السلام عليكم ورحمه الله وبركاته
صباح الخير ياشباب

{خُذِ الْكِتَابَ بِقُوَّةٍ}

"بقوة"… مش لما تفضى!
مش بكسل… مش وقت الفراغ!
مش بس لما تتزنق وتقع في الابتلاء.

خُذِ الكتاب… وكأنك بتتمسك بآخر خيط للنجاة،
وكأنك بتشد نفسك من تحت الركام وهموم الحياة.

{خُذِ الْكِتَابَ بِقُوَّةٍ}
أمر رباني بالنهوض والتماسك،
بالرجوع لحقيقة نفسك… من خلال رجوعك للقرآن.

القرآن هو اللي هيعرفك مين هو ربنا،
هو اللي هيبنيك، وهو اللي هيربيك،
وهو اللي هيثبّتك وقت المحن.

القرآن حياة جديدة… ونفسية جديدة…
بتبدأ مع أول صفحة بتقرأها.

#خذ_الكتاب_بقوة

– عندما ترتدي المرأة الزي
الشرعي 🦋
وتبتعد عن سماع الموسيقى👏🏻
وتحافظ على صلاتها ☝️🏻
ولا تصافح الرجال ✋🏻
فهذا لا يعني أنها "شيخة"...!

– بل هو واجب على كل مسلمة ، يا من سترتِ وجهكِ طاعةً لله،
زادكِ الله نـــورًا فــوق النــور ،
ما أجملكِ حين اخترتِ رضا الرحمن،
على رضــا الناس و العيون 🖇🖤

إنت أكتر واحد عارف فين نقطة ضعفك ، وعارف الطريق اللي كل مرة بيوقعك يبقى ليه تكمل...؟! ليه تسيب نفسك للفتنة...؟!

أبعد عن المكان اللي بيقلب حالك ، ما تبررش لنفسك الغلط
قال تعالى :
(بَلِ الْأِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ)🖇💚🕊

.
السلام عليكم ورحمة الله وبركاته


{يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ}

سيب كل مشاغل الدنيا وقت الأذان..
تجارة، شغل، بيع، أي حاجة!

وروح بقلب حاضر لذكر الله، ولخطبة الجمعة وصلاة الجمعة.

وماتضيعش عليك أجر وفضل اليوم.

ليه جوانا كـ بنات احساس فطري بيدفعنا نحسن حجابنا...؟!
وكأنه صوت جوانا بيفضل ينادي... مهما بعدنا عنه...!

إحنا بنتولد بنحب الستر:
جوانا حاجة بتحب الأمان، بتحب الحياء، بتحب تغطي مش تكشف، بتحب تمشي وهي مطمنة… والحجاب مش حاجة دخيلة على حياتنا، دا شيء بيكمل فطرتنا. 🤎🕊

دايمًا بنتأثر:
لما نشوف بنت غيرنا قربت، لبست خمار، جاونتي، وسعت لبسها، سابت البناطيل، اختارت رضا ربنا عن رضا الناس.

هنا بنحس بحاجة… حاجة بتوجع شوية، يمكن تأنيب ضمير، يمكن شوق، بس الأكيد إننا بنحن، ويظهر صوت جوانا بيقول: "أنا كمان عايزة أكون كدا" 🥹🤎

وعارفين...! عارفين إن دا الصح، حتى لو أنكرنا:
بنضحك ونهزر، بنبرر، ونقول "مش جاهزة"
أو "مش هينفع أسيب لبسي اللي بحبه"
بس جوانا إحساس ما بنعرفش نكذبه...!

في نداء جوانا اسمه "الفطرة"، ربنا خلقه فينا عشان يفضل ينادينا برفق، ويفكرنا كل شوية، حتى لو تايهين أو مش مستعدين. 🖇️🤎🕊

#الحجاب_ستر
#رضا_الله_يكفيني
#خطوة_حجاب_إرضاء_لرسول_اللهﷺ

عايز اتغير ابدأ من فين...؟!

ج/ من الصلاة.

في زمن يُحارَب فيه الستر، نجد العفيفات في ازدياد ♥️

رغم التسهيل للمعصية، والتضييق على الطُهر، رغم الضغوط، والنظرات، والكلمات الجارحة أحيانًا…

إلا أن عدد المنتقبات يزداد، وعدد القلوب المُقبِلة على الله يتضاعف، وكأنهنّ يرددن في صمت:
"يا رب… اخترتُ رضاك، فثبّتني على الطريق." 🤍

نُبارك من أعماق قلوبنا لكل أخت ارتدت النقاب حديثًا

وبنقولها أنتِ لستِ وحدك.. بل أنتِ جزء من قافلة عفيفات تمضي بثبات نحو رضا الله والجنة♥️

وبنقول لكل بنت مازلت مترددة في القرار...
كل اللي ارتدوا النقاب قبل كده.. كانوا مترددين، خايفين زيك، ويمكن قالوا: "أنا مستحيل أخد الخطوة دي، انا مش قدّها".

لكنهم لما أخدوا الخطوة، لقوا العون، والثبات، والطمأنينة والرضا✊🏼
خدي بالأسباب، وسابقي لله وهتلاقيه يفتح لكِ من حيث لا تحتسبي☘️

#العفيفات_في_ازدياد
#النقاب_قرار
#البسيه_صح
#خطوة_حجاب_إرضاء_لرسول_اللهﷺ

هُنا غزة ..
سبعمائة يومٍ مرّت على الإبادة، حتى صار ليلها مُضاءً بلهيب القذائف، كأن النار قررت أن تُقيم في سمائها ؛ تُذبح غزة من الوريد إلى الوريد ، تُهدم بيوتها حجراً يتبع حجراً ، ويُسفك دمها كأنما الدم فيها بلا ثمن ولا حساب.

تغفو على هدير الصواريخ على ارتجاف الأرض تحت وقع الانفجارات وتصحو على المشهد ذاته، وكأن الليل والنهار قد اتفقا على حصارها ، لقد صرخت حتى بُحّ صوتها وما مِن أذن تسمع ، وأشعلت نارها لتضىء ، لكنها لم تلقَ إلا رماداً يتطاير في وجه الريح .

#غزة
#فلسطين

How many nights must Gaza burn before the world awakens ?
- قُصيّ طَارِق

تلك السجدة بين يدي الله في قيام الليل هي التي تصرف عنك كل القلق..!

- د/ أحمد عبدالمنعم.🤎

#قيام_الليل_أعانكم_الله

.
السلام عليكم ورحمة الله وبركاته
صباح الخير يا شباب

أصعب من مجاهدة النفس على الطاعة، إنك تحفظ قلبك بعد الطاعة!

كم من إنسان جاهد نفسه حتى صلى، أو تصدّق، أو قام الليل، ثم هلك عمله بالعُجب!

والعُجب: إنك تبص لعملك وتنسى إنه من توفيق الله عز وجل لك.
ولولا فضل الله ما كنت صليت ولا تصدّقت ولا قمت.

فخلي أعمالك كلها خالصة لوجه الله
واعلم أن قبول العمل أعظم من مجرد عمله.

لو مخفتش النهاردة يبقي في حاجة غلط ❌️

الناس بتقول كلام كتير.. بس رضا الله أهم...!

💭 هتلاقي اللي يقولك:
"الدين يسر، مش تشدد!"
"كدا شكلك أكبر من سنك"
"اتحجبي بس على خفيف"
"نقاب إيه أنت لسة صغيرة"

بس السؤال الحقيقي:
هل كلام الناس هينفعك يوم ما تقفي لوحدك بين يدي الله...؟!

الحجاب الشرعي يمكن يكون صعب في الدنيا، لكنه أسهل بكتير من ندم الآخرة🥹

والحجاب مش بس قطعة قماش..
دا طاعة، وستر، وشرف، ورسالة واستسلام لأمر رب العالمين...!

فكري كدا هتختاري ترضي مين..؟!
👈🏻 الناس اللي كلامهم بيتغير كل يوم..؟!
👈🏻 ولا اللي خلقك، ورزقك، وكرمك، وفتح أبواب رحمته ليكي...؟!

أرفعي من قدرك، واسألي نفسك بصدق: أنا مع أي فريق...؟!
👈🏻 فريق السائرين بثقة في طريق الله...؟!
👈🏻 ولا فريق اللي بيضيع عمره في إرضاء الناس..؟!

الستر قرار، خلي قرارك يرضي الله.. وعيشي بثقة، وقوة.. الجنة تستاهل.

ولو انتي ربنا اصطفاكِ بالحجاب الشرعي فاثبتي.. ولكِ في الثبات جنّة 🍀

#الحجاب_ستر
#رضا_الله_يكفيني
#شاركينا_تجربتك
#خطوة_حجاب_إرضاء_لرسول_اللهﷺ

=استنى كده اشمعنا النهاردة ‼️
وليه اخاف 🤔

◀️هقولك أنا .... تخاف 👇
عشان النهاردة في كسوف للشمس 🌘🌒

=حلو برضو دى ظاهرة كونية و كدة .

◀️ لا تعالى هنا دي آية من آيات ربنا أرسلها تخويفًا لعباده
وربنا عزو جل قال : { وَمَا نُرْسِلُ بِالْآيَاتِ إِلَّا تَخْوِيفًا}
حتى يخاف الناس الله تعالى.

◀️يعنى لو ماخفتش في اليوم دا و من الحدث دا يبقى لم تحقق مراد الله منك في الوقت دا 😪

▪️يبقى الحكاية أكبر من كونها ظاهرة كونية بقى 😮

=يعنى إيه المطلوب ❓️
المطلوب تضرع لله تفزع لله بالذكر 🤲
◀️النبي ﷺ قال : ( فإذا رأيتم ذلك فافزعوا إلى ذكر الله، ودعائه واستغفاره، وفي اللفظ الآخر: فصلوا وادعوا حتى ينكشف ما بكم )

=يعنى هى ليها صلاة ... بصورة معينة ❓️
◀️ركعتين طويلتين، يبدأ بالفاتحة ثم يقرأ ما يسر الله له، ومن السنة يطول،ثم يركع، ثم يقوم ثم يعيد الفاتحة، ثم يقرأ مايسر الله له، ثم يركع، ففي كل ركعة ركوعان، ثم يُسمع ويُحمد، ثم يتمم سائر صفة الصلاة، ثم يفعل بالثانية كما يفعل بالأولى، فتكون الركعتان فيهما *أربع ركوعات*، *وأربع سجدات*، السجود كالمعتاد، وأما الركوع ففي كل ركعة، ركوعان.

▪️عرفنا نصليها جماعة تمام دى السنة 💪
معرفهاش خير تصليها منفردًا في البيت .


الشاهد
👈 عرفت لى تخاف 😪

#كسوف_الشمس

(منقول)

"قِيامُ اللَّيل مِنْ أصْدقِ عَلامَات حبّك لله"

‏قَالَ الإمَام ابْنُ رَجَب -رَحِمَه الله-:
‏"ومِنْ عَلامَاتِ المُحبّين لله وهُو مِمَّا يحصُل بِه المحَبَّةٌ أيضًا:
حُبُّ الخَلوة بمُناجاة الله تَعَالىٰ، وخُصوصًا فِي ظُلمة اللَّيل".

#قيام_الليل_أعانكم_الله

تخيل لو حد بيغرق ولقى حبل ممدود له هيتعلق به قد إيه...؟!
وللَّه المثل الأعلى، لو الحبل ده من اللَّه ﷻ، هتبقى الثقة عاملة إزاي وأنت بتتمسك به...؟!

القرآن هو الحبل اللي هتتمسك به وسط المشاكل، والفتن، والأحداث اللي حواليك.

قالﷺ: (إنَّ هذا القرآنَ سبَبٌ طرَفُه بيدِ اللهِ وطرَفُه بأيديكم؛ فتمسَّكوا به، فإنَّكم لنْ تضِلُّوا ولن تهلِكوا بعدَه أبدًا)♥🕊