ليه قلبك مش مستقر ومش حاسس بالأمان؟

لأن الجذر ضعيف.. لأن علاقتك باللَّهِ مش ثابتة.

ربنا قال: ﴿أَصْلُهَا ثَابِتٌ وَفَرْعُهَا فِي السَّمَاءِ﴾.

ثبت الجذر بينك وبين ربنا: قرآن، ذكر، أعمال سر ماحدش شايفها.

ساعتها هتشوف الشجرة بتاعتك طالعة لفوق

{تُؤْتِي أُكُلَهَا كُلَّ حِينٍ}.

ربنا يثبتنا وإياكم على الطاعة ويرزقنا اليقين.🩷

فراشتين 🦋

السلام عليكم ورحمه الله وبركاته
داخلين على أفضل أيام الدنيا
كلنا عارفين فضلها وقدرها عند الله سبحانه وتعالى
ومقدار الصداقات فيها وعظمتها ثوابها في الأخيرة والله كل أعمال الدنيا سوف تأجر عليها يوم القيامة ماعد الصداقات فيها في الدنيا والآخرة أنك تساعد حد مريض أو شخص عليه فلوس مديون أو ست أرملة أو أيتام ده تفريغ الكرب والهم ربنا يفك كربك ويزيل همك في الدنيا والآخرة وعلشان كده أنا حبيت أذكركم بقدومه العشر من ذي الحجة
وأيضاً أذكركم أن معانا بعض الحالات المرضية الحرجة
والله يمكن من أكثر الحالات المرضية التي نجمع له شاب فى ال35 من عمره يتام الأب غير قادر على أن يعول نفسه عنده تلوث في ساقه وبفضل الله ثم بفضل تبرعات الناس عمل العملية كان هايحصل بتر ساقه والآن يريد بعض العلاجات والغير اللازمة للجرح حتي لا يعود إلى نقطة الصفر تاني ولقدر الله يتلوث الجرح ويتم بتر ساقه كل اللي مطلوب منك تتبرع بمبلغ بسيط لا يكلف الله نفساً إلا وسعها
مبلغ بسيط اللي تقدر عليه
بمبلغ اللي حضرتك تتبرع بيه تكون سبب في شفاء شخص وأنه يقوم يعول أمه وأخته والله وبالله وتالله كل اللي هو بيطلبه أن يقف على رجله تاني ويشتغل وأن شاء الله نكون سبب في سعادة عائلة كاملة

رقم الكاش للتبرع
01277125248

.
بمناسبة قُرب العيد في معلومة مهمّة مش الكل يعرفها بس حبّيت أنبّه عنها.. ألا وهي؟

أكل اللحمة الجملي يُنقض الوضوء،
بمعنى إنك لو كنت على وضوء و أكلت لحمة جملي لا يجوز الصلاة بعدها حتى تتوضأ مرة أخرى، لقول النبيّﷺ: «توضؤوا من لحوم الإبل، ولا توضؤوا من لحوم الغنم»،
و ده القول الارجح والأحوط عند أهل العلم.

والسلام:))

.
أنا عرفت إن فيه ماتش النهاردة للزمالك تقريبا بالصدفة والله، فدي تذكرة للغافل يعني واتقالت ألف مرة..
بالله بلاش شتايم؛ إنت مش حمل تيجي يوم القيامة كتفك مثقل بكبيرة عظيمة زي الغيبة وأخرى زي قذف المحصنات أو سب عموما.
خد في إيدك واحد صاحبك ينبهك لو شتمت أو طلع منك لفظ مش تمام، ولو هو كمان بيشتم فأنتوا الاتنين كده محتاجين حد يديكم علقة.
اتقوا الله.

ليالي الامتحانات فيها من الأجور والثواب ما يفوق تخيلك..
إحساسك بالخوف والقلق من الامتحان ومعافرتك عشان تثبت المعلومة ومذاكرتك لساعات متواصلة وتوهانك وانت مش عارف هتعمل إيه ولا إيه
كل دا في ميزان حسناتك

قال ﷺ: "ما يصيب المسلم من نصبٍ ولا وصبٍ ولا همّ ولا حزن ولا أذًى ولا غمٍ حتى الشوكة يُشاكُها إلا كفّر الله بها من خطاياه"

احتسب كل دا في سبيل الله ونفع المسلمين وتوكل على الله وربنا الرحمن سبحانه سيفتح عليك ولن يخذلك وسيبدل خوفك أمنًا.

اذا أراد الانسان ان ينجح ف عليه ان يعمل ما يجب لا ما يحب👌
حط قائمة المهام ونفذ
❌متديش فرصة لدماغك يفكر
❌متديش فرصة لدماغك يفكر
هتكسل وهتندم عالوقت اللي ضاع
📍وانجاز
📍لا تنسوا الورد
📍الاستغفار
نقل

- اللّٰهم لا طَالب/ة شهَادة ثانويَة أَزهَري وعام إلا وَفقته ، وأتيتهٰ سؤلهُ ، ارزقُهم فرِحاً لا تسَعهُ الأرض هُم وَ عَائلتهُم 🤍

خيرُ ما تبدأ به عشرَ ذي الحجة…أن تُطهّر قلبك بالاستغفار.
فالذنوب تُثقِل الروح،وتحرم العبد لذّة الطاعة والتوفيق.

فأكثِر من قول:“أستغفر الله وأتوب إليه”،
بقلبٍ حاضرٍ صادق،فلعلّ استغفارًا واحدًا يفتح لك أبواب الخير كلّها.

طهّر قلبك أولًا،ثم أقبِل على الطاعة،
فأعظم التوفيق…أن يُعينك الله على القرب منه. 🤍

جايبلكم أفضل جدول لاغتنام العشر الأوائل

من ذي الحجة وبالمناسبة

هيبدأوا من النهارده المغرب

1- حافظ على الـ 5 صلوات في ميعادها

ولو تقدر تصليها في جماعة يبقى خير كبير

خصوصًا صلاة الفجر

2- متنساش السنن

ركعتين قبل الفجر، و٤ قبل الظهر و٢ بعده

و٢ بعد المغرب و٢ بعد العشاء

النوافل دي من أكتر الحاجات

اللي بتقرّبك من ربنا

3- خلي ليك ورد قرآن يومي

حتى لو بسيط المهم الاستمرار

ولو قدرت تختم القرآن في العشر

يبقى فضل كبير جدًا

4- حاول تصوم التسع أيام على قد ما تقدر

فدي من أحب الأيام عند ربنا

والعمل الصالح فيها أجره عظيم

5- صلاة الضحى

ركعتين أو أكتر ووقتها من بعد الشروق

لحد قبل الظهر

ثوابها كبير جدًا وبتفتح اليوم ببركة

6- حافظ على أذكار الصباح والمساء

حتى لو نسيت قولهم أول ما تفتكر

المهم متقطعهمش

7- اتصدق كل يوم حتى لو بمبلغ بسيط

القليل المستمر عند ربنا كبير

8- جرّب تقعد بعد الفجر تذكر ربنا

لحد الشروق ولو مرة واحدة في العشر

9- قيام الليل

حتى لو ركعتين بس صلّيهم بهدوء وخشوع

والدعاء وقتها بيكون له طعم مختلف جدًا

ومتنساش

كبر واستغفر وادعي كتير وبرّ أهلك

وصِل رحمك دي أيام عظيمة وممكن تكون

بداية جديدة ليك

انشرها يمكن تكون سبب في تذكير حد بالخير

🚨عااجل

ستبدأ الملائكة بحساب الحسنات بطريقة مختلفة عما كانت عليه طوال العام!
كل العبادات ثوابها زاد الآن!

- للأبد؟
لا.. هذا فقط مؤقت لمدة 10 أيام ثم سيعود حساب الحسنات كما كان.

- ما الذي حدث؟
بدأت عشر ذي الحجة من مغرب اليوم!

قال نبينا محمد ﷺ:
"ما مِن أيام العمل الصالح فيهِن أحبُّ إلى الله من هذه الأيام العشر".

.
قبل أسابيعَ قلائلَ طَوَيْنا صحائفَ أيّامٍ مباركات، كانت ميدانًا للطاعات، وموسمًا للنفحات، فَرَبِحَ فيها أقوامٌ، وفاتَ آخرينَ من الخيرِ ما فات.
وها هيَ رحمةُ اللهِ تُقبِلُ من جديد، وتُظلِّلُنا نفحاتُ عشرِ ذي الحِجّة؛ أيّامٌ عظيمةُ القدر، جليلةُ الشأن، أقسمَ اللهُ بها في كتابه، وجعلَ العملَ الصالحَ فيها أحبَّ إليه من سائرِ الأيّام.

فيا مَن أثقلتْه الزلّات، وأبطأتْ به الغفلات، لا تُغلقْ على قلبِك أبوابَ الرجاء؛ فإنَّ الكريمَ سبحانه ما زالَ يبسُطُ لعبادِه مواسمَ القُرب، ويُفيضُ عليهم من رحماتِه ونفحاتِه. فأقبِلْ إلى اللهِ إقبالَ المشتاقِ إلى مولاه، وأحيِ ليلَك بذِكرِه، وعمِّرْ نهارَك بطاعتِه.

اللهمَّ بلِّغنا عشرَ ذي الحِجّة بلوغَ توفيقٍ وقَبول، وأعنَّا فيها على ذِكرك وشُكرك وحُسن عبادتك، واجعلها أيّامَ بركةٍ وإيمان، ومغفرةٍ وإحسان، ولا تحرمنا فيها نفحاتِك ورحماتك يا أرحم الراحمين.🍁

🚨ركز معايا لأننا دخلنا في الجد خلاص ..
طبعا انت شوفت خمستلاف بوست عن عشر ذي الحجة سواء من الشيوخ أو حتى التايم لاين .. الكل بيتكلم اللهم بارك،

أنا جاي أقولك على كام حاجة تمشي عليهم وهتخرج من الأيام دي حالك متبدل 180 درجة للأفضل إن شاء الله

📌أول حاجة تتوب توبة صادقة مع ربنا لأن الذنوب بتمنع التوفيق للطاعات

📌الصلاة فالمسجد (ومنهم الفجر .. ها الفجر اللي انت بتنام عنه ده فرض والله) ولو في صلاة ملحقتهاش فالمسجد صليها فالبيت بس اوعى تخرجها عن وقتها علشان متبقاش كبيرة من الكبائر

📌تبعد عن الذنوب خالص وبالذات ذنوب الخلوات (أنك تبعد عن الذنوب ده فرض عليك وأولَى من الطاعات الزيادة)

📌يكون ليك نصيب من قيام الليل (حتى لو ركعتين وتختم بركعة وتر)

📌تصوم اللي تقدر عليه من الأيام دي ويا سلام لو تصومهم كلهم لأنك طول فترة الصيام عمال تلم حسنات إن شاء الله،
وطبعا أهم يوم هو يوم عرفة لأن لو صومته ربنا يغفر لك ذنوب سنة راحت وسنة جاية

📌اذكر ربنا دايما متوقفش ذِكر وصلاة على النبي ﷺ وده من أهم الأعمال في الأيام دي

📌تحافظ على السُنن الرواتب وتقرأ قرآن كتير .. جزء أقل حاجة (مبيكملش نص ساعة)

📌تصدّق ولو بخمسة جنيه كل يوم

📌والرجالة اللي عليهم مذاكرة وشغل انووا بمذاكرتكم وشغلكم ده نفع الإسلام والمسلمين وليكم الأجر بإذن الله،

📌خليك فاكر أن الأيام دي أفضل أيام عند ربنا سبحانه وتعالى اجتمع فيها الصلاة والصيام والحج والصدقة والأُضحِيَة وكل الخير ده

وأخيرا متنساش تعرف الحاجات دي لصحابك وأهلك .. الدال على الخير كفاعله ✅

.
صباحكم تكبير 📿

وأقبلت خير أيام الدنيا 🕋

«إن لربكم في أيام دهركم نفحات، ألا فتعرضوا لها».
يعني في أيام ربنا بيبعت فيها رحمات خاصة.
فرص مش بتتكرر كتير؛ لكن ممكن تغيّر مصير الإنسان كله.
ومن أعظم النفحات دي: العشر الأوائل من ذي الحجة.
أيام بيتضاعف فيها الأجر، وبيتفتح فيها باب القرب، بس مش أي حد بيوفق فيها!

إللي قلبه صاحي، وبيسعى، وبيجتهد هو إللي بيغتنمها.

ماتفوتش فرصة العشر، نفحة واحدة ممكن تغيّر حياتك.
#أخطر_10_أيام_في_حياتك

السلام عليكم🤎

النهاردة أول يوم من أهم عشر ايام في السنة كلها عند ربنا.. باذن الله شوية كده هتنزل خطة بسيطة نلتزم عليها طول العشر أيام وكل يوم هيتبعت تذكير هنا بيها ونشجع بعض باذن الله🤎🤎

مستعدين؟ 🌸