"ياويلتي مافي الخريطةِ بقعةٌ
إلا وفيها يُضربُ الإسلَامُ"

- حذيفة العرجي

كلمة للبنات..
راجعي نفسك كدا وشوفي حجابك يرضي الله عز وجل ولا لأ..

طرحتك مغطية شعرك كله، ورقبتك، ولا سيباها مفتوحة أو لبساها شفافة!
لبسك واسع ساتر جسمك، ولا مفصّل كل حاجة!

طب لو شافك النبي ﷺ دلوقتي هيفرح بثمار مجهوده، ولا هيحزن على اللي حصل من بعده!

راجعي نفسك بصدق، وشوفي انتي فين من الحجاب الصح وكملي النقص، وأبشري خيرًا.

كان ينتظر آخر اللَْيل بشوق ليُصلي
دون أن يراه أحد، فيبوح بكُلّ ما فيه
جوفه لله، اتَّراه يخذله...!
حاشاه.

#قيام_الليل

.
أصبحنا مُستعينين بك
متوكلين عليك
مفوضين أمورنا إليك

يا ربّ صحح نوايانا وخذ بأيدينا إليك.

الحمدُ للهِ الذِي أَذِن لنَا بيومٍ جَديد لِنعبده ونشكره ونَتوب إليه.

qatret al nada :

هتكلم عن الارتباط 💛🦋..

تابعوا👇🏻💛..

مفيش حاجة في الإسلام اسمها ارتباط، أنا قولتلك إن دي مسميات المجتمع إخترعها عشان يثبت إنه صح، إنما شرع ربنا يا خطوبة يا جواز، و نهاية أي علاقة بين اتنين مفيش رباط شرعي ليهم، يا إما بيختفي ويسيب حضرتك مهمومة حزينة، وهتندمي على عمرك اللي ضاع، بس وقتها الندم مش هيفيد بحاجة، يا إما بعد مايتسلى وياخد كفايته منك، وتيجي تقوليله هتتجوزني إمتى يتهرب ومش هييجي بردو في الآخر، بس معلش دقيقة، ييجي ليه..؟! ، ماهو أخد اللي هو عايزه و اتنفخ كلام حلو منك، فـييجي ليه..؟! ، يا إما بالفعل هتتجوزوا عادي جدًا، بس أبقي اتفرجي على حياتك هتبقى عاملة إزاي، ربنا يعافيكِ، يا إما هتعيشي حياة طبيعية بس حسابِك فوق🥺💛...

"كراش، اكس، إرتباط"...!، دي كلها مسميات ضئيلة مجتمعنا أخترعها؛ عشان يبرر بيها حاجة حرام و غلط مينفعش تحصل، بس أحب أقولك الغلط هيفضل غلط ولو كله أجمع عليه إنه صح...!💛🦋..

أنتِ كَـبنت، إيه اللي يضطرك تگملي في علاقة مع شاب عارفة نهايتها كويس أوي..؟! .. أو إيه اللي يجبرك تكملي في علاقة بتستخبي من دا، و دي؛ عشان تعرفي تتكلمي معاه..؟! .. إيه اللي يجبرك إنك تكسري كلام ربنا، و تخسري ثقة أهلك؛ عشان بتحبي واحد لو عرف إن أخته بتكلم ولد ممكن يدفنها...؟!.. إيه اللي يخليه يكلمك وهو مايقبلش كدا على أخته إلا إذا كان بيتسلى....؟!💛..

أنا عايزة أوصلك إن أي شاب بيحط نفسه في علاقة زي دي لا يؤتَـمن، لا على عِرض ولا مال ولا غيره، وبدل بساطة هتلاقي نصهم بيكلموا بنات وعايشين حياتهم عادي، وفي سن الجواز لا معلش عايزين واحدة ماكلمتش ولد في حياتها...!، فأنتِ ليه توصلي نفسك لكل دا من البداية، بتسيبي إيه للجواز لما أنتِ بتخلصي كل مشاعرك في علاقة حرام قبل ماتكون غلط...! 💛🖇🦋..

لما شاب مش عارف دينه ومش واعي ولا مُدرك ويلاقي واحدة بتحبه وفتحتله قلبها ومشاعرها بكل سلاسة، طبيعي جدًا يرحب بيها في الشبكة العنكبوتية بتاعته، ما هي حاجة ببلاش، لقي حد بيهتم بيه وبيوزعله حب و إهتمام وثقة وأمان ببلاش هيرفض..؟! ، إستحالة، مفيش عرض ببلاش بيترفض بالنسبة لشاب طايش، ودا ساعتها بالنسباله هيبقى ألطف عرض ببلاش ممكن يتسلى بيه وكله على حساب دينه وأخلاقه، إنما أنتِ...!!، أنتِ فين من كل دا..؟! ، أنتِ أغلى من كدا بكتير، أنتِ أغلى من إنك توزعي مشاعرك لأي حد ؛ لإن بكل بساطة اللي بيحبك، هيعافر عشانك💛🖇🦋..

اللي عايزِك يبقى في الحلال، مفيش حلال يبقى مفيش تواصل مهما كان، اقفلوا أي باب الشيطان ممكن يستغله عشان يوقعكم، العلاقات دي ليها نتايج سلبية بشكل كبير جدًا، منها إنك مع الوقت بتبطل تعمل طاعات والصلوات...

﴿ وَأَنذِرْهُمْ يَوْمَ ٱلْحَسْرَةِ إِذْ قُضِىَ ٱلْأَمْرُ وَهُمْ فِى غَفْلَةٍۢ وَهُمْ لَا يُؤْمِنُونَ ﴾.
اللهُم ارزُقنا حُسن الخَاتِمة 🧡🕊.

"وَما تَسقُطُ مِن وَرَقَةٍ إِلّا يَعلَمُها"
-
فكيف بدمعاتك...! وكيف
بمناجاتك...! وكيف بآلامك وآمالك...!

قف بالخضوع ونادِ يا الله...🥺🤎🤎🤎

#قيام_الليل_يا_صُحبة.

السلام عليكم ورحمه الله وبركاته
صباح الخير ياشباب

عمال تضيع عمرك في التفاهات ليه؟

خليك عارف إن أيامك في الدنيا معدودة، يعني في لحظة ممكن ما تبقاش موجود. وساعتها هتقول: {...رَبِّ ارْجِعُونِ (99) لَعَلِّي أَعْمَلُ صَالِحًا فِيمَا تَرَكْتُ ۚ كَلَّا ۚ إِنَّهَا كَلِمَةٌ هُوَ قَائِلُهَا...}.

ساعتها هتبقى أمنيتك بس إنك ترجع تصلي ركعتين، أو تتوب من الذنب اللي مش قادر تسيبه، أو حتى تستغفر.

أنت في الأمنية دلوقتي، استغلها كويس قبل ما تتسحب منك، وساعتها مش هيفيدك الندم!

الفراغ فيه سم قاتل!

خليك دايمًا مشغول، الشغل عمره ما يتعب الإنسان زي الفراغ.

لما يبقى عندك فراغ، هتحس بالوحدة، وهتفكر كتير في أشياء مالكش طاقة بيها. الحل إنك تشغل نفسك بالطاعة والرياضة وقراءة القرآن، وتستغل وقتك في اللي ينفعك ويقربك من ربنا.●

”في قصة مريـم:“
قالت مريم:
”﴿ياليتني مِت قبل هذا وكنت نسياً﴾“
”فجاءها الفرج :“💗
”﴿فناداها من تحتها ألّا تحزني﴾“
”فرج الله يأتي عندما يكون العبد أحوج مايكون إلى الله...!“

"تـذكـر..!
أنت دائمًا بين نعمتين..!"
فإن كنت في يسر؛ فعليك بالشكر.
وسيجزي الله الشاكرين.
وإن كنت في عسر؛ فعليك بالصبر.
إنَّما يوفى الصابرون أجرهم بغير حساب“💗💗💗💗💗💗🫶🏻🕊'.

'''يـٰ صاحبي"'

إذا أحببت فتاه إذهب إليها من الباب الذي تُحب أن يأتي به الآخرون لأختك ، فتكن حافظًا لقلبك وقلب من أحببت

﴿وَأْتُوا الْبُيُوتَ مِنْ أَبْوَابِهَا ۚ﴾

مش من فيس بوكها ، ومش من واتسابها🫱🏻‍🫲🏻🕊️°

{فَإِنَّ مَعَ العُسرِ يُسرًا}

﴿إِنَّ مَعَ العُسرِ يُسرًا﴾

فقد ذُكرت مرتين وهذهِ دلاله إنها عهد ووعد وسيوفي بهِ اللّٰه ومهما طال عُسرها فـ واللّٰه سياتي يُسرها فابشر🦋. "

#قيام_الليل🤎

السلام عليكم ورحمه الله وبركاته
صباح الخير ياشباب

حاسس إنك بتتعب ومش شايف نتيجة؟
بتجاهد وبتحاول، وكل مرة تقول: فين الجزاء؟ فين الراحة؟

اسمع الآية دي من رب العالمين… فيها الجواب والسكينة:
{إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا}. 🤍

ولا لحظة صدق بتضيع،
ولا دمعة ندم،
ولا وجع جواك من خوفك من ربنا بيعدّي كده…

كل حاجة محسوبة،
كل عمل طيب محفوظ،
وكل صبر في ميزان كرم مالوش حدود.

استودع الكريم سبحانه وتعالى أعمالك الصالحة،
وكمل طريقك… لأن الأجر عنده مش بس محفوظ، ده كمان أعظم مما كنت تتخيل.

⑉
‏ قال ابن حزم الـأندلسيٰ :
«إنِّي لـا أثِق في المرأة إن لم يشغَلُها عِلمٌ أو عمل»
⑉
وقال الرّافعيٰ :
«إنَّ المرأَة لَـا تبلُغ ڪَمالَ إنسانِيّتها إلَّـا حينَ تَقترن أنوثَتها بذهنٍ حصِيف وخُلُقٍ شَرِيف»
⑉

تخيل واحد مسافر طريق طويل من غير زاد ولا استعداد.. أكيد هتقول عليه طايش!

طب إنت رحلتك للآخرة أطول، ومحتاج زاد ينفعك.

ومن أعظم الزاد: الصيام.

قال ﷺ: "مَنْ صَامَ يَوْماً فِي سَبِيلِ الله بَعَّدَ الله وَجْهَهُ عَنِ النَّارِ سَبْعِينَ خَرِيفًا"

تخيل أجرك لو صومت 3 أيام البيض في شهر المحرم (أفضل الشهور بعد رمضان):
"صيامُ ثلاثةِ أيَّامٍ من كلِّ شَهرٍ صيامُ الدَّهرِ"!

متفوتش الأجر.. وذكر غيرك، ولك مثل أجره:
"الدال على الخير كفاعله"

.
السلام عليكم ورحمة الله وبركاته
صباح الخير يا شباب

الله أكبر من خوفك، حزنك، كربك، ألمك، مرضك..

الله أكبر من كل شيء..

فادعوا الله وأنتم موقنون بالإجابة.

.
كل ما الواحد بيكبر بيزيد يقينه في حاجة واحدة بس..
{يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ}

كل حالك من توفيق ورزق وهداية وبركة لله
كله لله.. بإرادة الله ..بقدر الله.

ليس لك من الأمر شيء، ما عليك إلا السعي،
وما شاء الله كان، وما لم يشأ لم يكن.

م/ ايمن عبدالرحيم

السلامُ عليكُم ورحمة الله وبركاتُه

المُلتزم الحقيقي هو الذي كُلما أذنبَ تَاب

وليسَ الذي لا يُذنِب أبدًا .💗🕊

مِمَـا يُعينكَ عَلَىٰ الثّبَات..

- الإخلَاص للَّـهِ تَعَالَى: اجعَل نِيتكَ فِي كُلّ قَولٍ وَعَملٍ خَالصَةً لِوجهِ اللَّـهِ سُبحَانَه، فَالإخلَاص مِن أهَم أسبَاب ثَبات المَرء أمَامَ الفِتَن.

- التّمسُك بِالقُرآنِ وَالسُّنَة: كُلّما كَانَ مَرجعكَ إلىٰ كِتَابِ اللَّـهِ وَسُنَّة رَسُولهِ -ﷺ- ازدَدتَ ثَبَاتاً، ويقِيناً، وهُديتَ لطَريقِ الحَق.

- طَلَب العِلم الشَّرعِي: يعينكَ عَلىٰ التّمييز بَين الحَقِّ والبَاطِل، وَيزيدكَ يقِيناً بثباتك.

- الصّبْر عَلىٰ الأذَىٰ: طَريقَ الحَق والثبَات عَليهِ ليسَ سَهلًا، ولكِنهُ يَستحقُّ الصّبْرَ والمُجَاهَدة، فَسَالكَهُ مُبتلىٰ، والسّعيدُ مَن تَمسكَ بهِ وثَبتَ عَليهِ رغمَ البَلاء.

- الصُّحبَة الصَّالحَة: اختيار صُحبةً تُعينكَ عَلى الثّبات، وتُقوي مِن عَزيمتك.

- الدُّعَاء المُستَمر: اسأل اللَّـه دَائمًا أن يُثبتكَ عَلىٰ الحَق، رَدد مَا دَعاهُ النَّبي عَليهِ الصَّلَاةُ والسَّلَام، فِي كُلّ وقتٍ وَحِين:
اللّهمّ يَا مُقَلبَ القُلُوب ثَبت قَلْبِي علَىٰ دِينك.

- التّفَكُر فِي الجَزَاء: تَذكَر أنّ الثّبَات عَلىٰ الحَقّ لهُ أجرٌ عَظيم فِي الدُّنيَا والآخِرَة.

السلام عليكم ورحمة الله وبركاته .
صباح الخير يا شباب

قال الله تعالى عن رسوله ﷺ: {لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم}

فصلّوا عليه وسلّموا تسليمًا كثيرًا.🩶