لازم نبقى عارفين ان الحالة النفسية للإنسان مش شرط تكون متّصلةً بمدى إيمانه وقوة يقينه وعلاقته بربنا وبس

سيدنا موسى عليه السلام قال "ويضيق صدري" وسيدنا يعقوب بكى حتى "إبيضّت عيناه من الحزن"
وربنا وصف سيدنا محمد ﷺ بقوله " فلعلك باخع نفسك على آثارهم" باخع أي: مُهْلِك نفسك من الغم والحزن.

فلازم مننساش انها دنيا .. وربنا قال "لقد خلقنا الإنسان في كبد"، وإن الراحة والسعاده الأبدية هتكون في الجنة

فدايمًا نستعين بربنا علي كل إبتلاء ونصبر، وندعي دعاء سيدنا محمد ﷺ ونقول" اللهم إنا نعوذ بك من الهم والحزن والعجز والكسل وغلبة الدين وقهر الرجال."

لما ربنا ينعم عليك بطفل " طبيعي"، والطفل ده
يجيب درجات كويسة بتبقى مبسوط. لما يبقى مؤدب، بتبقى مبسوط.
لكن كونه "طبيعي" دي حاجة تبسط لوحدها لانها هبة.
لكن لو ربنا كرمك بطفل عنده حدود معينة، التعلم، ولو بأبسط درجاته بيحصل ببطء وممكن ميحصلش خالص.
عايزة اطلب منكم خدمة بخصوص موضوع التعليم الخاص للناس اللي عندها توحد، أو عسر قراءة، أو فرط في الحركة، أو صعوبة تركيز، وغيرهم.
لكل الاطفال اللي بيكافحوا كل يوم علشان ينجحوا، ولكل اللي بيساعدوهم، علموا الاطفال اللطف وتقبل كل زملائه‍م في الفصل.
الاطفال اللي عندهم احتياجات إضافية، زي كل الناس، محتاجين يبقوا مقبولين من اللي حواليهم.
احنا محتاجين ننشر الفكر ده.
كل طفل مميز ومختلف، وده جزء من جمال العالم.
❤️🧡💛

الكلمة الحلوة بتفرق
علموا ولادكم يكونوا رحيمين بنفسهم علي أصحابهم
مش عارفين قد ايه اهاليهم بتعاني و بتبذل مجهود مضاعف عشان تحافظ علي نفسية ولادها
متخليش إبنك او بنتك بكلمة سخيفة يهدوا كل المجهود ده