.
مع الأحداث الأخيرة اللي بتحصل حوالينا واحنا شايفين ضعف أمتنا واجتماع الأعداء علينا😥
محتاجين نفكر نفسنا دايما بحديث النبيﷺ :
🔴[ إنْ قامَتِ السَّاعةُ وفي يدِ أحدِكُم فَسيلةٌ فإنِ استَطاعَ أن لا تَقومَ حتَّى يغرِسَها فلْيغرِسْها ]

❌ماينفعش نحبط ولا نيأس
❌ماينفعش نتعامل بنفسية المهزوم وإنها كده كده بايظة

👈 اعمل اللي عليك
👈 اعمل اللي في ايدك
👈 نوّر ولو شمعة واحدة في الضلمة دي
👈 انصر دينك وأمتك في نفسك وأهلك بتعظيم أوامر الله وطاعته والبعد عن المعاصي
👈 انصر أمتك بالدعاء ليها ولإخوانك المستضعفين
👈 انصرها بتذكير الناس بالرجوع لدينهم ونصرته
👈 اعمل اللي عليك وتعامل بنفسية رب لا أملك إلا نفسي....هعمل كل اللي في ايدي يارب
🚫 واوعى تيأس أو تحبط

#نقل

.
بحاول أفهِّم نفسي أن ما شاء الله كان وما لم يشأ لم يكن! ..
دعيت كتير وروحت وجيت وبذلت كل الأسباب ومحصلش؟
عادي! أمر الله نافذ لا محالة
دبدبت في الأرض وعيطت وصرخت قُضي الأمر

اتعلم تستسلم ..
اتعلم تقول سمعنا وأطعنا ..
اتعلم تغرس جواكِ أن المُلك بيد الله يُؤتي من يشاء ويَنزع ممن يشاء ..
مهما كان الأمر قاسي، مهما كان الألم صعب، مهما كان الصبر مُرّ!
دنيا وتنقضي في الآخر .. وليس لك من الأمر شيء يا عبد الله ..
يا رب علمني أن أستسلم وأخضع وأنقاد بحبّ، يا رب علمني وفهمني :))

.
السلام عليكم ورحمة الله وبركاته
صباح الخير يا شباب

الطريق للعلم مش سهل..
لكن الأصعب إننا نمشيه من غير نية واضحة.
فقبل ما تبدأ في تعب ومشقة الدراسة أو طلب العلم، اسأل نفسك: أنا ليه بعمل كل ده؟

لو الهدف مجرد شهادة أو وظيفة = يمكن نوصل ونكتشف إن التعب ماكانش يستاهل.

لكن لو الهدف رضا الله، ورفع الجهل عن نفسنا، وخدمة الناس بالعلم النافع = ساعتها كل تعب بيبقى له معنى، وكل ساعة مذاكرة تتحول لعبادة بإذن الله.

فجددوا نواياكم..

في اللحظة التي تشعر فيها أن كل شيء يعاكس رغباتك؛ تذكرَّ قوله تعالى:

"لا تدري لعلَّ الله يُحدثُ بعد ذلك أمرًا." ♥️🕊

.
السلام عليكم ورحمه الله وبركاته
صباح الخير ياشباب

حاسس إن الدنيا كلها مقفلة في وشك؟ 🔒
وحياتك كلها مشاكل ومش لاقي مخرج!!

الحل كله في الذكر💡

أعظم عبادة تفتح لك كل المغاليق:

● الذكر يفتحلك الأبواب المقفولة.
● سبب في السكينة وطمأنينة.
● يقوّي إيمانك ويقربك من ربك.
● سبب إن ربنا يباهي بيك ملائكته.

يعني… الذكر حياة لقلبك 🤍

قال تعالى: ﴿فَاذْكُرُونِي أَذْكُرْكُمْ﴾
اللهم اجعلنا من الذاكرين الشاكرين. 🤲

#أقوى_علاج_نفسي_موجود_في_القرآن

.
غضُّ البصر لا يكون فقط فيما تراه أثناء سيرك في الشَّوارع، إنَّما أيضًا يكون في مثل تلك المواقع التي لا تخلو من الصُّور والمقاطع والإعلانات التي فيها الكثير ممَّا يُحرم النَّظرُ إليه، ومن ذلك مقاطع الرِّيلز التي يغفل الكثير عنها ويقول: أنَّه يقلِّب ولا يعرف ماذا سيُعرض له، وما ذلك بعذرٍ؛ لأنَّه يعلم من كثرة مشاهدته لتلك المقاطع أنَّه يعرض أمامه مقاطع لراقصاتٍ وممثِّلاتٍ وعارياتٍ، فكان الأولى له عدم الدُّخول والتَّقلُّب فيها، وليحذر المسلم من تلك المواقع لا سيما الإنستا والتيك توك والإكس، والأولى أنْ يأخذ بوصيَّة النَّبي -ﷺ- ويحرص على ما ينفعه، فلا يأخذ منها إلَّا ما ينفعه.

#مشروع_عفة.

ماتدعولي ياجماعة 🥹
والله وبالله في أمس الحاجة إلي الدعاء اسألوا الله أن يقر عيني بما أريد ويزقني وإياكم جبر الخاطر وأن يرضي عني وعنكم اسألوا لي التوفيق في حياتي ويصلح حالي ويشفني ويقر عيني بما أريد ويزوجني ويعجل ليا ذرية صالحة ويسر أمري لا تنسوني من دعائكم فضلاً وليس أمراً 🥺

السلام عليكم ورحمه الله وبركاته
صباح الخير ياشباب

⏳ لو اليوم ده كان آخر يوم في عمرك… هتقضيه إزاي؟

استغل كل يوم وأنت في عز شبابك وصحتك… شبابك لو ضاع منك من غير ما تعمل شيء مفيد، هتندم!

✅ رتّب أولوياتك.
✅ املى يومك بطاعة وإنجاز.
✅ وماتخليش وقتك يضيع على الفاضي.

🚨 قال ﷺ:
(لا تزولُ قدما عبدٍ يومَ القيامةِ، حتى يُسألَ عن عمرِه فيم أفناه؟ وعن علمِه فيم فعل فيه؟ وعن مالِه من أين اكتسبه وفيم أنفقه؟ وعن جسمِه فيم أبلاه؟) [رواه الترمذي]

💪 اغتنم شبابك… قبل ما تندم!

جماعة بجد هو انتوا قد ذنب الخوض مع الخائضين دا...؟!
يعني قد ذنب أنكم بتجروا مع كل ريح، معاكم معاكم عليكم عليكم...!
يعني أكاد أجزم أن معظم اللي بيخوضوا في معظم الأمور مبيكونش عندهم الإحاطة الكاملة بالموضوع اللي بيتكلموا فيه....!

"وهل يكب الناس في النار على وجوههم ، و قال: على مناخرهم ،إلا حصائد ألسنتهم"

الله يهدينا
الله يهدينا لأن الموضوع صعب والله وذنوب كتير مش قدها...!🖤🖇

غيّر حياتك 💡

اللي خلقك هو الأعلم بحالك وخباياك، ومش هتلاقي حد يكرمك ويرحمك زي ربنا سبحانه وتعالى.

افتح مصحفك… هتلاقي اللي عالم بحالك وقلبك بيكلمك فيه.
لو موجوع، هتلاقيه يكلمك عن وجعك، يصبّرك، ويوجهك للصواب.

هتلاقي فيه مفتاح نجاحك، وحل لكل مشاكلك!

لما تعيش مع كل جملة في القرآن وتسلّم قلبك ليه، مش بس هيعدّل نفسيتك ويصلح قلبك…
ده كمان هيغير حياتك كلها: يبدل أوجاعك، يقوّي عزيمتك، وينوّر طريقك.

#يكاد_البرق_يخطف_أبصارهم

‏ثمَّ تُبتلى وتُبتَلى حتَّى تطَأَ قدمَاك الجنَّة،
فتُغمَّسُ فيها غمسَةً وتقُول واللَّه ما رأَيتُ شَقاءاً قَط...!

وَمَا يُلَقَّاهَا إِلَّا الَّذِينَ صَبَرُوا❤️‍🩹"))

بالنسبة لبرنامج الـ"جيمنت" والذكاءالاصطناعي الـ ظهر فجأة…
لازم نصحى ونفهم إن دا مش مجرد لعبة...!
ظهور الذكاء الاصطناعي مش صدفة، إحنا دلوقتي في زمن أي صورة تنزليها
ممكن تتاخد وتتغير وتستخدم ه ضدك،
وممكن بكرة تلاقي صورتك معمولة في حاجات مترضيكيش وانتِ أصلاً ما عملتهاش.

تخيلي إنهم ياخدوا صور البنات كلها ويجمعوها،
وبعد فترة يعملوا بها حاجة تضر سمعتهم أو يفضحوهم...!
كده الذكاء الاصطناعي نجح في هدفه: إنه يسرق خصوصيتنا ويكشف سترنا.

يا بنات، خلي بالك…
مفيش حاجة مجانية بتتعمل للخير بس،
كل برنامج وراه هدف، وإحنا لازم نستعمل التكنولوجيا صح
قبل ما هي تستعملنا وتضرّنا.

ديننا علمنا الحياء، والنبي ﷺ قال:
"الحياء شُعبة من الإيمان"
وما ينفعش نفرّط فيه مهما كان التطور.
حافظي على نفسك وصورك…
لأن يوم ما يحصل مصيبة مش هتقدري ترجعي الـ فات، والندم وقتها ملوش لازمه
وأخيراً مش كل نيلة اسمه تريند يطلع تقلدوه فوقوا بقااا

السلام عليكم ورحمة الله وبركاته
صباح الخير يا شباب

يقول ابن القيم رحمه الله في فوائد الصلاة على النبي ﷺ: "أَنَّهَا سَبَب الْبركَة فِي ذَات الْمُصَلِّي وَعَمله وعمره وَأَسْبَاب مَصَالِحه؛ لِأَن الْمُصَلِّي دَاع ربه يُبَارك عَلَيْهِ وعَلى آله، وَهَذَا الدُّعَاء مستجاب، وَالْجَزَاء من جنسه"..

فاللهم صل وسلم وبارك على سيدنا محمد وعلى آله وصحبه وسلم.

الجمعة
يوم رسول الله صلى الله عليه وسلم

جاء في حديث أبي بن كعب قال: قلت: يا رسول الله إني أكثر الصلاة عليك، فكم أجعل لك من صلاتي؟ فقال: ما شئت، قال: قلت: الربع؟ قال: ما شئت، فإن زدت فهو خير لك، قلت: النصف؟ قال: ما شئت، فإن زدت فهو خير لك، قال: قلت: فالثلثين؟ قال: ما شئت، فإن زدت فهو خير لك. قلت: أجعل لك صلاتي كلها، قال: إذاً تُكفى همك، ويغفر لك ذنبك. رواه الترمذي، وحسنه الألباني. ورواه الإمام أحمد والحاكم في المستدرك

‏"صلّى الإله على النّبيّ محمّدٍ
والآلِ والأصحابِ خير عِبادِ" ﷺ

"Life goes on "
يعني لو مدخلتش الكليه اللي انا عايزاها مش هيحصلي حاجه هدخل غيرها مدخلتش طب هدخل صيدله و أبقي شاطره مدخلتش صيدله هدخل معهد فني صحي و هبقي شاطره هدخل تجاره، هدخل السن و ابقي شاطره .... there are so many choices .
ايا كان ربنا كاتبلنا اي لازم نكون شاطرين فيه ، always remember ، الشاطر فينا مش اللي هيجيب مجموع عالي فـ الثانويه الشاطر فينا اللي هيعرف يثبت نفسه فـ الكليه و المجال اللي ربنا أختاره لي💚 .
حبيت اكتب الكلام ده دلوقتي عشان الناس اللي بتقول أنها مكتئبه و إن الثانويه بالنسبه ليهم آخر الدنيا ، الدنيا مش هتقف يا جماعه و الله و هتكمل, and you have to deal with it
بس كده مساء الخير 💚🕊️