عاوزين في عز

شبابنا

كدا تذكير دائم بإن الدنيا

فانية

والألم فايت والعمل محسوب والحركة مكتوبة والآخرة حق والحساب آت لا محالة والوقوف بين يدي الرحمن حق

والجنة حق والنار حق،

والدنيا فانية بما فيها من ناس وعلاقات وأشياء وممتلكات، وإنها هباءة وإننا هباءة داخل الهباءة،
وإن كله مكتوب ومقدر وما أخطأك لم يكن ليصيبك وما أصابك لم يكن ليخطئك.

محدش بيوصل "بالصدفة".. ومحدش بيتغير "بالتمني".

​لو فضلت تقول "لسه بدري" و "هبدأ من أول رمضان"، هتلاقي الأيام بتجري بيك، وهتدخل رمضان بنفس القلب اللـ دخلت بيه السنة اللـ فاتت.. وبنفس النتيجة.

​الحقيقة إن أقل من شهرين هما اللـ بيفصلوا بين "رمضان اللـ هيغير حياتك" و "رمضان اللـ هيعدي كأنه عادة".

​بص للقدوة: أقوى الناس في الدين ماكانوش بيعرفوا "أنصاف الحلول".

​أبو بكر كان الصديق من اللحظة الأولى.
​عمر كان الفاروق من أول خطوة.
​مصعب ساب الدنيا كلها في ثانية.

​كانوا عارفين إن البدايات القوية هي اللـ بتصنع النهايات العظيمة. ماتستناش الهلال يهل عشان تبدأ.. ابدأ "صح" دلوقتي، عشان "تكمل" صح وتدوق الحلاوة بجد 💗.

بمناسبة الاستعداد لشهر رمضان المبارك 🌙
هيكون فى دورة خاصة بالنساء فقط حول الاستعداد لرمضان، نتناول فيها تهيئة القلب، وتصحيح النية، ووضع برنامج عملي يعين على اغتنام الشهر كما ينبغي.

مَن ترغب في الانضمام يُرجى إرسال رسالة
@roqiawael22

بارك الله فيكن وبلّغنا وإياكن رمضان على خير 🌸

السلام عليكم ورحمة الله وبركاته
صباح الخير يا شباب

إنَّ الله إذا كلَّف، أعان..
صحيح يمكن الظروف تخليك تحس إن الطريق صعب، وإن التكليف تقيل على نفسك وقلبك!

ولكن تيقَّن أن الله سبحانه لن يُكلفك ما لا تطيق..

فتوكَّل على الله ولا تخف، وامضِ مطمئنًا..
فالذي كلَّفك هو الذي سيُعينك.

ماتنساش، في وقت امتحاناتك وانشغالك بالمذاكرة صلاتك ..

ومتأخرهاش لحد ما تخلص الجزئية دي وافتكر: «لا بارك الله في عمل يلهي عن الصلاة». ومتسيبش قرآنك عشان مفيش وقت.. وقتك محتاج للقرآن علشان يزداد بركة .. «ما زاحم القرآن شيئًا إلا باركه». ويحضرني قول د حازم شومان الشهادة اللي إنت رامي دينك عشان تاخدها دي ممكن تموت قبل ما تكسب قرش من وراها ... فين عبادتك اللي هتدخل بيها القبر؟

اذكر نفسي و إياكم الله يغفر لنا تقصيرنا

حتى لو الامتحان بكرة…
وإنت لسه ما فتحتش كتاب
إوعى تيأس، وإوعى تسيب المذاكرة وتقول: زي ما تيجي تيجي.

النبي ﷺ قال:
«إن قامت الساعة وفي يد أحدكم فسيلة، فإن استطاع أن لا تقوم حتى يغرسها فليغرسها».

إحنا أمة الفسيلة…
لازم تشتغل لآخر لحظة
حتى لو مش هنشوف النتيجة
حتى لو التعب قليل
حتى لو الوقت ضيق
حتى لو قبل الإمتحان بنص ساعة، ذاكر.

ذاكر لآخر لحظة،
واتعب لآخر دقيقة،
وما تحسبهاش بالكمية ولا بالعدد،
احسبها بالصدق مع ربنا.

اعمل اللي تقدر عليه في وقتك،
واستعن وتوكل على الله،
وسيب النتيجة عليه.

ربك هو المعين
وأجرك مش ضايع… أجرك عند ربنا عز وجل.

ظبط ميزانك صح ⚖
يعني ايه...؟؟؟
يعني ماتوزنش الدهب بميزان الخضار ...حد عاقل يعمل كده ؟؟!
أهو ده حالك بالظبط ...
لما تتعامل مع رجب إنه شهر عادي
ولما تتعامل مع قراءتك للقرآن زي مابتتعامل مع قراءة أي كتاب تاني..

رجب شهر حرام ..يعني السيئة فيه معظمة مش زي باقي السنة ..ينفع إنت تكمل عادي كدة فيه من غير ماتسيب المعاصي اللي بتعملها ولا تزود حسنات ..
ينفع توزن الدهب بالخضار🙃 ؟؟

🌿أما مع القرآن
فتأكد إنك مهما قرأت من مواعظ وحكم وكتابات البشر واتأثرت بيها وإتعظت
لم ولن تساوي تلاوة آيات وكلام رب البشر
الأولي الحسنة بحسنة
والثانية الحسنة بعشرة

⏰رجب شهر مش عادي ..وخلاص بدأ
_عايزين بقى نفتح المصاحف
_عايزين نتدرب علي الختمات
-عايزين بيوتنا تنور بتلاوة القرآن
...تحضيرا واستقبالا لشهر القرآن(رمضان)❤

#رسايل_رجب

ضروري يشباب لو حد ف نطاق مدينة نصر وحابب يوصل ليها ملابس يبعت على البوت وهقابله شخصيا، الأمر ضروري.

السلام عليكم ورحمة الله وبركاته

ازيكم يشباب، معانا حالة بنت صغيرة ف السابعة من عُمرها رأيتها أمس وانا ف الشغل جائت تبيع لي بمصحف بمقابل مادي لئلا تطلب المُساعدة بدون سبب مما رأيت بها من عزة نفس، ملابسها مُرقعة ومقطعة لا تتحمل شدة البرد في هذه الأيام، إن شاء الله وعدتها أني استطيع توفير ملابس لها وبطانيه لها حتى تتحمل برودة الجو.

لو حد عنده ملابس متوفرة عن حاجته لفتاة في عمرها، وكذالك لو حد قريب من مكرم عبيد مدينة نصر يستطيع أن يرى الحالة.

دا رقم التحويل لو حابب يساعد بالمال
01028977608

صبَاحُ الخَير🌸

«سيجبرُ الله أشياءً ويذهبُها ‏كأنّنا لمْ نكن يومًا نُقاسيها». 💗

المسلم "تاجر شاطر" بيعرف إمتى تُفتح خزائن الأجر..

عظمة ديننا إنه ما سابش وقتك يضيع هدر؛ جعل لك مواسم عبادة (سنوية، وشهرية، وأسبوعية) عشان تفضل دايمًا "على القمة". المواسم دي هي اللي بتدي لحياتك قيمة، ولأيامك معنى.

اللي فاهم يعني إيه "مواسم" صح.. هو اللي بيعرف إمتى يرمي البذرة، وإمتى يسقيها، عشان وقت الحصاد يلاقي قلبه مليان بالنور والأجر.

نحن الآن في موسم"الزرع".. فاستعدّ. 🌱

#د_حازم_شومان
#شهر_رجب
#استعد_لرمضان

احنا هنا في الدنيا عشان نسعى للخير، نسعى فقط ونحاول.

واللـ بيسعى ويحاول ربنا بيكرمه وبيعينه اووي 💗

اوعوا تبطلوا سعي 🌸
هو ده اللـ باقي لنا وثمرته حلوة جدًا🌸

السلام عليكم ورحمة الله وبركاته

جزاكم الله خيرا يشباب وجعله في ميزان حسناتكم، تم وصول المساعدات إلى مُستحقيها،يسر الله أُموركم جميعا، وتقبل منكم صالح الأعمال❤️

صباح الخير🌹

الحاجة الأكيدة " إنّ الله على كل شيء قدير "

يعني لو وقف الكون كله واستحالت المُسبّبات هو قادر يغير كل حاجة علشان دعائك وما سكنَ قلبك وتمنّيته ولم تبُح بِه..

تخيل أن الرحمن يستحيِي أن يُخيب أملك مادمت تحسن الظن به❗️

احلم وتمنى وبالغ في طلبك فأنت تطلب أكرم الأكرمين وأرحمُ الراحمين.♥️

سمعتُ أحدَ الملتزمين يشكو فيقول:

كنتُ تائبًا من سماع الأغاني بعد محاولاتٍ صعبة،
حتى مرّ أمامي أحدُ المنشورات
التي تحتوي على الموسيقى،ففتنت قلبي،
والآن أحاول مجددًا أن أتوب عنها،
وإني لا أسامح من فتنني بها!
فاتقوا الله في غيركم،
وارفقوا بأنفسكم من الذنوب،
فإن كنتَ تسمع الأغاني فلا تنشرها،
فهناك من يجاهد نفسه ليغضّ
سمعه عنها ولا يفتن بها!

قال جابر بن عبد الله:
"كان رسول الله ﷺ رجلاً سهلاً"
قال النووي رحمه الله:
وقوله: "سهلاً "
أي: سهل الخُلق،
كريم الشمائل،
لطيفاً، ميسراً في الخَلق،
كما قال الله تعالى:
﴿ وَإِنَّكَ لَعَلَى خُلُقٍ عَظِيمٍ ﴾..

هل تدري أن سباق الصلاة على النبيﷺ قد بدأ الآن؟
صلّي المغرب ثم أكثر من الصلاة عليه؛ عسى الله أن يجمعنا به في جنات الخُلد ونكون من رفقائه فلا نفترق أبداً.

#الصلاة_على_النبيﷺ
#ليلة_الجمعة

بما إن دي فترة فاينل عايزة أقول حاجة
بلاش تدخل إمتحانك وأنت في نيتك إنك مذاكرتش فهتغش وخلاص، الغش حرام قولًا واحدًا ووجب عليك التوبة إلى الله تعالى لإنه ذنب عظيم..
ومن وجهة نظري، أنا بحس إن الغش دا شيء حقير جدًا بجد، ليه أصلًا تطلب من حد وتتذلله علشان تعدي في المادة؟
الدنيا مش مستاهلة عمومًا.. فلو عايز تنجح ذاكر، ولو قصرت تحمل نتيجة تقصيرك.. حتى لو هتعيد المادة؛ لإن الأولوية الأولى في حياتك دائمًا إنك ترضي الله.

ولا تنسى قراءة سورة البقرة قبل كل إمتحان
الله يوفقنا لما يحب ويرضى 💗💗