لما ربنا يوفقك إنك تمشي في طريق الالتزام إوعى تبص وراك تاني!

إوعى ترجع لصحبة سيئة ..
أو تحن لمعصية قديمة ..
أو تتحسر على وظيفة أو منصب تركته لله ..

إوعى تبص وراك!

وانتبه لخطورة الالتفات
وتذكر قوله تعالى " وَلَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثًا ."

خاف على دينك وخلي عينك على قدام وبس!

ركز في طريق ربنا وانشغل بيه عشان تثبت ومتقعش بسبب بصة لورا!

أقولك على حاجة؟!

- ابدأي احفظي القرآن ، وادرسي تجويد ، وانتِ هتنسي الدُنيا دي وگل اللي فيها !

"حِفظ القرآن ، ودراسة التجويد والقراءات  ؛ مُتعة ولَذة وراحة لقلبك وگأنه لم يرَ حُزنًا قَط."

فـ واللَّه أتعجب مِن الذي لم يحفظ القرآن ، ولم يدرس التجويد ، گيف لقلبه أن يذوق طعم السعادة !

والله والله لكأن المدود والغنن تخرج الهم من صدورنا إخراجاً.

أول ليلة في شهر رجب.
ذكروا الناس بأيام الله؛ مثل شهر رجب الذي يحل علينا بحرمته وتعظيم الله إياه.
شهر حرام؛ نعمة عظيمة بين يديك، وهو في نفس الوقت ابتلاء عظيم على نفسك.
الحسنة فيه معظمة وكذلك السيئة.
فلا تظلم فيه نفسك، ولا تبع آخرتك بعرض زائل من الدنيا.
واحتسب كل تسبيحة وعمل صالح واستشعر الزيادة في الأجر، واتق الله.

•نُقل.

مفيش صيام بكرة بمناسبة أول رجب❎

مفيش دعاء مخصوص لأول ليلة في رجب❎

شيييير وعرف غيرك♻️

صباحُ الخير 🧡

قُل الحمدلله حتَى وإن باتت أيامك خيبّات فلا شيء يُساوي العافِية

أصبحنا بخيرك الدائم
ولُطفك الخفيّ
ونظن بك الظنّ الجميل، فتولّنا.

‏عارفين فين الغلطة؟ إننا ساعات بنتوكل على نفسنا، وننسى إن التوفيق كله من ربنا.

-الشيخ سمير مصطفي.

إذَا أردتَ شيئًا تُحِبُّه فَلا تعصِ اللّٰـهَ فِي الوصُولِ إليهِ، حتَّىٰ لا يكونَ سببًا فِي حِرمانِكَ مِنهُ.

إنَّ مَا عندَ اللّٰـهِ لا يُدرَكُ بِمعَصيتِه.

شهر رجب دخل نعمل ايه؟؟!!
أهم حاحة تعملها إنك تاخد بالك إنك دلوقتي في شهر من الأشهر الحرم وده معناه...
ان المعصية في الشهر ده أعظم من باقي الشهور أصلك بتعصي الملك في الوقت اللي قالك فيه انتبه
ده وقت معظم أكتر من باقي السنة زي ماالمسجد الحرام معظم عن باقي الأماكن
يبقى بردو المطلوب نعمل ايه ؟؟
1️⃣ نتووووب ونبعد عن كل الذنوووب تضييع صلاة أو علاقات ارتباط أو حجاب مش مظبوط أو أغاني أو مسلسلات ...لا تنتهك حمى الملك
2️⃣نبدأ نستعد لرمضان بطاعات كتيييير صلاة وصيام وقيام وورد قرآن
نسمات رمضان بدأت تهل مع بداية رجب فاستعد له صح 💪
#رسايل_رجب

صباحُ الخَيرِ🌹

‏إن استطعت ألّا تدخل قبرك إلا والقرآن في قلبك فافعل!
‏مَباهِج القرآن ولذائذه لاتنقطع، أدْرِك هذا النّعيم قبل أن ينقطع سَفَرُك عن هذه الحياة الدنيَا أو أن يُرْفَع.

‏قال ابن عباس -رضى الله عنه-:
"‏كفل الله لمن قرأ القرآن واتبع مافيه أن لا يضل في ‏الدنيا ولا يشقى في الآخرة".

بمناسبة السنه الميلادية الجديدة
أقول لكم ..
كل عام ونحن لا شأن لنا بهم
كل عام ونحن لنا دين نعتز به
كل عام ولنا قدوة حسنة نقتدي به (صلى الله عليه وسلم)
ان كان للنصارى (بابا نويل )
يحقق لهم أحلامهم كل سنه
ف لنا رب " يحقق لنا أحلامنا كل حين
فاعتزوا بدينكم
(كن مسلماً معتزاً بإسلامك)

عاوزين في عز

شبابنا

كدا تذكير دائم بإن الدنيا

فانية

والألم فايت والعمل محسوب والحركة مكتوبة والآخرة حق والحساب آت لا محالة والوقوف بين يدي الرحمن حق

والجنة حق والنار حق،

والدنيا فانية بما فيها من ناس وعلاقات وأشياء وممتلكات، وإنها هباءة وإننا هباءة داخل الهباءة،
وإن كله مكتوب ومقدر وما أخطأك لم يكن ليصيبك وما أصابك لم يكن ليخطئك.

محدش بيوصل "بالصدفة".. ومحدش بيتغير "بالتمني".

​لو فضلت تقول "لسه بدري" و "هبدأ من أول رمضان"، هتلاقي الأيام بتجري بيك، وهتدخل رمضان بنفس القلب اللـ دخلت بيه السنة اللـ فاتت.. وبنفس النتيجة.

​الحقيقة إن أقل من شهرين هما اللـ بيفصلوا بين "رمضان اللـ هيغير حياتك" و "رمضان اللـ هيعدي كأنه عادة".

​بص للقدوة: أقوى الناس في الدين ماكانوش بيعرفوا "أنصاف الحلول".

​أبو بكر كان الصديق من اللحظة الأولى.
​عمر كان الفاروق من أول خطوة.
​مصعب ساب الدنيا كلها في ثانية.

​كانوا عارفين إن البدايات القوية هي اللـ بتصنع النهايات العظيمة. ماتستناش الهلال يهل عشان تبدأ.. ابدأ "صح" دلوقتي، عشان "تكمل" صح وتدوق الحلاوة بجد 💗.

بمناسبة الاستعداد لشهر رمضان المبارك 🌙
هيكون فى دورة خاصة بالنساء فقط حول الاستعداد لرمضان، نتناول فيها تهيئة القلب، وتصحيح النية، ووضع برنامج عملي يعين على اغتنام الشهر كما ينبغي.

مَن ترغب في الانضمام يُرجى إرسال رسالة
@roqiawael22

بارك الله فيكن وبلّغنا وإياكن رمضان على خير 🌸

السلام عليكم ورحمة الله وبركاته
صباح الخير يا شباب

إنَّ الله إذا كلَّف، أعان..
صحيح يمكن الظروف تخليك تحس إن الطريق صعب، وإن التكليف تقيل على نفسك وقلبك!

ولكن تيقَّن أن الله سبحانه لن يُكلفك ما لا تطيق..

فتوكَّل على الله ولا تخف، وامضِ مطمئنًا..
فالذي كلَّفك هو الذي سيُعينك.

ماتنساش، في وقت امتحاناتك وانشغالك بالمذاكرة صلاتك ..

ومتأخرهاش لحد ما تخلص الجزئية دي وافتكر: «لا بارك الله في عمل يلهي عن الصلاة». ومتسيبش قرآنك عشان مفيش وقت.. وقتك محتاج للقرآن علشان يزداد بركة .. «ما زاحم القرآن شيئًا إلا باركه». ويحضرني قول د حازم شومان الشهادة اللي إنت رامي دينك عشان تاخدها دي ممكن تموت قبل ما تكسب قرش من وراها ... فين عبادتك اللي هتدخل بيها القبر؟

اذكر نفسي و إياكم الله يغفر لنا تقصيرنا

حتى لو الامتحان بكرة…
وإنت لسه ما فتحتش كتاب
إوعى تيأس، وإوعى تسيب المذاكرة وتقول: زي ما تيجي تيجي.

النبي ﷺ قال:
«إن قامت الساعة وفي يد أحدكم فسيلة، فإن استطاع أن لا تقوم حتى يغرسها فليغرسها».

إحنا أمة الفسيلة…
لازم تشتغل لآخر لحظة
حتى لو مش هنشوف النتيجة
حتى لو التعب قليل
حتى لو الوقت ضيق
حتى لو قبل الإمتحان بنص ساعة، ذاكر.

ذاكر لآخر لحظة،
واتعب لآخر دقيقة،
وما تحسبهاش بالكمية ولا بالعدد،
احسبها بالصدق مع ربنا.

اعمل اللي تقدر عليه في وقتك،
واستعن وتوكل على الله،
وسيب النتيجة عليه.

ربك هو المعين
وأجرك مش ضايع… أجرك عند ربنا عز وجل.

ظبط ميزانك صح ⚖
يعني ايه...؟؟؟
يعني ماتوزنش الدهب بميزان الخضار ...حد عاقل يعمل كده ؟؟!
أهو ده حالك بالظبط ...
لما تتعامل مع رجب إنه شهر عادي
ولما تتعامل مع قراءتك للقرآن زي مابتتعامل مع قراءة أي كتاب تاني..

رجب شهر حرام ..يعني السيئة فيه معظمة مش زي باقي السنة ..ينفع إنت تكمل عادي كدة فيه من غير ماتسيب المعاصي اللي بتعملها ولا تزود حسنات ..
ينفع توزن الدهب بالخضار🙃 ؟؟

🌿أما مع القرآن
فتأكد إنك مهما قرأت من مواعظ وحكم وكتابات البشر واتأثرت بيها وإتعظت
لم ولن تساوي تلاوة آيات وكلام رب البشر
الأولي الحسنة بحسنة
والثانية الحسنة بعشرة

⏰رجب شهر مش عادي ..وخلاص بدأ
_عايزين بقى نفتح المصاحف
_عايزين نتدرب علي الختمات
-عايزين بيوتنا تنور بتلاوة القرآن
...تحضيرا واستقبالا لشهر القرآن(رمضان)❤

#رسايل_رجب