الصلاة راحة💗"

احنا اللي محتاجين ربنا 💗"

السلام عليكم ورحمة الله وبركاته
صباح الخير يا شباب

مفيش حاجة اسمها "فاتك الأجر"..
حتى لو مش رايح تحج السنة دي، لسه قدامك فرصة إنك تُكتب عند الله "حاج"، وتاخد الأجر كامل من غير ما ينقص من أجر الحاج حاجة إن شاء الله!
رسول الله ﷺ قال: "من جَهَّزَ غازيًا أو جَهَّزَ حاجًا أو خَلفه في أهله، أو أفطر صائمًا كان له مثل أجورهم، من غير أن ينقص من أجورهم شيء."
يعني تعرف حد رايح يحج؟
أختك، أخوك، جارك، قريبك، حتى زميلك..
لو خليت بالك من أهله وهو مسافر، أو ساعدته في تجهيز سفره، أو خففت عنه مسؤولياته..
يبقى ليك أجر الحجة كاملة إن شاء الله، وأنت قاعد في بلدك!
دي فرصة عظيمة جدًا، متفوتهاش..
النية الطيبة والعمل الصادق يفتحوا لك أبواب من الحسنات مكنتش تتخيلها.

اللهم ارزقنا وإياكم الحج والقبول، واكتب لنا أجره وإن فاتنا فعله.

أقترب يوم عرفة
جهزو أمنياتكم رتبو دعواتكم
وأستعدوا ليوم عظيم ورب كريم
يسمع الدعاء ويفتح ابواب السماء

إن العمر لا يعود - والموسم لا يدوم - وتزودوا فإن خير الزاد التقوى ، كبّروا ليبلغ تكبيركم عنان السماء - كبّروا فإن الله عظيم يستحق الثناء .. ( الله اكبر الله اكبر الله اكبر لا إله الا الله ، الله اكبر الله اكبر ولله الحمد )

رمضان كان موسم خير، صناديق التبرع في كل حتة، إعلانات، مبادرات، الناس كلها بتتسابق، والكل بيقول:
"فيه عتق من النار، يلّا نلحق!"

طب تفتكر العشر من ذي الحجة أقل!
دي الأيام اللي ربنا أقسم بيها، وكل عمل صالح فيها بيحبه سبحانه وتعالى..
يعني كل صدقة فيها ليها وزن تاني!

رسولنا ﷺ قال: ”ما من أيَّامٍ العملُ الصَّالحُ فيهنَّ أحبُّ إلى اللهِ من هذه الأيَّامِ العشرِ.“
يعني كل جنيه بيطلع منك = فرصة تتضاعف أضعاف في أيام ربنا بيحب فيها العمل الصالح.
وزي ما كنت بتحرص على الصدقة في رمضان وخصوصًا في ليالي العشر الأخيرة عشان ماتفوتش أجر الصدقة ليلة القدر، فبردو في العشر لو مقتدر ماتفوتش أجر "الأضحية"، فهي سنة مؤكدة عن رسولنا ﷺ، أو أجر الصدقة بأي مبلغ تقدر عليه.

وممكن تتطلع صدقة يوم عرفة من بواقي فكة كل يوم، ومهما كان مبلغ بسيط ماتستصغروش!
الصدقة مش بقيمتها المادية على قد ما هي بصدق نية صاحبها؛ لأن ربنا مطلع على القلوب مش بس الأرقام.
الجنيه اللي بتطلعه لله مش عادي، دا بيشهدلك عند ربنا، وبيفتحلك أبواب رزق، وستر، وبركة أنت نفسك محتاجهم.
وخلي بالك أنواع الصدقات كتير، فحاول تغتنم كل اللي تقدر عليه، من نشر علم ومساعدة غيرك وابتسامة للناس وإطعام سواء لأهلك أو حتى لطير..
كلها أبواب صدقات مستنية نيتك وعزمك عشان تتفتحلك.
#رمضانك_المُصغّر

كيف تطلب نصرا على عدوك وأنت لم تنتصر بعدُ على نفسك؟!

فلم تحافظ علي صلواتك في المساجد ولا ورد قرآنك..

أو قيام ليلك وصوم نهارك.

بعيدون نحنُ بمقدار بُعدك!

.
السلام عليكم ورحمه الله وبركاته
صباح الخير ياشباب

ركز على ما يمكنك فعله، كلما عدت للماضي قم بجرّ نفسك للحاضر، جاهد نفسك.

د. أسامة الجامع

في هذه الأيام المباركة، من المستحب الدعاء للميت بالرحمة والمغفرة، وطلب من الله أن يرحمه ويغفر له، وأن يجعل قبره روضة من رياض الجنة. كما يمكن الدعاء له بالثبات على الصراط المستقيم، والقبول في الجنة.

خالد محمد

ولا تنسوا الدعاء لأبي رحمه الله تعالى عليه
اللهم اغفر للمسلمين والمسلمات الأحياء منهم والأموات.

.
يا أصحاب الحاجات يوم عرفة علي الأبواب
ادعُ ربَّك ولا تستعظم مطلوبك, ولا تستكثر سؤالك, بل ادعُه وكلُّك ثقة بجوده وكرمه, وغناه وقدرته, فإنه لا يعسُر على الغني القادر أن يعطي مَن شاء ما شاء“

ومن هذه الوظائف والأعمال التكبير والتهليل؛ فعن عبدالله بن عمر رضي الله عنهما، عن النبي صلى الله عليه وسلم قال: ((ما من أيام أعظمُ عند الله ولا أحبُّ إليه العملُ فيهن من هذه الأيام العشر؛ فأكْثِروا فيهن من التهليل والتكبير والتحميد))؛ [أخرجه الطبراني، وأحمد، وأبو عوانة، وهو حسن بمجموع شواهده].

غزة مادة اختبار!
وجميعنا مختَبرون، واحدا واحدا.
فمن متآمر، وسلبي، ومتألِّم بلا عمل، وعامل بلا كسل، وداعٍ يوقظ غيره.
هم درجات عند الله.

.
صبَاح الخِير يا صحب..
أمَـا بَعد:

رُبما أنتَ الآن تائهٌ في ضجيج الحياةِ ومعاِركها، ولكن عليّ تذكيرِك أنه مهمَا كانت المسافة التي قطعتها مع نفسك حتىٰ الآن ستصِلّ!
واصِل السير يَـا فتىٰ، الله يعلم أنك تُحارِب جيوشَ الأيّام وأنتَ فردٌ واحِدٌ.
سُيعلمك الصبرُ ويُهذبك، ستُزيدك العثراتُ قُوةً، سيُعيد الإيمَانُ ترمِيمك، ستعلم مُراد اللهُ مِنك عَـاجلًا أم آجلًا.

لا عليكَ بحالِك الآن، ولا تُثقِلْ نفسَك بتساؤلاتٍ لا جواب لهَا بنظرتِك القَاصِرة، وإنمَـا عليكَ السعي والتوكُل مُوقنًا أن الله لن يُضيعك؛ حَـاشَـاهُ.

.
وقتك ووقتي مش مضمون، صلي يا صاحبي
في لحظة اهو بلد كامله كانت هتروح فيها بكل ناسها
لو مش هتتعظ دلوقتي طيب من المرض اللي انتشر والمطر اللي بينزل في وقت مش وقته والبرق والرعد والزلازل وموت الفجاه للشباب وتتوب هتعملها امتا طيب؟

بالله عليك يا اخي الحق نفسك وتوب لله واستغفر الله وأبكي ليه وتضرع وهوا سبحانه متطلع عليك وهيعينك

السلام عليكم ورحمة الله وبركاته
صباح الخير يا شباب

عارف إن الدنيا بقت سريعة، والناس بقت عايزة تعمل كل حاجة بسرعة، وتاخد أجر كبير بأعمال بسيطة..

طيب اقرأ معايا الحديث ده 👇

قال رسول الله ﷺ: "عمرةٌ في رمضان تعدِلُ حجَّة"
وفي رواية: "حجة معي"!
تخيّل!
تعمل عمرة في رمضان، يبقى لك أجر حجة مع النبي ﷺ!
طبعًا هتقولّي:
رمضان لسه، وإحنا فين ورمضان فين!!
هقولك:
لو معاك، اعزم النية من دلوقتي!
حطها في خطتك: السنة دي هعمل عمرة في رمضان إن شاء الله.
ولو لسه مش معاك..
ابدأ حوّش، واعزم على الأمر
حتى لو الطريق صعب، اجتهد، وخلّي النية حاضرة.

وصدقني لو كنت صادق؛ ربنا هييسرلك الطريق، ويمكن يوصلك لحاجة ماكنتش تتخيلها!

وحتى لو ماوصلتش، الله عز وجل هيأجرك على السعي والنية؛ لأنه يرى قلبك، ويعلم حالك.
فمتبخلش على نفسك..
وخلّي من دلوقتي نيتك: عمرة في رمضان؛ علشان تحج مع النبي ﷺ.
اللهم ارزقنا صدق النية، وقبول العمل.

.
فهمنا عذرك حين أخفى الله ليلة القدر
وسط عشر ليال، فكسلت!
أما اليوم وقد أخبرك الله أن يوم عرفة هو اليوم المشهود وموسم المغفرة والجود، فما عذرك؟
#يوم_عرفة

س/الجو حر واليوم طويييييل في الصيف ...حقيقي الصيام مش سهل ...مافيش حل ؟؟
*
ج/ الحل إنك تعرف حديث النبي ﷺ
"إن لك من الأجر قدر نصبك ونفقتك."
وكمان حديث:
"ما من عبد يصوم يوما في سبيل الله إلا باعد الله بذلك اليوم وجهه عن النار سبعين خريفا."
يعني جهدك وتعبك في الصيف أجره كبييييير
يعني كل لحظة بتبقى عطشان او جعان فيها مش هتضيع ده ليها اجور كتييير
يعني كل يوم هيبعدك عن النار سبعين سنة ودي حرها لا يقارن بحر الدنيا خالص ...ده اكتر يوم حر في الصيف ده نفس واحد ليها
لما تفتكر الأجر الكبيييير هيهون عليك التعب وفي نفس الوقت خد بكل الأسباب اللي تخليك قادر تصوم من غير تعب بس أهم حاجه اوعى تسيب الصيام عشان الدنيا حر واليوم طويل خصوصًا إننا في أفضل أيام الدنيا
وربنا يتقبل منك
#رسايل_العشر #افضل_ايام_الدنيا

نداء إلى النساء في يوم عرفة📣

- يوم عرفة (يوم الوقفة) ده يوم عظيم وليه فضل كبيييير
سيبك من طقوس تنظيف البيت (حتة حتة كرسي كرسي سرير سرير .....حتى تحت السرير 😁)
مش يومه ياست الكل....

- يوم عرفة محتاجة تتفرغي فيه للعبادة والدعاء مش يوم النظافة السنوية

- صيام يوم عرفة بس بيكفر ذنوووب سنتين
قال الرسولﷺ عن صيام يوم عرفة : يكفر السنة الماضية والسنة القابلة) رواه مسلم .

- وكمان أفضل الدعاء دعاء يوم عرفة يعني أمنياتك كلها تجمعيها كده وتقعدي تركزي وتدعي مش تضيعي الوقت في التنظيف
في الحديث : (خير الدعاء دعاء يوم عرفة )

- مش كده وبس ده أكثر يوم يُعتق فيه عباد من النار هو يوم عرفة !

👈إن شاء الله يوم عرفة يوم الخميس فلو حضرتك مصممة علي التنظيف يبقا الموضوع ينتهي يوم الأربعاء
يعني قدامك ٣ أيام بحالهم تعملي فيهم اللي عاوزاه
وتفضي كده يوم الخميس للعبادة و الدعاء وبسسس😤
ربنا يتقبل منا ومنكم
#رسايل_العشر #أفضل_أيام_الدنيا