أدَقّ تفاصيل يومي، في الصَّمت والصَّوت والحركة والظِلّ والخَفاء، تَوَكَّلتُ لأنّي أُحبّه، "إِنَّ اللَّهَ يُحِبُّ الْمُتَوَكِّلِينَ"💚

.
السلام عليكم ورحمة الله وبركاته
صباح الخير يا شباب

يقول الله تعالى: {وَاتَّقُوا يَوْمًا تُرْجَعُونَ فِيهِ إِلَى اللهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ}

الآية دي كفيلة تخلي كل واحد فينا يراجع نفسه في حاجات كتير في حياته..

كفيلة تخلينا نفكر كويس قبل كل خطوة في حياتنا..

كلنا هيجي علينا اليوم دا لا محالة، فلازم نعمل حسابه.

.
رمِّم إسلامك..
جدِّد إيمانك..
اقهر أحزانك..
عالِج آلامك..
أسعِد نبيك والملائكة والصالحين..

‌ #افتح_مصحفك

.
عندي ابن أختي بعد محاولات كثيرة أنه يروح الحضانة وبعد تاجيلات جبت له ادوات الخاصة بالحضانة اللي هي أو مره أسمع عنها 😃

وبعد عناء راح أول يوم حضانه بقوله أخدت ايهه في الحضانة قالي انكليزي ياعتالله {عبدالله }
قولته أنت بتفهم عربي علشان تاخد انجليزي قالي بكرة في عربي وحفلة التخرج بتاعتنا
سليم خلص الدارسة في يوم واحد حضانة

"يوم عرفة باقي عليه شهر تقريبًا

أُذِّكر نفسي وأُذكِّركم، بإن الصحابة كانوا بيجهّزوا دعواتهم استعدادًا لليوم العظيم ده، وكان عندهم ثقة ويقين إنّه "يوم عرفة" العام اللي بعده كل دعواتهم هتكون مُستجابة

يقول أحد الصالحين:
"واللهِ ما دعوتُ دعوةً يوم عرفة ودار عليها الحول إلا رأيتها مثل فلق الصبح"

اللهُم بلّغنا يوم عرفة واجعل لنا فيه دعوةً لا تُرَد."

.
السلام عليكم ورحمة الله وبركاته
صباح الخير يا شباب

ابدأ يومك بنيّة خالصة لله..
كل خطوة بتخطوها، كل كلمة بتقولها، كل شغل بتشتغله..
لو نويته لوجه الله، اتحوّل من عادة لعبادة.

حتى الضحكة، لو نويت تفرّح بيها مسلم = ليك أجر.
حتى الأكل، لو نويته يقويك على الطاعة = ليك أجر.

قال النبي ﷺ: "إنَّما الأعمالُ بالنِّيَّاتِ، وإنَّما لِكلِّ امرئٍ ما نوى..."

فخلي نيتك دايمًا حاضرة، وخالصة..
دي مفتاحك للجنة بإذن الله.

فرق بين بنت واقفه ساعه قدام المرايه علشان تظبط حجابها لأنها خايفه لو شعره تظهر من حجابها🤍....
وبنت تانيه واقفه قدام المرايه علشان تظبط مكياجها وتطلع شويه شعر من طرحتها💔.

فرق بين بنت كل شويه تشد كُمها خايفه جزء من أيدها يظهر🤍.....وبنت تانيه رفعت كُمها موضه💔...

فرق بين بنت وهى ماشيه وقفت شويه علشان الهوا ميخليش لبسها يلزق عليها🤍...
وبنت تانيه خرجت من بيتها بلبسها ضيق أو بنطلون يفصل جسمها💔...
هذا العمل فى ميزان الحسنات،،وذاك العمل فى ميزان السيئات..
هذا العمل دعوه إلى الطاعه،،وذاك العمل دعوه إلى المعصيه..
اللهم إهدنا جميعا وإرزقنا الثبات على دينك وارض عنا وتقبلنا
اللهم آمين 🤍🌱

حد بعت ليا الرسالة دي .‎

‏" قد ينال المُؤمن بدعاءِ أخيهِ ما لا يُدركه بدعائِه لنفسِه 🥺🧡 "

" إدعوا له " لعلّ أحدكم أقربُ إلى الله فـ " يستجاب له " 💚💚💚🫶"..

*وَدَعْ أَذَاهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا....♡.*