📩رسالة لأولياء أمور طلبة الثانوية العامة....
خليكم سند لولادكم ، اقفوا في ضهرهم ، ادعموهم
نتيجة الثانوية مش نهاية الدنيا
لو ابنك أو بنتك جابت مجموع وحش .... بلاش اللوم والتأنيب، بلاش تفضل تعايره وتقارنه بفلان وفلان اللي جابوا درجات أعلى
بلاش تكونوا انتوا حمل على ضهره اللي أصلا اتقطم من النتيجة بالذات لما يكون ابنك او بنتك تعبت وبذلت جهد وعملت اللي عليها
بالعكس ....خليك داعم ليه ،تقويه وتصبره وتقوله ان الثانوية العامة مش نهاية الدنيا وان الجاي أحسن
وحتى لو ابنك أو بنتك قصروا ... 
اللوم والتأنيب مش هيرجع حاجة ولا هيتعلم منه حاجة ...فهمه ازاي يتعلم من الغلط ده ، ازاي مايتكررش في المستقبل

ادعموا ولادكم وبناتكم وخلوكم معاهم بالذات في أزمة زي نتيجة الثانوية دي
بلاش تكونوا عامل ضغط عليهم
بلاش تكونوا سبب في اكتائبهم أو إنهم يحاولوا ينتحروا
خليكوا دايما في ضهرهم وادعمهوم

اللهم بارك كل اللي بعتوا ليا أرقام الجلوس
ناجحين والنسبة المئوية كويسة جداً

السلام عليكم ورحمة الله وبركاته
صباح الخير يا شباب

لو سألتك عندك كام سنة؟
ممكن تقول 20، 30، 40

أيً كان..
فهو مجرد رقم!

والحقيقة إن مش مهم عمرك أد إيه!
المهم إنت عملت إيه!

سيدنا سعد بن معاذ رضي الله عنه عاش 6 سنين فقط بعد إسلامه، وتوفى وهو في عمر الثلاثينات..
ولما مات رضي الله عنه اهتز عرش الرحمن، وفُتحت له أبواب السماء، وشهد جنازته 70 ألف ملك.

اشدُدْ على جَمرِ دِينكَ

إنها تُمطِرُ فِتَنًا!

لا صوت يعلو الآن فوق صوت البطون الخاوية، ولا حديث يسبق صرخة الجوع في شوارع غ.z.ة.
قال النبي ﷺ: «مثل المؤمنين في توادّهم وتراحمهم وتعاطفهم مثل الجسد؛ إذا اشتكى منه عضو تداعى له سائر الجسد بالسهر والحمى.»

فكونوا عونًا لإخوانكم بكل ما تستطيعون، فقد بلغ البلاء منهم مبلغه، وأسألوا الله أن يرفع عنهم الكرب ويجبر كسرهم وينزل عليهم من رحماته ما يطمئن به قلوبهم.

عزيزي طالبَ الثانويةِ العامةِ،

أتيتُ إليكَ من المستقبلِ، بخبرةِ قلبٍ ذاقَ مرارةَ هذهِ السنةِ، ونجا بفضلِ اللهِ (ويحدثك الآن). 🤓

أعلمُ أنكَ تقفُ الآنَ غارقًا في أفكارِك، باكيًا على أحلامِك رغمَ رضاكَ، تنظرُ حولكَ وتقولُ في نفسِك: توقّفتْ حياتي، لا أستطيعُ العيشَ كما كنتُ من قبلُ.

لكنَّكَ ستعيش، وستضحكُ.. وستسلكُ طرُقًا ما كنتَ تتخيَّلُ أنْ تطأها قدمَاكَ يومًا، وستمرُّ بكَ أيامٌ، تنسى فيها حتى كم أوجعتك هذهِ الفترةُ.

الثانويةُ العامَّة ليستْ نهايةَ الطريقِ، بل منعطفٌ من منعطفاتِ الحياةِ الكثيرةِ.

وإنْ خانك حُلمُكَ، فلا تخُنْ أنتَ نفسَك، لا تفقدْ يقينك باللهِ، ولا تحبسْ روحكَ في رقمٍ، لأنكَ أكبرُ بكثيرٍ من أنْ تُقاسَ بدرجةٍ، أنتَ خُلقتَ للسعيِ، لا للتصنيفِ.

فطمئِنْ قلبك يا عزيزي، وهوِّنْ على روحك، وذكِّرْها بكلامِ حبيبي وحبيبك ﷺ، حينَ قالَ: «ما أخطأكَ لم يكنْ ليصيبُكَ، وما أصابكَ لم يكنْ ليُخطئكَ».

ثمَّ نَمْ، وارتَحْ، وكُلْ تفاحًا..

✍ٱيه الخصري

السلام عليكم ورحمة الله وبركاته
صباح الخير يا شباب

لما تكون في عمل جماعي، ماتفكرش في نفسك وبس!
ماينفعش يبقى أهم حاجة عندك وقتك أنت، مشاغلك أنت، حياتك أنت!
زي ما أنت مضغوط ووقتك ضيق، اللي معاك بردو عندهم اللي يضغطهم..
زي ما أنت مشغول، هما بردو عندهم اللي يشغلهم..
أنت ليك حياتك وبيتك، وهما بردو!!

ليه بتعمل حساب نفسك بس، وتنساهم!!

وصدقني لو حد تعامل معاك بنفس طريقتك؛ هتضايق.

فبلاش تكمل كدا، وسدد وقارب معاهم
ضحي من عندك شوية، وهما يضحوا من عندهم شوية..

وجدد نيتك إنك تكون مثال للمسلم المتعاون
وإنك تكون مسلم بيحب الخير لإخوانه زي ما بيحبه لنفسه.

.
ليتني أليق بالجنة وليتها تشتاق لي 💔!

.
‏صلوا على الهادي البشير وسلّموا
كي تؤجـروا يـوم الجزاء و تغنموا
هـو رحمــةٌ للعــالمين وقـــدوةٌ
وله الشفاعــةُ والمقـامُ الأعظـم

مِن مغرب الخَميس إلى مغرب الجُمعة
كُلّ ثانية فيها خزائن من الحسناتِ والرّحمات وتفريج الكُربات؛
فليُكثر المرء من الصَّلاة على النَّبي.

#ليلة_الجمعة

السلام عليكم ورحمه الله وبركاته
الحمد لله وبعد
النتيجة قدر الله وما شاء فعل
فهو يختار للعباد ما يصلح لهم وما يناسبهم فهي أقدار الله عز وجل
والثانوية العامة هي ليست نهاية المطاف ولا نهاية الحياة
فليس دخول الكلية هي دخول الجنة وعدم دخولها دخول النار
الحمد علي نعمة سبحانه وتعالي ظاهرةً وباطنةً.

"منهجية في طلب العلم النافع للشباب اليافع "

حفظ القرآن الكريم

https://t.me/jannatualkhaldi/4678

تفسير القرآن الكريم للسعدي وتعليق الشيخ عبد الرزاق البدر

https://youtube.com/playlist?list=PLPMH2dm2YEnQsw5VAk2JYe9cXsO_mGjDr&si=KaK12mI2evZlI4kN


" العقيدة "

شرح الأصول الثلاثة للإمام محمد بن عبد الوهاب لفضيلة الشيخ عبد الرزاق البدر

https://youtube.com/playlist?list=PLClZ7RmnwNVPxAAZoXwXsAAmPojnw-nOg&si=GlyDIBgai8EtQGK1


شرح القواعد الأربعة للإمام محمد بن عبد الوهاب رحمه الله لفضيلة الشيخ العلامة صالح الفوزان

https://youtube.com/playlist?list=PLrFWjW1WcNTuHFCnx-_SvqMi08J2TdVtc&si=3_HGgaNSiKAuGebH


شرح نواقض الإسلام للإمام محمد بن عبد الوهاب رحمه الله لفضيلة الشيخ محمد سعيد رسلان

https://youtube.com/playlist?list=PLd_rnHIbEDodza1iN9cuQl_IwRzKJt13x&si=snDGtMjR_8dzTGAH


شرح كتاب التوحيد للإمام محمد بن عبد الوهاب لفضيلة الشيخ صالح بن محمد اللحيدان رحمه الله

https://youtube.com/playlist?list=PLfwfvsTkskdbL85unEDRSFTZ9zPbQX9Vi&si=e5i6a05qhWtmyWHT


" الأحاديث "

شرح الأربعين النوويّة لفضيلة الشيخ علاء حامد

https://youtube.com/playlist?list=PL1i_D1Vw3d5PUJK-u7dpPimaYECXnPp3i&si=gkYNAvtr3m0XiBu-


شرح الاربعون حديثًا للآجري رحمه الله الشيخ عبد الرزاق البدر

https://youtube.com/playlist?list=PLJtU_fuNmH-NruuCE-5ZDAuKtjNL_t6k-&si=MxSA9Ydi1GpePKcv


" تزكية النفس "

شرح كتاب الداء والدواء لابن القيم رحمه الله تعالى شرح فضيلة الشيخ عبد الرزاق البدر

https://youtube.com/playlist?list=PLJtU_fuNmH-NVtJpGuQ7G5NiMNUwpoOuq&si=AxDokXudi2fQiGE7


" وجزاكم الله خير الجزاء على نصيحتكم لي على رابط صراحة بارك الله فيكم "

السلام عليكم ورحمة الله وبركاته
صباح الخير يا شباب

التاريخ بيعيد نفسه، والكـ،ـفر كله مِلَّة واحدة..

من مئات السنين الكـ،ـفار حاصروا النبي ﷺ ومن معه من المؤمنين وغير المؤمنين ممن ساندوه في شعب أبي طالب..
والحـ،ـصار استمر حوالي 3 سنين!
وابن القيم رحمه الله بيوصف الموقف بدقة في كتابه زاد المعاد: "وَحُبِسَ رَسُولُ اللَّهِ ﷺ وَمَنْ مَعَهُ فِي الشِّعْبِ شِعْبِ أبي طالب لَيْلَةَ هِلَالِ الْمُحَرَّمِ سَنَةَ سَبْعٍ مِنَ الْبَعْثَةِ، وَعُلِّقَتِ الصَّحِيفَةُ فِي جَوْفِ الْكَعْبَةِ، وَبَقُوا مَحْبُوسِينَ وَمَحْصُورِينَ مُضَيَّقًا عَلَيْهِمْ جِدًّا مَقْطُوعًا عَنْهُمُ الْمِيرَةُ وَالْمَادَّةُ نَحْوَ ثَلَاثِ سِنِينَ، حَتَّى بَلَغَهُمُ الْجَهْدُ وَسُمِعَ أَصْوَاتُ صِبْيَانِهِمْ بِالْبُكَاءِ مِنْ وَرَاءِ الشِّعْبِ."

الكـ،ـفار كانوا معتقدين إنهم بالحـ،ـصار والتضييق الشديد هيكسروا شوكة المسلمين، ويخلوهم يستسلموا ويسلموا النبي ﷺ ليهم!

لكن النتيجة كانت عكس توقعاتهم!
الحـ،ـصار لم يزد المؤمنين إلا ثباتًا وإيمانًا، وانفك الحـ،ـصار رغمًا عن الكافرين..
ودارت الأيام وعدت السنين، وانتصر المسلمون ودخلوا مكة فاتحين بفضل الله.

فأبشروا خيرًا واجتهدوا في ميادين الإصلاح ونصرة الدين قدر وسعكم..
والله مُتم نوره ولو كره الكـ،ـافرون.

☪️ |📿


🕯 ”وبدأ تنافس الصالحين بكثرة الصلاة على النبي ﷺ في ليلة الجمعة ويومها، فلا تجعل نصيبك منه قليل، وتذكر أنًّ بكل صلاة على النبي ﷺ يُصلِّي الله عليك بها عشرًا، وترفع عشر درجات، ويُحط عنك عشر خطيئات“.


#الصلاة_على_النبي ﷺ



📿 || ☝️ ﷺ

ما ذُكِرَ مُحمَّدٌ ﷺ في عسيرٍ إلاَّ و يُسِّر . 🤍

هو أنا لو كنت عملت ذنوب كتير أوي ربنا هيسامحني فعلاً ؟! 🤔

شوف يا سيدي ربنا بيقولك ايه..😍
قال اللهُ تعالى : يا ابنَ آدمَ ! إِنَّكَ ما دَعَوْتَنِي ورَجَوْتَنِي غَفَرْتُ لكَ على ما كان فيكَ ولا أُبالِي يا ابنَ آدمَ ! لَوْ بَلَغَتْ ذُنُوبُكَ عَنانَ السَّماءِ ثُمَّ اسْتَغْفَرْتَنِي غَفَرْتُ لكَ ( ولا أُبالِي ( يا ابنَ آدمَ ! لَوْ أَتَيْتَنِي بِقُرَابِ الأرضِ خطَايا ثُمَّ لَقِيْتَني لاتُشْرِكْ بِيْ شَيْئًَا لأتيْتُكَ بِقِرَابِها مَغْفِرَةً
بلا شك طبعاً هيغفرلك ويسامحك ويعفوا عنك..🥹
انت بتسأل في إيه.. ده ربنا من أسمائه الغفور العفو والرحيم..
اوعى تتردد لحظة انك تتوب وترجعله مهما كانت ذنوبك..🌿
مهما كانت ذنوبك كتيره.. ومهما كانت ذنوبك من كبائر..🌿
فهي ولا حاجه بالنسبة لمغفرة ربنا ورحمته..🥹
انت بس توب ومتنعاش هم..
لكن الخطورة انك تفضل مكمل زي ما انت بدون توبة..😔

السلام عليكم ورحمه الله وبركاته
صباح الخير يا شباب
"الرجاء الاتصال لاحقًا…"

عبارة دايمًا بنسمعها لما نرنّ على حد وموبايله مقفول أو غير متاح…

بس الكارثة بجد لما يكون ربنا هو إللي بيناديك… وأنت إللي "فاصل"!

ربنا بيقولك: "حي على الصلاة"
وأنت ترد: "مشغول دلوقتي!"

🕰 مشغول بإيه؟ مسلسل؟ سوشيال؟ أصحاب؟

كل تأخير عن الصلاة… يعني تأخير في "الاتصال باللَّه"!

يعني قلبك بعيد… شحنك الإيماني ضعيف… الرحمة والطمأنينة إللي كنت هتاخدها من السجود، راحت منك!

🚨 قال تعالى:
﴿فَوَيْلٌ لِلْمُصَلِّينَ • الَّذِينَ هُمْ عَنْ صَلاتِهِمْ سَاهُونَ﴾ [الماعون: 4-5]

راجع حساباتك… وصلي قبل ما يفوت الأوان! ⌛

أنت مش فاشل..
أنت بس مشتّت!

دماغك مشغولة طول الوقت…
بمشاكل، أخبار، مقارنات، مشاعر، محتوى مالوش آخر!

أنت محتاج تشد الفيشة!
تهدّى… تراجع أولوياتك… وتبني نفسك صح.

السوشيال ميديا خدت منك سنين وأنت بتلف مكانك في كلام فاضي.
حافظ على وقتك، وابدأ اشتغل على نفسك.

#شد_الفيشة

"‏{ مش مهم تدخل طب.
مش مهم تدخل هندسة
المهم تدخل الجنة:)

شوفت البوست دا، فكرني بكلام م. أحمد عامر لما قال فالبودكاست:
إنت جاي علشان تحقق مفهوم العبودية، دا الأصل يعني مثلاً بتسعى فحاجة ومجتش افتكر إنك عبد وبس كده شيفت

مفهوم النجاح مش لازم يكون إنجاز واو زي دكتور ومهندس، النجاح اللي بجد هو بتعرف تصلي الفجر فوقته ؟!
محافظ على الأذكار، طيب قيام الليل مكمل فيه ؟!

صحح مفاهيمك عن النجاح.
﴿فمَن زُحزِحَ عنِ النارِ وأُدخل الجنّةَ فقد فاز﴾ |

الجو مناسب لتذكير اننا منقدرش علي عذاب اللّٰه عز وجل،

اللّٰهُمَّ أجرنا من حر نار جهنم وخفف عنّا حر الدنيا والأخرة
وإجعلنا في ظلك يوُم لا ظل إلا ظلك.

الجو مناسب جدًا للتذكير بعدم جواز السخط من الجو والحرارة وإننا عايشين في نِعم لا تُعد.

مراوح
تكييفات
ماي بارد
ماي ناخذ شور كل شوية
معانا فلوس نجيب آيسكريم وحاجات بارده تبرد علينا

اعْمَلُوا آلَ داوُدَ شُكْراً وَقَلِيلٌ مِنْ عِبادِيَ الشَّكُورُ.

السلام عليكم ورحمه الله وبركاته
صباح الخير ياشباب

عمرك جربت تطلع صدقة... وتحس فعلًا إنك بتتاجر مع ربنا؟

ربنا بينظر لقلبك، وكل ما قلبك أدرك إن العطاء للَّه، كل ما عطاء ربنا ليك كتر وزاد.

قال تعالى: ﴿مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً ۚ وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ﴾.

وقال رسول اللَّه ﷺ: (ما نَقُصَ مالٌ من صدقة" (رواه مسلم).

خُد دقيقة قبل ما تطلع صدقتك... واستشعر إنها بتقع في يد الرحمٰن قبل ما توصل لإيد الفقير.

فاختر أنت: على أي حال تحب أن يراك اللَّه؟!