الجمعة إن شاء الله تاسوعاء والسبت عاشوراء لازم نصومهم ياجماعة عشان أجرهم الكبير ..
ولازم نعّرف الدنيا كلها عشان كل اللي يصوم يكون في ميزانك ويُكتب لك أجر صيامه

هنصوم ليه ؟؟!!

1️⃣ هنصوم عاشوراء لأن صيام يوم عاشوراء يُكفر ذنوب السنة اللي فاتت ..
يعني كل المعاصي والذنوب اللي عملتها السنة اللي فاتت تتمسح بصيام ١٦ ساعة بس ‼

2️⃣ هنصوم تاسوعاء لأن دي كانت وصية النبيﷺ وأمنيته اللي مالحقش يحققها لأنه مات ....((لئِنْ بَقِيتُ إلى قابِلٍ، لأَصومَنَّ اليومَ التاسِعَ))...انت بقى حقق أمنيته ووصيته🧡

3️⃣ هنصوم عاشوراء ولاءً لسيدنا موسى وحب ليه وفرح بنجاته من فرعون وجنوده ...

في اليوم ده ربنا شق البحر الأحمر لسيدنا موسى عليه السلام وقومه، وجعل نفس البحر هلاك وعذاب لفرعون وجنوده اللي طغوا في البلاد
وهو وحده القادر على نجاتك من كل مهلك
وهو وحده القادر ان ينجيك من كل همومك
انت بس ...ارجعله بالتوبة وتوكل بقلبك عليه زي ماسيدنا موسى عمل ....و ساعتها بس هتكون نجاتك👌

#عاشوراء #رسايل_عاشوراء #رسايل

السلام عليكم ورحمة الله وبركاته
صباح الخير يا شباب

إذا أردت أن تعرف مقامك، فانظر أين أقامك..

فلو كنت مشغولًا بطاعة الله سبحانه وتعالى وتقواه،
فأنت قريب من الله بإذن الله

ولو كنت غير ذلك..
فبالله عليك، لا تخدع نفسك، واستدرك بسرعة
قبل فوات الأوان..

فإن العمر ينتهي في لحظة!

قال الله عز وجل:
"فَفِرُّوا إِلَى اللَّهِ ۖ إِنِّي لَكُم مِّنْهُ نَذِيرٌ مُّبِينٌ"

بتحس أحيانًا إنك وحيد؟

سيدنا نوح دعا قومه 950 سنة، وما آمن معه إلا قليل،
ويونس كان في بطن الحوت، وما فيش مخلوق سامعه...
لكنهم كانوا في معية الله.

البلاء مش دايمًا بيكون دليل بُعد... أحيانًا بيكون باب قرب.

والمعية الحقيقية؟
إنك تكون في عز وحدتك... ويكفيك إن ربك معاك.

#رسائل_عاشوراء

ربنا أعطاك هديتين في شهر:
مرة في آخر السنة بصيام عرفة إللي بيكفر ذنوب سنتين،
ومرة بعدها على طول في أول السنة بصيام عاشوراء إللي بيكفر ذنوب سنة.
يعني أنت داخل السنة الجديدة وأنت عامل Shift Delete لكل إللي فات بإذن اللَّه
يعني بداية جديدة لازمها خطة وأهداف
يعني أمل وأحلام وطموحات في الدين والدنيا
كلمنا دلوقتي عنها في التعليقات وقلنا خطتك إيه للسنة الجديدة؟

السلام عليكم ورحمة الله وبركاته
صباح الخير يا شباب

لا تجعل الله أهون الناظرين إليك..

وافتكر إن في يوم هتقف فيه أمام الله عز وجل،
وهتُسأل عن كل خطوة وكلمة ونظرة..

{وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ
ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ}

اليوم اللي هتموت فيه مش هيكون مميز !
هتصحى الصبح عادي زي كل يوم تاكل وتشرب وتهزر وفي لحظة هتموت!!

أهلك هيحزنوا عليك شوية لكن مع مرور الوقت هيتعودوا وهتمشي الحياة عادي!!

لكن إنت اللي هتكون لوحدك في قبرك وهتتسأل عن كل حاجة عملتها في حياتك.

ياترى هتكون مستعد لليوم دا؟!
عملت إيه تقابل بيه ربنا؟!

لازم تسأل نفسك وتحاسبها كويس قبل ما ييجي اليوم اللي هتندم فيه وساعتها مش هينفع الندم 💔
🫧

.
كلنا عارفين أن صيام يوم عاشوراء يغفر ذنوب سنه كامله

*قدامك دلوقتي هتصوم السبت دا اساسي ال هو عاشوراء*
*وتاسوعاء الجمعة غدا*
*وان شئت تصوم الجمعة والسبت والاحد*

*المهم نصوم يوم قبل او بعد*
*يعني الجمعة او الحد وطبعا عاشوراء السبت*


لو مش هاتصوم ذكر غيرك

السلام عليكم ورحمة الله وبركاته
صباح الخير يا شباب

النهاردة الجمعة، وكمان تاسوعاء!
يعني يومين من أعظم الأيام اللي ممكن نستغلهم في الطاعة والقُرب من ربنا

النبي ﷺ كان بيصوم عاشوراء، وقال:
"صيام يوم عاشوراء يُكفّر السنة التي قبله"
وسنّ لنا نصوم قبله يوم أو بعده علشان نخالف اليهود.

يعني:
▪️ اللي صايم النهاردة (تاسوعاء) وبكرة (عاشوراء) 👌
▪️ أو حتى بكرة وبعده (عاشوراء والحادي عشر)
يبقى كسب السنة وخد الأجر العظيم بإذن الله.

فرصة كبيرة.. ما تفوّتهاش
وياريت تشارك البوست لحد غيرك يلحق يصوم،
وتاخد الأجر في ميزانك إن شاء الله.

‏"مِنْ حَقِّ الرسول عليه الصلاة والسلام أَنْ تُصَلِّي عليه ، لِأَنَّ اللهَ أَنْقَذَكَ بِهِ مِنَ الضَّلالة ، وَدَلَّكَ إلى الرُّشْدِ عَنْ طَرِيقِهِ عليه الصلاة والسلام ، فلا طَرِيقَ يُوصِلُ إلى رِضْوَانِ اللهِ تعالى وَجَنَّتِهِ إلَّا طَرِيقَ مُحَمَّدٍ ﷺ 🫶🏻🫀."

‏صوم عاشوراء غدا..

هل أرهقتكٓ ذنوبُ عامٍ غابر؟!

وتريدُ عفـوا من كريمٍ قـادر!

أبشـر فإن المصطفى قد دلّنا

أن الخطا يُمحٓى بصومِ العاشر.

🔸عاشوراء |

قال ﷺ: "صيامُ يومِ عاشوراءَ، أحتَسِبُ على اللَّهِ أن يُكَفِّرَ السَّنةَ الَّتي قبلَهُ" | رواه مسلم

في هذا اليوم انفلاق البحر بضربة عصا، ونجاة قوم وغرق قوم، لتعلم أن الله لا يعجزه أمرك، وأن يقينك وحق توكلك هو سبيل نجاتك.

سؤال بجد ي جماعة..!؟؟💔🥺

هو أنتِ ضامن حياتك لدرجة إنك بتناموا على أغنية.💔
هو أنتِ ضامن حياتك لدرجة إنك بتخرجى بلبس ضيق.💔
هو أنتِ ضامنه حياتك لدرجة إنك بتتڪلمي مع الل بتحبيه عادى بدون وجود أى شئ شرعي ما بينڪم.💔
هو انتِ ضامنة حياتك لدرجة إنك بتخرّجى شعرك برا الطرحة.💔
هو أنت ضامن حياتك لدرجة إنك ناسي الآخرة ومشغول بالدنيا والل فيها.💔
هو أنتِ ضامنة حياتك لدرجة إنك بتحطى ميڪب وبرفيوم أنتِ وخارجة والموضوع عادى بالنسبالك.💔
هو أنتِ ضامن حياتك لدرجة إنك بتشتم وبتسٔ اللفظ وناسي صلاتك وحفظ قرآنك وتعاليم سنتك.💔
هو انتِ ضامنة حياتك لدرجة إنك بمتلتزميش بتعاليم الدين فى لبس الزى الشرعى.💔 والإختلاط عندك عادى وسايبة صلاتك وعبادتك.💔

بجد هل أنتوا ضامنين حياتڪم ي جمااعة..؟؟!!!💔

وفجأة وبدون سابق أى إنذار
" وجاءت سڪرة الموت بالحق ذلك ما ڪنت منه تحيد "💔

هتفوق امتى حقيقي بقاا!؟؟

السلام عليكم ورحمة الله وبركاته
صباح الخير يا شباب

اجتهد في إصلاح نفسك،
وخلي همّك في الدنيا إنك تقودها لطاعة الله عز وجل..
تروّضها، تذكّرها، وتسوقها للطريق المستقيم، حتى لو كانت بتقاوم.

النفس بطبعها بتميل للراحة، للهروب، للغفلة،
لكن الفلاح الحقيقي.. إنك ما تسيبهاش على هواها.

قال رسول الله ﷺ:
"المجاهد من جاهد نفسه في طاعة الله"

يعني المجاهدة الحقيقية مش دايمًا في ساحة القتال،
والمعركة الأصعب.. هي إنك تنتصر على نفسك لطاعة الله عز وجل.

فمَن عرف الطريق إلى الله.. لا يليق به أن يتراخى،
وإن لم تُجاهد نفسك اليوم.. فمتى؟

كيف أنسى أخي !!

💌

عاشوراء = يوم الريّ بعد الظمأ القاتل

يعني بعد ما قلبك تعب واتحرق من كتر الانتظار..
ربنا بيرويك بفرج يُنسيك كل التعب!

مستني شغل؟ شفاء؟ زواج؟
ربنا بيقولك: "أنا قادر"

يا بخت اللي هيفضل واقف على باب الكريم سبحانه وتعالى 👌

مانسيتكم .. دعيت لكم،
عسى الله أن يبشركم بالخير والجبر، ويقضي حوائجكم جميعاً، ويرزقكم خير الدنيا والآخرة 🤍
🫧

س: أنا خلاص تعبت ومضغوط جدا وحاسس مش قادر أكمل، ممكن تنصحني؟

ج: استعن بالله ولا تعجز..
خلاص إنت في آخر محطة في رحلة الثانوية!
افتكر تعبك وجهدك طول الرحلة، افتكر تعب أهلك معاك،
افتكر تعب مدرسينك معاك، وافتكر تعب كل واحد اهتم بحالك..

هترمي كل ده في آخر محطة!

جدد نيتك إنك بنجاحك وتفوقك بتفرح أهلك وتبرّهم، وبتعز المسلمين وترفع شأنهم.
وساعتها تعبك دا كله هيكون في ميزان حسناتك إن شاء الله.

وانت كدا كدا هتتعب سواء في الثانوية أو غيرها؛ لأن دي طبيعة الدنيا..
فاستحمل التعب واصبر وجدد نيتك لله
وأبشر خيرا يا بطل.

#س_ج_ليالي_الامتحان

السلام عليكم ورحمة الله وبركاته
صباح الخير يا شباب

من نفس الباب اللي ضعف إيمانك منه، اعكسه..إيمانك بإذن الله يزيد!

لو ضعف إيمانك بسبب معصية؟
➤توب.. ترجع.

بسبب قلة طاعة؟
➤طِيع.. ترجع.

بسبب قلة علم؟
➤ اتعلّم.. ترجع.

بسبب شواغل الدنيا؟
➤فرّغ نفسك للطاعة.. ترجع.

اعكس الحاجة اللي نزلتك،
هتلاقي بإذن الله نفسك طلعت..

أمي تقول أنه حسد
والطبيب يقول أنه مرض
ورجل الدين يقول انه الشيطان
والدجال يقول انه سحر

وأنا الوحيد الذي اعرف السبب؛

ذنوبي!!

مش كل مرة هتلحق 😱!!
زي ماحصل الزلزال فجأة ...الموت برضو هيجي فجأة
ملك الموت هيجي فجأة وإنت ع حالك
👈 لو لابسة ضيق أو مش محجبة
👈 لو بتعمل أي معصية في السر (عادة بقى ، شات من إياه ، صور مش تمام)
👈 لو حاطة الضوافر الاكريليك والهارد جيل او اكستنشن أو أي حاجة من اللي بتخلي وضوئك أو اغتسالك مش صح وبناءً عليه صلاتك كلها مش صح

🚫 اوعى تعتمد إني هبقى أتوب لما أكبر في السن
أو لما يجي أعراض مرض الموت
❌مافيش الكلام ده
إنت ممكن في لحظة ورقتك تتسحب
فخليك واعي للحظة دي واستعد ليها من دلوقتي 👌

#رسايل